برمودا تحت العباه والسيقان طالعة

[صقر الديرة]

برمودا تحت العباه والسيقان طالعة

في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت لين البست عباه مطرزه مزحرفه ملونه قلنا عنها صايعه وغير متربيه .. او ماوراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..

عموما .. انا ماودي اتطرق واتكلم في امور قديمه ياما تكلمنا عنها ..



لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا القصير تحت العباه .. وياريت تكون العباه مسكره ..

الا مفتوحه وتظهر السيقان وفرجه للكل ..

يعني ودي اعرف شهدف الفتاه لما تلبس برمودا والسيقان طالعه ووتشمى في المجمع وبكل ثقه ؟؟

والي يبط الجبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قلله ادب ومش متربي وووو .... الخ ..

طيب اذا اهو قليل ادب انتي شتطلعين ؟؟ انتي ماحترمتي نفسج ولا حشمتي الموجودين بالمكان

ليش تتوقعين من الشباب يحترمونج او يعملولج حساب ؟؟ ودايما نقول : من سوا روحه سبوس العبت به الدياي .


والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟

اوكي خل الاهل على صوب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالاشيا صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟


واسمحولي اذا طولت عليكم ..

بانتظار مشاركاتكم وارائكم بالموضوع

[أحـلام السـنيـن]

الله يهدي جميع المسلمين .. مشكور صقر الديره طرح جميل ومميز .. وفقكـ الله .

[صقر الديرة]

اقتباس: الله يهدي جميع المسلمين .. مشكور صقر الديره طرح جميل ومميز .. وفقكـ الله .

اسعدني مرورك

[~~سحر انثـى~~]

]

[الصقر الجنوبي]

يعطيك العفافيه طرح جميل واتمنى الجميع يشارك فيه برايه او بفكره

واتمنى ان يكون في اخر النقاش نصائح وقصص واقعيه

الله يستر على بناتنا ونسائنا وكل بنات المسلمين

[صقر الديرة]

اقتباس: يعطيك العفافيه طرح جميل واتمنى الجميع يشارك فيه برايه او بفكره واتمنى ان يكون في اخر النقاش نصائح وقصص واقعيه الله يستر على بناتنا ونسائنا وكل بنات المسلمين

اسعدني مرورك

[سكون]

صباحكم مسرات..
..
أخي الكريم..
هذا هو الغزو الفكري!!!
فأن رايت المنكر أزله بيدك ..وأن لم تستطع فبلسانكـ
وأن لم تستطع فبقلبكـ وذلك اضعف الأيمان..
وابعد ناظريك عنها..
فهذا أكبر دليل على كرهكـ لما تراه..
أما أن تسلط عليها عيناكـ وبعد ذلك تنتقدها!!!!
فالنظره سهم من سهام ابليس..
..
ملاحظه..
ليس كلامي موجه لصحاب الموضوع فقط..!!!

[صقر الديرة]

اقتباس: صباحكم مسرات.. .. أخي الكريم.. هذا هو الغزو الفكري!!! فأن رايت المنكر أزله بيدك ..وأن لم تستطع فبلسانكـ وأن لم تستطع فبقلبكـ وذلك اضعف الأيمان.. وابعد ناظريك عنها.. فهذا أكبر دليل على كرهكـ لما تراه.. أما أن تسلط عليها عيناكـ وبعد ذلك تنتقدها!!!! فالنظره سهم من سهام ابليس.. .. ملاحظه.. ليس كلامي موجه لصحاب الموضوع فقط..!!!

جزاك الله خير الجزاء