إِلاَّ مَحَبِّتِكْ عَيَّتْ مِنْ يِدَاوِيهَا ‎

[عسله]

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِِ مَا يِرَاعِيهَا
بُكْرَهْـ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْـ عِينِي مِنْ يِدَارِيهَا ؟
مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا ؟
يَكْفِينِي إِنِّكْ رِحَلْتْ وْ مَنْتَ { عَايِفْنِي }
هَذَا عِزَا النَّفْسْ مِنْ كِثْرَة بَلاَوِيهَا
أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا
وْ أَهْدِيتِنِي جَرْحْ مُوجِعْنِي وْ عَاجِبْنِي
لِأَنَّ الهَدَايَا عَلَى مِقْدَارْ مِهْدِيهَا
صَحِيحْ { حِنَّا انْتِهِينَا } بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا
مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا
لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎
إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎
فَارَقْتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا
مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا ‎
أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎
نِشَدْتْ عَنِّكْ وْ سِمَعْتْ إِللِّي { يِفَرِّحْنِي }
وْ يِرْتَاحْ صَدْرِي مِنْ هُمُومِِ يِحَاتِيهَا
تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا

مما راق لي

[كسرني رحيله]

شكرا على النقل أختي الكريمة وأيضاً راقت لي
كوني بالقرب دوماً..

[الفيصل]

وَاللّه يِلْعَنْ أُبُو الفَرْقَا وْ طَارِيهَا

الله من اجمل مآقرئت بصراحة .. دقة في الاختيار .. وروعة في النقل ..

دام عبق قلمك فوآحآ .. ودامت انتقائاتك .. رائعه .. بروعتك ..

مودتي

[ابوفراس2010]

يعطيك العافيه ع النقل المميز
أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا