|
|
|
|
|
 |
 |
 |
|
#1
24-04-2013, 05:29 PM
|
||||
|
||||
اللهجه البحرينه القديمه كلمات جميله
اتمنى تعجبكم
ايه على الاول والله - اتركم مع الكلمات رستة = شارع راندبوت = دوار زبرة = كشخة متزبر = كاشخ قرنة = الزاوية تكندر = تطرف أو مطورف على كتر = على صوب أو على جانب لوفر = ناس مخرطية مهتمل = مبهدل تهردم = طاح عايله من أسفله حدر = تحت تعلبق = تسلق علثة = حاجة سلق = طويل شمحوطة = طويلة شنقايل = شنو اشعداله = شلون صاير أو ما هو شكله سانجة أو جرخانة = مكينة خياطة بطبطة = موتر سيكل ( الدراجة النارية ) اقطيرة = قطرات من الشراب يعني قليل اطبقه = مسكه أو يوده بوكس بويمعه = ضربة قوية بقبظة اليد كف راشدي أو ( كف حلاقة ) = ضربة من قفا الرقبة القفا = قفا الرقبة ويقصد فيها بعد وراء أو خلف الشي سابعة = ظهر الانسان سبعه = غسله ( سبع يدك ) يعني غسل يدك حذاي = يمي أو قربي أو جنبي عروة = أذون البيالة البيالة = الكوب اللي له اذون غنجه = صينية همزة = قبضة الأكل او الغداء باليد هميج = عيش لين سلوقة = ضربة بالصبع على الراس زتات أو زتك أو زتاتك أو حامي = بسرعة وعجل نايز = تجهز وتبرز كرفاية = سرير ازغده = ازنطه = امسكه من بلاعيمه اصلخه = اصابته ضربة بالتمبة ( الكرة ) في وجهه أو في أي مكان في جسمه شله = التراب المختلط مع المطر مدروي = مقلوب يعني مثلاً لو واحد لبس الانجفرة مقلوبة انقوله شفيك لابسها مدروية عدلها زمران = زعلان وماد البوز صخه = سهدة = هدوء امقطن = حزر= منتهي مدته قرص = خبز حايف = الخبز المعفن محندب = ظهره ملتوي من الكبر والكبر شين معيي = مخالف ورافض اشعاد = ما يخالف = لا يمنع مقشحة = قطعة من بلاستيك وسابقاً من المعدن لغرض التنظيف ( وضع الأوساخ بالمخة في المقشحة ) مبوبز = جالس على قدميه ويدينه مادهم جدام مجندس = منحني وجهه او ظهره مجثي = باهت أو متقشر أو رايح لونه متربع = نوع من انواع الجلوس وغالباً عند الجلوس أمام مائدة الغداء انجله = قلبه أو طرحه أرضاً تحنقل = طاح ووقع على الأرض تنهزر = تمسخر وتطنز تقرفض = تساقط الشعر معنطز = معاند ومناحس اميود = ماسك معجعج = اميود الشي بقوة ولا يريد التنازل عنه مهما كان ابشار = الشرشف برنوص = لحاف اهو ناولني = اعطني الشي في يدي املعه = فرط جزء ما من جسمه خنه = عطر خنينة = رائحتها حلوة وزكية ينبر = يفتش ويبحث افهقه = فتحه بقوة لدرجة الكسر مقحوم = مقفول ويكون القفل من صيخ من حديد نتفة = جزء صغير من الشي يقمة = شربة واحدة من الماء او الشراب عجبرة = دخان سقطة = الجو حار ولا يوجد متنفس أو هواء اوهيه = حرورة أو لهيب النار تنسم = تنفس سندارة = ضجيج وعوار راس هست = يوجد أو هل يوجد هذا الشي جنزوعة = شعر راس الطير من الورا بكله = قذله عرعور = ذنب الديج وتطلق أيضاً على القذله عصاعص = المتبقي من الجيقارة زهبة = منطلق بسرعة جنونية ونقه = فلت الشي واوصله بعيداً جداً نقطه = تطلق على الطير الذي يحلق عالياً في