في بيتنا مفااااااااااااااااجعــــــــــه

[اسيرة البعد]

الســــــــــــــــــــــــــــــلام عليـــــــــــــــــــــــــــــــكم






مرتن من المراير ... كنت معزومن عند ناس ( قووويه هاااه )

والله واسمعهم يحتسون ويقولون ان البترول تراه بقايا كائنات حيه متحلله وهم متحمسين وخذ سواليف ونصب

سألت واحد بجنبي قلت وش السالفه ؟

قال : لااا يقولون اليوم تبي تمطر ( صاروووخ انواااع التصررريف )

قلت : لا جد بالله وش يقولون

قال : انهم يتفلفسون ويقولون ان البترول شجر ونخل مدفونه منذ مبطي وابد مع الوقت جانا البترول عقب ما تحللت

انا ما صدقت خبر و طلعت من مجلسهم وصارت لي هالسالفه ... >>>


طبعا بعد ما سمعت كلام هاللي بجنبي وانا اشيل عفشي وامغط لم ابوي

وادخل عليه والقاه في المجلس يتسدح

قلت يبه : ابشرك خلاص امورنا تبي تزين واحوالنا تبي تصير على كيف كيفك

قال لي ابوي : اقول همّز وكل تبن ... ( قووويه بس ابوي يمووون )

قلت : يبه ... انت وش تسوي بالفطيسه

قال : ادفنها ... جعلي ادفنك ... ( مايعرف يذب ابد )

قلت : حلو من متى وانت تدفن هالغنم والبقر في المزرعه

قال : والله يا وليدي من عرفت نفسي

وانا : اخم ابوي وابوووس فيه

قلت : يبه جانا الفرج بيتنا اجل فيه بترول

تو يبه انا في عزيمه وقاعد اتسمع لهم احسبهم يحشون فيك عشان اعلمك لكن صاروا يتكلمون عن البترول

وسألت واحد منهم وقال لي : ان البترول يجي اذا كثرت الكائنات الحيه في الارض والحمد لله مزرعتنا من عرفناها وحنا ندفن فيها هالكائنات اللي هم يقولون

فز ابوي من مكانه ...

وقال : انت تقوله صادق

قلت له : وش دعوا انا كبرك عشان امزح معك

قال لي ابوي : والله لو يصير هالكلام صح يا اشقر ويطلع في بيتنا بترول والله اني لأركبك معي بالغماره >> متعود على الصندوق

قلت يبه : الا صحيح ونص البترول فيه ... فيه

ونقعد نطامر في البيت ونصارخ بيتنا فيه بترول ... وكل البترول كلهم لا فرق الله شملهم ... كل البترول خياله

وانواع الرقص وانواع المطامر

واللي خلاني أتأكد زياده ان بيتنا فيه بترول قاعد اشرب مويه واحس فيه شي لزج في اثمي وحسيت ان الدنيا لفت بي

قلت بس هاذا البترول اختلط مع الماء ...

واقعد اعبي من الماء وابيع قدام بيتنا وباسط بـ جيوك 25 لتر >> على بالي ابيعه خام

واقعد اعبي الدفايات والسيارات من البزبوز ... وصرنا نسبح به من زود الفسقه

دروا كل الجيران وكل الجماعه اللي في المسجد ان عندنا بترول

وجوا لمنا يباركولنا ويقولون مبروك عليكم البترول

صرت البس كنادر ... وصرت اسمي الفلوس ( دراهم ) >> ودي اكشخ بس ما اعرف

وصرت اروح اشتري من البقاله واقوله ... سجل صديق واذا طلع البترول عطيتك

ويرد على ابو هنود : ويقول لي ما فيه مشكل عمي اشقر

وصار كلن يقدرني ... اذكر اول اذا جيت اروح العب كوره

يقولون لي : جاء ابو عراده وش يبي >> ويصرفوني حارس

واذا جا بلنتي ما يخلوني اشوت ... يقولون لي رح اجلس ورا الحارس عشان تجيب الكوره

والحين اول من يختارون انا وكلن وده يختارني قبل !!! وصاروا ما ينفخون علي

واقعد افكر واقول صدق المثل اللي يقول ( البترول يغير النفوس )

صار ابوي كل مغرب يجلس في البيت ونجيب له كرسي يقعد عليه وانا واقف بجنبه وناخذ المعاملات من الناس المحتاجه واللي يبون مساعده

وكلن صار يجي لمنا واللي يقول انا مديون واللي يقول ابي حراثه واللي يقول ابي ارض

يا اخي هالناس ما كد شافوا احد عنده بترول الا حنا

كانت امي تدرس في محو الاميه وما عمرها نجحت في حياتها ولا مره

يوم طلعت النتايج واثرها صايره الاولى على الفصل ومكتوب على شهادتها رقم جوال المديره تحت

