غضب مجلس الشورى على الخطوط السعودية ( قضية + فضيحة )

[الصقر المهاجر]

غريبة .. غريبة ..
ما تعودنا كل هالجراءة من مجلس الشورى ..
ولا تعودنا ان مجلس الشورى في صف المواطن .. رغم انه صوت المواطن ..

اول مره نسمع المجلس يناقش القضية بكل حماس واندفاع قوي ..
تدرون ليه .. اقطوا ايدي اذا ما كان احد منهم حصل له موقف بالمطار او احد عائلاتهم

وهذه هي المرة الاولى التي نرى المجلس بها قوي .. ونتمنى ان نراه دائما
ومع كل المقصرين ..

الغريب في الموضوع ان المجلس يبدع دائما في طرح المواضيع الساخنة .. ولكن السؤال المهم
على النقاش انتهى .. او حصل التغيير ... او ان المشكلة تم حلها ..

قبل ايام قليلة .. الكل سمع النقاش الحاد .. والذي كان يدور حول مشاكل الخطوط السعودية
هل الخطوط السعودية .. اول مره تتجاهل احترام الناس .. ام انها اول مره تسيء التعامل مع الشعب

طبعا .. نحن متعودين على التعامل السيء من قبل الخطوط السعودية ..
والحمد لله عندنا مواصلات النقل متوفرة والشعب كلهم اصحاب سيارات فارهة .. ( يعني ما يحتاج طائرات )

تخيلوا اننا نسكن في ولايات او جزر ولا بد من الطيران .. للتنقل بين المدن ..
قسم كان رحنا شربة (( اذا ما عندنا الا هذه الخطوط ))

القضية عرضت على المجلس .. وتم النقاش والحوار عنها ولكن هل وجد هناك اي اهتمام من قبل الخطوط
تقديرا لهؤلاء الوزراء عالاقل (( طبعا الشعب عارف قدره عندهم ))

والكيد لا .. من متى وحوارات المجلس تاخذ بين الاعتبار .. هؤالا التجار يتلاعبون بالاسعار
وخصوصا بعد الراتبن .. وفي ظل الرقابة .. العالية والقرارات الصادرة ..

وهل نظن ان الخطوط سوف تتغير او تحسن من خدماتها بعد هذا الاطراء .. اذا التجار عيال عمهم ما اهتموا
هل تهم الخطوط السعودية او الاتصالات السعودية ولا حتى وكالات السيارات .. او البنوك والمصانع ..

ما يدور في المجلس يظل في المجلس .. طالما انه لا يوجد هناك رقيب او حسيب ..

في الحقيقة من زمن طوووويل والخطوط السعودية .. وهي مستفزة للمواطنين واسواء الطائرات والخدمات
على مستوى العالم ..
وكل عام ومن سنين طويلة والكل يتحدث عن ردائة وسوء تعامل الخطوط السعودية مع عملائها ..

وهذا دليل جديد واخير ...
ولكنه قوي شوي
1

2

3

شكرا يا مجلس الشورى .. بردت قلوبنا شوي ولكننا لازلنا طامعين في تغيير طاقم هذه الدائرة

البيان اللي اصدرته الخطوط السعودية ليس مقنعا .. ولكل عام نفس الاعذار
يعني الاحوال الجوية فقط بالسعودية .. والخطوط الاخرى والعالمية ليه ما تاثرت من الاحوال الجوية

وهل اخلاق موظفيها وسوء تعاملهم .. له علاقة بالاحوال الجوية ..

الكلام يطول والحديث كبير عن الخطوط السعودية .. والحجوزات ( مغلقة )

يقولون مدير عام الخطوط عنده 28 نائب .. من كثر طياراتهم والمطارات والرحالات
ما يقدر يديرها لوحده ..
ليه ما يترك الكرسي لغيره .. مدير بنائب واحد فقط ..

على فكرة ما سبق فلم بطولي رائع من مجلس الشورى .. هذا الجزء الاول
ونحن واياكم بانتظار الجز الاخير ..

تحياتي للخطوط الجوية السعودية .. على سوء المعاملة
وتحياتي لمجلس الشورى على اثارة القضية .. ولكن لا حياة لمن تنادي

الله يعيننا على هذه الخطوط

تقبلوا تحياتي
اخوك: الصقر المهاجر
ابو باسل

[ALRAGI]

الله يحق الحق
شاكر لك

[عطيه بن عدوان]

طيب يا .. غضب الشورى .
والله لو يغضب من هنيه الين شقصان . انه مجلس يعني سواليف .وعفاكم

[يحيى محمد الزهراني]

