ياحبيبي سلام

[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياحبيبي سلام وكيف حالك=ياعسى الخير لك والسعد لك
ياحبيبي ترى روحي حلالك=كل مابي وربي حل لك
اعتبرني مدى عمري فدالك=ماتمناه مني فدو لك
انت مالي على الدنيا بدالك=لا تضني بيوم ابدلك
تدري انه سحر عيني جمالك=سبحان من هو حقيقه جملك
انت من قلبي الوافي صفالك=وانت من قلبي الواسع ملك
انت ياللي خذا فكري خيالك=وين ماروح وانا أتخيلك
قبل عيني وانا واقف قبالك=أهرجك واحضنك واقبلك
كل شين غدا مني وجا لك=مابقى شين حبك ماسلك
رقتك طيبتك ذوقك دلالك=تفرض وتوجب علي ادللك
غير قلي فديتك في وصالك=كيف لاجيت مشتاق اصلك
وانت مبعد ومن غرك مجالك=خلاك نقطه بعيده فالفلك
لا تقلي ولا اقلك عمالك=خلاك تبعد وتهجر منزلك
ذا لحالي وهذا انت لحالك=تعال خلك معي كم قلت لك
ابيك تشعر بحالي كل مالك=تعامل انسان بالي عاملك[/poem]

[ابو احمد العدواني]

صح لسانك وبيض الله وجهك

[احمد صعمود]

اسلوب شعري مجنون يالمعنى

صح نبضك حتى ترضى

تقديري

[حسين المعنى]

اقتباس: المشاركة الأصلية كتبت بواسطة عبدالله بن احمد العدواني      صح لسانك وبيض الله وجهك

صح بدنك ووجهك ابيض

[حسين المعنى]

اقتباس: المشاركة الأصلية كتبت بواسطة احمد صعمود      اسلوب شعري مجنون يالمعنى صح نبضك حتى ترضى تقديري

صح الله بدنك يامشرفنا الغالي

لك تحياتي واحترامي

[جمعان مفرح (ابو طلال)]

قصيدة رائعة من شاعر مبدع
دمت في حفظ الله