جوهر المنتخب مفقود

[عالمي زهران]

حرام والله اللي يصير بالمنتخب ياناس لاعبين اقل من عاديين الا القله , منتخب ضيف يلعب على ارضنا وبين جماهيرنا
وماسك الملعب من اول المباراه, وش هالتفكير ياجوهر وش هالاختيارات ,وين النجوم وين اللي يشيل الفريق , لاعب احتياطي بناديه اساسي بالمنتخب ! مارح اذكر اسماء لاعبين لاني متاكد ان اغلب المتابعين حتى اللي مايتابعون يعرفون منهو اللي يحتاجه المنتخب , ليه نكابر على حساب مصلحة الوطن, ليه ما تكون جريئ ياجوهر , ليه ماتختار اللي جاهز, بكذا نفهم وحده من ثنتين يا انك ماعندك القدره على اختيار اللاعب المناسب او انه مفروضه عليك الاسماء؟
اذا كانت الاولى فهذي كارثه واذا كانت الثانيه فذي عاد كارثة الكوارث!
ارجعوا لخليل الزياني وشوفوا اختياراته من اللاعبين كلهم نجوم , نجوم توهم بارزين , وبرزوا مع المنتخب لانهم فعلوا نجوم شالوا المنتخب وشالوا كاس اسيا .
ابيكم تعلموني منهو النجم بهالمنتخب الحالي غير نايف هزازي وعبده عطيف؟
بالله عليكم منهو اللي تحس انه فعلا نجم ويستحق يمثل المنتخب بغض النظر عن الالوان؟
لاعبين اساسين بانديتهم واحتياطيين بالمنتخب!
ولاعبين احتاطيين بانديتهم واساسيين بالمنتخب!
ابي افهم ليه هالفكر الكروي الخطير ؟
لاحد يقولي ان المدرب ادرى ولا المسئولين عن المنتخب افهم, الحين اصغر مشجع يفصلك اللاعبين تفصيل ويعرف منهو اللاعب اللي نحتاجه ومنهو اللاعب اللي ماله داعي!
نجوم كثيره بالانديه كل الانديه ممتاز واولى وثانيه بارزين والكل يشاهد ويشوف مع ذلك تلقاه خارج المنتخب ليه؟ وش السبب؟ ابي اعرف؟
شايع النفيسه لاعب مغمور بنادي ماكان بارز ومع ذلك اختير للمنتخب لانه نجم واثبت انه نجم وافاد المنتخب وغيره كثير.
ليه تفرض علينا اسماء لاتخدم المنتخب اسماء عاديه جدا حرام تمثل المنتخب وفيه غيرها نجوم ؟
بصراحه الجوهر مع احترامي الكامل له الا انه ماعنده القدره على قيادة المنتخب ولا عنده القدره على اختيار اللعبين.
حتى اللاعبين الموجودين مو قادر يختار الافضل فيهم شي بصراحه غريب.
بارجع للمباراه اللي سيطر فيها الكوريين سيطره كامله هجمات من كل اتجاه ومسك وسط الملعب ودفاع يغطي اخطر مهاجم فما بالك بالمهاجم العادي؟
دفاع المنتخب غير منظم قلب دفاع يلعب ظهير وظهير مو قادر يهاجم والمحاور تلعب على اجسام لاعبي الخصم ومو يقادر يقطع كره صح جالس بس يتفرج على حركة اللاعب والكوره تروح هنا وهناك وهو يناظر وتلقاه يطاره الكوره ودفاعنا ينكشف , الدفاع اللي قوي الدفاع اللي يتمركز ويقطع الطريق على المهاجم, من زمان ماشفت مدافع واقف قدام المهاجم الا بدوري حواري !
انا مادري كيف يتدربون وكيف يلعبون وكيف يتحركون بالملعب ؟
الوسط مريح عبده عطيف لوحده يقاتل والباقين ماعندك احد , عزيز يلعب بفكر الحواري من عرفته وهو يلعب على الجسم
لاعب يركز على حركة اللاعب مو عالكوره الدليل شوفوا المباراه ذي وشوفوا كل المباريات اللي لعبها ما اذكر انه لعب عالكوره دايم يلعب عالحركه يعني بحركه توديه يمين وتطلع يسار لاتقولين لعب رجولي اللعب الرجولي مو بهالشكل
اللعب الرجولي تقطع الكره بدون ماتلمس اللاعب .
الشلهوب من العام وهو مو في مستواه واغلب وقته مع ناديه احتياطي كيف اختاره وكيف العبه غير انه لاعب وسط مهاجم ماقدر اعتمد عليه بالدفاع وهذا رأيي الموسيقار وانا معاه ميه بالميه انا محتاج لاعب وسط مهاجم مدافع وذي وحده من عيوب الشلهوب من اول والحين زاد عليها انخفاض المستوى.
احمد عطيف مو اللاعب اللي تحس انه يعطيك بالمباراه وانا مدري ليش مختاره فيه لاعبين افضل منه وبمراحل.
فيصل السلطان مهاجم عادي عادي عادي والدليل انه احتياطي لناصر الشمراني اللي مافيه مقارنه ابد بينهم؟
نايف هزازي مهاجم خطيييييييييييييييييييير وربي خطير وافضل اختيارات المدرب , لكن مالقى مسانده لا من المهاجم الثاني ولا من الوسط اللي مدري وش يبي.
شي بصراحه يقهر لاعبين نجوم مطنشهم الجوهر وماخذ احتياطينهم؟
ادري طولت عليكم لكن وربي انه شي يفقع القلب , المشكله انه على قوله قرى الكوريين ومدري ايش وبالعب مهاجم من اول المباراه! واللي نشوفه غير وسط ضايع مو قادر يوصل كوره صح للمهاجم والمهاجمين واحد نايم ويتحرك على عماها والثاني يجاهد ويقاتل لكن يد وحده ماتصفق!
خلاص ذبحتنا المجاملات الجوهر ماينفع مدرب منتخب والله ماينفع .
والله من قبل المباراه وانا عارف انه مارح يقدمون اي مستوى من الاسماء اللي موجوده .
التحكيم صح انه ظلمنا لكن ياليت كان في مستوى على الاقل نقدر نقول قدمنا شي لكن ماتوفقنا مو تجي تقدم مستوى ضعيف وتقول التحكيم خلك واقعي وقول الثنتين مستوى ضعيف ولاعبين اقل من عاديين والثانيه تحكيم برضه ضعيف.
الف شكر لك يا نور والف شكر لك يالبحري !
تحياتي لكم

