على مائدة الإفطار.

[نسيم السروات]

[blink]على مائدة الإفطار [/blink]


أخواني وأخواتي أعضاء المنتدى

السلام عليكم ورحمة الله وبركاته

والشهر عليكم مبارك وكل عام وأنتم طيبين .

في هذا الموضوع نود من كل عضو وعضوة أن يشارك بموافاتنا بتقرير مبسط وياحبذا يكون بالصورة

عن موائد الإفطار والسحور . ويحدثنا عن العزائم والأجتماعات ومايدور خلال ذلك من أحاديث ومواقف

طريفة مع الكبار والأطفال . لكي نعيش الأجواء الإيمانية لهذا الشهر الفضيل مع بعض ونتعرف اكثر عن عادات

بعضنا البعض ونعيش في هذا المنتدى كأسرة واحدة ومتآلفة ومتقاربة .

فلنبدأ بأسم الله .. وتفضلوا على هذه المائدة هدية لكم من عندي .

[جمرة غضى]

واااااااااااو نسوم سفرة ماشاء الله

ياليتني صورت اليوم سفرتي اللي سويتها

بس ابشري اصور لك احلى سفرة فطور عندي ياعسل

عندي صورة قديمة بس دورتها في كل الملفات مدري وين حطيتها

لكن ابشري بجيبها بجيبها ان شاء الله

[نسيم السروات]

اقتباس: المشاركة الأصلية كتبت بواسطة جمرة غضى      واااااااااااو نسوم سفرة ماشاء الله ياليتني صورت اليوم سفرتي اللي سويتها بس ابشري اصور لك احلى سفرة فطور عندي ياعسل عندي صورة قديمة بس دورتها في كل الملفات مدري وين حطيتها لكن ابشري بجيبها بجيبها ان شاء الله

أختي الغالية جمورة ألف شكر لإفتتاحك موضوعي أسعدك ربي

وننتظر صورك وتقريرك بفارغ الصبر .

[نسيم السروات]

أنا بصراحة دوبي وصلت من السفر اليوم وما أمدانا نسوي موائد ونصور

وفطورنا اليوم كان من المطعم .

لكن أحلى موقف مر علي اليوم هو من ولد أختي اللي عمره سنتين عسى الله يحفظه


لما شم رائحة الطعام جلس يمشي وراي ويصيح أبي بوسه أبي بوسة قمت وأعطيته أبوسه

زاد صياحة أبي بوسة أبي بوسة قمت أبوسة مرة ثانية قام صفقني كف وقال أبي بوسة

رحت لأمه قلت ولدك يقول أبي بوسة ولمن بسته ضربني وجلس يكرر أبي بوسة وش بلاه ؟؟!!

ماتت امه من الضحك وترجمت لي طلبة ، طلع يبي سمبوسة هههههههههههههههه

أثاريه كان معصب علي لأنه ميت جوع نام وهو جوعان وقام يخارش علينا بسم الله عليه .

إلى مزيد من المواقف والموائد الحلوة بإذن الله .

[نسيم السروات]

ياناس ياهوه فين مشاركاتكم وصل عدد الذين شاهدوا الموضوع (65) مشاهد

ولا فيهم إلا جمرة غضى فديتها ردت أفاااااااااااا عليكم لا يكون الموضوع ما عجبكم ؟؟؟!!!

هيا هات ردودكم الحلوة ومواقفكم على موائد أفطاركم من أجل أن نعطي جو الخيمة الرمضانية

جو المرح والطرافه >>>>> عجلوا تراها بتشتكيكم على الإدارة إذا ما رديتوا هههههههههههه

الله كريم الله ورمضان كريم .

نتمنى لكم سحوراً هانئاً وإفطاراً شهياً.

[نسيم السروات]

شكل مافيه أحد عنده مشاركة تذكر الكل متهرب من الصور مايبون يصورون طعامهم

حتى أنا عندي صور كثيرة ولكن عندي مشكله في جهازي الأب مدري وش بلاه ماعد يسقبل بلوتوث من

الجوال بكرة اصلحة وأنزل كل الصور اللي عندي . وبعدين مو مهم الصور إحنا نبي مواقف طريفه

مواقف أخرى حتى لو كانت حزينة ومؤثرة وفيها عبره للغير مو مشكلة .

المهم اللي يبي يشارك الله يحيه واللي مايبي الله يستر عليه أنا بتولى هذا الموضوع بنفسي

بلي أقدر عليه من مواقف وصور إذا تيسرت .

