منتديات زهران  

العودة   منتديات زهران > المنتديات المتخصصة > الموروثات الشعبية

قصيدة لشاب فقير خطب بنت عمه المليونير


الموروثات الشعبية

إضافة ردإنشاء موضوع جديد
 
أدوات الموضوع
  #1  
قديم 05-07-2009, 09:37 PM
الدوسي المنهبي الدوسي المنهبي غير متواجد حالياً
موقوف
 






الدوسي المنهبي is on a distinguished road
افتراضي قصيدة لشاب فقير خطب بنت عمه المليونير


سبحان من يرزق بتوع الملاييـن*** الرازق اللي ما يخيب الرجـا بـه
لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة
الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه
قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة
قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه
لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة
والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة
وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة
وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه
وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه
هذي الشروط اللي على بالي الحين***وذكرني اللي ما حسبنـا حسابـه
قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه
ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه
شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه
وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة
يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه
قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة
الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة
يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه
تراك شايب رأس مالـك رياليـن ***والبنت ما تسوى جنـاح الذبابـة

قال انقلع مالت على وجهك الشين****لا عاد أشوفـك عندنـا يالزلابـه
قلت ابشر أبشر لكن الباب من وين**وأقفيت من عنده على صوت بابـه

التعديل الأخير تم بواسطة الدوسي المنهبي ; 05-07-2009 الساعة 09:45 PM.
رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع : قصيدة لشاب فقير خطب بنت عمه المليونير
الموضوع كاتب الموضوع المنتدى مشاركات آخر مشاركة
قصه فقير تحول الى مليونير‎ ابو يزيد الحريري الإستراحة 5 07-04-2009 02:48 AM
شاب فقير خطب بنت عمه المليونير ابــــوراكــــان الشعر المنقول 3 18-10-2008 08:33 PM
نهاية فقير يعشق .. مترفة عبدالرحمن الزهراني الشعر الشعبي 4 27-07-2008 01:55 PM
السجن 15سنة لشاب صوّر فتاة في حائل المعتقل المنتدى العام 12 15-06-2008 09:20 PM


الساعة الآن 04:32 AM.


Powered by vBulletin
Copyright ©2000 - 2024, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved