اليوم انا في شان والناس في شان

[ألمحيط]

اليوم انا في شان والناس في شان = ضاقت عليه كل وجهه وسيعه
ماغير دمعي منتثر فوق الأوجان = وانا البكى ماكان فيه طبيعه
لكنها جتني على غير حسبان = وحملتني بالهموم الفضيعه
وليت ياليل المواجع والأحزان = احرقتني في ظرف لحظه سريعه
وتركتني في بحر الأفكار غرقان = انوي الهدف والقى سدوده منيعه
واعود من دونه معنا وشفقان = ما نابني غير التعب والوجيعه
احاول اخفي هاجس القلب ويبان = بعيوني اللي خايفه مستريعه
ونظراتها ضلت دليل وبرهان = لولا سكوتي كل خافي تذيعه
اسألك يارحمن من قلب ولسان = تلطف بمن عندك حياته وديعه


راشد الجمعان ( المحيط )

[ابن روزه]

صح لسانك اخ راشد ابدعت

[ألمحيط]

اقتباس: المشاركة الأصلية كتبت بواسطة ابن روزه      صح لسانك اخ راشد ابدعت

صح بدنك استاذي الغالي وشكرالك على مرورك الذي يسعد الخاطر
الله يسعدك ويحفظ لك عيالك ويرحم والديك
دام عزك وروحك الطاهرة