منوعات (حلى + فطاير البف بيستري + حلى البف بيستري )

[الهنوووف]

السلام عليكم
الى كل الحلوات منتدى زهران نقدم

المينيو,,
حلى تويكس,
حلى البف ستري,
بيتزا البف بستري,
صينية الدجاج بالبطاطس المهروسه,
حلى بسيط,

حلى التويكس

المقادير:
علبتين بسكويت شاي,
5حبات تويكس ابو اصبعين,
3ظروف كريم كراميل,
3ظروف دريم ويب,
4علب قشطه,
فليك للتزيين,

الطريقه:

نصف بسكويت الشاي بالصينيه ونرش عليه حليب علشان يلين معنا,بعدين ناخذ التويكس كله وعلبة قشطه وحده بس بالخلاط,,
بيطول الان ينخلط زين,بعدين نحطه فوق البسكوت بعدين بسكوت طبقه ثانيه بعدين الخلطه بعدين بسكوت,,
بعدين ناخذ الدريم ويب والكريم كراميل و3 قشطه بالخلاط لحد ما تثقل ونحطه فوق البسكوت,
بيسير لونه اصفر شوي,ونحطه في الثلاجه لمدة ساعتين ونزينه بالفليك,,ويامال العافيه,,

حلى البف بستري

المقادير:

بف بستري المربع,
جبنه كاسات,
قرفه,
سكر ناعم,
نستله,

الطريقه:

نأخذ البف بستري وندهنها بجبنه بس شووي,,ونحط فوقها القرفه والسكر بالكميه اللي نبيها,ونلفها رول,ونقطعها بالنص,وندهن صينيه بالزيت ونحطها بالفرن,اذا استوت نصفها ونحط فوقها نستله,وبالعافيه

البيتزا بالبف بستري

المقادير:

بف بستري مربعات,
صلصة بيتزا,
هدق,
فلفل رومي,
فطر مقطع شرائح,
جبنة موزاريلا,
زيتون,

الطريقه:

نأخذ البف بستري,ندهنها بصلصة الطماط,ونحط عليها الاشياء اللي فوق واخر شيء الجبنه,ونسفطها سفطه وحده ونحطها في صينيه مدهونه بزيت,وبالفرن,ورح يطلع كذا شكلها,,وطعمها حكاايه

صينية البطاطس المهروسه بالدجاج

المقادير:

6بطاطس,
2صحن دجاج فيليه,
نص فلفل رومي,
فطر مقطع,
بهارات_ملح_فلفل اسود,
بصلتين,
جبنه موزاريلا,
ملعقتين كتشب,
علبة قشطه,

الطريقه:

نسلق البطاطس ,,
إذا خلصت نهرسها مع نص علبة قشطه,وبنطن فيها الصينيه من جميع الاطراف,
بعدين نروح للقدر,نحمر البصل,وبعدين نحط الدجاج المقطع مربعات,اذا خفت مويته نحط الفلفل الرومي والفطر وملعقتين كتشب وقشطه ملعقه,والبهارات والملح والفلفل الاسود يعني بالعربي كل الباقي,اذا خلص نحطه فوق البطاطس ونحط فوقها الجبنه وندخلها الفرن الان تذوب,,وجعلها بالعافيه

حلى

المقادير:

اوريو,
4ملاعق حليب بودره,
علبة قشطه,
ظرف دريم ويب,
فنجان سكر,
نستله,
كيري,
فليك,

الطريقه:

نحط الاوريو في القاعده,ونحط فوقها شوي حليب,وبعدين نحمس الحليب ,بعدين نحطه هو والدريب ويب والقشطه وفنجان سكر في الخلاط,ونحطه فوق الاوريو,وبعدين نحط النستله والكيري ونحطه فوقه بعدين نزينه بالفليك,,وبالعافيه

,,,,,

[طيارزهران]

لآيقآوم الشكل واكيد بيكون الطعم لذيذ ... مجهود تشكرين عليــه يعطيكـ العافيه هنووف ..


تحياتي

[شذى الريحان]

[الهنوووف]

يسلموووووووووووووووو طيار زهران مروووورك الاحلى

يسلموووووووووووووووو كت كاااته انتي نوررر المنتدى وربيعه

ربي يعطيكم العااافية وييسر اموركم دنيا واخرة

[صباح العيد]

ربي يسلم يدينك على الوصفات الذيذه حللوه البيتزا بالبف باستري ربي يسعدك

[روعه]

يسلمــــــــــو يـــــــــــــــــــــــــــديك

[طوق الياسمين]

حلى مميز .. تسلم اليدين اختي الهنوف
الله يعطيك العافية