قصتي مع شغــالة هاربــة ******

[نسيم السروات]

بسم الله الرحمن الرحيم

أخواني / أخواتي

السلام عليكم ورحمة الله وبركاته


أطرح بين أيديكم هذه القصة الحقيقية والتي حصلت لي الأسبوع الماضي مع شغالة نيبالية الجنسية .

وإليكم القصة كما حدثت بالتفصيل وأريد منكم إبداء أرائكم حول موضوع هروب الشغلات وحول تسيب

المسئولين وعدم أتخاذهم قرار حازم حول هذه الظاهرة التي أصبحت تتكرر يومياً في أغلب البيوت .

وماهي الأسباب التي قد تكون أحياناً من أصحاب الشغالة وأحياناً من الشغالة نفسها وهناك جانب أخر مخفي

يقوم بتشجيع الشغالات على ذلك والبيع والشراء بهن وتشغيلهن في البيوت بالساعات وباليوم والشهر.

[OVERLINE]
القصة :[/OVERLINE]


في يوم الخميس كنت في زيارة لبيت أهلي فأتصل علي سائق قديم كنا متعاقدين معه يوصلني شغلي .

وقد سافر ورجع ونحن قد تعاقدنا مع غيره ويبدو أنه اشتغل في تهريب الشغالات والله أعلم أنما الموقف يقول كذا

المهم أتصل وقال لي يامدام صديق مال أنا سائق ليموزين وفي أحد شوارع حي الحمراء بالرياض شاف شغالة

تمشي في الطريق ومعها شنطة كبيرة وأشرت له وركبها وقالت له وصلني أي بيت أو أي مكتب أيش رأيك مدام

تخلي هذه الشغالة تشتغل عندك لأنه يعرف من سواقنا الجديد أن شغالتنا سافرت ، فجاء في بالي على طول أني

أخذ هذه الشغالة وأسلمها للشرطة لكي تتأدب وما عد تخرج من بيت كفيلها للشوارع لأني أكره هذه الفعلة البغيضة

من الشغالات والمفروض أن أي شغالة ترفض العمل تقول لكفيلها ولا تخرج للشوارع مثل الغنمة السائبة .


فأخذت السائق على قد عقله وقلت له وبكم تشغلها عندي قال بألف ريال فقلت وراتبها كم كان عند

كفيلها قال كان 500 ريال فقط قلت وأنت وش مصلحتك ؟؟؟!!! قال مدام هذه شغالة كثير مسكين هي كلام بيت

كفيل مافيه أكل كويس ، قلت له هل تعرف بيت كفيلها قال لا .. فقلت هل تحمل معها جواز سفر أو إقامة قال لا

وقال أنها جديدة ولا تعرف تتكلم عربي ولا أنجليزي , فتحمست لهذه الشغالة وقلت له بكرة الجمعة أنا برجع لبيتي

وجبها عندي في البيت ، قال خلاص مدام أنتي خذي هذي شغالة علميها شغل كويس 2 شهر براتب 600ريال وبعدين

سوي زيادة راتب فأستغربت من شدة أهتمام هذا الباكستاني لهذه الشغالة وحرصة على راتبها فزاد الحماس عندي

أني أجيبها .

فلما وصلت عندي جتني تحمل شنطتها وصحن بلاستيك فيه عشاء رز وربع دجاجة شراه لها الباكستاني

من المطعم وجلست تأكل فيه حوالي ساعة وقامت غسلت المواعين ومسحت الفرن وطلبت مني أنها تنام فأعطيتها فراش

ونامت . أما أنا فلم يجيني النوم جلست أفكر في وضعها وكيف أتخلص منها وماهي الطريقة وجلست أستشير كل الأقارب

والزميلات والجيران وكلاً جاني برأي اللي تقول والله فرصة وجت إلى عندك خذيها وتستري عليها وشغليها في بيتك

حتى تجي شغالتك وبعدين بيعيها أو شغليها في البيوت وهذا منطق أنا أرفضه وبشدة .

واللي تقول سلميها للشرطة شكلها قتلت لها قتيل أو سرقت لها سرقة كبيرة وهربت .

واللي تقول سلميها لمكتب التسول يبحث لها عن كفيلها أو يسفرها وهذا المبدأ برضه أرفضة لأن مكتب التسول

يوجد به بعض الموضفين الأنذال ضعاف النفوس يقوم ببيع الشغالات السائبات على الناس وعلى المكاتب .

