سولفوا لنا عن ماضيكم في شهر رمضان .

[أبو مراد الزهراني]

اقتباس: المشاركة الأصلية كتبت بواسطة نسيم السروات      حياك الله يابو مراد بالهناء والعافية عسى قهوتي زينة تراني حوجتها بحوائج الديرة الله يعطيك العافية وما قصرتي بس الحوائج هذه روعة يعني ما له داعي لا زنجبيل ولا هيل ولا عويدي ولا نا نخه هههههههههههههه كلها مجتمعه في الحوائج الله يسقي من زمان عن هذه الكلمة الله يذكرك الشهادة ونا أخوك بعد عُمر طويل بإذن الله . زنجبيل وهيل وعويدي ونانخة ريحتها تفك الرأس وتكيف المخ . والله ذكرياتك حلوة لكن كيف كان شراب التوت في قارورة الشطة والله هذا عجيب من يوم أعرف التوت وهو في نفس هذه ههههههههههههه يا ستي تحسبيني شيبة ترى توي طفت الأربعين ولله الحمد كنا ناخذ التوت من القارورة الأساسية الي هو الحين التوت الكرستال ونسويه في مدري وش تسمونه الي هو الجيك المهم القزاز الي ينحط في الثلاجة وبعدين ينصب في الكاسات شوفي كيف التعبير المهم نفرغه في قوارير شطة أبو ريال الحين طبعاً نجمع فيها من أول السنة لحد رمضان ونفرغها ونغسلها وبعدها ينحط فيها التوت ويشربها الشخص ويرجعها وعلى الواقف ما يبعد عشان تتعبى في اليوم الثاني . القارورة وكنا نسمية الشربيت مثل المصارية ههههههههههه سؤال يابو مراد فين كانت طفولتك تلك الأيام أعتقد من كلامك عن البليلة والطراطيع أحس أنك كنت في الغربية طفولتي في الباحة وطبعاً كنت أتردد على مكة كثير بحكم أن عمي هون والحين في مكة ونصي في جده المهم اقتبسنا من مكة بعض الأعمال مثل الطراطيع وخلافها من الألعاب وكنت طبعاً أبيع على الخبلان في ذاك الزمن وكذلك السيكل الدورة بريال كنت يعني أحب التجارة وإلى اليوم ولله الحمد بس عاد ذيك الأيام كانت المكاسب ما تتجاوز الألف ريال وكان لها صنة ورنه في الأعوام من 1402 وأنتي طالعة . لكن رجعت تقول خبزة على الحجر فقلبت مخي وش تيه الدلائل . أما تيه الدلال فأنا عشت في جميع الضروف في الزمن الي موبعيد وأيضاً لحقت على بعض الأمور القديمة مثل ركوب الجمال والحمير أجلكم الله لحقت عليها وعلى التليفزيون أيام سميرة التوفيق أيام كانوا الشيبان متبطحين تحت التلفزيونات يوم تجي أيام اولتوا لوز وسكر وآخرتوا آخ يا راسي وتعالي شوفي الشيبان يروحون دجر والتمثيلية الكويتية إلى أبي وأمي مع التحية والمسلسلات البدوية ساري العبد الله وما شابها أيامها التليفزيون عادي مو ملون والي عنده ملون يعني بطران بينفقع دراهم على فكرة ممكن الواحد يترك الكبسة ويتسحر على شئ خفيف مثل فاكهة وزبادي أو كأس لبن مع الفاكة طبعا والله قاعد أطبع ولا ودي أنتفخ وأغدي مثيل البرميل وناكل على خفيف لأني شفت نفسي زدت في الوزن مع العلم أن وزني كان مستقر من أيام النادي والمنتخب وإعتزال الرياضة أثر عليه كثير ويمكن كان يعرفني جيداً أخي العزيز عبد الرحمن بن مساعد فكنا في أيام جميلة لا تنسى أيام المباريات وطبعاً كنت في فريق محايد لزهران وهذا النصيب كنت العب ضد زهران . وربي يقوم اليوم الثاني خفيف وشبعان رويان بعكس لو تسحر كبسة يقوم منكد متخم ثقيل ويصيبه العطش طول النهار والله أنك صادقة وبإذن الله ناخذ مشورتك وعلى العين والراس . أسأل مجرب مافي مثل الفاكة وخاصة التفاح مع كأس لبن ونعمة . ألف شكر أبو مراد اتحفتنا بمشاركتك كثر الله خيرك .

الله يعطيك العافية وأفحمتيني وهذا موضوع إختياري للمشاركة الحمد لله مو أسألة وأجوبة كان نشفتي مخي
أسعدك الله في الدارين وأصلح لك الراعي والرعية ولك تحياتي .

[يحيى اللساب1]

اقتباس: المشاركة الأصلية كتبت بواسطة نسيم السروات      الله الله على أيام أم حديجان وأبو حديجان ذكرتنا تلك الأيام يا أخ يحيى الله يسقيها . كان جدي الله يرحمه معه رادو بني فصلت له جدتي ثوب على مقاسه أقصد ألرادو مو جدي ولبست الرادو طلع شكله يهبل وكان جدي هو المتصرف في الرادو يشغله ويطفيه ويا ويل احد يقربه خاصة أحنا يالبزران وإذا جت أم حديجان تجمعنا من كل صوب حول جدي والرادوا حقه نسمع في أم حديجان والله قسم ماكنا ندري وش القصة لكن تعجبنا الأصوات والموسيقة المصاحبة والمنلوجات اللي تصير فيها . وياحظكم بالنسيم العليل ياشعف زهران خليناه لكم وجينا للرياض مشتاقين لحرنا وغبارنا هههههههههه ألف شكر وتقدير أخي يحيى على المشاركة معنا . وكل عام وأنت إلى الله أقرب .

***************
وش حدك يانسيم السروات على نجد الآقصى وشغيبك عن ديار الخوخ والرمان وانحن أهلك
تعالو للرمان والبرشومي والشويطه وخليكم من الضبان والمطازيز وتعالو شوفوا الضباب من بعد الظهر وبالليل يبرد الجو في باريس الجنوب
تحياتي ودمتم بخير وإلى الله أقرب

[السكـــــب]

أول شي , الحمد لله على السلامة , وكل عام وأنتي بخير , تقبل الله الصيام والقيام ,
بصراحة فكرة الموضوع رائعة جداً وهذا ليس بغريب عليك أخت "نسيم السروات" ومشاركات من سبقوا علمتنا الكثر عن الماضي واختلاف المجتمعات .
شكرا لك " نسيم السروات" على هذا الموضوع والفكرة الجميلة.

[لغة العيون]

والله ماعندي وقت اكتب الحين عندي سواليف عن زمان
ابشري نسيم ويبشرون الاخوان اجيبها في وقت قريب

[آمـيرهـ بآح ــساسي]

[ALIGN=CENTER][TABLETEXT="width:70%;"][CELL="filter:;"][ALIGN=center]والله جالسه اعصر مخي واتذكر شي
من الطفوله ومواقفها بشهر رمضان
طلعت فاشله يختي ذاكرتي صارت ضعيفه مدري ليه..[/ALIGN][/CELL][/TABLETEXT][/ALIGN]

[أحمد العدواني]

اقتباس: المشاركة الأصلية كتبت بواسطة نسيم السروات      اقتباس: والله حالتك صعبة يا أخ أحمد ولاني شائلة إلا هم زوجتك الضعيفه تقعد طول حياتها تسوي شاهي نوعين وأكل نوعين الله يعينها بس آآمين هي صعبة وبس !! خليها ع الله ، وما معهم الا يصبرون وابشرك تأثروا معنا بنسبة كبيرة وعملنا بمبدأ ( أخف الضررين ) اقتباس: ليتني أعرف المدام حقتك والله أن عندي طريقة كويسة تصلح علاج ويمكن تكسر الحاجز اللي بينك وبين النكهات الغير مرغوبه عندك لكن مافيه مشكلة باقولها لك وأكسب فيك أجر وهي أنها إذا سوت شاهي منعنش أو حلا فيه روائح عطرية تقوم وتأخذ لها قطن وتسوي منه دوائر صغيرة وتسد بها فتحتي أنفك ثم تلف على الأنف شطرطون حتى تتم عملية الشراب أو الأكل ويادار ما دخلك شر أحسن من صنع أصناف متعددة من المأكولات والمشروبات كل يوم . بالله ما هي فكرة ويمكن مع الأيام تروح منك هذه العادة شيئاً فشيئاً وتنتهي المشكلة . عز الله وصفه لا قالوا وصفه ووينك من زمان الله يصلحك ، إلا خليها ع مبنى الشايب ، انحرم منها واتعايش مع وضعي أهون من قطن وسدادت تكتم انفاسي وازيد اموت ويقولون مات ضحية ورقة نعناع والا كزبرة ههههههههه .

تحيتي أختي

[براااق الحـــازم]

.


يسعد قلبك يا نسيم .. وكل عام وانت بخير ..

شوفي يا ست الحبايب, الذكريات والله مالها اول ولا اخر, وماني عارف وش اكتب وش اخلي... اول صلاة تراويح كانت لي مع ابويه في الحرم.. او مرة أمي تسوي سمبوسه وناكلها ... اول مرة ابيع بليلة في الحارة... او مرة اكل تونه وانا صايم.. اول مرة نلعب مع عيال وبنات الشروق شرعة (طيرهـ) *.

لكن رح احكي عن اول مرة صمت رمضان بالديرة وكان وقتها عمري 12 سنة.

كنت ملتصق بجدي الله يرحمه... وكان رجل اسطوري بالنسبة لي في ذلك الوقت جسم وهيبة وحسن كلام... وكمان هو كبير القرية او العريفه. طبعا كل شيء كنت اسويه امام جدي خطاء ابتداء بالكلام المكسر الى طريقة الاكل.

1402 هـ جدي كان يسكن في بيت حجر على عكس باقي افراد العائلة اللي تسكن بيت مسلح طبعا على قلها في القرية.. الكهرب لم يدخل بعد الى المنازل.. كان هناك ماطور يشتغل الى الساعة التاسعة مساء ويـُطفاء.. كل شيء اشوفه واعيشه في بيت جدي مبهر وجديد..
طعم الخبزة لازال في حلقي الى اليوم رائحة السمن والعسل واللبن.. لم تفارق لساني من تلك الليلة..

رآني جدي اسحب اللقمة في طاسة السمن والعسل وكان في طبعه رحمه الله بعض الحدة والجدية.. فما كان منه الا ان أمسك يدي بقوة وغمس يدي مع اللقمة في طاسة العسل والسمن حتي تشبعت اللقمة بالكامل وامرني ان ارفعه مباشرة الى فمي دون ان اخفف منما علق بها من عسل, وكأني اول مرة اكل في حياتي.. [mark=#eeff00]امنت ان هناك اشياء لا نقتنع بها الا بالإكراه, لانها تخالف طبائعنا, لكن سرعان ما نكتشف ان بعض طبائعنا غير صالحة لبقائنا احياء فضلا عن محاولتنا فهما.[/mark]

كانت تلك الليالي التي كنت انامها في بيت جدي حافلة بالخواطر والغربة عن اهلي.. لكنها تربية سايرت شخصيتي حتى الان رغم قصر المدة التي جلستها هناك.



.

الف شكر على الدعوة.



.
ـــــــــ

* كانت بعض العوايل من اهل نجد تصوم رمضان في مكه وقبل العيد يسافرون ـ وكنا نسميهم الشروق ـ وكان اغلب عيالهم وبناتهم حلوين ـ بيض وفيهم شقار غريب علينا ـ اما احنا مستوين من شمس مكه الله وحالتنا حاله في ذيك الايام.

.

[مناهل]

وعليكم السلام ورحمة الله
اللهم صل على النبي
الحمد لله على السلامة أختي نسيم والله كل ما أدخل أقول يارب اشوف نسيم والأخت طوق لأني متابعة لكم من قبل اسجل في المنتدى الرائع
...........
بالنسبة لذكريات رمضان آآآآآآآآه يانسيم على ذيك الأيام وحلاوتها ليتها تسجلت ونشوفها الحين
كان الوالد رحمه الله واسكنه فسيح جناته يرسلني مع أختي قبل الفطور نجيب لوز نص استواء لاهو اخضر(فصل)ولايابس ونفقشه وطعم اللباب ياخذ العقل يكون ابيض وقاسي ونحطه في صحن وياكله مع القهوة في الفطور رحمة الله عليه
وكنا انا وأخواني الصغار نجتمع في الحوش وننتظر الأذان بس يأذن نصيح مع بعض ...(افطروا ياصايمين....شهر رب العالمين)

كمان اذكر كان أخوي الكبير ربي يحفظه ويسعده يجيب من ضمن مقاضي رمضان الوان طعام زي علبة ريح الموز وتكون فيها الوان كثيره
كنا ناخذها ونسوي مكياج ونلعب (مصريات) متأثرات بالمسلسلات ... وفي الآخر يجينا كم كف من أمي واختي الكبيره
وكمان كنا نجتمع مع بنات جيراننا ونسوي عزومه(كنا نسميها كذا) كل وحده تجيب شي ونفرد سفره وناكل وتكون في المزرعة جنب البيت
وطبعا ما ننسى حلة التطلي ياااااااه يازين ريحة الشياط

اذكر موقف مضحك مره وقت السحور كان واحد من أخواني ما يبغانا نتسحر معهم احنا الصغار قام قفل علينا في دولاب الملابس الين خلصوا السحور وقتها كان أبوي واخوي الكبير في السفر واخذ راحته في النذاله

مشكووووره نسومه ولو اكتب لين بكره ما خلصت ربي يسعد أيامك

[ابو عازب العدواني]

