رواية البطحا ( الحلقة الثانية )

[العرنين]

بعد توقف اجباري ، نعود اليكم مع رواية البطحا
واليوم مع الحلقة الثانيه
رابط الحلقة الاولى
................
في بيت ابو مصلح
دخل ابو مصلح واضعا شماغه البرتقالي المتقطع الاطراف في يده
لتستقبله ام مصلح
ام مصلح : وش فيك يا ابو مصلح رجعت ، ما امداك تطلع
ابو مصلح : كله من ولدك الثور ، ما عبا الجمس بنزين
ام مصلح : يمكن ما معه فلوس ، الله يهديك كان اعطيته عشان يعبي
ابو مصلح : الثور اعطيته 50 ريال قبل انام وقلت له عب بنزين ب 40 ورجع الباقي
و زمجر باعلى صوته ، مصلللللللللللللللللللللللللللللللللللللللللللللللل لللللللح ، انزل
ام مصلح : خله انا باروح ازهمه
ابو مصلح : وليش ما ينزل ، ما يسمع ، والا في ايديه نقش الحنا مثل العرايس
ما يكفي ان له سنتين عاطل ، لا شغله ولا عمله ، ما غير سهر بالليل ونوم بالنهار
كله من تربيتك ، يا مصللللللللللللللللللللللللللللللللح انزل لا اطلع اتوطا في بطنك
..
ومن اعلى الدرج ظهر مصلح بشوشته الشهباء وقميص النوم الملون بالرمادي بدرجاته
مخططا بالطول مع خط ابيض وبعض اثار حروق الدخان وجمر المعسل على انحاء متفرقه
مصلح : هاه وش عندكم تصارخون ؟
ابو مصلح : انا ما قلت لك تعبي الجمس ، ليش ما عبيته ؟
مصلح : كيف اعبيه ،وانت ما عطيتني فلوس ، اللي يسمعك يقول الحين
موكل بنك الراجحي يعبي لك ، والله ما معي ريال !!!
ابو مصلح : يا الثور انا ما عطيتك امس 50 ؟
مصلح : الا عطيتني ، وحطيتها فوق التلفزيون ونسيتها، ويوم تذكرت نزلت ركض
ما حصلتها قلت اكيد انك اخذتها انت ؟
ابو مصلح : لاتكذب علي ، اكيد انك اخذتها ورحت تباشر على الدشير اللي تدشر معهم كل يوم
لكن دواك عندي ، واستل عقاله ودخل بمصلح الى المقلط واغلق الباب
فيما بقيت ام مصلح تبكي خلف الباب خوفا على فلذة كبدها الفلته مصلح
...
في غرفة صالحه اخت مصلح
صالحه : شوفي اسيا ، ابغى شعر كويس سيم سيم شعر انتي
اسيا ( الشغاله ) : ايس هادا شعر انتي ما في كويس ، بس انا لازم جيبي زيت
شعر من هادا بقاله في بطحا ، هادا زيت ريحه كويس وعلى طول شعر طويل
صالحه : طيب انتي كيف معلوم بطحا
اسيا : هادا حفيظه شقاله ام راشد تروح بطحا يوم السبت سوى سوى ام راشد
عشان مشغل ، جيب حاجات جيب هركات ، صابون شامبو فازلين ماسك ، عشان كلو شي رخيص
صالحه : طيب خلاص قولي لها تجيب زيت معها
اسيا : بس هادا زيت شويه غالي ، 50 ريال
صالحه : خلاص انا اعطيك 50 ، بس بسرعه تجيبه ، عندي بعد اسبوع حفله في الكليه
وشعري ما ادري وش اسوي به
اسيا : انتي اهسن بنت انا معلوم ، اول ثلاثه مره في رياض شغل ، كلوا بنات ما في سيم سيم انتي
الهين انا روح شوفي ملابس غسيل ، مع السلامه
................
في هذه اللحظه كان الفتى البنقالي قد وطأت قدماه لاول مره ارض البطحا
حيث كان في استقباله حشد من البنقاله يحملون في ايديهم اكياس صغيره
بها ما لذ وطاب من بعض البصل والثوم اضافه الى بعض الاسماك المجمده
والكثير الكثير من الفلفل ، تنبئ عن ان هناك حفلة سااااااااااااااخنه
اخذوه باتجاه احد البيوت الطينيه حيث كانت تعلوا القهقهات وهم في طريقهم
تعبيرا عن الفرح بقدوم فتى دكا الاول ( ازهار ) ،
....
والى اللقاء في الحلقة القادمه

[ابو يزيد الحريري]

هههههههههههههههه شكرا يالعرنين ... وصفك دقيق ... تقول كأنك مماشيهم ... وللمعلوميه .. عندي منهم
الكثير وجالس كل اسبوع اشوت واحد من الهبال اللي مسوينه... وتحصلهم من كثر ماياكلون من الثوم وماشابهه
يمشي متر ويبصق اكرمكم الله ... وتحصل المنطقة كلهم ملونه بلون ... عشبي ... كما الجمال اللي كانوا
يلقمونهااا ربعنا قدام هههههه ... يمشي ويستجره... ودوم فمه مليان ... عشبه خصراء هههه عثرب ههه

والله انني اكتب واضحك من اللقطات التي راسمهااا في راسي خبره من كثر ما اشوفهم..

ننتظر للحلقة القامة وتقبل مروري .... خالص التحايااااااااااا

[][ هـيـكـ‘ـتـ‘ـوـوـر ][]

اقتباس: في بيت ابو مصلح دخل ابو مصلح واضعا شماغه البرتقالي المتقطع الاطراف في يده

<< زي شمــآغي خخخخخ ^_^
هههههههههههههههههههههههه

من جد وصفك دقيق كأنك معهم مثل مااقال اخوي العنا

مشكوور

[العرنين]

العناء
شكر لمرورك الراقي مثل شخصك
وان شاء الله في الحلقات القادمه
سيكون هناك احداث مثيره جدا
.
دمت في خير

[ابو عادل العدواني]

[علي المفضّلي]

متابع >>