شكر لقبيلة زهران / عتق رقبة شمري

[ضيف زهران]

بسم الله الرحمن الرحيم



السلام عليكم ورحمة الله وبركاته


مشاركتي الاولى لديكم




الإهداء للشيخ الدكتور جمعان بن الرقوش الزهراني والشيخ فهد بن بندر التمياط
بمناسبة توسطهم لدى عبدالعزيز بن عبدالرحمن الزهراني الوكيل الشرعي عن اخوانه بخصوص قتل والدة عبدالرحمن الله يرحمه وتنازله بلا مقابل ابدا جزاه الله خيرا وكان بدر بن عواد الكميان الشمري،،
قدر صدر به صك شرعي لكي ينفذ به حكم القصاص ولكن عبدالعزيز قدر جاهية الشيوخ بن رقوش شيخ عام زهران والشيخ فهد بندر التمياط احد اكبر مشايخ شمر ومن معهم من شيوخ زهران وشمر وباقي الوجهاء والذين لم اتمكن من معرفة اسماهم لعدم المامي بالقضية




[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
للهرج نـقـاده وللشـعـر نـقـاد=وأنا إجتهدت اخشى كـلام المناقيـد
لني ورثت الشعر مـن عنـد فهـاد=خالي مورثني ومـن جـدي إفهيـد
ودنيت ما يطوي بعيـدات الأجـراد=بنز.ن. صفيره مثل لاهب إجويريـد
ومن دار اخو مريم نوينـا للاسنـاد=لديار اخو نـوره مشينـا بتسنيـد
حشمة لمن قدره من الشـام لبـراد=من ساس زهران الرجـال البواليـد
والطيب مثل النـار يدعـي بعـواد=ما يفعله غيـر الرجـال الصناديـد
والعفو عند المقدره فخـر وأمجـاد=وأنتم عفيتوا يـا وجيـه الأجوايـد
أرفـع لزهـران التحيـة بالاشهـاد=وأشيّد البيضـا بالأشهـاد تشييـد
بالطيب بيض وجيهكم جمع وأفـراد=جميعكم مـن دون خـصٍ وتحديـد
وتجمعت شمر و زهـران باوعـاد=ممثلـه بشيوخـهـا و المقـاويـد
جمعـان مثـل لابتـه قـد وعمـاد=وفهـد يملثنـا بوقـت المواعيـد
وتسابقـوا للطيـب ذربيـن الأولاد=والطيب ما يزهـاه غيـر الأواليـد
ونصوا لهم رجل على الطيب معتـاد=عبدالعزيز أضفى بعفـوه بـلا قيـد
كسب تجارة رابحه كـاش واقصـاد=تجارةٍ ما هـي بسـوق المحيميـد
يكسب بها معروف من بين الأعبـاد=وبالأخره يكسب بها الحور والغيـد
وترى الكرم ساس المروه ومن جاد=بالعفو عن حقه خـذا كـل تمجيـد
يشهد بطيبه كل من ينطـق الضـاد=وجميع من داسوا على صحصح البيد
ولا قدر الاجواد يـا غيـر الاجـواد=سامح بحقـه مـا سمـع للمقاريـد
والعفو يمحى ما تراكم مـن أحقـاد=وابن كميان إعتـرف لـك تراديـد
بالطيب والمعروف والملـح والـزاد=والعفو يدمح ما مضى مـن تلاديـد
ونقول لك تعـداد مـا حـن رعـاد=نشكرك ونجدد لـك المـدح ونشيـد
في فضلكم ياللي على الطيب زهـاد=و الطيبيـن بطبعهـم دوم زهـيـد
وأثني على شيخٍ له المـدح ينقـاد=تزهي على مثلـه جميـع التحاميـد
سجّل له التاريـخ هجـري وميـلاد=تاريخ ناصع فـي بياضـة بتوكيـد
تاريخ ما تحويـه خانـات الأحـاد=وعجزوا يحيطونه جميع القواصيـد
أبن الرقوش اللي حمى بـر وبـلاد=يوم المواقف في إخشـوم البواريـد
تشهد له النقعه سنة حرب الأوغـاد=و ثروق يـوم إيزبنـون المطاريـد
من دور راشد و إفتخـاره بالاجـداد=حتى وصل لعماد جمعـان ورشيـد
و بالوقت هذا بان جمعان مـا حـاد=عن فعل جدانـه صـدورن وتوريـد
دكتورعلـم وطيـب ومعلّـم أفـراد=تحت أمر راية سيدي يعتبـر سيـد
جمعان حاش المرجله مـال وعتـاد=ما قصد المعروف والطيـب تقصيـد
شارك بجاهيه علـى شـان عـواد=وشارك معه من يطلبون المصاعيـد
شكري لهم والمـدح صـادر و وراد=يشمل لمن حلحل إشـروك التعاقيـد
باد الحديد و فعل الأجواد مـا بـاد=يبقي يحصـدون بعدهـم حواصيـد
واذكر فعل شيخي بعد ما الفكر هـاد=وبمدحي التميـاط مالـي مقاصيـد
غير الفخر بمنومسـة كـل قصّـاد=وأفعالهم يفخر بها الشعـر ويزيـد
مدحي لاخو شاهه مضاعف وينعـاد=على مسامـع كـل طيّـب تراديـد
فهد اليا صارت وجاهـات وجهـاد=هو ذخرنا يا صار بالوضـع تعقيـد
حلحل بجاهه عقدت الحبـل وأوتـاد=ثبّت مراسيها مثـل ثابـت الحيـد
نعمٍ بابن بندر فهـد سيـد الاسيـاد=حـلاّل عقـدات الحبـال المعاقيـد
هـذي فعايلكـم قديمـات وجــداد=عسى لكم بأعلى المراتـب مجاويـد
من دور مقحم و إمتدادا منـه غـاد=ودونه لهذا اليـوم للطيـب تجديـد
فخرٍ لشمر يوم هي سـرج وشـداد=يا طيور شلوى مبعديـن الملاكيـد
للسلم سلم وللعـدوا سـم الأكبـاد=خطلان الأيدي صامليـن المواريـد
حموا ذرا دوجات من حمـر الانفـاد=لاقصى حدود جلاعده مـع جليعيـد
تتليهم التومان فـي سلـم وطـراد=ونعمين باللي ينتخـون المساعيـد
وقلته وأنا مـن لابـةٍ فعلهـا كـاد=يوم الفعايل فـي ظهـور المعاويـد
نلنا الفخر في فعلنـا سلـم وعنـاد=فضلان ما نحسب لعنتر وابـا زيـد
وباسم خوالي قلت زينـات الانشـاد=وأفخر بهم يا صار حـرب وتهاديـد
صفران يوم الطيب ينقـص ويـزداد=حازوا على كاس البطولـه بتوكيـد
ترعى بهم حم الذرى طلـق وقيـاد=من غربي الأجفر لشرقـي تخاديـد
وختامها نرجع على شكـر الأجـواد=بإسمي وإسم شمر وكل القواصيـد
يستاهل البيضاء مع العـود والكـاد=جميع زهرانـي مـن العيـد للعيـد [/poem]



عقيل سعود المنيس المفضلي الشمري

ابو جمال المنيس

[ابو دوس]

رحم الله الميت
وغفر للتائب
واثاب من سعى للخير بالخير وجزيل الثواب


مرحبا بك اخي ابو جمال

[ديك الجن]

حياك الله وصح لسانك
وحوادث الدنيا وعواض الحياة لا بد منها
والخير لمن عمل صالحا وتاب الى الله
رحم الله الميت وقبل توبة الحي

الاخ ابو جمال انت بين اخوانك ولا هنت وهات من جديدك عبر منتدى الشعر الشعبى

[بن زياد]

يالله ان تحييه
والله انا القبيلتين متشابهة في الكرم والطيب والشجاعة

ولقد عفي لاخونا بمعروف نتمنى ان تكون رحمة للميت وتوبة للحي

[جمعان الاول]

لابد من العبرة فيى حياتنا الفانية
ولا شك ان الشيطان العدو الاكبر لا يريد لنا اخوة فلنعمل على دحره
حياك الله يا ابا جمال
في منتدى احفاد الصحابة والملوك منتدى زهران
وليس بغريب علينا وعليكم الاخوة والطيب
حياك الله يا بعد حي

[ابو نضال الدوسي]

رحم الله الميت
وغفر للتائب
واثاب من سعى للخير وجنبنا كل فتنة وعطب وابعد عنا الشيطان والامر بيد الله ولن ينفعنا الا اعمالنا الصالحة

حيا الله الشاعر الكبير ابو جمال المنيس
بين اخوانك

وتتفق هذه القبيلتين كما ذكر الاخوة في الشجاعة والكرم وطيب الخصال
فحياك الله

[العرنين]

رحم الله الميت
وغفر للتائب
واثاب من سعى للخير بالخير وجزيل الثواب
وحياك الله

[العتمه]

رحم الله الميت
وغفر للتائب
واثاب من سعى للخير وجنبنا كل فتنة وعطب وابعد عنا الشيطان

حيــاك الله في منتداك

[جساس]

اقتباس: المشاركة الأصلية كتبت بواسطة العتمه      رحم الله الميت وغفر للتائب واثاب من سعى للخير وجنبنا كل فتنة وعطب وابعد عنا الشيطان حيــاك الله في منتداك

[صالح بن فارس]

اررررررررررحب وحياك الله

صح لسانك يالغالي

واللي صار مو غريب على أبناء زهران لأنهم يقدرون الرجال ويشهد الله إن شمر فيهم رجال يسوون أوزانهم ذهب ويا حياك أخوي عقيل ..

ونسأل الله أن يغفر للميت وأن يجازي العافين عن القاتل خير الجزاء ..

وشكرا لهذه المشاركة البديعة ..

تحياتي لك ؛؛