وأخيراً الله هداني أنني أفتش في شنطتها لعلي أجد أرقام هواتف أو أوراق تدلني على كفيلها .


وبالفعل وجدت عندها نوته مليانه أرقام ماهب ودب ولكن بدون أسماء وفجئة وجدت هناك ورقة كانت مخبأة

داخل ملابسها ولمن فتحتها وجدتها صورة من إقامتها ووجدت أسم كفيلها بالكامل ولم أجد له رقم هاتفه

فرجعت مرة ثانية أفتش في صفحات الإقامة وأخيرا وجدت في ظهر أحد الأوراق أسم كفيلها ورقم جوالة

وقسم بالله من فرحتي كأني وجدت كنز فأتصلت عليه فوراً وسألته هل أنت فلان بن فلان قال نعم وقلت هل هرب من

بيتكم شغالة قال نعم هربت ومن أنتي وفين الشغالة عساها موجدوة لديكم وهل وهل ..... الرجال كاد يموت من الفرحة

وجلس يدعي لي ويشكر من كل قلبه .

فقلت له ماهي جنسيتها وماهو أسمها فأخبرني بكل شي فعرفت أنه هو صاحبها فقال والله أنا خارج الرياض وسوف

أخلي العيال يتصلون عليك الأن ويأخذونها منك . فأتصلت عليه المرأة وجلست بدورها تدعي وتشكر وكم كنت سعيدة

بفرحتهم وداعائهم لي ,


فقلت للمرأة تراني وأنا أفتشها وجدت معها 250 ريال ومفتاح وشاحن جوال ولم أجد معها جوال ، فقالت هي لا تملك

جوال أبداً فكيف حصلت على الجوال فقلت تعالي وحققي معها .

المهم والحرمة جاية في الطريق حبيت أمهد لها فقلت لها أنتي معلوم عربي قالت مافيه معلوم معلوم كلام هنديا وباكستان

فقط فجتني فكرة أني أتصل على السائق يترجم لها فقلت له أخبرها بأنني لن أستطيع أشغلها في بيتي بطريقة غير

قانونية وأنها لو مرضت لن أستطيع الذهاب بها للمستشفى وأني لو سافرت فلن أستطيع السفر بها لأن الشرطة تدور

عليها ولازم ترجعين لبيت كفيلك وأنا سوف أشتريك منهم بفلوس وترجعين عندي . فلما خبرها بهذا الكلام قامت

تتنافض من الخوف وقالت لالا ما أقدر أروح بيت كفيل وقامت تأشر على رقبتها بإشارة الذبح تقصد بأنهم سوف

يقومون بقتلها لعملتها السوداء وهي هروبها من البيت فقمت وطمنتها وقلت أحنا مسلمين مافيه يسوي كذا أنتي مافي

خوف أنا يشتريك من كفيل (علماً بأنها غير مسلمة هندوسية ) .


فلما دخلت المرأة كان الموقف مثير للغاية دخلت علي إمراءة كبيرة طول وعرض ومتبرقعة من قبيلة العجمان

سلمت ودخلت الصالة وشافت الشغالة واقفة في الإنتظار فهبت فيها بالإسئلة أني ليش خرجتي من البيت وأنت فين

نوم يوم الخميس هل كنتي نائمة سوى سوى سواقين باكستان وهل وهل ...... فأنا مت من الضحك من طريقة

الأسئلة والشغالة فاغرة ماعرفت أي سؤال وكل اللي سوته رمت نفسها على صدر الحرمة تستعطفها وتبكي بين

يديها وكأنها تقول سامحيني فرحمتها أنا وقلت للحرمة شوفي وش مشكلتها وليش هربت من عندك وتراها تشتكي

من قلة الأكل قالت وبصوت عالي والله أنها تخسى وتعقب أن الثلاجة مليانه والمطبخ كله تحت يدها لكن المشكلة بصراحة

بيتنا كبير جداً وكان معها شغالتين يساعدونها وسافروا وخلوها فصار الشغل يمكن كثير عليها مع أننا نساعدها .

