|
|
|
|
|
 |
 |
 |
|
|||||||
 |
 |
 |
|
|
|
|
| مشاهدة نتائج الإستطلاع: بعد قراءة القصه كامله كيف كانت القصه؟؟؟(عدم التصويت إلا بعد عرض الجزء الثلاثين) | |||
| ممتازه جدا |
   
|
1 | 100.00% |
| جيده |
  
|
0 | 0% |
| لابأس بها |
  
|
0 | 0% |
| سيئه |
  
|
0 | 0% |
| المصوتون: 1. أنت لم تصوت في هذا الإستطلاع | |||
|
|
|
|
  |
|
|
أدوات الموضوع |
|
|
|
|
|
#1
10-06-2009, 11:35 PM
|
|||
|
|||
رشوا على قبري من دموع عينيه
[align=center]السلام عليكم ورحمة الله وبركاته
يسعدني أن أقدم لكم قصة تعتبر الأجمل من بين القصص التي قرأتها في حياتي وهي بعنوان (رشوا على قبري من دموع عينيه)تفضلوا القصه أخواني:::::: رواية جريئة وعاطفيه ورمنسيه .لكنها مؤلمه تتخللها: (فرحه ...دمعه ...همسه ...آهات... ونبرات... وصرخات ...ولكن لها أجوائها التي تأقلموا معاها أبطالها ) رواية (رشوا على قبري من دموع عينيه )) أولا وقبل كل شي - أتمنى أن تبدون أرائكم بصراحة وشفافية متناهية . - وأبي أشوف تفاعلكم مع الرواية .... مالنا بالطويلة راح أعرفكم بأ بطال روايتنا لكن مو دفعه واحده راح نتعرف عليهم بتسلسل الأحداث ابومحمد.. 45 سنه ((الأب )) يشتغل بالسلك العسكري برتبة ((لواء )) محمد ..28 سنه مهندس حاسب آلي عبد الله.. 26 سنه مدرس لغة انجليزية فارس.. 24 سنه يدرس هندسه ثامر.. 22 سنه ويدرس تمريض ملاك ..18 سنه بالمرحلة الثانوية ....ودلعها ((ميمي ))وهي آخر العنقود عايشه مع أهلها بجده أمها متوفيه ....وهي الدلوعة بالبيت صديقاتها واللي هم اقرب لها من روحها جود.. 18 ودلعها .....جودي لوجين.. 18 ودلعها..... جوجو شذى.. 18 ودلعها ....شوشو ولاء ..18 ودلعها ....لولو بكذا تعرفنا على أول أبطال روايتنا وراح أحط البارت الأول لكم أتمنى لكم قراءة ممتعه ورائعة ............... تحياتي (الـــســـفــــاح218) ************** ((الجزء الأول )) &&& ((بداية المسار على طريق الحياة .....ومفترقات الحياة تنادي ....ولكن إلى أين المسار ؟؟؟؟)) ملاك :اوووف مليت ياه شو هالملل محمد :ملاك بسك دلع كله طالعه برى وتقولين ملل ملاك :قول ماشاء الله عبد الله :ماشاء الله خمسه وخميسه عليك أبو محمد :يا أولاد بسكم عاد إلا ملوكه ما احد يقولها شي هذي أختكم الوحيدة ثامر :يا سلام كملت ملاك تضم أبوها :الله يخليك لي يا أحلى أب بالدنيا أبو محمد يطبع بوسه على جبين بنته أبو محمد :ويخليك لي أنتي وإخوانك ثامر :الحمد لله أخيرا جابو طارينا ملاك: بابا شوف أولادك يغارون مني وما يحبوني فارس :افااحنا ما نحبك ملاك :انا داريه عنكم شوفوا كيف تعاملوني كأني مجرمه مو أختكم محمد :والله نحبك يا ملوكه ملاك تضحك :عارفه راح تذبحون نفسكم عشاني مو ؟؟؟؟؟!!! أبو محمد :يا حبيبتي والله البيت من دونك ما يسوى أنتي ملاك البيت ملاك :ههههههههههاااااااي حرة موتوا قهر انا ملاك ملاك ههههههههه أبو محمد يالله عن إذنكم بروح أنام ..... الكل تصبح على خير أبو محمد :وانتم من أهله .....