|
|
|
|
|
 |
 |
 |
|
#1
20-08-2009, 03:33 AM
|
||||
|
||||
قصتي مع بنك .... فرع الباحة
[align=center]
اسعد الله مسائكم جميعا بكل خير بصراحة ما ادري من وين ابدأ وكيف بانتهي من قصتي الحزينة والتي اشبه ماتكون للفيلم الهندي ! لكن المره هذي فيلم سعودي بدراما هندية  سافرت هذا الصيف للديرة باقضي إجازتي باستمتع بهوائها العذب الذي هو اجمل مافيها وبعد 6 ايام من سفري .. تعرفون الديرة عيب البنت تنزل البقالة وتشتري غرض وعلى قولة اخوي "لو تنزلين بقالة الصقور اللي في بني سار يبلغون عنك الهيئة" !  فقلت مالي إلا اكتب اغراضي في ورقة واعطيها لولد اختي لأنه طالع مشوار .. لأننا بقرية بعيدة .. واعطيته مع ورقة الاغراض بطاقة الصراف تبعي.. اخذها ولد اختي الفاغر واتصل علي يبشرني بأن الله قدر وضاعت بطاقتي .. هو قصده ضاع مستقبلي وضاعت معها احلامي بقضاء إجازة ممتعة وشراء كل ما اريد قلت : بالله ضيعتها وإلا تمزح كعادتك .. قال : لا والله ياخاله ما اعرفك الحين عشان امزح معك .. وش الحل ؟ قلت : شوف يالحبيب .. الله لا يعطيك العافية ؟، "وهاتك ياتهزيء" .. الحين مالقيت إلا بطاقتي تضيعها ! ضيع بطاقة امك بطاقة ابوك بس بطاقتي انا قوية قال : ولا تزعلين خالتي بكرا الصباح اروح بك لين البنك وتطلعين بطاقة جديدة .. يحسب أننا في الرياض قلت : اللي اعرفه من خمس سنوات أن بنك ..... في الباحة مافيه فرع نسائي قال : لاااااا هذا قبل خمس سنوات الحين تطوروا .. حتى صار فيه مكاتب إرشاد سياحي قلت : اوكي .. موعدنا الصباح جا الصباح وأذن الديك وصحيته من النوم ومشينا متجهين لبنك ... .. والله ياهو مشواااار علينا وصلنا قال : انا بانزل وانتي ابقي باشوف عندهم فرع نسائي وباستفسر عن كل شي نزل ذيبان وجاني بعد 10 دقايق والاخلاق تجارية قلت : خير ؟ قال :ضبطت لك كل شي بس للاسف نسيت بوكي من دلاختي في البيت .. ياليل الليــــــل ! وترى البنك مافيه فرع نسائي على كثر الزهرانيات والغامديات اللي ذبحهم الفراغ ماتصدقوا عليهم لو بصندقة وراتب لو 1000 ريال  قلت : يابن الحلال أما نرجع البيت عشان بوكك خلاص كنسل الشغله كلها قال : لازم البوك اثباتي فيه الحين بيخلوني معرّف عليك مدري باكفلك .. طبعا بلعتها غصب عشانه الحين بيخدمني وررررر رجعنا البيت ورررررررر وصلنا البنك .. وبغينا ندعس قحمين في الروحة و4 شباب في الجية مدري ليه خط الباحة الهاي وي الناس تقطع فيه .. طيب عارفين أن البشرية تقطع الخط  سووا لهم مطبات لو بس عشان ولد اختي إذا ساق بتهور طبعا طول الخط قاعد يحكي لي وش صار داخل البنك من محادثة بينه وبين موظف البنك يقول : رحت للموظف وشرحت له الوضع قال ولا يهمك اهم شي اثباتها هي واثباتك انت وترى ماراح نعطيها بطاقة جديدة .. لأن هذا نظام غبي عندهم لكن باعطيك استبيان تعبيه خالتك وتروح للصراف اللي داخل البنك وتسلم الاستبيان للموظف والموظف يسلمها المبلغ اللي هي تبغاه من الشباك ركزوا بالله على كلام الموظف عشان بعد شوي باسألكم .. قصدي باقول لكم شي مهم نزلت أنا وولد اختي للبنك .. ويلعن ام الفشيلة ، كلهم رجال قلت ماني داخله ابد قال الموظف يقول عادي الحريم يدخلون وتراي شفت لي حرمه داخل قبل شوي .. وفعلا وانا داخله قلبي يدق طبول لكن لقيت في كهلتين قاعدات شكل عندهم اسهم بيبيعونها جلست انا في اقصى اليمين لقيت لي كرسي لحاله ولد اختي راح للموظف وقدام عيني دار الحوار التالي : ولد اختي : هذا هو اثباتها وهذا اثباتي وهذا الاستبيان عبيناه ووقعناه الموظف : بس اثباتها بطاقة احوال ! مو بطاقة عايلة وانت بطاقة احوال كيف اعرف صلة القرابة .. صار هيئة الحين ! طبعا لما طلعت بطاقة احوال اشتريت لها تغليف يصير فيه شعار السعودية سيفين ونخله على حد وجهي بس التغليف ينفك ولد اختي : انا جايب صورة من بطاقة عايلتي تقدر تقارن اسم والد امي بوالد خالتي هو نفسه فلان بالاسم الثلاثي الموظف : طيب انت تعرف نظامنا ؟ لازم اصور بطاقة الاحوال تبعتها بدون الغلاف .. حقير هالموظف ! ولد اختي : لا الله يسلمك .. وش ذا الكلام ..  لا لا مستحيل أنا اعرف دوائر حكومية بالرياض يصورون بطاقة احوال الحريم بالشعار عليها اهم شي رقم السجل المدني واضح .. حتى المحاكم تسوي كذا ! الموظف : بس هذا النظام .. يسمع بالنظام وانا اقدر احلف ماعنده إلا شهادة المتوسط وموظف بالواسطة بعد راح ولد اختي لموظف ثاني ولد اختي : ياخي فكنا من زميلك ذا ناشب لنا يقول بيصور بطاقة خالتي بدون غلاف لاحظوا اسلوب ولد اختي بدى يتغير الموظف الثاني : والله ياطويل العمر لو المسألة بيدي كان مشيتها لك ، مع ان معك حق بس هذا النظام اللي يقول عليه الزميل طبعا هالموظف كان واقف معنا وماعجبه اسلوب زميله ولد اختي : طيب وين مكتب مدير الفرع فاتفاهم وياه الموظف الثاني : عنده اجتماع برى الفرع ومايرجع إلا الساعة ثلاطعش ! ولد اختي مسكين رجع يقط وجهه للموظف الاول ولد اختي : ياخي احنا مو من الباحة وهي محتاجه للمبلغ تعرف تذاكر الرجوع والمسلزمات وكذا .. ياخي مشنا يرحم والديك الموظف : والله آسف .. وبعدين وش فيها كثير حريم يجون اللي معهم بطاقات احوال نصورها بدون غلاف .. غلفوا وجهه بكُبسة رماده "معقولة صادق هالموظف الغبي" ؟!! ولد اختي : ياخي ماترضاها على محارمك ووووووووو ...... الخ طبعا وولد اختي قاعد يتكلم ورافع صوته ويهايط ماسمع الموظف وهو يتكلم الموظف : ترى مو بس نصور البطاقة بدون غلاف .. لازم تكشف وجهها لموظف الصرف عشان يطابق الصورة !!! هع زي ماقلت لكم ولد اختي ماسمع هالجملة ويمكن من ربي صم اذانيه وقتها وإلا كان بيصير مذبحة شهيرة في البنك طبعا أنا بس سمعت الجملة قمت من فوق الكرسي وامبير الضغط واصل h قلت لولد اختي انا باطلع وطلعت وكنت اسمعه يقول .. الله لا يبارك فيك ولا في نظامك اصلا من يوم شفت الصفر الدولي اللي في وجهك وانا غاسل يدي تعريف الصفر الدولي : كمية شعر بحجم 1سم × 1سم مربيها الموظف تحت شفاته السفلى .. مدري وش يسمونها ! وعلى فكرة هو الوحيد اللي يملك صفر دولي على حد كلام ولد اختي .. روحوا شوفوه قبل يحلقها وصلنا السيارة قلت لولد اختي :مابقى إلا هي الحقير القذر يقول لي تكشف وجهها نطابق الصورة ، عليه من الله مايستحق قال ولد اختي ايش ؟ ومعها ربطة فرامل قوية .. عاد هو عصبي وغيوووووور قلت لا لا بس كأني سمعته يقول كذا ويوم وصلنا البيت قلت له اقسم بالله انه قال هالجملة الوقح .. قال انا باروح له بكرا الصباح وانتف له الصفر الدولي هههههههههههههههههههههه والله وتالله لو اعرف اسمه لاكتبه هنا جزاء له وردعا لامثاله .. لكن ماكان واضح على بطاقته إلا الصفر الدولي جاي كذا كبير ومغطي ثلاث ارباع الصورة عموما .. ويلقاها في الدنيا قبل الآخره إن شاء الله .. صحيح ماهمتني البطاقة كثر ماهمني الموقف والاستقعاد والنظام اللي اخترعه من راسه اجل بالله كل حريم الباحة صورهم في ارشيف البنك واسمائهم بالكامل جنبها !! صار مكتب تزويج ناقصهم بس خطّابه ، حسبي الله عليه ..! طبعا تنكدت وماقدرت اطول في الديرة ورفضت آخذ من احد فلوس إلا حق رجعتي ورجعت بدري بسبته .. لكن اتوقع أن صار له شي من كثر مادعيت عليه هذاك اليوم هذي قصتي اللي ماودي تفوت عبدالخالق الغانم ويعمل لها شوية سيناريو وتصير حلقه في طاش ماطاش ..! و.. الله الله لويخلون السناني يمثل دور ابو صفر دلي هذا .. والف شكر لكم للمتابعة دمتم بود[/align] التعديل الأخير تم بواسطة طوق الياسمين ; 20-08-2009 الساعة 04:03 AM. |
 |
 |
 |
|
|
|
|
|
20-08-2009, 03:56 AM
|
#2 |
 |
رد: قصتي مع بنك .... فرع الباحة
شوفي !!
