يا أهل الخبرة في البنوك والقروض..أفيدوني

[كعشان]

السلام عليكم

احبتي في الله

بقي علي 77000 ريال للراجحي بحيث تتنتهي الاقساط في نهاية 1434 هـ (الله يمد اعمارنا في طاعته)

وقيمة القسط الواحد (1850) ريال

فهل يسمح لي البنك برفع القسط الى حد 3000 ريال او اقل لكي انتهي منه بسرعة وهل سينخفض المبلغ المتبقي في حالة رفع القسط علما بان الراتب (10000) ريال

أسأل الله ان يفرج عنا وعنكم هم الديون ولكم هذه القصيدة لاحمد شوقي رحمه الله قالها في حفل تكريم بطل مصري رافع للاثقال
(اسمه نصير)
قل لي "نصير" وأنت بر صادق***أحملت إنسانا عليك ثقيلا؟
أحملت دينا في حياتك مرة؟***أحملت يوما في الضلوع غليلا؟
أحملت ظلما من قريب غادر***أو كاشح بالأمس كان خليلا؟
أحملت طغيان اللئيم إذا اغتنى***أو نال من جاه الأمور قليلا؟
تلك الحيــاة،وهذه أثقالهــــا***وُزِنَ الحديدُ بها فعاد ضئيلا!

[سالم الدوسي]

أسأل الله ان يفرج عنا وعنكم هم الديون
امين ..امين ..امين ..امين

والله يابن العمماعند فكرة كافيه
إن شاء الله الشباب يفيدوك

[خطيرالملامح]

والله شوف انا برأيي لاترفع القسط لان ماراح يخفضوا لك الا بحفن التراب
واذا تبي نصيحتي رح لهم وقل لهم باسددكم مره وحده وراح يخفضون لك المبلغ راح ينزلوا عليك اقل شي 15,000 الف ريال
هذا طبعا اذا تقدر وعندك امكانيه واذا ماتقدر الشكوى لله قل لهم على الاقل يرفعون طلب تخفيض النسبه عشان تستفيد من القسط
والله اعلم

[فهد سعود الزهراني]

الله يرزقك من واسع فضله

بعدين لا عاد تكتب راتبك ترى العين حق لاتقول راتبي عادي اسأل من تثق لو على الخاص ههههههه

بخصوص طلبك فللأسف بنك الراجحي هو البنك الوحيد اللي ما يسمح بهذه الطريقة حسب افادة احد الاقارب يعمل مدير فرع فيه...

كما ان القروض الاضافية في البنك بنسب عالية.

النصيحة اما سدد مبكر او انتظر لين تروح المديونيه

بعدها هج من هذا البنك ورح للبلاد او الاستثمار نسبهم تحت الثلاثة بقليل ويعطونك مبلغ اكبر من الراجحي..

تحياتي لك

[كعشان]

شكرا للجميع

الاخ فهد ...اسال الله ان يبعد عنا الحسد ويبعدنا عنه وانا متوكل على الله ولم اضع الراتب الا اني توقعت احد يسألني عنه بحيث يمكن او لايمكن رفع القرض والظاهر زي ما قلت انها حامضه بس احسن مافيها انك تخلصهم بدري وتفتك هذا اذا وافقوني

اما اني اسددهم دفعة واحدة فمنين نسال الله الصحة والعافية واللي معه يتبرع لنا واقسطه في سنتين

[ابن مجهول]

السلام عليكم ورحمة الله وبركاته
يا أخ كعشان ما تستفيد من التسديد في هذي الحالة لان البنوك ياخذون فوائدهم في الاشهر الأولى فلو سددت كاش او اقساط فلن يسقط عنك الكثير لذا خلك ماشي معهم على الأقساط احسن لك

[أبو مراد الزهراني]

من وجهة نظري المتواضعه أخي كعشان ..
دام انك تقدر تدفع ثلاثة آلاف يعني الفرق تقريباً 1150 ريال .. قم بتجميعها لوحدها بحساب لوحدها ولا تصرف منها شيء ولو أستطعت رفعها لـ1500 أبرك لتصبح في نهاية العام 18000 ريال مبلغ جيد والسنة القادمة تصبح 36000 ريال وتقدر تسددهم بعدها كاش بدون ما تتسلف وتتعب نفسك يكون قد قضيت على دينك .. وجهة نظر لأن بعد السنتين أو السنة والنصف يكون قد أكملت نصف المبلغ المستحق عليك فهل توافقني في هذا الرأي أحرص أن لا تقرب هذا المبلغ وكانه قسط ..وفي النهاية سيخفظون عنك نسبة سنة كاملة تقريباً او أكثر .. تقبل مروري أخي ..

[NOUUAF]

شف حبيبي شوف كم راتبك واقسمه على 3 النتيجة اللي تطلع هذا اللي تقدر تسدده
اما غير كذا انك انت تسددبإضافة مبلغ عن طريق التحويل من النت

[a7med]

القسط الشهري المسموح به هو ثلث الراتب فما ادري لية الراجحي اخذ اقل من الثلث الا اذا كان هذا طلب منك انت
عموما رااجع البنك او اتصل عليهم اشوف افضل حل لك ياغالي

اتمنى لك التوفيق