راح الأب ينام ...والإخوان كل واحد يتسحب اللي بيروح لأصحابه واللي عنده مشوار .....الخ ملاك :اوف بهالسرعه اختفوا وأنا ويش أسوي جالسه لحالي أروح لغرفتي أحسن راحت لغرفتها ورمت نفسها على السرير وهي تفكر ملاك نطت :بس لقيتها ...مسكت الجوال ملاك :الووو هلا جودي جود :اهلين ميمي كيفك .(( على فكرة جود أصلها سوريه)) ملاك :تمامو حبيبتي جود: ميمي طفشانه مووووووت موووت ...((وتقولها بقرف )) ملاك بحزن : وأنا كمان جود :اوووووووووف شو هالملل ملاك :جودي شو رايك نطلع جود : فكرة يالله مريني ملاك :اوكي باي جود :باي دقايق وكشخت ملاك ومرت جود وراحوا يتمشون ملاك :وااااو شوفي هالاكسوسريز سبيشل جود :واو كثير حلو شو رائيك نشتري منها كتير نايس ملاك :اوكي ...اشتروا وتسوقوا جود :ميمي بكرة كل القروب متفئين انو بنجتمع ونطلع مع بعض بتجي معنا ملاك :أكيد أكيد معاكم مو تسوون نذالة وتتركوني جود : أصلا الجمعة بلاك ما بتسوى شيء أنتي مصدر العبط والقوة والهبال فينا ملاك: اوكي بكرة الموعد جود :اوكي باي رجعت للبيت وجلست على النت شوي ونامت & ((يوم الخميس الساعة 11 الصباح )) أبو محمد :ملاك اصحي ملاك :مابي أبي أنام اتركوني ثامر :يالله قومي ملاك :أيه أيه وراك رح بس أنت وانا جايه وكملت نومها صحت الساعة 1ونص الظهر نزلت للصالة وهي لابسه بيجامه برمودا للركبة لونها رمادي وبلوزه حفر وردي وفيها خطوط رمادي وكانت طالعه فيها كأنها طفله ملاك :صباح الخير محمد :قصدك مساء الخير ثامر :بدري كان نمتي للعصر ملاك :بالله مو رايقه لك اسكت فارس :اقول ترانا تغدينا قولي لكاتي تحط لك غداء أو فطور ملاك : يوووه منكم اوووف القعدة معاكم تقصر العمر راحت للمطبخ وقالت لكاتي تحط لها فطور وراحت تصلي ورجعت للصالة ولقت صينيه الفطور جاهزة جلست وبدت تاكل وأبوها يطالع الإخبار لف عليها أبو محمد : ملاك ويش هاللبس ملاك بدون اهتمام : أي لبس أبو محمد : لبسك ملاك : ليه ويش فيه بابا أبو محمد : لا بس مفتوح مرة ملاك :بابا انا اذا ما أخذت راحتي بالبيت وين ارتاح ؟؟؟؟ أبو محمد :بس أنتي عندك أخوان يعني شباب ملاك :بابا أنت قلتها أخوان يعني بيخافون علي أكثر من أنفسهم طيب ناظر أشكالهم ...شف ملابسهم الحال من بعضه ....((كان ثامر لابس شرت قطني وبلوزة حفر ....محمد لابس بيجامه ازرق ...فارس لابس بلوزة احمر كم قصير وبنطلون ابيض سبورت نوعا ما ...