|
|
|
|
|
 |
 |
 |
16-09-2009, 03:34 AM
|
#281 |
 |
رد: ضيوفنا في اليوم السادس والعشرون @ابومتعب الخزمري@فارس القبيله @عالمي زهران فليتق
بإنتظار النجوووم |
|
|
 |
 |
 |
|
|
|
|
|
16-09-2009, 03:03 PM
|
#282 |
|
رد: يـــــــو مــــــيـــات صــــــائـــــــم!!!!!
الله يعطيكم العافيه
وكل عام و انتوا بخير |
|
|
|
|
|
|
|
|
|
|
|
|
17-09-2009, 04:50 PM
|
#283 |
|
موقوف
|
يومياتي مع الاعتذار
اشكر الاخ الصغير1 على الاستضافه واعتذر عن التاخير في المشاركه ولكن ظروف العمل !!
عالعموم احب ابارك لكل اداريي ومشرفي واعضاء وزوار منتدى زهران واخص الغاليين > احمد اللقطي و صافح السرفه وعبدالرحمن بن مساعد واحمد مريع بقرب حلول عيد الفطر المبارك وعساكم من عواده .. يومي يختلف نوعا ما عن الاغلبيه من الناس فكل يوم يختلف عن اليوم اللي قبله لكن دائما مايكون اصلي الفجر ومن ثم العوده للمنزل وابدا في جلستي مع سطام وسديم في هذا الوقت لانني بصراحه لايوجد وقت طوال اليوم للجلوس معهم والاهم من هذا كله انني اجدهم تعبانين وفيهم نومهم لاني اتعب كثيرا بالذات مع سطام عندما اتي للبيت وهو توه صاحي ..شلني ونزلني !! بعدها اروح انسدح واقرا لي صفحتين او ثلاث من القران وبعدها نومه الين الظهر .. وتكيه الين العصر على النت ومتابعة الاسهم والاخبار ولا متابعة اي اعاده لبرنامج رياضي فاتني .. بعد العصر ان فيني نوم نمت الين المغرب واذا مالي خلق خت العيال وعلى اقرب ملاهي ولا حديقه واحيانا امر سوق الطيور لمشاهدة مافيه من شروخ وقنابل !! هذا المكان استمتع بالروحه له لسببين اولا الاولاد منبهرين بمشاهدة انواع الحيوانات والطيور التي لم يروها من قبل والسبب الثاني اني احس كني داخل وكر مشبوه !! تحس اللي يبعون الشروخ يكلمك خايف ويتردد في كلامه مهما حاولت انك تطمنه .. وتشوف اثنين من اللي يبعون يتشاورون ويشرون على واحد متكي عالعمود من شكله دريت انه جسس !! المهم تروح العصريه هناك ومايمديك تاصل البيت الا والسفره عالطاوله انا اجلس هنا وام سطام قدامي ويساري سطام ويميني سديم .. يالبى قلوبهم كلهم وبالذات اللي قبالي !! فطوري بالعاده من شوط واحد بسبب العمل مايمديني افطر دفعتين ولا قد بدينا بالعمل عشانا كذا اختصر السالفه وكلها لقمتين سنمبوسه وطاسة شربه وصحن مكرونه وصحن فطاير وصحن رولات وصحنين حلى وكاستين تانج وكاسة مويه وكاسة توت وصحنين لقيمات قدامي بس ماكليته لاني بصراحه ماحبها وهو الصحن الوحيد اللي يبقى زي ماهو قدامي !! نصلي المغرب وسيده عالبيت اجي القى شاهيي جاهز واجلس مع العائله ونتابع بعض المسلسلات شعبان في رمضان + بيني وبينك = واحيانا من اللعانه احط اي مباراه واتفرج !! مابين ذلك تتم الاتصالات وين بتروح وفين تجي .. بعدها نصلي العشا والتراويح وارجع البيت واخذ لي اي شي طارف من المطبخ واغير ملابسي وسيده عالاستراحه وعاد هناك يانتابع مباراه ولا طقها سوني ولا ننتف واحد من الشباب الهلاليين !! ماتجي الساعه 2 الا وقد طلعت من الاستراحه واول ماطلع اتصل بالوالده واسلم عليها واشوف اخبارها ..وبعدها اروح اخلص كم شغله مع العمال واتجه للبيت وعالسحور ومن ثم الصلاه وبعدها ارجع اتكي مع سطام اللي من اليوم مزعجني باتصالاته > فين انته .. دوام .. !! من كثر مايسمع اني مدوام !! هاذي حياااتي ...>> مع اني ماطيقه ولا اطيق برنامجه .. بس يلا عشانكم بس ... اما الموقف اللي مانساها في رمضان فكان في الشرقيه .. طبعا حقين الرياض مايتهنون بالعيد الا بهافمون .. من زمان هالكلام كنا طالعين اربع عوائل عند ابو نسب .. الله لايحرمنا !! كان اخر يوم في رمضان ومن الليل دوران وفراره انا وسلطان الله يذكره بالخير .. اذن الفجر وحنا لسا في هافمون وماتسحرنا ولا شربنا مويه حتى ماغير قزقزه وشف هذي وش رايك في ذيك !! > طبعا هالكلام من زمان الحين لالالا !! المهم فكرنا نفطر .. استغفر الله العظيم .. كيف ياولد الشيبان هناك والشباب بيشمون ريحة الدخان .. وش الدبره قلت ياولد مالها الا هي !! وشهي ؟ دز عالرياض !! وين نروح ؟ قلت امسك طريق الرياض وادعس الين جوده وهناك صفط واثنين كولا وبكتين وارجع عالدمام على مهلك !! سويناها الله يغفر لنا ويتوب علينا وكل ما اتذكر هالسالفه اضحك واقول من جد مرااهقين !! عساني ماطولت عليكم !! وكل عام وانتم بخير |
|
|
|
|
|
|
|
|
|
|
|
|
21-09-2009, 02:43 AM
|
#284 |
|
|
رد: يـــــــو مــــــيـــات صــــــائـــــــم!!!!!
كل عام والجميع بأحسن حال ..
شكرا ً للأخ الصغير على استضافة الاخوان جميعا ً .. |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
