لجنة الانضباط تسرق [ 33 ] مليون ...!! والرياضيه السعوديه تغرق في البكاء والغباء ..!!

[احمد الزهراني]

للوهلة الاولى يخيل اليكـ ان هذه اللقطه تخضع لقوانين المصارعه الحره
لاحظ ان محمد السهلاوي ضرب لاعب الوحده اميدو بساقه وكان يجب على لجنة الانضباط ان تتدخل فوراً لتحمي [ جوتي ] اميدو [ اكرمكم الله ] وهذا واجب اللجنه طبعا فهي تهتم دائماً بما تحتوي الاقدام خصوصاً اذا ماكانت الضربات موجهه لها من سيقان [ الجزارين ] والسهلاوي مثال حي للجزار الشرس الذي لايرحم وقدم اميدو ثروه وطنيه يجب الحفاظ عليها بكل الطرق المشروعه
لاتستغربون فشعر لاعب التعاون اغلى من محمد السهلاوي بكثير في نظر اللجنه فقد تم ايقاف فيقاروا مباراه لمجرد انه مسح شعر لاعب التعاون او شده ...!!
هههههههههههههههههههه [ يمكن تفهم اللجنه ]
لجنة المنشطات سرقت من النصر ملايين بقضية غالي والفنيه سرقت من النصر ايضا ملايين جا الدور على لجنة الانضباط مصره انها تسرق [ 33 ] مليون الله يفشلهم ...!!!

ياناس هل هذا الدخول متعمد ام لا .....؟؟؟ سؤال للعقلاء ....
تخيلو معي انه لاعب من الهلال السوداني >>>>> مايقصد شي
هل هذا الدخول يستحق تدخل لجنة الانحطاط .... وطاط من هنا الى منفذ حالة عمار ...!!

اما القناه السعوديه ياعيني على القناه السعوديه مسكين الدرع في برنامج [ في البكائيات ] دموعه اربع اربع المشهد مرعب والوطنيه تهب على الاستديو من كل ناحيه والمداخلات بكاء وعويل من البعض و [ نباح ] من البعض دفاع عن باطل يلبسون الباطل ثوب الحق والحق ثوب الباطل والعياذ بالله وصل استدلال احدهم يقول لو عطيت الجدول ورع في الابتدائي يقول لكـ الاتحاد هو المستفيد من ارهاق الهلال طيب [ وش ذنب الاتحاد ] ..!! في ارهاق الهلال الاتحاد مالعب مع الغرافه ولا راح يلعب مع ذوب الاتحاد قاعد يجندل في الفرق تحول نمر كاسر وياويل اللي ماينحش ويشرد وهي رساله مني انا النصراوي ضعيف الحال الى فيصل بن تركي تكفى انحاش شف لكـ اي صرفه وانحاش من قدام الاتحاد توسل الى مخطط اللقب الشهير او [ السوسه ] الذي هدد بعقاب جستنيه بس انحاش تكفى يقولون [ جبان ] ولايقولون كان [ عالمي وكويس ] >>>>> هاه لاحد يقول اسقاطات
قناه فتحت الفصول جغرافيا على تاريخ على علوم على فيزيا وكيمياء ووطنيه >>>> تسلم عليكم
وتناسو في عز البكائيات اننا نبحث عن اجابة منطق [ لماذا اجلت الاتحاد وليس الاتفاق ] هاه مايبي لها فلسفه هاه من يجاوب [ اتحدى احد يجاوب على هالسؤال بما فينا العود الازرق ] ادري ان الاتحاد والنصر واللاهلي والمنتخب اجلو لهم العام لكن اجلوا بما لايخالف المنطق الرياضي اللي نعرفه .... هاه من يجاوب
انا اعلن واطلق بالتلاته ياهالقناه مو سعوديه ولاتمثلني باي حال من الاحوال لأنها عار على السعوديه كل ابوها عدا الـ 1 في الالف
يستعدون ويعدون ينافحون ويتصايحون وصوتهم واصل اخر الحاره ومنتخبهم يغرق في الكويت دون ان يحظى بـ 90 دقيقه والا الناشيئن مايمثلون الوطن ولا علاقة لهم بالوطنيه ....!!!
ابوها قناه لأبو الرسيفر اللي يعترف بها ...!!!

امنيه اخيره :
ان ارى الاتحاد والنصر والاهلي والاتفاق في دوري الدرجه الاولى ......!!!
حينها فقط سنشعر بطعم المنافسه الحقيقه
مع امنياتي ان يضل الهلال في الدرجه الممتازه الى ابد الابدين وان يشرف الوطن خير تشريف >>> هذي الوطنيه والا بلاش

شكراً وخذو الموضوع بروح رياضيه

[Mr.RoMaNiStA]

من ناحية التدخل فهو صحيح انه عنيف ومؤكد بأن اللاعب اللي دخل على السهلاوي متعمد يدخل على رجله


وبعدين يابو حميد ليه تعترضون عليهم ومدري شلون

شوف إصابة انطونيو فالنسيا وهي أخطر بكثير من اصابة السهلاوي وناديه مااعترض ولا صاح





أجل لو بكره لعبتوا مع نادي اسكتلندي شـ راح تسوون ؟
خاصة ان اللعب الإسكتلندي لايعرف الرحمه




الله يعينكم على كورتكم السعوديه
كل يوم تتشكون منها

[ابو احمد الحريري]

الف شكر ويعطيك الف عافيه
اما بالنسبه لمطالبتك بايقاف اميدو فانت مخطيء لان الصح هو ايقاف السهلاوي لانه ليش يرجع وسط الملعب وياخذ الكوره وهذا هو القرار المنتظر يا ابو حميد عموما شكرا لك وموضوع رائع

[نصــــراوي]

اقتباس: المشاركة الأصلية كتبت بواسطة الضوء الخافت      الف شكر ويعطيك الف عافيه اما بالنسبه لمطالبتك بايقاف اميدو فانت مخطيء لان الصح هو ايقاف السهلاوي لانه ليش يرجع وسط الملعب وياخذ الكوره وهذا هو القرار المنتظر يا ابو حميد عموما شكرا لك وموضوع رائع

[ناحت الصخر]

خساره ان نرى لعب شوارع بملاعبنا السعوديه وللأسف الشديد لولا لطف الله لكان السهلاوى ودع الملاعب
ونخسر افضل مهاجم
من وجهة نضري ...

[نور الجنوب 18]

هلا والله باستاذنا احمد الزهراني وعودة حميدة

لجنة الانضباط لا تخرج الا على حسب انطباعات الاعلاميين وارائهم فقط
وهذا هو الواضح كما انها لا تتابع الا زلات الفرق الكبيرة فقط وبمعاونة وتحرض اعلامي الغفلة وحسب اهوائهم

اما التاجيل والبكائيات

فاعلم اخي العزيز ان الوطنية هنا مجرد تشدق ولبس حسب الميول
وانظر الان الى وطنية التائب ورادوي وتركهم منتخبات بلدانهم لمجرد نادي انها الوطنية التي يتشدق بها ابناء جلدتنا

الف شكر لك استاذنا العزيز

[* كاتلوني *]

شي مؤسف والله . . يمكن هم يبون لقطه أكثر خشونه من كذآ . يمكن ينتظرون أميدو ينزل بالعطيف ويكسر سيقآن السهلاوي عشان

يقولون الحين يستآهل الإيقآف . . لجنة خذني جيتك . .

شكرا لك اخوي أحمد