غبنا كثيرآ وحضرنا اخيرآ (حصري)

[الفيصل]

[frame="7 90"]السلام عليكم ورحمة الله وبركاته .
صباح الخير ع الجميع دون استثناء الاول فيهم والتالي .
علومنا خير الديار نفس الديار والله الستار لاعريض ولا مريض ستر الله
جانا غشقات هذي اليومين والحمد لله على مايعطي ارتوت الارض واندرت السربان وعند الله خيرآ كثير
جيناكم بعد غيبة طويلة عن المجلس والله ماهو قصور فينا ولا هو عيب فيكم ولكن كثرت المشاغل وقلة الفضاوة .الله لايشغلنا الا في طاعة قولو آمين ,
شفنا قهوتكم تبهر ومجلسكم يبخر قلنا مافينا حيا ان مارجعنا وعاونا .وان شاء الله نكون يد وحدة حتى نرفع مجلسنا ونشغل فضاوتنا .
فيكم الخير ولافيكم قصور كفيتم ووفيتم الكبير والصغير والله يقدرنا نعين ونعاون .
هذي علومنا وسلامتكم .[/frame]

[قلبي كبير]

حياك الله وبياك ...ونرحب بك وبعودتك مجددا....ونتمنى الافادة والاستفادة منك بما يعود علينا بالنفع جميعا.....

[خادم جدته_B7R.MooT]

ياااااااااااا مرحباااا يااااا هلاااااااومسهلا

ياااااا الله حيه ارحب يااااارجال

حياااك الله وحيا علومك القهوه يااشباب

يااا مرحبا بين اهلك وربعك وعشيرتك

والله انك احويت عليناااا وطولت الغيبه

من Jan 2008 وحنا ننتظرك
لكن الله يوفقك عاذريينك

وابشرك كل العربان بخير في المجلس وكلهم والله بصحه جيده

وعينا عريف للمجلس الخوارزمي وابشرك المجلس يتصدر

ترتب المجالس برجاله وناسه الطيبيين


ويااربي لك الحمد

[قلب من ذهب]

سلمت ولا ندمت يالفيصل جيت والله يحييك .الديار واحدة غبره ومن الله الشبرة

الديره والسيره واحد من عندنا لا عندكم و ياااربي لك الحمد

اسواقنا واسواقكم واحده السمينه غاليه ولا تنقرب الخروف الجيد على 1200ريال وبدخاله والشفاعه

الناس قهروا في الصرف على عيالهم وجانا هذا الغلا والله المستعان

عايشين في أرضنا وقايمين بفرضنا وربي لك الحمد على كل حال

لا طاري ولا ماري كل المجالس بخير وعافيه والحال مستور وميسور وربي له الحمد

عاد الوضايف هذه شتت شملنا وفرقت جمعنا والناس .تغيرت ماهم زي قدام ونا أخوك

الحين الأخ مايدري عن خوة والجار مايقفر جاره ولا يدري عنه

نسأل الله السلامة أذا الاخوه بينهم بين متخاصمين ومتقاطعين

ماهم زي أول كان الواحد منهم همة من أخوة مسراحهم واحد

واكلهم واحد وضيفهم واحد وخطرهم صافية وقلوبهم نظيفة

هذا ما نرد به في علمك وسلامتك

[الفيصل]

اقتباس: حياك الله وبياك ...ونرحب بك وبعودتك مجددا....ونتمنى الافادة والاستفادة منك بما يعود علينا بالنفع جميعا.....

الله يبقيك وان شاء الله ماتحصل الا كل علم يرضيك ..

[الفيصل]

اقتباس: ياااااااااااا مرحباااا يااااا هلاااااااومسهلا ياااااا الله حيه ارحب يااااارجال حياااك الله وحيا علومك القهوه يااشباب يااا مرحبا بين اهلك وربعك وعشيرتك والله انك احويت عليناااا وطولت الغيبه من Jan 2008 وحنا ننتظرك لكن الله يوفقك عاذريينك وابشرك كل العربان بخير في المجلس وكلهم والله بصحه جيده وعينا عريف للمجلس الخوارزمي وابشرك المجلس يتصدر ترتب المجالس برجاله وناسه الطيبيين ويااربي لك الحمد

البقا يامرحب سلمت يمينك وقهوتكم مشروبة والله يعيننا ويعينكم على طاعتة يانافدا من يرحب يالله وفقه وفي حياته اسعدهـ وعن الشيطان ابعدهـ

[الفيصل]

اقتباس: سلمت ولا ندمت يالفيصل جيت والله يحييك .الديار واحدة غبره ومن الله الشبرة الديره والسيره واحد من عندنا لا عندكم و ياااربي لك الحمد اسواقنا واسواقكم واحده السمينه غاليه ولا تنقرب الخروف الجيد على 1200ريال وبدخاله والشفاعه الناس قهروا في الصرف على عيالهم وجانا هذا الغلا والله المستعان عايشين في أرضنا وقايمين بفرضنا وربي لك الحمد على كل حال لا طاري ولا ماري كل المجالس بخير وعافيه والحال مستور وميسور وربي له الحمد عاد الوضايف هذه شتت شملنا وفرقت جمعنا والناس .تغيرت ماهم زي قدام ونا أخوك الحين الأخ مايدري عن خوة والجار مايقفر جاره ولا يدري عنه نسأل الله السلامة أذا الاخوه بينهم بين متخاصمين ومتقاطعين ماهم زي أول كان الواحد منهم همة من أخوة مسراحهم واحد واكلهم واحد وضيفهم واحد وخطرهم صافية وقلوبهم نظيفة هذا ما نرد به في علمك وسلامتك

سلمت ولا ندمت وعند الله خير كثير والحمد لله .
والله يقدرنا على الوقفة بين ربعنا ويعيننا على طاعتة ورضاهـ

[السـمـو]

حياكـ الله وحي اعلامك

الديره والسيره واحده..لا مريض ولا عريض..غبره وعند الله الشبره..الأمطار واحده وعندنا وعندكم خير ان شاء الله..وصاحب الجود موجود

انت جيت والله يحييك من ملفاكـ الى مبداكـ..مرحباًً مليون عداد الحيا..

وان شاء الله انك نفيد وتستفيد..

هذا ما نرد به في علمك وقفاك وسلامتك وسلامت الحاظرين..

[الحروف الأبجدية]

@

حياك الله الفيصل

مرحبا بك وبعودتك من جديد إلى مجلس بني بشير

@

[الخوارزمي]

مرحباً هيل عد السيل
وتراني كنت واقف بجنب قلب من ذهب وهو يرد عليك العلم لأنه كبيرنا في المجلس وما لنا رد في وجوده

وما نقول الا الله يحييكم ترحيب السيل