تعالوا نخترع حشوات لقوالب السيلكون

[طوق الياسمين]

اقتباس: المشاركة الأصلية كتبت بواسطة نسيم السروات      طوق عليك ذكر الله ما خليتي في بنده شئ وش ذا كله هوية كذية أسمعي إذا جيت عندك يوم الخميس سويت لك الحلى اللي يعجبك وتأكلي صوابعك وراه طالما كل المقادير جاهزة عندك الله يسعدك وفرتي علي ومافيه مشكلة بانزل الطريقة بعد ذلك للبنات خلاص أتفقنا . بس بصراحة فكرتك رائعة بسرقها منك وأحطها في مطبخ نسيم للأكلات الشعبية أجيب طحين وتمر ولبن ودجر وحب حاج وسمن وعسل ومسواط عصيدة وبطلب من البنات يسوون منها أكلات شعبية . ليش لا مافيها شئ نتبادل الأفكار فيما بيننا مافيش حد أحسن من حد هههههههههه خلاص أتفقنا طق طق ؟؟ باي ولي عودة بإذن الله .

الله الله
تجين على شي جاهز .. اقول جيبي مقاديرك معك لا هنتي وخلي عنك
بعدين وش دراك إني رحت بنده والله لصحكيت لي بـ 600 ريال اغراض قلت دامها خربانه اجل خليني اشتري مقادير حلى
عاد بجد التشيز كيك التقليدي ماتلذذ به الا من يدينك فأكيد انه حلى يوم الخميس اللي بتسوينه


المهم تراي انتظر خربطتك معنا هنا واذا خلصنا على خير
ابشري بالفزعة في قسمك باخبص لك الدقيق في المرق في الدجر والزبيب والقسبة وعلى نار هادية ثم نزين الطبق بشرائح الكبدة .. ماعليك لا جا وقت التخبيص خذي مرَه



انتظرك ياعسل

[طوق الياسمين]

اقتباس: المشاركة الأصلية كتبت بواسطة جمرة غضى      تووووووحفة موضوعك يهبل عاد صراحة بالصورة اللي حطيتيها في نوع من الشوكولاه اعشقها واذا شفته لازم اشتريه مااقدر اقاومه وامر من عنده ومااشتريه اللي هو الفليك الاصفراني يمي يمي على طعماته شو بتجنن ^ ^ ^ نست الموضوع وحولت على الشوكولاه هههههههههه لي رجعة بس خسارة كاميرتي ماادري شوفيها ماتصور حساااافه تسلم دياتك ياقومر

عليك بالعافية الفيلك .. خلاص اذا قابلتك باجيب لك كرتون منه
تذكرت وحده من صحباتي يوم تزوجت اهديت لها كرتون تويكس من كثر ادمانها عليه ولأني انا وياها كنا مثل اصابع التويكس ماحد يقدر يفرقنا
طيب ياقمر اذا زانت كامرتك تعالي
والا اقول لك مو لازم كاميرا .. اي خلطة / حشوة تعرفينها او سمعتي عنها او حتى لو تتخيلينها بتكون مضبوطه هاتيها اجربها


الله يسعدك جمورة ياعسل وانتظرك

[شًآمًخٌهٍ رغًم آلآلم]

اقتباس: المشاركة الأصلية كتبت بواسطة كت كاته      وعندي طريقة مبتكرة اشتري كت كات ابو ثلاثة اصابيع اكسري الاصباع الاول واطحنيه وحطيه في السيلكون بعدها اكسري الاصباع الثاني واطحنيه وحطيه فوق الاصباع الاول ثم اطحني الاصباع الثالث وحطيه فوق الاصباعين الاوليين ترااااااااااااا يطلعلك كت كات طبقات رهيب كلييه زي ماتحبي بالخمس ولا بالملعقة ههههههه كيف بس ايش رايك في اختراعي

والله عجبتني اطحني ثلاث مرات متتاليه وطبقات
بصرااااحهـ كذا فتحتي نفسي لخربطهـ اشوفها بس مرررررره صعبهـ كل شوي تطحن اصبع
عندي سؤال كت كت لاهنتي مايجي نطحن الثلاث الأصابع مع بعض ولا يخرب الحلى وبعدين نسويها طبقات متتاليهـ
وربي انتي رهييييييييييييييبهـ الله يسعدكـ

[تراتيل الزهر]

ياسلام على افكاركم الحلوة
يسلمو

[السلطانة]

طوق ياعمري عليكـ إنتي وموضوعكـ هذا...
أبطيتـ صح أنا بس جيتـ أسيّر عليكم وأشوف إبداعاتكم...وأدعي لكم...
لأن هالأشياء أبداً أبداً ماأفكر أسويها...
يعني تجي جاهزهـ أكلتها أما أنا أتعبـ عليها لاآآآآ ماينفع...

