أسلك يدك

[سعيد الغامدي]

[poem=font="simplified arabic,6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا صاحبي وأعمالنا محصيه= أرجوك لا تخلف صدوق النيه
اسلك يدك في جيبك وخرِّجها =وأعرف تراها خارجه بنيه
وارم العصا ولا تهون أحملها =لا أنته ترى موسى ولا هي حيه
ولا تقابلني بوجه ٍ بارد = وتضيع فيك الهقوه المهقيه
قابل وصارحني ولا تجفاني = ولا تخلي علتك مخفيه
ترى الحقيقه وجهها متجلي =تظل بوجيه الوفاء محميه
وقلوبنا من طبعها تتقلب = وارواحنا باجسادنا عاريه
ما ضيعتني لهجتي من طيبي = ولا ميزتْك اللهجه النجديه
هذا الجنوب اللي حموه رجاله = وهذيك نجد اللي تصد الهيه
والفرق فيما بيني وما بينك = إني أشوفك خي يشبه خيه
وأنته تشوف إنك وحيد بزيك =تهوى الجفا وتكره الحنيه
وحنا ترانا نسل حوا وادم = طباعنا بوجيهنا مقريه
خلك على طبعك وأنا لي طبعي=ما عاد تفرق روحتك والجيه
اللي يميزنا العمل والتقوى = لا عرق لا مذهب ولا قوميه
والعلم كل الناس به تتساوى = ماله جواز ولا حمل جنسيه
والشعر ما هو سلعة ٍ تعرضها = ولا هو بضاعه بالثمن مشريه
الشعر شعري وارثه من جدي = ولا سقتني مثلك الجنيه
سمو شعري من سمو جبالي =الراسخات العاليات الحيه
اللي تنافس للسحاب العالي = وتكسي تهامه بالمهابه فيه
نهوى القمم لاجل إنها تهوانا = ونعشق نبات القهوه البريه
لاجل إنها في دمنا تجري به= ولضيفنا نصبها منقيه
نعيش بالطيبه ولا نتخلى = عن الخوي وحاجته مقضيه
ولا نغمط حقوقه ولا نهظمها= ولا نقابل حسنته بالسيه
راجع حسابتك وصحح وضعك = وخل نفسك راضيه مرضيه
لا تأخذك بالاثم عزة نفسك =ولا تنجرف لاحلامك الورديه
اخرج يدك من جيبك وصافحني = وحط يدَّكْ بالوفا بايديه
[/poem]

تقبلوا تحياتي

سعيد الغامدي

[عبد الكريم العدواني]

صح لسانك يالغالي.

[أبوعدي]

صح لسانك

[Mansour Al-zahrani]

صح لسانك
والله يعطيك الف العافيه