توطـــــــــــين

[شمسuae]

[align=center]°ˆ~*¤®§(*§*)§®¤*~ˆ°بسم الله الرحمن الرحيم°ˆ~*¤®§(*§*)§®¤*~ˆ°


بعد ما خلصت جامعه دخلت معهد التطوير المهني واسمه برنامج توطين وهو عباره عن برنامج يؤهلك للعمل ويهتم بتوطين كل قطاعات العمل شفت القصيده وسمعتها والله حسيت بها واقول للشاعر صادق والله


وش عاد يا دار ٍ بها صار ( توطين ) *** و في مكتب التوظيف سوسن و ميسون !
مديرهم مدحت و نائبْته نسرين *** و على الرسبشن حمّص وفول وزيتون !
كل ما اتصلت اسمع ألو مرحبا مين ؟ *** بدّك وظيفه ؟ .. مين دلّك على هون ؟

اقول انا لي اتصل صار شهرين *** و انتوا وعدتوني متى بس توفون ؟
اسمي (مواطن) ( جامعي ) طيب وزين *** كني ابخطب عندكم و اتّغلون !
عندي شهاده طايحه بجبدي سنين *** عشش عليها شي له ستة عيون !!
لو للشهاده لسان قالت على وين *** ناوي توديني .. تلف فيني الكون ؟
من كثر ما صورتها غارق بدين *** للهندي راعي المطبعة صرت مديون
لا ليلي ليل ولا نهاري نوى يبين *** دقيت راسي لين ما صرت مينون !
مطلوب خبره عالأقل في مجالين *** ولا تجينا بواسطه و سير مدهون !
ولا انثبر في بيتك .. افرك بكفين *** يومك يشابه امسك و عيش مغبون
تعدادنا ويّاهم اربع ملايين *** و اهل البلد للحين ما صاروا مليون !!
ويلاه من باكر اذا وضعنا الحين *** و احنا اقل من الربع حالنا شجون !
و اللي ابتسم له حظه والله مسكين *** حصّل وظيفه .. بس في وين .. تدرون ؟
ساكن في راس الخيمة حطوه في العين *** و اللي سكن في الذيد في السلع مدفون !
يشوف أهله بس في الأسبوع يومين *****و اذا حسبتوا الدرب كم ساعة .. تبكون
يعني في كل احواله ذاق الأمرين *** شغّال محزون و بلا شغل محزون
و الأجبني اللي راتبه فوق عشرين *** فله و سياره و تذاكر .. و طاعون
عنده بدل كل شي عالراتب ألفين *** حتى بدل معجون اسنان و صابون !
و من بعد ما يجمع من بلادي فلسين *** و يربّي من القعده على الكرسي بطون
و يصير في بلاده غني و عنده برجين *** يرحل و هو جاحد .. و كم مثله ملعون !
و حتى الجماعه قوم مدحت و نسرين *** مردّهم لبلادهم لو يطولون
يرضون بشوية دراهم .. و شفتين *** صبح و عصر .. لو حتى في الليل يرضون
بس لو سمعتوا همسهم بينهم بين *** وسط القهاوي يلعنون و يسبون !
لا تحسبوني عنصري .. كلنا طين *** و الخل لو عاتب محبينه يمون
داري و انا اولى بها من الغريبين *** ما يوصلون لحبها لو يموتون
و ( الأقربون أولى ) .. كلام ٍ من الدين *** ما جبته من شعري مع الهام و ظنون
ولد البلد ما يبغي لبلاده الشين *** بالروح بالدم يفتديها ولا يخون
لكن سؤاله يوم قلتوا له ( توطين ) *** يا كيف بيد الغرب توظيفه يكون ؟؟!!
شعارهم معروف ( راجعنا بعدين ) *** و باين من التأجيل .. انهم يخافون
اذا معك خبره .. يا اهلين و سهلين *** و اذا شهاده بس .. عنك يصدون
ما عندنا شاغر .. و بطلنا تعيين *** ولو تحرق الهاتف ترى ما يردون !
من وين أجيب الخبره ؟ من وين من وين ؟ *** دام الوظيفه عند سوسن و ميسون !
عندي بمطبخ بيتنا خبره سنتين ! *** تنفع اذا صاروا المطاعم يوطنون ؟؟!
ولا أهاجر و آخذ الخبره في الصين ؟ *** صح العيون صغار .. لكن يقدْرون
سؤال يا دار ٍ ..صراحه بترضين ؟ *** اني أسافر و اطلب الغرب لي عون ؟
و سؤال يا ناس ٍ على الراس و العين *** صدق الوظايف واسطه و سير مدهون ؟
اما الجواب الشافي يجيني الحين *** او هاتوا تأشيره .. اذا كنتوا ترضون ! [/align]

[البرنسيسة]

[ابو عادل العدواني]

[][ هـيـكـ‘ـتـ‘ـوـوـر ][]

اقتباس: عنده بدل كل شي عالراتب ألفين *** حتى بدل معجون اسنان و صابون

الله ياخذهم هالاجاانب وآحد آعرفه شغال ببنك البلآد يقول فيه مدير هنـدي رآتبـه آلظآهر على مااعتقد قآلي 60,000

..

وحنا يالشبااااااب مالنا غير الدجه وابو هنود وطير شلوى ماخذين مناصب هع

صح لسان من قالها وسلمت يدينك ياشمس

تقبلي مروري

[الهيثم 07]

الله يعين ماعندنكم غير الصبر

ومن صبر ظفـــر ورزقك مكتوب لك تاخذه متى ماربي اراد

قصيده غايه في الجمال والروعـــــــــــه

سواء بالكلمات والحروف والمعنىى

دمت مبدعا اخوي