<إذا ضبطتـ معكـ متعينا بالصور>


وسلامتكـ إنتي والصباياآآآ النحلاتـ...

[جروح الزمن]

وانا كنت مثلك اخت طوق محتاره مرره عندي قوالب السيلكون ومافي غير حشوة حليب النستله وجبنة كيري والدريم ويب
ونكمل عليها بكيك سويسرول او بسكوت اوريو الي حللناه في كل الحلويات خخخخخ

مره سويت بقولب السيلكون حلا وحطيت توفي بس انحاس علي الطعم شي بس الشكل خرب هههه

وهذا نوع من الحلى بشارك فيه ياليت يعجبك




وعندي حشوه لي مانحط << طبعا بمان الكل زهارين تعرفون كلمة نحط خخخ

ليه مانحط الكاسترد بدال الخلطه المعروفه نستله وجبنة كيري

وكمان نحط خلطة كاس جوز الهند مع4 ملاعق حليب بودره وقشطه وسكر مطحون ونعجنها ونكورها طبعا الكميه ع حسب القوالب الي عندك ونحطها ع قوالب السيلكون مثل هذي الطريقه بس انتي كوريها صغار مره

المقادير..
بياض 2 بيضة
4 ملاعق طعام سكر ناعم
10 ملاعق طعام جوز هند
قطرات من روح جوز الهند
رشة ملح
اقل من ربع ملعقة صغيرة بيكنج باودر
شوكولا بالحليب للتغليف

الطريقة..
نخفق البياض بالمضرب حتي ينفش ومعه رشة الملح وروح جوز الهند


وبعدها نضيف السكر ونحرك بالملعقة ونضيف جوز الهند والبيكنج باودر ونحرك بالملعقة .. وتلاحظي ان المزيج اصبح متماسك ..




نشكله اصابع و نضعه في قالب مبطن بورق زبدة ونخبزه في فرن 200 ْ في الرف الاوسط حتى تحمر قليلاً..



وبعدها نتركها تبرد تماماً ..

التزيين ..
نذوب الشوكولا في حمام مائي مع قطرات قليلة من الزيت النباتي .. ونغمس القطع فيها ونزينها من فوق بنقط من الشوكولا ونتركها تبرد


.. وممكن تحطيها في الثلاجة (البراد)..

وقدميها لحبايبك






وكمان تمر معجون بمويه حاره شوي عشان ينهرس التمر مع هيل ونكوره ايضا ونحط ع القوالب
وكمان ناخذ بسكوت شاهي ودريم ويب وقشطه وكريم كرمل وجبنة ابو ولد او اي جبنه مثلثات ونخلطها بس بشرط البسكوت اخر شي يعني كلما ثقل الخليط كل ما تماسك مع بعض
ودمتم سالمين والله كان ودي اضيف افكار بس يالله هذي طلعت معاي عصرت مخي عشان اخترع لكم ههههه

[طوق الياسمين]

اقتباس: المشاركة الأصلية كتبت بواسطة نور الجنوب      طوق اذا سويتي الحلى ورينا بالصور كيف طريقته الله يسعدك لان انا عندي الضيوف ماينقطعو ونفسي اجدد

اهلين نور ياعسل
ابشري من عيوني .. كنت ناوية هالويك آند اشتغل فيها بس ماكتب الله كان اسبوع حافل بالزيارات والاجتماعات العائلية
لكن اعدك وأعد الجميع أن هالمتصفح راح يكون فيه كثير صور لجميع الحشوات الخاصة بالقوالب وراح اذكر بكل أمانه وش احلاهم بالطعم

تسلمي عالمرور

[طوق الياسمين]