وبعد ذلك طلبت منها إحضار الشنطة لتفتشها ووجدت بها مفتاح منزلهم سرقته لكي تخرج من البيت وحصلت

في صدرها جوال جديد بشريحة جديدة مخزنة فيه رقم الباكستاني الحنون الذي جابها ويبي يترزق الله فيها

وأتصلنا عليه وهزأناه ولماذا أعطاها جوال وأعطاها رقمه . قامت الحرمة وأخذت منها الجوال والشريحة رمتها

في الزبالة ووعدتها تشتري لها جهاز وشريحة جديدة والشغالة كادت تنجن لمن أخذت منها الجوال لكن الحرمة كانت

قوية ماشاء الله عليها . وكانت الشغالة ترميني بنظرات كلها عتاب وحزني لماذا سويت فيها كذا.

وطلبت من الحرمة وقلت لها لو رفضت الشغل عندك أتصلي علي وأنا سوف اشتريها منك لأمي شغالتها سافرت

فوعدتني بذلك وخرجت من عندي والشغالة متمسكة فيني تقول تبي تجلس عندي عاجبها الوضع مع العلم

زوجي مسافر غير موجود ولله الحمد لم يشاهد هذا الموقف .

الزبدة أن الحرمة أتصلت علي بعد يومين وقالت أن الشغالة رافضه الشغل عندها وعندي أيضاً أو عند أمي وشكل

الحرمة كاذبه أن الشغالة ماتبي عندي لكن الحرمة منحرجة تبي تبيعها وتكسب فيها أكثر وأنا لو أخذتها سوف أخذها

بنفس السعر اللي جت به وتستحي تأخذ مني زيادة وهذا جزاء المعروف سبع كفوف لو أنا مكانها أعطيتها بلاش

جزاء لمعروفي رديتها لها من الشوارع لكن أصابع اليد ماهي سوى . والحمد لله أمي رافضة تشغل واحدة مثل هذه

هربت من بيت كفيلها للشوارع لذلك ماندمت كثيراً.


هذا وأسفه على الإطالة .


والأن نبي نشوف رأيكم في العمالة السائبة والأسباب والعلاج .

تفضلوا

[شذى الريحان]

ماشاالله عليكي يانسيم تصرفك كان صحيح وعين العقل
وارفع طوقي واحييكِ و تعظيم سلام

بس تصدقي احيانا الشغالات يكون معاهم حق ومايهربوا الا بسبب ظلم الكفيل واهله
واحيانا الشغالات يتعمدوا الهروب ويكونوا مخططين لهذا الشي لان العمالة السائبة راتبها اكثر
والغلط على اللي يرضى يعطيهم هذا الراتب المضاعف حتى التكرونيات صاروا بالف ريال و800 على اييش
والحبشيات ياخذوا راتب مدرسة في مدرسة اهلية واحيانا اكثر بشوية من راتب المعلمة
وعلى رمضان تنشط هذي الظاهرة والسوق السوداءللخادمات تزدهر بالذات الاندونسيات



وللاسف ارتفعت قيمة التأشيرة ونقل الكفالة وصلت حاليا إلى 12 الف ريال

ياريت وزارة العمل تلاقي الحل السريع
نردد ياليل مااطولك

مشكورة نسومة على الموضوع

ينقطع عندي الاتصال كل شوية ماصدقت اخلص كتابة

مودتي وتقديري

[ابو مشعل الحريري]

من وجهة نظري ان تصرفك كان سليم ومنطقي تجاه هذه الخادمه والله يجزيك خير
اما الخدم بشكل عام ففيهم الطيب والبطال من ناحية العمل وسلوكهم مع كفيلهم واسرته وقد تكون المعامله الحسنه تجاههم دافع قوي لهم لا استمرارهم في العمل عند اي عائله سواء مسلمين او غيرهم كما ان مراقبة الله عزوجل فيهم وفي حقوقهم سبباً اخر 0 بنسبه لوزارة العمل فمثل ما تفضلت الاخت الكريمه كت كاته التاشيره صارت مثل الاسهم يوم فوق ويوم تحت والمواطن يدفع في الحالتين وردد يا ليل مطولك لا حسيب ولارقيب 0
التجاره فيهم هذا شي اخر حاله حال المستورد فيها ناس تبغي ماركه وناس ترضى بالتقليد وعيش ياعم وخلي الناس تستعيش 0
ختاما نسال الله ان يكفينا ويكفي كل مسلم شر كل ذي شر فيهم ويصرفه عنا انه ولي ذلك والقادر عليه
خالص التقدير والاحترام لهذا الطرح المميز والهادف 0

[نور الجنوب]

