العود والسمسميه

[ابو ثامر]

البدع

شيل البنادق في ارض المملكه طابع الناس
لان البنادق رجاله والرجاله في الباس
والسيف والنافعي ماترجي الا رجاجيل
واطفالنا من صباهم يحملون المشاعيب
ويلا بدينا على العربان فاعلامنا خير
والضيف نلقى علومه بالوفا والتراحيب
ماحنا كما اللي ربط له في القفا بكلتينا
والسلسله علقوها له كما بنت خاله
ضاعت حياته على لعب الورق والمساريح
ما يعرف الا لدق العود والسمسميه

الرد :

الطيب يبقى ويا بخت الذي طاب عاالناس
اللي لبس له من التقوى نظيفات الالباس
فيه الرجا من قديم الوقت ياكم رجا جيل
يمشي بدرب الصواب منزهـ (ن) ما مشى عيب
عايش مع الناس بالعزه وباعلى مناخير
ويلا مشى تغدي الدنيا سهول وتراحيب
ماهو كما اللي يضيع ليلته باكلتينا
ويلا انتخى به رفيقه خيبه ما انتخى له
ماكنه الا سحابه ساقها فاالمسا ريح
وبميسم الذل والشينات وسم سميه

شعر :سعد العدواني

[ابواحمد]

صح لساان الشااعر
طيب طيب تحكي الواقع وحال بعض الشباب هداهم الله

[لغة العيون]

احسنت وصح لسان الشاعر
تحياتي لك

[أبو الفوارس]

كعادتك مبدع يا أبا ثامر .. حفظك الله ...

[ابو ثامر]

اقتباس: المشاركة الأصلية كتبت بواسطة ابواحمد      صح لساان الشااعر طيب طيب تحكي الواقع وحال بعض الشباب هداهم الله

شكرا لحضورك الجميل اخي الفاضل
وهذا الواقع مؤلم جدا

[ابو ثامر]

اقتباس: المشاركة الأصلية كتبت بواسطة لغة العيون      احسنت وصح لسان الشاعر تحياتي لك

شكرا وصحّ نبضك

[ابو ثامر]

اقتباس: المشاركة الأصلية كتبت بواسطة أبو الفوارس      كعادتك مبدع يا أبا ثامر .. حفظك الله ...

ماعليك زود ياابا الفوارس ولاهنت

[عبدالرحمن الخزمري]

صــــــــح لسانــــــــــــــــــك .
بيض الله وجهك ولاهنـت .
يعطيـــــك الف عافيـــــــة .
ابداع مستمر من شاعرنا .
دمت ودامت قصــــــائدك .




تحياتــــــي وتقديــــــري ,,,