اقتباس: المشاركة الأصلية كتبت بواسطة شًآمًخٌهٍ رغًم آلآلم      خلاص خلاص فهمت <<< خافت من الاستقعاد طيب شوفي يانكهة المنتدى يجي أتسلف أفكار من غيري أو أستنجد بأحدى أخواتي أو صديقاتي وربي رهييييييييبين بذي الأمور وياحبهم بالخرابيط هذهـ يتفنون فيها مثلكـ ماشاءالله عليكم كل مرهـ يسون شكل تقولين في تنافس على الحلويات بس أعـــــصب عليهم يوم يسون حلى فيها شوكولاتهـ يرجعون مساكين يأنهم يسون صنفين من الحلويات صنف كلهـ شوكولاتهـ وصنف خالي من الشوكولاتهـ وأحياناً يطيرون فيهـ ويصرخون ويقولون في أحد مايحب الشوكولاتهـ ترى طفشتينا ويكرمشون مشاعري اللي جالسهـ سنين أبني فيها واحياناً يضحكون عليهـ بصينية بسبوسهـ يسكتوني فيها عالعموم إذا قولتي ماكو مشكلهـ بكرهـ الأربعاء بروح بيت أهلي والتجمع العائلي بيكون فبجلس بحلقهم وأصور أو أخذ منهم وعد يسون طريقهـ حلوهـ بالشكولاتهـ وياكثرها عندهم ويصورونها لي ويعطوني هي دخت من كثر الهذرهـ لنا عوودهـ بإذن الله تشااااااو

ههههههههههه حلوة كرمشوا مشاعرك
هااه بشري ان شاء الله قابلتي خواتك وبنات عمك وكل الشلة الطيبة قبل امس >> تعد الايام أي بالله اعطينا من ما اعطاهم الله من التفنن عاد هذا هوسي ، بس من جد أنتي ثاني بنت اعرف أنها ماتحب الشوكولاته شي عجيب بصراحة احسكم ناس مدري شفيكم المهم ياعسل تراي انتظر وصفاتك بس لا تطولين علينا
فديت طلتك

[طوق الياسمين]

اقتباس: المشاركة الأصلية كتبت بواسطة كت كاته      اكتشفت انه ماعندنا في البيت سيلكونعندنا بس ورق بليسيه وانا ووعدتك ولازم اوفي بوعدي طبعا منقول الخطوة الأولى/لوح شوكولاته خام (يذوب في حمام مائي) ناخذ مقدار ملعقة من الشوكلاته نضعها في قوالب السليكون في القاع وعلى الأطراف وندخلها الفريزر. الخطوة الثانية/ نطحن 3 مظاريف بسكوت اوريو ثم نضيف علبة قشطة، إذا كانت العجينة رقيقة اضيفي قليل من بسكوت الشاي المطحون حتى تكون العجينة قابلة للتشكيل. الخطوة الثالثة/ ناخذ مقدار من العجينة يناسب حجم القالب ونضغط عليها بالأصبع حتى يكون فيه تجويف في الوسط. الخطوة الرابعة/ نحمس نصف كأس من شرائح اللوز وتوضع كمية بسيطة في القوالب. الخطوة الخامسة/ أعملي توفي أو التوفي الجاهز حسب المتوفر وضعي مقدار ملعقة صغيرة على اللوز. الخطوة السادسة/ خوذي قليل من عجينة البسكوت وغطي سطح القالب بشكل مرتب . الخطوة السابعة/ تغطى العجينة بالشوكلاته المذابه وتدخل الثلاجة. وهذي صورة توضح جميع الخطوات السابقة وإذا جمدت الشوكلاته أخرجيها من قوالب السليكون وضعيها في ورق البليسيه أو قدميها بالطريقة اللي تعجبك. وعندي طريقة مبتكرة اشتري كت كات ابو ثلاثة اصابيع اكسري الاصباع الاول واطحنيه وحطيه في السيلكون بعدها اكسري الاصباع الثاني واطحنيه وحطيه فوق الاصباع الاول ثم اطحني الاصباع الثالث وحطيه فوق الاصباعين الاوليين ترااااااااااااا يطلعلك كت كات طبقات رهيب كلييه زي ماتحبي بالخمس ولا بالملعقة ههههههه كيف بس ايش رايك في اختراعي

ههههههههههههههههههه احلى شي الطريقة الثانية من جد اختراع ، اتوقع لو طحنتهم الثلاثة مع بعض بتكون كارثة
قاعده اتخيل نفسي مثل الهبلا اطحن كل اصبع لحاله اووم الفضاوة


الطريقة الاولى شكلها طعمة وباجربها وبانزل الصور هنا
فديتك كت كاته لا عدمتك ياعسل ماقصرتي والف شكر لك

[طوق الياسمين]

اقتباس: المشاركة الأصلية كتبت بواسطة سميني بنفسك      ياسلام على افكاركم الحلوة يسلمو

وياسلام على حضورك ياقمر
تسلمين على مرورك