عبد الله لابس جينز وبلوزة حفر رمادي )) أنحرج الأب وقال : خلاص خلاص خذي راحتك زي ماتبين يا بنتي الكل : ههههههههههههههه ثامر : وهقتي ابوي محمد :يبه لا تخلي بخاطرك عطنا المحاضرة اللي تعودنا عليها الأب: والله أشوفكم أذن من طين وأذن من عجين فارس :يا يبه هذي الموضة الأب : على راحتكم لاموضه ولا غيرة تقدر تثنيكم عن اللي برووسكم يوووه الساعة 2 ولسى وراي مشوار ودوام ملاك :بابا متى ترجع الأب : 2 بالليل ملاك : اوكي توصل بالسلامة راح الأب ولبس لبس الشرطة عبد الله : ابوي بالزي يفلق الكل :ههههههههههههههه ملاك : شكله بيروح يرقم ثامر : يبه ترى شكلك يجنن الأب وبحده : بس عطيتكم وجه زيادة ....وطلع الكل :ههههههههههههه ملاك : مسكين احرجناه محمد :أيه صح قامت ملاك وراحت غرفتها بعد طقه الحنك مع اخوانها وجلست على النت الى المغرب وبعده بدت تزبط نفسها للطلعة مع البنات وهي تخطط للهبال كشخت وبعد العشاء وصلت لوجين ومسكت جوالها لوجين :هاي ميمي يالله أحنا تحت ملاك : طيران وقفلت الخط وأخذت شنطتها ونزلت لهم ملاك : هاي قيرلز الكل : هاااااااااااااااااااي ملاك : هواريو الكل : فاين ملاك : شو هالحلا يا صبايا لو جين : أنتي اللي كل يوم تحلوين أكثر كانت ملاك متلثمة ومطلعه عيونها القتاله شذي : وين بنروح جود : عم بنفكر ولاء : نروح الكورنيش أحسن ملاك : حلو بس على شرط الكل : شنو ملاك : نسوي عبط ما حصل لوجين : اوكي يا أم العبط أنتي وصلوا عند الكورنيش وكان اغلبه شباب نزلوا الخمس بنات ((قروب لايف )) ملاك : تلثموا عشان ما احد يعرفنا لوجين : لا مالو داعي ملاك : لا والله الكل: طيب طيب ......وتلثموا جود :اسمعوا نبي نستهبل ونضحك ملاك : لاتخافين مدام ميمي موجودة يعني في استهبال لوجين وشذى : شوووووووررررررررررررر شذى يالله نبدا ولاء : ثري. تو.ون .. جوا . مشوا على الكورنيش شذى : شو صاير هناك لوجين : في تجمع ناس ملاك : يالله نروح ونشوف راحوا بسررررعه لقوا مجموعه شباب ممكن 6 شباب معاهم استريوا ومشغلين أغنيه أجنبيه ويرقصون رقص أجنبي جود : ههههههههههه بيضحكوا ملاك : ويش رايكم نسوي ااااا..... لوجين : مجنونه أنتي ملاك : صدق أنكم خوافات ولاء : انا ما عندي مانع موافقة شذى : وانا جود : وبرضوا انا لوجين : اوكي يالله قربوا عند الشباب ويناظرونهم من فوق لتحت (( يبون يقهرونهم )) واحد من الأولاد : واااااااااااو اعرف في قمر واحد مو خمسه ملاك باستهبال : ههههههههه معجزة الثاني: أي والله معجزة خمسه مرة وحده جود : شو هالرقص البايخ ((تستدرجه )) الأول: بايخ ...شوفي الناس كيف يتفرجوا وأنتي تقولي بايخ شذى : حركاتكم قديمه الثاني: الله واكبر لايكون عندك خبرة ولاء : ليه نقدم على وظيفه عشان تقول عندك خبرة الثالث: هههههه لا وظيفه ولا شيء ملاك : شكل ماعندكم سالفة اجل هذا تسمونه رقص الأول: ورينا شطارتك طيب ملاك : نوريك ليه لا لوجين : أغنيه هندية لو سمحت الشباب: هههههه هندي طيب نحط هندي بدت الدقة و قروب لايف واقفين مجرد مابدى الدق القوي بدت الحركات الكل مبهور من حركاتهم كأنهم متدربين عند مدرب بنفس اللحظة نفس الحركة وعلى نسق الميوزك خلصت الاغنيه والكل يصفق ملاك تقرب من الشلة : تعلموا الرقص مو تشوهونه .