والله تصرفك كان صح ولو وحده مكانك كان ماسوت زيك والله هنا عندنا شغالات هاربات من بيوت كفيلهم وجاراتي مايصدقو ياخذوهم يشتغلولهم .بس والله خوف منهم الله ياخذهم ما احبهم .
وهذي الحرمه مدام انها ماتبغاها ترجعها بلدها بدل ماتتكسب من وراها

[مشعاب عتم]

اللي سويتيه عين العقل والبصيرة ،،

وتعاملك مع الموقف و الأشخاص ... يُشاد به ،،

و الله يكون في عون البيوت التي تحتاج الى الخدم

ويحفظ الأطفال من شرورهم ،،

و عليهن قصص غريبة الخدامات وتبعث القلق في النفوس

مرة جبنا خدامة وجلست عندنا فترة وبعدها رديناها المكتب الي خذنها منه هذا في الباحة ،،

وهي عندنا لاحظ المسئول الأول لشئون المطبخ وإدارة المنزل

أن سكاكين المطبخ كل يوم يختفي واحدة ( درزنين ) بعد اسبوعين ما عاد لقينا ولا حبة صرنا نقطع البصل و التفاح بطريقة الصعايدة >> نرصعة بقبضة اليد ،،

وبعد ترحيلها ومغادرة المنزل ،،جينا نطوي فراشها ونحصل سكاكيننا تحت الطراحــة موزعه من عند راسها الين عند كراعينها ،،

مدري وش قصدها من هذي الحركة ،،

وياليتها مليحــة يمكن نجد تفسير مقنع لهذي الترسانة من التسليح

و الله يا أختي الفاضلة نسيم انها تخرع ملأ الوادي قرود ٌ ،،

و تقبلي قراءتي لقصتك مع الخدامة الشـاردة

[زهراني كوووووووول]

ما شاء الله عليكي قوووويه هع

نحن كااان عندنا شغاله عشرة خمس سنوات حتى حسيت انها اختي هع

يووم راحت جلسنا نبكي هي هي هي

اسباب وعلاج ...مممممممممم :: هذي اخليها لكم انتو الحريم عندكم خبرة اكثر مني

[يحيى محمد الزهراني]

حياك الله اختنا الكريمه نسيم السروات
تصرفك كان صح وعين العقل
كان عندنا شغاله اندونيسيه وسفرتها قبل تكمل السنتين
وهي تبكي ما تبغى تروح والله انها تتلمس بام العيال
من يوم مشينا من البيت حتى وصلنا للمطار وهي تبوس وتبكي
المعامله الحسنه للشغالات تصلح الشغاله
وتجعلها مخلصه
تقبلي مروري وتحياتي
ابو محمد

[نسيم السروات]

اقتباس: المشاركة الأصلية كتبت بواسطة كت كاته      ماشاالله عليكي يانسيم تصرفك كان صحيح وعين العقل وارفع طوقي واحييكِ و تعظيم سلام بس تصدقي احيانا الشغالات يكون معاهم حق ومايهربوا الا بسبب ظلم الكفيل واهله واحيانا الشغالات يتعمدوا الهروب ويكونوا مخططين لهذا الشي لان العمالة السائبة راتبها اكثر والغلط على اللي يرضى يعطيهم هذا الراتب المضاعف حتى التكرونيات صاروا بالف ريال و800 على اييش والحبشيات ياخذوا راتب مدرسة في مدرسة اهلية واحيانا اكثر بشوية من راتب المعلمة وعلى رمضان تنشط هذي الظاهرة والسوق السوداءللخادمات تزدهر بالذات الاندونسيات وللاسف ارتفعت قيمة التأشيرة ونقل الكفالة وصلت حاليا إلى 12 الف ريال ياريت وزارة العمل تلاقي الحل السريع نردد ياليل مااطولك مشكورة نسومة على الموضوع ينقطع عندي الاتصال كل شوية ماصدقت اخلص كتابة مودتي وتقديري

هلا وغلا كت كاته صدقتي فيما قلتي لكن ألظاهرة أنتشرت بشكل فضيع وخاصة إذا قرب رمضان يكثر هروب

الشغالات يعني المسألة مسألة طمع وزيادة في الراتب والكفيل دائماً هو المظلوم يدفع دم قلبه عليها وتروح لغيره

باردة مبردة ثم يذهب يقدم على غيرها .