والله انا اذكر وانا صغير
على الفطور دائما شربة عدس وذيك الخبزه المقناه
وعلى السحور حلة العيش وطاسة لبن وبالاصابع توخذ قطعه من العيش وتغمس باللبن بلا ملاعق كنت اذهب مع والدي رحمه الله المسجد لصلاة المغرب وكان فيه اتفاق او عاده كل بوم يجيب صاحب البيت خبزه للمسجد ياكلونها الحاضرين بالمسجد بعد الاذان وانا اذهب على شان اكل معهم اذكر بعد العشاء يجتمعون الاسر القريبه يتسامرون والذي لاذلت اذكره مسلسلات دينيه قبل الفجر تتحدث عن الفتوحات الاسلاميه وهذا في الراديو لايوجد تلفزيون في ذلك الوقت هذه بعض الاشياء وليلة العيد ينصبون المشعال في جبل وهو كوم من الحطب وعند سماع الاعلان عن العيد يشعلونه مااجمل منظره وسلامتكم

[نسيم السروات]

اقتباس: المشاركة الأصلية كتبت بواسطة منبع الطيب      الله يحييك يانسيم والحمدلله على رجعتك بالسلامه من اجازتك والله يعينك على الصيام بحر الرياض اشكرك اختي العزيزه على دعوتك الكريمه الله على ذكريات زمان ورمضان زمان وعيد زمان الله يسقي ما شاء الله الاخوان ما قصروا ذكرونا بايام حلوه الله يحفظهم طبعاَ الذكريات حول بعض ولا تختلف كثير عن بعضها إلا في اشياء بسيطه . بالنسبه لي .. انا ذكرياتي كانت بالرياض بحكم ولادتي وطفولتي بها ومما اذكره وانا صغير كنا نعيش بحاره شعبيه وكل الجيران قلوبهم على بعض رغم اختلاف اجناسهم وكان وقت العصريه من اهم الاوقات عندي للعب مع اطفال الجيران حول البيت وزي ما ذكر ابويزن كنا نموت في شيئ اسمه كوره نلعب طول العصريه ونرجع قبل المغرب بشوي واحنا واصلين حدنا من الجوع والعطش والغريب اننا كنا نكمل صومنا الى الاذان .. من الاشياء اللي اذكرها ايضاَ .. والدتي ربي يعطيها الصحة والعافيه كانت تفتح التلفزيون قبل اذان المغرب بدقايق عشان تشوف وتسمع اعلان حلول وقت الافطار من القناة الاولى : ( نود ان نلفت عناية السادة المشاهدين الى انه قد حان الان موعد اذان صلاة المغرب حسب التوقيت المحلي لمدينة الرياض وعلى ما جاورها مراعاة فارق التوقيت ) >> زمان يا فن ورغم الاعلان الرسمي من التلفزيون إلا ان الوالده كانت ترسلنا الى سطح البيت وتقول اذا سمعتوا الاذان علمونا للتأكيد >> شفتوا الحرص كيف وبالليل بعد صلاة التراويح هاتك يالعب مع عيال الحاره يا كوره يا بالسياكل يا كيرم يا سبع الحجر يا مصاقيل اذا تعرفوها وهي (البراجون) كور زجاجيه صغيره جداَ ملونه تلعب على الارض بوجود حفره صغيره للتهديف والله اننا كنا نسوي دوري بين الحواري على هاللعبه انا وعيال حارتنا مع الحارات الثانيه ونرجع أخر الليل يومياَ ومعنا علبة نيدو الكبيره مليانه من المصاقيل وهذه غلة اليوم ونوزعها على الفريق وكنت انا واخوي واثنين معنا .. هذا اللي جاء ببالي الحين ايام حلوه لا يمكن انها تنسي ابداَ مشكوووره نسيم على الفكره الحلوه

الله يسلمك أخي منبع الطيب ويعطيك الف عافية على إجابة الدعوة

وحر الرياض شئ لا بد منه جلسنا شهر شهرين معوادنا عليه .

وعلى قول أمي في أحدى قصائدها تقول فيها :

العاصمة رحبت ياكل من جاء مصيف **** تقول ماعد معك مخراج تحت المكيف .

المهم سلمت يداك على الذكريات الجميلة أخي منبع الطيب

أما موضوع الغلة اللي في حق النيدو وربي أني تذكرت أخواني كانوا كذا يمكن هم اللي كانوا معك حينها وش يدريك

لأنهم فعلا كانوا يخبونها في علبة نيدوا وكان أحد أخواني محترف في جمع البرجونات ( المصاقيل ) عند أهل الرياض

وكنت أسرق منها الحبات الكبار عشان نلعبها زقطة والله كنت أموت على شكل البرجونه خاصة الملونة من جوتها

الله يازمان وألعاب زمان كان فيها براءة أتذكر أمي كانت تسوي لنا أيس كريم من الفيمتو وتضعه في أكياس ثم تثلجه

لنا وتوزعه علينا إذا ثلج تقول لا تشترون من عند جارتنا فلانه لأنها أكتشفت الوالده أنها تضع في الأكياس عصير

حبحب ( بطيخ ) وتبيعه على الناس فصارت أمي تسويه لنا في البيت أحسن .

الف شكر منبع الطيب .

وكل عام وأنت إلى الله أقرب .