وابوي حالف ان جتنا بنت يسميها ( قاز ) وصرنا عايله بطرااااااااااااااانه

اذا مريت في الشارع كلن يسلم علي ويحببوني

حتى الحلاق المصري درا ان عندنا بترول

وقال لي : بص يا اشقر انا حاعمل لك حتة تحليأة ( تحليقه ) ما تخرش الميه

قلت اقول : اها بس وعن الخربطه وسو لي ( توليت ) >> محروم منها ايام الدجه

قال : انت تأمر يا باشا

قلت : حلق لا والله امحطبك الارض ... وهو يحلقني والله ويسفر وجهي واغدي ما عندك باحسن مني

وادخل يدي بمخباتي بشوف هو يبي الفلوس والا لا

قال : والله ما تدفعش حاقه يا باشا خليها علي .. قلت بكيفك >> والله اللي ما صدق

المهم صرنا بطرانين وابوي ما يصدق على الله ان فيه عنز مريضه او بقره بها كسر على الخفيف

على طول دفن والله ما صار يناظر ... يدفن وهو عجل

صارت المزرعه والبيت انواع الخياس

وابوي يشم الريحه ويقول : ايه هاذا البترول السنع مهوب بترول الدمام

قلت له : اي والله هذا البترول السنع حتى يوم اني اذوقه مع الماء ذاك اليوم يوم لزق لساني من قوة لزوجته بيّن انه بترول جيّد

وصرت ما انام في الليل البس ( خوذه ) >> مثل حقين ارامكو واجلس بين الشجر احرس البترول .. اخاف يجيه احد لا قدر الله

وصرت ما انام وانواع الحلوم في هالبترول اتخيل انه طلع خلاص

واننا صرنا من عيال المطخطخين واقعد افكر واقول وش بسوي بالفلوس حقات البترول الحين

مره اقول بفتح مطاعم ... ويصير لي مطاعم واسميها (( اشقر للصرررقعه ))

ومره اقول لا ابشتري معرض سيارات وخذ تفكيرات طاح شعري وانا افكر

وكل صبح اقوم وارش الارض مويه ... ابوي قايل لي عشان يصير البترول مافيه رصاص احشر والديه مويه

ومن زود الحرص ملزق على بيتنا لوحه كاتب عليها ممنوع التدخين

يقعد يشب البترول بعدين نبلش عاد من يبي يطفيه

وكل ظهر ما عمرنا سوينا غدا ابد كل يوم ناس جايبين لنا غدا وما تشوف عينك الا تلميحات

اللي كاتب على قدرهم ( نفط ) واللي حاطين بزار وكاتبين عليه بترول بالبصل واي شي يطري على بالك من انواع التلميح

المهم مرت الايام ... وكبروا ابوي وامي

قال لي ابوي : الظاهر ما قيه بترول

قلت : فال الله ولا فالك الا فيه بترول والامور سنعه

بيني وبينكم قمت اهوجس

قلت : تخيل ما فيه بترول وش بيصير وضعي قدام العيال واقعد افكر ... الله تبي ترجع لي ( ابو عراده )

و راجو راعي البقاله بتصير نفسه شينه علي ويبي ينشب في حلقي يبي فلوسه

وامي يبون يصقطونها هاللي ما يخافون الله

المهم ... كبر الوالد وتعب وصرت اجلس بمكانه اشوف امور الرعيه

سمع بخبر البترول واحد من اعز اصدقائي اسمه ( ابو جلمبو )

قال لي : شف حالتك وشلون تدهورت صحتك اندمرت وعيونك راحت ما صرت تنام لا عادت عليه بترول