موقف ظريف :

قبل أمس صليت الفجر وكان عندي شغل في المطبخ وجلست أسويه وبعدما خلصت التفت على الطاولة وشفت

عليها ترمس القهوة ورجعت المحبخ وأخذت معي فنجان قهوة وصحن رطب وقلت في نفسي أبي اتقهوى قهوة

الصبح قبل ما أنام وصبيت فنجاني وفتحت الللاب توب حقي أبي أتصفح وجاني ولدي وجلس جنبي على الكنب

وشاف الوضع مو تمام فيه شي غريب وكان منحرج يقلي شي ما يدري وش السالفه بادرته أنا وقلت له تبي أصب لك

واحد من القهوة ؟ طالع الولد فيني وهو مستغرب وقال لي يمه أنتي مو صائمه ؟! فشهقت شهقة من الخوف

وقلت لولد حراااااام عليك ليتك سكتت يمكن الله يبي يطعمني . وأنا كنت أمزح ولكن الولد تأثر من كلمتي وقال ياليتني

يايمه ماتكلمت وخليت ربي يطعمك لكن أنا غبي وأخذ يوبخ في نفسه فأكدت له أني كنت أمزح معه بل العكس قلت له كثر

الله خيرك أنك نبهتني قبل ما أتهور وأشرب .


موقف أخر :


في أحد ليالي رمضان أنعزمنا للفطور عند أحد أخواني فقلت لهم أنا علي القهوة والشاهي وحلى القهوة

المهم وضعت قهوتي تطبخ على النار ورحت أقضي بعض أشغالي وعندي شغالة جديدة باقي ما تعرف

خوقها من بوقها قامت على القهوة ووضعت فوقها 2 فنجان سكر وما قالت لي شي جيت أنا وحطيت عليها

الهيل ووضعتها بالترمس وذهبنا للعزيمة قالت زوجة أخي قهوتك يانسيم لا يعلى عليها خليها للرجال وإحنا

يالحريم نشرب أي قهوة ثانية قلت تم وفجئة تعالت الأصوات في مجلس الرجال ينادون يافلانه ياعلانه يا يا دخلت عليهم

مافيه أحد غريب قلت خير وش فيكم قالوا من سوى هذه القهوة قلت أنا سويتها وأنا أشعر بالفخر وأنتظر

كلمات الشكر والثناء قال واحد منهم هل ذقتيها قبل ما تجين بها قلت لا كنت صائمة كيف أذوقها بل شفتها زينه

في الفنجان وشفيها ؟! قالوا قهوتك حالية كلها سكر لكن تصدقين والله أنها لذيذه هل أنتي قاصدة ولا أيش الهرجة .

جلسنا نشرب فيها وما فهمنا عليها هل هي قهوة أم قشر محلى .

وخبرتهم أنه مقلب غبي من الشغالة .


ذوقوا القهوة العربية بالسكر والله حلوة .>>>> ترقعها .





إلى اللقاء مع مواقف أحلى وأحلى .

[زهرانيه والنعم]

الله يعطيك العافية على هالموضوع الرايق
وان شاء الله انزل سفرتي بس الاقي وصلة الكاميرا اللي ضيعوها البزران علشان انزلها على الجهاز واصغرها
من المواقف الحلوة والمفرحة ان شغالتنا الفلبينية اسلمت وهذا اول صيام لها والكل فرحان معاها
ومن المواقف المضحكة لما رحنا للصلاة بالجامع بعض الحريم الله يهديهم يجيبوا اطفالهم معاهم ومسوين ازعاج وصجة وفوضى للمصلين والمصليات
عاد وانا ساجدة إلا هذيك الطفله طالعة على ظهري ابغي اقوم ماني قادرة انزلها ولاهي راضية تقوم وخايفه عليها تطيح وتتعور لوقمت بقوة
العالم قام يجيب الركعة وانا بعراك معها وهي تضحك ولا على بالها والله يتوب علي قطعت الصلاة ونزلتها وديتها بجنب امها اللي كانت ميته ضحك
قلت والله ينطبق عليا المثل اللي يقول قليل البخت يعضه كلب المولد على قولة المصارية
طيب ماتختاريني إلا انا ؟ روحي لامك على الاقل
هههههههههه
بس كانت ليلة رهيبة كلها اكشن
خخخخخخخ

[نسيم السروات]