السماء ولا يرى منه شيئاً فيتبين لنا بأنه شكل نقطه لبعد المسافة التي وصل اليها دمدام = شايب رطعه = عظامه لينه ولا يستحمل صعاب المهام بته = لعبة الورق وتسمى في الكويت تسمى زنجفه وفي السعودية بالوت وفي البحرين ( بتة ) بروي = العاب الاطفال وهي على شكل مكعبات يلعبون ويتسلون فيها الاطفال زيله = الدلو الذي توضع فيه الاوساخ القايلة = شدة الحر في عز الظهر والشمس تكون حارة جداً لا تطاق الآلو = البطاطس وهي محرفة من كلمة علي وليم ( الشركة المعروفة قديمة في انتاج هذا النوع من الخضروات ) غجه = الطعن في الشي يبعر = يصارخ ويرفع صوته يتحلطم = الثرثرة الناتجة عن عدم الرضا بالشي صدمة = زكام وهو مرض الانفلونزا واحنه نسميها ( صدمة حزرة ) على سبيل المزاح والسخرية) بقعة = مثلها مثل اه كلمة للاستغراب والتعجب من الشي عوق = جرح في الجسم زلغ = تسلخ جزء من الجلد وظهور دم ام الديفان = تصيب الانسان وقد يضيع في الطريق ويذهب إلى مكان غير المقصود ينابك = حضرتك أو شخصك الكريم طنجح = انتفخ = وصل حدة = انبط مافيني بتك = ما فيني طاقة أو لا أتحمل هذا الشي مخلص قرميته = منتهية صلاحية وانقولها بعد حق الشخص اللي ما يشتهي يفعل شي وما منه فايدة ولا عايدة مقاقة = بارض = مزاج مرية = قلادة للمرأة وتصنع من الخرز وتوضع على الرقبة مقبس = مبخرة ييفه = ريحته خايسة والييفة الجثة الهامدة رنق = صنف أو نوع طابن = خامر = متواجد في مكان معين ولم يتحرك منه غلغض = ادخل الشي في مكان ما لدرجة الاختفاء فقصة = رعصة = زحام شديد قدر = خلص ما اعبر = ما اقدر أو لا أستطيع هي = ذهب وانطلق شال عليه = شرد التجمبح = لعبة قديمة وهي اصطفاف مجموعة وراء بعض وهم يحنون ظهورهم ( مجندسين ) ويأتي شخص ويقفز من فوقهم إلى الأمام عنصوص = حصا يظهر من جراء دفان البحر وقد يحولون الشباب ( الدفنة) إلى ساحة للعب كرة القدم فيما بينهم والعنصوص طبعاً إذا أصاب رجل الأنسان قد يتعور فتجد الشباب يتحاشونه أو يزيلونه صمية = الصخرة التي على سيف البحر دبيج = ركيض يدبج = يركض شنقله = اقلبه ما يتقابون = تطلق على الشخصان أو الجماعة اللي ما يداون بعض ولا يتلاقون في أي صفة من الصفات اغلقه = ضير وشدة الضيق افكري = كلبجه وتوضع في يد المسجون محبس = خاتم ودر = الويه المقرح لجة = بخيل طخ = باق وسرق تفق = المسدس ميز = الدرج أو الطاولة ادبيبو = وهي حشرة صغيرة تتواجد في الأرز ( العيش ) المخزون سنطوانة والجمع سناطين = أعمدة البيت صندوق = فلاجة = ثلاجة لبه او لبلبه فوق ظهره = الشطه املبق = مخشوش ، لبق = خبأ الشي لابج عليك = طايح عليك ( يناسبك هذا الشي ) لبيب = ناعم يعني لما انقول شعره لبيب نقصد فيه ناعم دجيج = رجيج = رقيق الخيرزانة = الخيزرانة وهي عصا تستعمل للضرب والعقاب صلت يابهتك = احترقت يابهتك مبلتع = يتكلم بطلاقة ادقم أو دقمة = ضروسه طايحه ويقلب السين ثين دورفة = مرجحانه تنك = معدن من المعادن يشبه الالمنيوم بيب = وهي بشد الياء .. اناء من المعدن يوضع فيه الزيت أو الدهن ليطبخ به شاخت اركبك = وهو دعاء على الشخص يعني بانت عليها معالم الشيخوخة العايدووو = تقال للسخرية من الشخص والتأنيب اللي ما ينفع يعني لا يعود بالنفع في الشي المعين المقصود (فلان) من العازة = وتحمل نفس معنى العايدووو من وهل = من وقت او باكراً بطيت = تأخرت ، بطا = تأخر ، لا تبطي = لا تتأخر برستي = البيت القديم ويصنع من الخوص والسعف يمشي في الساس = تطلق على الشخص الخجول الذي يمشي لحاله ولا يستطيع رفع رأسه من شدة الخجل مجرفس = مكفس ملكوت = ملتوي مثل الاسبرنقات جكس = الشعر الكيرلي طبيشة = نوع من أنواع القواقع البحرية وأيضاً تسمي مغطاة غرشة البيبسي أو المشروبات وما شابه ذلك بال ( الطبيشة ) الينون = خليط من المكسرات ويوضع معها نقود وتنثر في الأعراس وأعياد الميلاد ومن يلتقطها ( اللي يحوش ) فتصبح من نصيبه اللي يحوش = من يحصل على هذا الشي فهو من نصيبه الحجالة = آخر العنقود في البيت من العائلة يدوي= صوت ما يرن في الآذان شبه = بقايا الغبار وخيوط العنكبوت المتكونة على الطوفة غالباً أو أي مكان توجد فيه مغثي = تنقال حق الشخص اللي توه يالس من الرقاد ومب في نشاطه وحيويته امفهي = احمق أو غبي أو لا يفهم منز = مهد أو سرير الطفل اقشار = أغراض أو حاجات معارة = أغراض كثيرة متلايمة متراكمة فوق بعض أو في مكان واحد لايث = شي مفلوت أو موجود في مكان معين ولا يوجد أحد لالتقاطه أو أخذه أو اعطائه أهمية عباب = كثير الكذب بوشلاخ أو شلاخ = الكذاب اللي يأتي بقصص من وحي الخيال ومن تأليفه وبطولات يتباهى بها وكلها كذب وحتى الطوفة تكاد أن تتشلخ من كثر كذبه لا تقمبل = لا تكذب ولا تدعي كلاماً الغير صادق يدغ = يشرب امبكر = الثياب المخططة تفرفت = تفتت إلى أجزاءً أجزاءً يعرك = يفرك يصل = ينقط أو يتساقط أو يقطر أو يخر يتجلبه = يتسلق تجلجم = سكت واندحر او تقدرون اتقولون اصطكت عليه وسكت وماعرف شيقول يتنحنح = يستأذن قبل الدخول إلى منزل أو مكان معين ويطلق صوتاً من فمه وهو ( احم احم ) دعله = لا يفهم ولا يحسن التصرف في الأمور يزوغل = يغش في اللعب بوليس خانة = مركز الشرطة لا توطوط = لا تقترب من هذا المكان بتاتاً اشخانته = ما فائدته ، ماله خانة = ما منه فايدة اشمهرتك = ما صنعتك ويقصد بها شنو الحاجة أو الغرض من فعلك هذا ، مالك مهرة = هذا الشي لا يخصك ولا تتدخل فيه ما ينبغه = اي لا يراد أو لا يطاق ــ مثال بل ريحتك كلش ما تنبغه = رائحتك كريهة ولا تطاق كونة = حفرة صغيرة تحفر في الأرض لغرض لعبة ( التيلة ) وهي لعبة قديمة وتكوينها في الكونة قلقص = قص جناحات الطير لكي يتعلم على البيت ولا يضيع في المستقبل شلاشن = ورق لاصق سجل = لف جناح الطير بورق شفاف أو تيب ( الشلاشن ) عشان ما يطير شبص = أمسك بالشي ولا يريد أن يتركه يتخادنون = رفجان يقعون بالمكر والخديعة على ناس غيرهم يعني يحطون في بالهم شي او ناس ويخططون ان يسون شي ضدهم أو مقلب أو ما شابه