وانا اخوك فيه شركات بـ 500 ريال تكشف لك عن البترول هو صحيح موجود ولا لا

وريح نفسك يا اخي منها انك ما تعيش في وهم ومنها ترتاح وتريح هالناس

قلت : هاه والله انه مهيب شينه بكرا ان شاء الله اجيب هاللي يكشفون

ويضيق صدري وارجع افكر مره ثانيه اقول لو ما يصير فيه بترول وش يبي يصير ؟

قلت اعوذ بالله من الشيطان الا فيه ... وراي قمت اوسوس انا

المهم واجيب لك ذاك الفلبيني واوكله اكل ما ياكله ابن امه >> يقولون رشوه

ويجيب عدته واغراضه عشان يكشف على الارض يشوف بها بترول والا لا

ويجي يدخل حديده معه في الارض وتوافق لها بطن حاشي >> دافنه ابوي

يوم انشق بطنه .. قلت بس هاذا البترول

هلا والله بالبترول ... صحيح ما عقب التعب الا الراحه

قال ابو جلمبو : اركد ... اركد

وهو يغير المهندس مكانه ويقعد يتفحص ويقلب عيونه هالفلبيني ويدور ويتشمشم

الخياس ذبحنا وهو يقول صبر صديق

وحنا نحتري واقول يالله يارب ولد اقصد بتروول

بعدين جا الخبر اللي نزل علي نزلة الطشت على الراس >> يسمع بالحكم والامثال

قال : شوف صديق بترول هنا ما فيه ويقعد يشرح الفلبيني لابو جلمبو بالعنقليزي

وانا اقول لابو جلمبو : هاااه وش يقول لك

قال : انه يقول مافيه ولا حتى غضارة بترول

قلت وشو ... وانا امسك الفلبيني مع حلقه قلت له روقنا الله يرحم امك والماء اللي مختلف ريحته وطعمه و ش يصير ما ملا عينك

المشكله الناس متجمعين وسمعوا كلام المهندس الفلبيني وهو يقول بترول مافيه

ويبدون يتكلمون يقولون ترا بيت اشقر ما فيه بترول

ويتجمعون الديانه وكل اللي انا متسلف منهم حتى الحلاق جحدني وقال جب الخمسه حقت التحليقه

المهم رجعت اموري مثل اول واردى ونزلوا الناس قدري اخس من اول

انا ووجهي اقول يمكن ان هالخياس اللي في الماء هو بداية تحلل الفطايس الى بترول وبشرت اهلي

وصار في الاخير عقب التحليل للمويه ان البياره منفجره على خزان الشرب والبلاااا في الصرف الصحي الخايس في منفوحه

وبحلت في هاللي عبيت لهم بنزين عقب ما خبطت مواترهم

بس الحمد لله استفدت من هالقصة امور واجد



منـــــــــــــــها :


- اكتشفت اننا نحرص على راعي الفلوس نقدره ونحترمه ... والداج ما نعطيه وجه

- اي خياس تراه مهوب بترول >>>>>>> جتني عقدة نفسية لا تلوموني

- اللي عايش في وهم يصحى

- الله الله بمواصيركم يا حقين الصرف الصحي >>>>>> صلحوهن يمال الغناة

- لا احد يروح لم عزيمه >>>>>>> حقد بعدها

- العجله في كل الامور شينه





خبااااااااااااااااااااااالــــــــ قصدي خياااااااااااااااااااااااالــــــــ كذاااااااااااااااااااااااااااااا

[هـاوي زهـران]

مصدق نفسه يبي بترول
ههههههههههههههههههههههههههههههههههههههههه

على العموم قصة جميلة وفيها من العبرة الشي الكثير
يسلموووووووووووو اختي اسيرة البعد

[اسيرة البعد]

مشكور ع المرور اخوي هاوي

[راشد الصهيبي]

ابو عراده
فيك فيك
هههههههههههه
خياااااااااااااااااااااااااااااااااااال واسع

[اسيرة البعد]

خيال البترول مره وحده

[بن درويش]

اضحك الله سنك .....روعة ..

[لاتسأل]

[align=center]حسبي الله عليك طحت فوق الكيبورد وانا اقرا
واخرتها ضعيف الله ابو عراده عفن في البيت وهو يترقب للبترول
ههههههههههههههههههههههههههههههههههههاي
بس ماني متكبر[/align]

[align=center]تحياتي لك[/align]

[العندليب]

<<<<<<<<<<<<<<<<<فاطس من الضحك >>هههههههههههههههه

[乂آمَيــِــرَة آلَــِــوَرَد乂]

اقتباس: - اكتشفت اننا نحرص على راعي الفلوس نقدره ونحترمه ... والداج ما نعطيه وجه - اي خياس تراه مهوب بترول >>>>>>> جتني عقدة نفسية لا تلوموني - اللي عايش في وهم يصحى - الله الله بمواصيركم يا حقين الصرف الصحي >>>>>> صلحوهن يمال الغناة - لا احد يروح لم عزيمه >>>>>>> حقد بعدها - العجله في كل الامور شينه

هههههههههههههههههههههههه

مسكييييييييييييين انواااع التحطيم

يسلموووو ياعسل

[فـ(ـهـ)ـد آلزهرآنـي]

اقتباس: المشاركة الأصلية كتبت بواسطة العــ أبوصالح ــقيد      <<<<<<<<<<<<<<<<<فاطس من الضحك >>هههههههههههههههه

آحس أنه مآ قرآهآ هههههههههههآآآي





أنهآ قصه جميلـه جدآ