وصاروا يضحكون البنات وراحوا شذى : جنان شفتي عيونهم ولاء : لاقين عرض وببلاش كمان جود : ينعذرون ملاك : جد وناااااااااسه لوجين : والله أفكارك حلوة كل يوم فكرة ملاك : طيب مو كأن الوقت بدري ويش رايكم نروح عزيز مول الكل : موافقين وعلى طول اتجهوا على عزيز مول دخلوا المول وكلهم مميزات خمس ملائكة كل وحده تقول الزين عندي لكن طغت عليهم ملاك بالعيون الواسعة العسلية والجمال البدوي والطول والجسم الرشيق كانت بالوسط ويمينها شذى ولوجين ويسارها ولاء وجود تسوقوا واشتروا اغراض ملاك : اوووف تعبت لوجين : بليز ملاك بس هذاك المحل ...ميمي بليز ملاك بنظرة تهديد : بس هذاك ياويلك لو قلتي كمان هذا لوجين : أوعدك مشوا الخمس بنات وكان في ثلاث شباب معاكسين لهم بالاتجاه جايين باتجاههم الأول: ول ول شوفوا هالبنات يخققوون برقمهم الثاني ((اللي بالوسط)): اوووف شف اللي بالوسط تجنن هي اللي لافته أكثر ((وكان يقصد ملاك )) الثالث : شف جايين باتجاهنا الثاني : تتحدوني أسوي لها حركه ما تنساها أبدا الأول : هيه أنت ترى الناس كثيرين هنا والله لو انتبهوا لك غير يقصون رقبتك الثاني : ماعلي المهم انا راح أخليها تلحقني الثالث : فيصل لاتتهور مو ناقصين مشاكل قربوا البنات وكانوا يسولفون وفيصل وماجد وفهد قربوا أكثر بعدوا ماجد وفهد عن طريقهم لكن فيصل صدم بملاك ونفذ تحديه وسوى لها حركه وقحة جدا جدا الكل تفاجئ من جرئه هالشاب والبنات واقفات مصدومات من حركته أما ملاك واقفة مصدومة من هالحركه اللي شلتها عن التفكير وعن كل شي مو قادرة تتخيل انه يتحرش فيها وقدام الناس بعد فيصل وكمل طريقه وماسأل بأحد ونظرات الاحتقار تجيه من كل اتجاه شاب قمة في الوسامة والجمال وله هيبة عجيبة وباين انه مثقف وواعي يسوي هالحركه الدنيئة لوجين : ملاك ميمي ملاك مو مستوعبه لسى : جوجو شفتي ويش ..وسكتت شذى : وقح مررررة انقهرت ملاك وطاحت منها الأكياس ملاك : مستحيل أخليه يروح قبل ما يدفع الثمن البنات : ملاك ويش بتسوين لفت ملاك وكلها حقد وكره على فيصل وعيونها تطلق الشرار مشت بسرعة وتركت البنات الكل يشوف هالبنت اللي تمشي مليون تبي تلحق هالشاب الوسيم ملاك ((انا اوريك والله ماأ تركك .......والله لأخليك مهزلة للكل )) ماجد : هههههه جد ما احد يستهين فيك قول وفعل فيصل : اوووف عليها جسم يذوب كيكه تخقق ((فيصل شاب عمره 26 من الرياض وجاي لجده في مهمة عمل وأداره شركة أبوه )) أخيرا وصلت له ملاك وماحس فيصل اللي باللي يلفه بقوووة من ورى لف فيصل من اثر هالقوة اللي تلفه عليها كانت ملاك ثور هايج لف وشاف البنت اللي تحرش فيها والناس تتابع بدقه هالموقف الاكشن اللي ما يفوت ملاك :ياحقير وبكل قوه تملكها صكته كف