الزواج العائلي المختصر.. مع ام ضد ؟؟؟

[ريحانة]

أنا أنثى وبكل قوة أؤيد الزواج المختصر وقد زوجني والدي بهذه الطريقة مهر 10000ريال فقط شامله الذهب والكسوة والهدايا بالإضافة إلى زفاف اقتصر على حضور12 رجل و7نساء من قبيلة زوجي وحضور أقاربي من الدرجة الاولى ولم يتجاوز عددهم الثلاثين رجل و10 نساء والحفل كان بسم الله والصلاة والسلام على رسول الله و6 خرفان بملحقاتها على والدي أيضا لم يتكلفها المعرس (زوجي الآن )) والحمدلله وفقني الله وأسعدني مع هذا الرجل الذي كنت ابتغي معه الستر والسعادة وقد تحققت لي بفضل من الله وتيسير الأمر على الرغم من قدرتنا المالية سواء أهلي أو زوجي ولكن خيركن أيسركن صداقا ومما زاد سعادتي أن حماي أخو زوجي اعجب بطريقة والدي في تزويجي فزوج ابنته بنفس الطريقة وفق الله الجنيع لما يحبه ويرضاه زوجة زهراني

[عازف كيبورد]

اؤيده بقوه وانا لو فكرت اتزوج ان شاء الله راح يكون عائلي بس ..
نحتاج الى ثورة على بعض تقاليد مجتمعنا اللي مالها داعي ..
وانا ما اشوفها تقاليد قديمه لأنهم زمان كانوا يتزوجون بريال وريالين ويمكن قرش او اثنين وحياتهم ولا احلى..
هذي عادات سيئه استحدثناها بعد الطفره..

وبالنسبه لإعلان الزواج فصدقوني اننا مانحتاجه تدرون ليش؟؟
لأن اذا فكر واحد في الليل انه يتزوج تلقى كهيل القريه كلهم في الصباح اليوم الثاني عندهم خبر ان فلان فكر يتزوج من البيت الفلاني!
وبعد العصر تحصل واحد من الجماعه في البقاله جاي جهتك ماشي 2000 تشوف سنونه من اخر البقاله من قوة الابتسامه جاي يقول : مبروك ..سمعنا انك فكرت تتزوج من البيت الفلاني والله ياخي انهم ونعم الناس وتفكيرك قي محله !! متى الزواج ان شاء الله؟؟



كيف يدرون؟؟؟ انا ما ادري!!!!!!!!!!!!

[روعة الاحساس]

الكلام سهل والكل يبي زواج يبيض الوجه وبتكاليف معقوله لكن الواقع شي ثاني وحتى لو زواجك ضيق الا تطلع مصاريف من تحت الارض والاكيد ان كل واحد يمد رجوله ع قد لحافه اما الي يقول بيقلد الي يسوون افراح مكلفه وهو ماعنده شي طبعا هاذا مع احترامي مجنون اذا الله مارزقك زي رزقه تجي تقلده في الفشخره الكذابه والي عقله في راسه يعرف خلاصه

[Mansour Al-zahrani]

أشكركم على النقاش الجيد وأود أبدي رأيي في هذا الموضوع أنا مع الزواج العايلي المختصر , لأنه ليس بالزواج المكلف ولكي يمكن الزوج من عدم دفع تكاليف فوق طاقته ويجعله ييستلف من كل شخص ومن ثم يسدد لهم ويعيش فتره عصيبه وشاقه ...