اهلا ابو باسل
كيفكم يا اهل الصافح الشرقي بشرنا عن عساف وش اخباره
اما مجلس الشورى فلم ولن يصل الى ما وصل اليه مجلس الامه بالكويت من قوه وفرض رأي الا بعد عشرات السنين
ونقاشهم مع الخطوط لم يأتي من فراغ مثلما قلت يمكن احد الاعضاء صار له مشكله مع الخطوط ويبغون ينتقمون
فقط ولا تتوقع من مجلس الشوري يكون في صف المواطن واذا كان انهم صادقين فليناقشوا جشع واستغلال
التجار للمواطنين بعد الزياده ويطالبوا بالتعجيل بتأسيس هيئه للغش التجاري تكون فعاله وجاده
للحد من اطماع التجار الفجار
تحياتي لك ابو باسل

[اميرالعز]

كلام جميل جدآونشكرعلى الذي كتبته ولكن لاحيات لمن تنادي والله يعطيك العافيه

[الصقر المهاجر]

اقتباس: المشاركة الأصلية كتبت بواسطة ALRAGI      الله يحق الحق شاكر لك

امين يا رب

اشكرك على مرورك ولك اجمل التحايا

[الصقر المهاجر]

اقتباس: المشاركة الأصلية كتبت بواسطة عطيه بن عدوان      طيب يا .. غضب الشورى . والله لو يغضب من هنيه الين شقصان . انه مجلس يعني سواليف .وعفاكم

والله انك صادق .. ولكن عسى ان يكون هذا الغب دائم
او انه يغير شيء بالخطوط السعودية

كله كلام وانا اخوك ..


اشكرك من كل قلبي على مرورك العطر ولك تحياتي

[الزهراني حسام]

اخي ابو باسل
قبل اسبوعين كنت حاجز من جده للرياض يوم اربعاء كان الاقلاع الساعه 4 ونصف العصر طلعنا الطايرة ورجعونا من المدرج ونزلونا في الصاله داخل المطار واعلنوا عن سوء الاحوال الجويه وحددوا الساعه 8 مساء للاعلان الوقت الجديد للاقلاع انتظرنا وجت الساعه 8 مساء وقالوا نحدد لكم الساعه 1 بعد منتصف الليل وانتضرنا الى 1 ليلا تخيل امتلى المطار بالمسافرين لدرجة والله ماتقدر تمشي جت 1 في الليل والمشكله ان رحلات الساعه 8 مساء ورحلات 10 مساء المتجههة للرياض اقلعت ورحنا الساعه 1 لموظفي الخطوط وكانت الكارثه يقولون الطيار والطاقم حق رحلتكم رفضوا السفر والاقلاع بالطايرة شف العذر الاقبح من الذنب .. طيب يعني ؟؟ قالوا انتظروا جن جنون المسافرين تهجموا على موظفي الخطوط وتجمهروا داخل الصاله واقتحموا مكتب المشرف والله انهم هربوا من خلف الكاونترات والمشرف ترك مكتبه وهرب وردد المسافرين هتافات من ضمنه (( الملحم وينه .. في الاستراحه))
والله يااخي ما طلعونا الطايره الا الساعه الثمنه صباحا ووصلت لبيتي الساعه 11 الضهر تخيل من اليوم اللي قبلها 4 العصر شوف كيف الذل والاهانه واللا مبالاة بالناس
تخيل هذا الوقت الطويل فيه شايب جنبي بالصاله معه عائله كبيرة يقول والله انقطع الحليب عن طفل رضيع معي ولا فيه في المطار حليب والاسعار بالمطارات اضعاف مضاعفة ووالله ان الاطفال من الطفش والتعب يبكون يالله عذاب ..

لابد من فتح المجال لشركات طيران منافسه حتى لا نعاني مع الخطوط السعوديه التي والله والله تنظر للشعب كأنهم بهائم مع احترامي للقارئ

تحياتي

[فهد سعود الزهراني]

اهلا بك يابوباسل

اجدت الحديث ولكن الضرب في الميت حرام

تحياتي لك وليتني القى شي يساعد على التفاؤل مع المجلس والا الخطوط ولكن؟؟؟؟

[شتآتـ]

الخطوط السعوديه اسوء خطوط جويه بالعالم بلا منافس

لكن المشكله ماعندنا غيرها

وثورة مجلس الشورى لم تاتي من فراغ

مثلما ذكرت اكيد واحد من الاعضاء اوو من اقاربهم حصل لو مشكله مع الخطوط

ياليت دائما تصير لهم مواقف ومشاكل علشان يحسون بالمواطنين

اللي يقهر لمن تحجز قبل موعد السفر باسبوعين او اكثر ويجي وقيول لك انتظار
والطيارات تقلع احيان ونصها فاضي !!!!

والاسوء والاسوء لمن تجي تحجز يقول عشر دقايق وفي الاخير تنتظر ساعه ولا في فايده

قال ايش قال نتعتز بخدمتكم

امحق خدمه