اقتباس: المشاركة الأصلية كتبت بواسطة زهرانيه والنعم      الله يعطيك العافية على هالموضوع الرايق وان شاء الله انزل سفرتي بس الاقي وصلة الكاميرا اللي ضيعوها البزران علشان انزلها على الجهاز واصغرها من المواقف الحلوة والمفرحة ان شغالتنا الفلبينية اسلمت وهذا اول صيام لها والكل فرحان معاها ومن المواقف المضحكة لما رحنا للصلاة بالجامع بعض الحريم الله يهديهم يجيبوا اطفالهم معاهم ومسوين ازعاج وصجة وفوضى للمصلين والمصليات عاد وانا ساجدة إلا هذيك الطفله طالعة على ظهري ابغي اقوم ماني قادرة انزلها ولاهي راضية تقوم وخايفه عليها تطيح وتتعور لوقمت بقوة العالم قام يجيب الركعة وانا بعراك معها وهي تضحك ولا على بالها والله يتوب علي قطعت الصلاة ونزلتها وديتها بجنب امها اللي كانت ميته ضحك قلت والله ينطبق عليا المثل اللي يقول قليل البخت يعضه كلب المولد على قولة المصارية طيب ماتختاريني إلا انا ؟ روحي لامك على الاقل هههههههههه بس كانت ليلة رهيبة كلها اكشن خخخخخخخ

ألف مبروك إسلام شغالتكم ماشاء الله خبر والله مفرح .

أما البنت اللي ركبت على ظهرك في الصلاة شكلها مشبهة عليك بصراحة موقف مضحك فعلاً.

تصدقين لك أجر تذكرت الرسول صلى الله عليه وسلم عندما كان الحسن والحسين يطلعون على ظهره وهو ساجد

وكان يطيل السجود من أجلهم .


ألف شكر أختي زهرانية ونعم . وننتظر باقي مشاركاتك الحلوة .

وكل سنة وأنتي بصحة وعافية .

[الراس الصغير]

اقتباس: المشاركة الأصلية كتبت بواسطة نسيم السروات      أنا بصراحة دوبي وصلت من السفر اليوم وما أمدانا نسوي موائد ونصور وفطورنا اليوم كان من المطعم . لكن أحلى موقف مر علي اليوم هو من ولد أختي اللي عمره سنتين عسى الله يحفظه لما شم رائحة الطعام جلس يمشي وراي ويصيح أبي بوسه أبي بوسة قمت وأعطيته أبوسه زاد صياحة أبي بوسة أبي بوسة قمت أبوسة مرة ثانية قام صفقني كف وقال أبي بوسة رحت لأمه قلت ولدك يقول أبي بوسة ولمن بسته ضربني وجلس يكرر أبي بوسة وش بلاه ؟؟!! ماتت امه من الضحك وترجمت لي طلبة ، طلع يبي سمبوسة هههههههههههههههه أثاريه كان معصب علي لأنه ميت جوع نام وهو جوعان وقام يخارش علينا بسم الله عليه . إلى مزيد من المواقف والموائد الحلوة بإذن الله .

هههههههه

اثاريه يبغى سمبوسه المسكين

ياحيل الله
يحزنون الاطفال اذا جاعوا

ياصرم حالي عنهم

اذكر سالفة واحد من الشباب يقول راح السوبر ماركت ومعه بنته الصغيرونه
يقول انا ماسك بيدها ورحنا نشتري اغراض

فرحت عند قسم الفواكه وكان عند قسم الفواكه مجموعة رجال وحريم يتقضون
فطبعا الاخ يسال بنته عن فاكهة اسمها كيوي ام شوك ويقول وش هذي يا حلوه


البنت قالت هذي فركس ههههههه
الاب استحى من الموقف وقال لا يبنتي هذي كيوي
قالت البنت لا والله انها فركس
هبلي فركس
وجلست تصيح البنت هبلي فركس هبلي فركس
يقول فضحتني والناس يطالعون ويضحكون
هبلي فركس ههههه
هبلي فركس
فأيش سوى ابوها

يقول حطيت يدي على فمها
خلاص خلاص بس بس هذي فركس
وسكتت البنت واخذ اغراضه وخرج


وبعدها يقول ماعاد اخذها معي للسوبرماركت


ماحد قلك تنشدها

قال فركس قال ههههه

[شًآمًخٌهٍ رغًم آلآلم]

ههههههههههههههههههههههههههههههههههههههههه
ربي يسعدكم مواقف رهيبه
لي عودهـ ان شاءالله ومعي عفشي خخخخخخخخ
اقصد المواقف

تسلمين يانسومه على موضوعكـ الرائع مثلكـ..

ربي يحفظكـ,,,