كانت أسنانه راح تتكسر من قوة الكف ملاك بحقد وقهر: هالمرة اكتفيت بكف لكن المرة الجايه راح أذبحك بيدي لفت وتركته منصدم من الكف اللي جاه لسه ما استوعب فكره أن بنت تمد يدها وتضربه قدام خلق الله رجعت وأخذت أغراضها ومشت بدون ما تنطق بكلمه ماجد : فيصل فيصل فهد : خلاص خلونا نمشي فيصل بحقد وعصبيه : موقبل ما أوريها شغلها مشى بسرعة يبي يلحقها لحقه فهد وماجد يبون يهدونه ويحاولون يمنعونه لأنهم يعرفون فيصل اذا قال كلمه قدها وقدود فيصل : لازم انتقم منها وتركهم وراح وراها وهم لازالوا يحاولون يمنعونه ركبوا البنات السيارة وأخيرا تكلمت وحده جود :ملاك شوبيك انسي اللي صار ملاك بقهر : قهرني وقح لوجين : أنتي أخذتي حقك منه شذى : لاتعطين اللي صار أي اهتمام انسيه خلاص ملاك : خلاص اقفلوا السالفة..... وظلت ساكتة ماجد : فيصل اصبر فيصل : والله لألحقها واخذ بثاري منها ركب السيارة وركب وراه ماجد وفهد اللي يحاولون معاه لين عجزوا عنه فهد : لاتنسى أنت اللي غلطت عليها فيصل بعصبيه : كيف تجرأت وضربتني قدام الناس فاهد : زي ما تجرأت ولمستها قدامهم فيصل وعيونه راح تطلع من مكانها : بس اسكت ((بسيارة البنات )) ملاك : لوجين بليز وصليني البيت أول تعبانه لوجين : طيب وصلوا عند بيت ملاك قبل ما تنزل جود :مافي شي يستاهل زعلك ميمي ولاء: انسي اللي صار وكان شيء ماصار شذى : لاتفكرين بناس حثالة لوجين : تصبحين على خير ملاك : وانتم من أهله يالله باي الكل : باي فيصل : هذا بيتها ماجد : يمكن مو هي فيصل :ألا هي اعرف طريقة مشيتها ونفس الشنطه ياترى ويش بيسوي فيصل مع ملاك ؟ ويش بتكون رده فعل ملاك تجاه ضربتها لفيصل ؟ ومعقول ينتقم فيصل من ملاك ب .......؟ هذا اللي راح نعرفه بالجزء الجاي ((الجزء الثاني )) ((هدوء ما قبل العاصفة )) دخلت الغرفة ونزلت عبايتها وقفلت الباب ورمت نفسها على السرير وصارت تبكي ملاك : انا ويش سويت كيف ضربته قدام الناس وليه سوى لي هالحركه ... ملاك تتذكر شكله وملامحه اللي لمحتها وهي تضربه : كيف ضربت هذاك الوجه ....ال.... ال..... الحلو لالا يستاهل اللي سويته فيه هو اللي غلط علي ))...نفضت هالا فكار من راسها وراحت تبدل ملابسها رجعت لسريرها وجلست تفكر.... ملاك (لازم ما اندم على شيء سويته انا واثقة بتصرفاتي ... هو اللي تعرض لي )) جات الساعة 2 بالليل ونامت صحت من اليوم الثاني بدري عشان صلاة الجمعة وصحت أبوها و اخوانها للصلاة....وبعد الصلاة الكل مجتمع على سفرة الغداء...غريبة ملاك ماتتكلم الكل مستغرب عليها السكوت ...وكانت أول وحده قامت من السفرة أبو محمد : وين بدري ما أكلتي شي ملاك : الحمد لله شبعت بطلع غرفتي أذاكر الكل : موفقه طلعت غرفتها وقفلت الباب ...مسكت شنطتها طلعت الكتب والدفاتر وقامت تذاكر وتحل واجباتها الساعة 7 المغرب خلصت مذاكره رتبت الشنطه وحطتها على جنب طلعت ملاك لكاتي : كاتي خذي العبايه والطرحة واغسليها...