[صغيــر الســن]

... جزآك آللة آلف خيــر ...

... ننتظر جديدك ...

[عالمي زهران]

lمشكور يالغالي

[أديب]

و ان كنت لا أشجع منتخبنا السعودي ( لأنه لا يمتلك عناصر كرة القدم من لياقة و مهارات و تكتيك ) ..
إلا أنني أعتب على الاتحاد السعودي .. لأنه لم يختر المدرب الكفء لمبارايات دولية مثل تصفيات كأس العالم .. !!!

فواصلوا التخبط يا اتحاد سعودي ، والمجاملات ، و التعصب للأندية .. !!!
بينما كوريا واليابان و إيران .. - و غيرها في آسيا -
تتطور و تقارع المنتحبات الأوروبية .. !!!







[align=left]يا بلادي واصلي

و سيلي هليلي ..
هااا .. ممادو [/align]

[عيون عالمي]

هل من مجيب لكل تحليلاتكم ؟؟؟

هل من منقذ للحال المزرية اللي وصلنا لها ؟؟؟

هل منهم من يعترف بتقصيره ؟؟؟


لا طبعا وللاسف الشديد جداً ............


لكن ما نأخذ الا حرق الدم واتلاف الاعصاب ورفع الضغط ,,, ولا احد جايب خبرنا اصلا ...

ليت الله بس يشيلهم من بالي ولا ادري وين ربي حاطهم ...

ولا تزعل نفسك ياعالمي .. الزم ماعليك صحتك ...................

وشكرا لحماسك اللي مايستاهلونه للاسف ........

[عالمي زهران]

صدقت والله ياديب لالياقه ولا مهارات ولا تكتيك.
الجوهر ماني مقتنع فيه من اول ولا راح اقتنع فيه ابد؟
شكرا للمشاركه

[عالمي زهران]

لاحياة لمن تنادي ياعيون!
تعبنا وحنا نصارخ
بيجددون فيه الثقه اللي قد الثقه!
شكرا عيوني

[فتى07الجرداء]

[align=right]مشكور ياالغالي[/align]

[احمد الزهراني]

لنفترض اننا احضرنا جاكيه مثلا او سكولاري
مالفائده ؟؟


لانه لن يمنح الصلاحيات الكامله وهذه قاعده واساس في نجاح اي مدرب

اذا تذكرون سولاري الارجنتيني في كاس عالم امريكا وش سوا مع المنتخب السعودي عندما لم يكن هناك تدخلات وبعد ان فُرض عليه الغشيان استقال فورا لاحد يقولي تعاقدو معه كاس عالم وبس وانتهت المهمه بعد الخروج لا المدرب رفض التدخلات في عمله واولها فرض اي لاعب عليه بالتالي استقال فورا

في النهايه نريد ان نوصل الى انه لو جلبنا اي مدرب بالعالم ومن مدربي النخبه في النهايه لن ننجح للاسباب المذكوره اعلاه المدرب لدينا يجي يطبق تكتيكه على اللاعبين اللي احنا نختارهم حتى على مستوى الانديه بالتالي لن ينج احد
حتى يمنح الصلاحيات

يااخوان محمد نور لاعب لايحتاجه المنتخب هذا تصريح الجوهر ((( وش كان يحتاج امام كوريا )))
مالك والراهب احتياط وشفتم خطورتهم في عشر دقايق كيف

الظاهر افريقيا علينا نحس
الله يستر بس
لازم يكون هناك حل جذري واذا بنجيب مدرب من برا نعطيه الصلاحيات واذا غير كذا لا والله خلو ولدنا هو اولى بالفلوس اللي بنعطيها للخواجه اللي بيجي بتأشيرة مدرب

شكرا لك
تقبل المرور

[عالمي زهران]

الشكر لك على المرور