ذلك فنقش = مات وتوفي عنقيشة = لب أو نواة الفاكهة أغو = الياهل والطفل هوه = بتشديد الواو ( النوم ) ويقولونها حق الياهل اذا بيرقدونه يجوكم = يغامر اسراوة = الدود الذي يتواجد في ثمرة أو فاكهة اللوز درو = لا يفقه الأمور وبعده صغيراً جيق = اناء الشراب ( الشربت أو العصير ) بوخفنة = عزرائيل الموت ، شالك بوخفنة = خذاك الموت أو عزرائيل الموت وهي دعاء على الشخص امزوزي = خمول وكسول وكله يبي يرقد بس هالولد هههه مرطرط أو مطعطع = جسمه لين ومافيه قوة نخية = ضعيف البنية ويطقونه وما يقدر يدافع عن نفسه تخثول = لا يستطيع الحركة من زود التعب أو الكسل ملتات = التوا واعتوا او انجفس عقف = الشخص القوي الجسم الصلب ابسطه = ضربه كوفنه = ضربه ضرباً مبرحاً وأصابها بالأذى كونديشن = المكيف وهي كلمة انجليزية ساتول = طابور ناس مصطفين ورا بعض وعالم وزحمه تله = سحبه شقله = حمله وارفعه توحه = احذفه يخلبص = يخوف او يخرع بجي = الانسان القصير عطني ام قفاك = يعني اعطني ظهرك واذهب عني والقفا اهيه اللي ورا الرقبة لا تراويني رقعة ويهك = يعني خلاص ما ابي اجوفك ولا اجوف ويهك اليبانة = المقبرة ضكه = الصق بالشي ملاوصي = كذاب وغشاش قصيصون = غير حقيقي ومصطنع هيلة = صراخ وضجيج الدوبي = الكواي الاوتي = المكواة يرادس = يضرب برجله في الأرض ويصدر صوتاً مزعجاً يخابط = يدوس تهردم = تهدم وتساقط عاليه من سالفه عافيتي بايدة = جسمي رايح اصابني الضعف والمهان متهردق = تعبان ومتكسر ولا اتحمل شيئاً لغلاغة أو لعوازة = اثار البقع والوصاخة في الثياب أو أي مكان تبرعص = خاف اخريش او امخرخش = خفيف العقل او المجنون طنقر = استحمق وغضب يتطوطح = يترنح يمين وشمال يروي = يتحرك ويتمايل محكر = قفص الحمام والطيور شداخة = مصئدة الفيران تمم = خلص او كمل خاوي = خالي يعني فارغاً حاس = حشرة يخوزر = يخز ويبحلق بعينه نفت = نظر بنظرات حادة وغاضبة اغتاظ = غضب واستحمق يتصوخ = يتسمع ويتجسس ويلتقط الاخبار جان بخت او جامبخت = يا ليت للتمني جيف جان = ما بغه = تنقال اذا شي ما عيا ولكنه أخيراً تحقق ونلناه 
|
 |
 |
 |
|
|
|
|
|
02-05-2013, 02:50 AM
|
#2 |
|
عضو مميز
 |
رد: اللهجه البحرينه القديمه كلمات جميله
الف شكر بارك الله فيك على الموضوع القيم والمفيد نتمنى منك المزيد
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه للموضوع : اللهجه البحرينه القديمه كلمات جميله
|
||||
| الموضوع | كاتب الموضوع | المنتدى | مشاركات | آخر مشاركة |
| معجزات اللهجه السعوديه | ملاك زهران | الإستراحة | 10 | 29-01-2012 06:13 PM |
| كلمات جميله ورائعه اتمنى تنال اعجابكم | ما عاد بدري | الاخبار المحلية والعالمية والمنقولات | 18 | 12-05-2010 12:22 PM |
| كلمات جميله عن الثقة بالنفس | عاشق الجنوب 07 | منتدى الحوار | 3 | 08-05-2009 01:57 PM |
| ~*¤ô§ô¤*~كلمات جميله~*¤ô§ô¤*~ | مح العدواني مد | المنتدى العام | 16 | 04-05-2008 01:56 AM |