وجبتي لي هذه الصور سدت نفسي الله يقطع أبليسك والله أني ماعد أطيق أشوف وجيههن من أفعالهن وقصصي مع

الشغالات عديدة في إحدى المرات جاب لي زوجي شغالة من المكاتب التي تبيع الشغلات وأنا لم أكن راضية عن مثل هذه

المكاتب الشغالة جتني كأنها أميرة لبسها كان أخر أناقة وعبايتها أحلى من عبايتي وبوكها مليان فلوس من فئة 200 ريال

يعني بنت نعمة وقالوا لنا جربوها أسبوعين وأعطنا عربون 5000 الأف ريال فمن حسن الحظ زوجي أعطاهم عربون

2000 ريال فقط وبعد مضي أسبوع هربت الشغالة بدون سبب وأختفت لمدة 12 يوم وبعدها قالنا المكتب خلاص ماعد

لكم فيها نصيب رافضه الشغل عندكم والعربون خلاص صار مو من حقكم لأنها هربت من بيتكم ولم تحافظوا عليها

أنا بصراحة مت من الغبن حسيت أن المكتب هو الذي مسوي هذه الحركة ويسويها مع كل الناس يأخذ منهم عرابين

ثم يترجع الشغالة ويعطيها ناس أخرين وهكذا يعني كل اسبوع تجيب له من 2000 إلى 5000 الأف وحسبنا الله

ونعم الوكيل على وزارة العمل التي أهملت هذا الموضوع وتركت الكل يلعب على كيفه .

ألف شكر كت كاته على إضافاتك للموضوع

أسعد الله مسائك .

[نسيم السروات]

اقتباس: المشاركة الأصلية كتبت بواسطة ابو مشعل الحريري      من وجهة نظري ان تصرفك كان سليم ومنطقي تجاه هذه الخادمه والله يجزيك خير اما الخدم بشكل عام ففيهم الطيب والبطال من ناحية العمل وسلوكهم مع كفيلهم واسرته وقد تكون المعامله الحسنه تجاههم دافع قوي لهم لا استمرارهم في العمل عند اي عائله سواء مسلمين او غيرهم كما ان مراقبة الله عزوجل فيهم وفي حقوقهم سبباً اخر 0 بنسبه لوزارة العمل فمثل ما تفضلت الاخت الكريمه كت كاته التاشيره صارت مثل الاسهم يوم فوق ويوم تحت والمواطن يدفع في الحالتين وردد يا ليل مطولك لا حسيب ولارقيب 0 التجاره فيهم هذا شي اخر حاله حال المستورد فيها ناس تبغي ماركه وناس ترضى بالتقليد وعيش ياعم وخلي الناس تستعيش 0 ختاما نسال الله ان يكفينا ويكفي كل مسلم شر كل ذي شر فيهم ويصرفه عنا انه ولي ذلك والقادر عليه خالص التقدير والاحترام لهذا الطرح المميز والهادف 0

أولاً أشكركم أخي أبو مشعل على تثبيت الموضوع

وكما قلت أخي الكل صار يلعب ويتكسب والكل ماعد صار يهمه الحلال من الحرام المهم يكسب

والمراقبة ماعندك أحد وعلى قول المثل ( من أمن العقوبة أساء الأدب )


ألف شكر وتقدير على إضافاتك القيمة .

[نسيم السروات]

اقتباس: المشاركة الأصلية كتبت بواسطة نور الجنوب      والله تصرفك كان صح ولو وحده مكانك كان ماسوت زيك والله هنا عندنا شغالات هاربات من بيوت كفيلهم وجاراتي مايصدقو ياخذوهم يشتغلولهم .بس والله خوف منهم الله ياخذهم ما احبهم . وهذي الحرمه مدام انها ماتبغاها ترجعها بلدها بدل ماتتكسب من وراها

الله يهدي جاراتك ما أدري كيف يأخذونهن بهذه الطريقة وكيف يأمنون على بيوتهن وأطفالهن على مثل هولاء الهاربات

بصراحة شي يخوف بصراحة حتى الشرطة ماعد لها أي دور يذكر حتى لو شافوا الشغالة وعرفوا أنها من اللواتي مبلغ

عنهن مايهمهم ذلك كثير وكل واحد يقول وشلي وشل المشاكل خليها تصطفل هي واللي جابوها مع الأسف ماعد فيه

ذمة ولا ضمير لا من مسئولين ولا من بعض المواطنين نسأل الله العافية .

ألف شكر أختي نور على مداخلتك بارك الله فيك يالغالية .