وأنا أقراء القصه وربي أنقهرت وودي أساعد ولد أختك في تنتيف الصفر الدولي  كل محل في الباحه تحصل فيه واحد درج وغبي بصراحه .. مايستحي على وجهه يبي يطابق البطاقه ع الطبيعه والله حق من دعسه في الخط اللي تقولي لازم يطحوا مطبات فيه تبين أقلك سبب تفاعلي مع قصتك ؟! والله أني يوم من الايام بطاقة صرافي كان يبي لها تنشيط تصدقين !! أنهم مرمطوني وقعدت أربع أيام أراجهعم والله وقتها كنت ناوي أشتري كلاشنكوف وأفجر البنك الاهلي <-- قويه صح هيا فمان الله  |
|
|
|
|
|
|
|
|
|
|
20-08-2009, 04:35 AM
|
#3 |
|
مشرف القسم الرياضي 
|
رد: قصتي مع بنك .... فرع الباحة
منسجم مع القصة
بس تصدقين تحزنين أنتي وولد أختك هالكمخة اللي نسى المحفظة  آما صآحب الصفر الدولي لو كآن علمتي ولد أختك علشآن يعلمه كيف الزهآرين عندهم غيره وكرآمة ع العموم خيرهآ بغيرهآ أنا السنة هذي ماطلعب ولا مكآن عآيش في جدهـ بسبب الظروف القآهرة أنتي أحسن مني طلعتي وشفتي ديرتك .. |
|
|
|
|
|
|
|
|
|
|
|
20-08-2009, 04:38 AM
|
#4 |
|
موقوف
|
رد: قصتي مع بنك .... فرع الباحة
الله يخذل موظفيييين البنوك والدوائر الحكومييييه
أنا الى الحيييين ما جددت بطاقة الصرافه من مشورتهم هذ1 ونا بجده اجل كيييف الديره والله لو اني مكان ولد اختك لاكعش الصفر الدولي حقه فكييييني علييييه |
|
|
|
|
|
|
|
|
|
|
|
20-08-2009, 04:56 AM
|
#5 |
|
|
رد: قصتي مع بنك .... فرع الباحة
قصه طويله مايمديك تقصري منها؟
|
|
|
|
|
|
|
|
|
|
|
|
20-08-2009, 05:07 AM
|
#6 | ||||||||||||
|
رد: قصتي مع بنك .... فرع الباحة
يا الله ..! صدقت .. حلاة من يسدحه في طريق الباحه وأول دعسه تريلة وزنها 4 طن وبعدها شاحنتين عشان تتغير ملامح وجهه وبالمره يضيع الصفر الدولي داخل خشته العجيبة عموما البنوك جيدين في مرمطة العملاء والحمدلله اني بس رجعت للرياض واطلعها بنفس يوم رجعتي حتى مانتظرتها تجيني على البريد سحبتها برسوم اخوي / فهد اسعدتني مشاركتك وكان الله في عوننا اختك |
||||||||||||
|
|
|
|
|
|
|
|
|
|
|
20-08-2009, 05:12 AM
|
#7 | ||||||||||||
|
|
رد: قصتي مع بنك .... فرع الباحة
اما الكمخه قويةتراه باناديه يسجل معنا قريب فديته لا تزعله علينا تدري عاد الموظف من لكنته زهراني او غامدي .. يعني من اهل الديرة لكن شكل ماعنده حميّه وشهامة والله لو ادري ان بيصير لي كذا ماسافرت الديرة لكن حظ اوفر لك .. او يمكن ربي فكك اخوي / عديل الروح اشكرك على تعقيبك اختك |
||||||||||||
|
|
|
|
|
|
|
|
|
|
|
20-08-2009, 05:43 AM
|
#8 |
|
قلم مميز 
|
رد: قصتي مع بنك .... فرع الباحة
أول شيء صباحكم ياسمين
