الشعب يقتل من ثلاث جزوع

[فلاح بن منشار]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياجرح قلب الشام وجدي جال=والشعب يقتل من ثلاث جزوع
مافي العرب ياكود قيل وقال=من عام في شهرين صار اسبوع
اللي شكى بالهاتف الجوال =ياونتي له ونّة المسبوع
يقول ما في الارض خير ارسال=ماجاوبه مني ياكود دموع
وين المخلص يقتل الدجال=عيسى وهو عند اليهود يسوع
فوق المناره في دمشق وسال =منه العرق مثل الجمان شموع
يموت منه الكافر المختال =ويعود دين الله وافي البوع
من كثر قتل الناس جاني هبال=عني القلم مما جرى مرفوع
لا واوجودي وجد بن هذال =على الصداقه في زمان الجوع
يوم المعنى جاه بالموال = والملعبه تروى من الينبوع
من فتنة اهل الهرج واهل المال=من عز نومي قمت له مفجوع
ياويل قاتل غازه الاطفال=وين الامم يستخدم الممنوع
اجرام روسي فارسي مغتال=والروم منهم حيلهم مقطوع
في مصر قتل وتونس استرسال=والليبي اللي فاق كالمصروع
كلن يقاتل والحصيل ريال=واللي بداء وماكمل المشروع
يالله ياللي تعلم الاجال =ياعالمن بالسر والمسموع
ارحم عُبيدك ياعليم الحال=واغفر ذنوبي جمع يوم الروع[/poem]

[انا السليمي]

صح لسانك يالنشمي وتسلم يمناك على القصيده الرائعه ونسال الله ان يلطف بحال المسلمين

[احمد صعمود]

صح لسانك وكثر الله من امثالك

[محمد الساهر]

((( صح لسانك شاااااااعرنا المتألق )))