ياغربتي

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياغربتي ماعاد باقي غريبه=انا بعيني شفت كل الغرايب

خلاص راسي واردن منك شيبه=شباب واللي شا فني قال شايب

احترت مدري ويش لك نبتدي به=الحلق كلماتي بوسطه نشايب

افجعك ماودي بعلمن نجيبه=ماني بجايب له الحض جايب

ماينكتب وارد رضا ياغصيبه=واللي رضي هانت عليه الغصايب

فرقاك فرقا والمفارق صعيبه=محسوبها فالوقت ساس الصعايب

مع السلامه ياتبوك الحبيبه=وداعت الله ياديار الحبايب

منتي بعيده من عيوني قريبه=قلبي معك لوكان محنا قرايب

هذي الدموع اللي بخدك سكيبه=مقابل ادموعن بخدي سكايب

دمعي ودمعك دون شكن وريبه=منتي بشكاكه ولاني برايب

حان الوداع وحان وقت المغيبه=مع واحدن لوغاب ماهو بغايب

لابد كلن يقتنع في نصيبه=مصير كلن فوق راسه نصايب

منك السموحه يالديار الرحيبه=لا وان من فرقاك ماهي رحايب

انا أحبك حب ماحد دريبه=ناره بروحي ماتطفا لهايب

اخفيت عنك الحب قدرن وطيبه=حبن بدى ماله بالاخر حسايب

محبتن كبرى عضيمه عجيبه=ماتنوجد ضني بدنيا العجايب

لك عاشقن يذكرك حتى مشيبه=لا تحسبينه لارحل منك طايب

انتي تبوك الورد والورد طيبه=استنشقه شاعر بزين الهبايب

يرمي سهومه والمصيبه تصيبه=تقسى هروجه لكن القلب ذايب

مع السلامه واعذري يالحبيبه=عليك تعقبنا نتوج السحايب[/poem]

[أمير الإحساس]

صح لسانك

قصيدة جميلة ورائعة

ابدي اعجابي وتقديري وإحترامي

[سعيد الكناني]

صح منطوقك يالنشمي

أبدعت وأمتعت

ننتظر جديدك بكل شوق

عندما قرات النص الجميل تذكرت بياتاً من قصيدةٌ للشاعر / ندى الرفاعي

يراودني الحنيـن إلـي رباهـا = فأنكـر كـل معشـوق سـواهـا
وأقضي الليل في حال غريـب = ولا أدرى أأهلك في هواها
أحملق في السماء فرب نجـم = يمر الآن قربا من سماها
وأبصر في ضياء البدر شيئـا = يذكرنـي ببـدر فــي حمـاهـا
أعددهـا ليالـي أو شهـورا = لـعـل الله يرزقـنـي لـقـاهـا
وألحظ وجه من قدموا كأنـي = أرى في ذاك ومضا مـن سناهـا
ويمضي العام في ثقل عصيب = ألا يـا هـل تـرى بعـد أراهـا
ويجني الشوق منـي مبتغـاه = حصـاد محبـة عشنـا جواهـا
ألا مـن زورة لديـار طــه = لأبحث عن فـؤادى حيـث تاهـا
فما أبغي سوى قربي حبيـب = وما أبغـي كنـوز الأرض جاهـا
عسي الرحمن يمنحني جوارا = لأهـل حقيقيـة هـم منتهـاهـا
سلاما ياديارا كـم تسامـت = ورب الكـون نـورا قـد حباهـا
خذوني أطفئوا نـارا تلظـي = فـإنـي لا يفارقـنـي مـداهـا
خذوني للبقيـع إلـي قبـاء = إلي أحد إلي مـن حملـوا لواهـا
نصلي ركعتين بـدار تقـوى = نطيب فـي مساجدهـا الجباهـا
دعوني أمتطي رحلي وأمضي = فليـس الشـوق يفتقـد اتجاهـا
ذروني لا تلومونـي فإنـي = عشقت لأجلهـم سكنـي ثراهـا
فيا ربـا قديـرا فـي عـلاه = ويـا مـن أودع الدنيـا بهاهـا
ويا من رزقه للطير يسـرى = تـول الـروح وامنحهـا مناهـا
صلاة الله لا مولـي سـواه = علي مـن لقـن الإسـلام طاهـا


أتمنى لك التوفيق والسداد

[احمد صعمود]

شكرا حسين المعنى لحضورك المتجدد

والحافل بالروائع والابيات الجميله

يعطيك الف عافيه

تقديري

[حسين المعنى]

صح الله ابدانكم وبيض الله وجيهكم على مروركم الذي يشرفني ويسعدني

لكم مني الشكر والتقدير والاحترام