النظام له روح وله نص مايتم تطبيقه لدينا في اغلب الاحيان هو روح القانون بحيث لايؤثر على سير العمل ولايخلّ بالنظام ولذا فنظامنا يخضع لمزاجية الموظف فهو مخيّر بين النص والروح .! ماقام به الموظف هو نظام لكن السؤال هل يطبّق فعلياً ؟؟؟ ام يمكن تجاوزه في اغلب الاحيان ؟؟!! اللوم يقع على من وضع نظام البطاقات الشخصيه للنساء حيث كان من الواجب مراعاة شريعتنا وقيمنا وعاداتنا وحتى لاتكون المرأه عرضه للمضايقات والابتزاز بكل سهوله كان من الممكن وضع نظام البصمه على بطاقة المراه فقط ؟؟ وتلزم جميع البنوك والإدارات الحكوميه التي تتطلب ابراز المراه لهويتها بوضع نظام للبصمه للتأكد من هوية المرأه لكن الغباء والجهل ووالعشوائيه تسيطر على جميع القرارات والانظمه هذا في بنك ..! لكن مارأيكم بمن تضع مولودها بإسم اخرى ..! وتتنوم بإسم اخرى وتسافر بإسم اخرى .! كل ذلك يتم وهي لديها هويه " وصورتها ملصقه عليها ورقه " ومعها الحق في عدم الكشف امام اجانب .! لماذا لم يتم دراسة هذا الأمر ووضع تصور افضل من ضمنه البصمه ..! ----- اما من ناحية بطاقات البنك " وورطتك " فتفادياً لأي كارثه من نوع ولد اختك <<<<<<<<<< صار اعصار انصحك بعمل الآتي : - الاشتراك في خدمات البنك " الهاتف المصرفي - الانترنت " حتى تستطيعي التحويل بين الحسابات - فتح حسابين في البنك وبطاقتي صراف عشان لوضاع واحد تحولي منه للآخر -الأهم من ذلك بعد هذه الخطوات استعداداً لاي رحله او سفر صوري بطاقات الصراف وخليها معاك بشنطتك عشان لو تطلب الامر ادخال رقم البطاقه يكون موجود لديك .! وعند ضياع البطاقه قبل البلاغ عنها حولي من حساب اللي ضاعت للي معك وبلغي وخليهم يشبعون بها ياهووو كان يمني نفسه يشوف الصوره هههههههههههههههههههههههههه الله يهديك ويهدي ولد اختك الصفر الدولي انقطعت حرارته من الاحباط طوق بغيت اغير اللوك استعداد لرمضان وكان على بالي الصفر بس خلاص دام كل من يسوي صفر يصفر حتى مخه بطلنا تشاو |
|
|
|
|
|
|
|
|
|
|
|
20-08-2009, 09:09 AM
|
#9 |
|
|
رد: قصتي مع بنك .... فرع الباحة
ما شاء الله عليك في اسلوبك للكتابة
اتمنى تؤلفي كتب والله لاقرأها كلها بعدين الكهلتين اللي في البنك مشاهم الصفر الدولي وإلا كيف صار وضعهم الف شكر |
|
|
|
|
|
|
|
|
|
|
|
20-08-2009, 09:34 AM
|
#10 | ||||||||||||
|
|
رد: قصتي مع بنك .... فرع الباحة
خذيلتين ماهي وحده انصحك ماتتجددها في الباحة ابدا .. انواع الاستقعاد اما الصفر الدولي .. يكعشه رب العالمين وانت وجميع الاخوان مفكوكين عليه اكعشوا والديه اخوي / Ḿً5ЯβĤǺ يعطيك العافية على إضافتك اختك |
||||||||||||
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : قصتي مع بنك .... فرع الباحة
|
||||
| الموضوع | كاتب الموضوع | المنتدى | مشاركات | آخر مشاركة |
| قصتي قصة 5 | فارس دوس | الإستراحة | 35 | 11-12-2008 12:25 PM |
| قصتي قصة | فارس دوس | الإستراحة | 34 | 17-04-2008 01:41 PM |
| قصتي قصة (4) | فارس دوس | الإستراحة | 28 | 16-03-2008 06:19 PM |
| قصتي قصة (2) | فارس دوس | الإستراحة | 37 | 06-12-2007 12:30 AM |
| قصتي قصة ( 3 ) | فارس دوس | الإستراحة | 36 | 28-07-2007 05:09 PM |