رجعت لغرفتها وأخذت دفترها الخاص ومسكت قلمها وكتبت (((عشت بالدنيا تايه وحيد لا لي حب ولا لي ونيس يا نااااس ليش الطيب بالدنيا ماله نصيب ليش قلبه يظل يمشي بدربة وحيد)) حست أنها تعبانه من التفكير في شي ماله داعي ولا يستحق منها الاهتمام حطت راسها على المخدة وراحت في عالم الأحلام...صحت على صوت المنبه قامت غسلت وجهها وصلت ولبست مريولها وزبطت نفسها وكانت ناعمة لأبعد حد ما يحتاج تضيف أي شيء على جمالها الرباني...أخذت العبايه...ولبست وراحت للمدرسة...مر يوم السبت عادي بدون أي شيء يذكر وبدون تطورات ونفس الوضع ليوم الأحد يوم الاثنين وهي راجعه من المدرسة خان : مدام ملاك: نعم خان : مدام هذا سيارة همر اسود في يمشي ورى أحنا من اثنين يوم ملاك : شكلك تتوهم خان : والله مدام ملاك : طيب طيب...لفت وشافت همر اسود مو واضح شيء فيها والتظليل اسود غامق جدا ما تشوف شي فيها ملاك :خلاص ما عليك منه.... ماخطر ببالها أي شي ((مسكينة مو داريه ويش يحاك من وراها )) نزلت للبيت وشافت الهمر موقفه بعيد استغربت شوي ...ودخلت البيت بالليل كانت رايحه للمكتبة ...شافت نفس الهمر...بدأ الشك يتسلل لها ملاك :مين اللي يمشي ورانا ومرت الأيام .......... <<يوم الخميس بالليل >>> && & كانت رايحه عند شذى البنات مجتمعين عندها ونفس الهمر وراها عند الاشاره ... وقفت الهمر بجنب سيارة ملاك الفان الكحلي المظللة ..... ملاك : ياترى من يكون؟ بفتح الزجاج عشان احتمال أشوف من هو .... نزلت ملاك الزجاج ونزل فيصل الزجاج انصدمت ملاك ما كانت تتوقعه ارتبكت وخافت وانرعبت على طول رفعت الزجاج ...... فيصل : هين اوريك يالحقيرة ملاك : يمه هذا هو نفسه اللي .....ياربي ويش يبي فيني أكيد بينتقم مني يارب ويش أسوي .. وصلت عند شذى ...وبسرعة نزلت ....كان وجهها مخطوف وباين عليها الخوف ولاء : ميمي ويش فيك كأنك خايفه ملاك بخوف : تتذكرون الولد اللي ضربته بالمول الكل : أيه ملاك بارتباك: طلع ... طلع يلاحقني الكل أنصدم ......... جود : شووو عم يلاحئك .... لوجين : وضحي لنا كيف يلاحقك وقالت لهم ملاك عن مراقبته لها من أسبوع تقريبا شذى : أكيد بينتقم منك ملاك خافت : ايش ينتقم؟؟؟ بس هو اللي تحرش فيني جود : انتبهي لحالك لوجين : ما راح نتركك اليوم انا بوصلك البيت ......جلست شوي بعدين رجعت للبيت ولما رجعت للبيت بسررررعه راحت لغرفتها من الخوف غيرت ملابسها ونامت من كثر خوفها صحت الصباح وهي قلقانه ماطلعت يوم الجمعة أبدا من البيت ...... يوم السبت .....وهي رايحه لمدرسه ...تتلفت تشوف سيارته لكن مالقتها .. ملاك : الحمد لله .....راحت للمدرسة ومر يومها عادي ......بالانصراف وهي طالعه ومعاها البنات شذى : في .... ملاك : لحظة ...كانت ماسكه يد جود ضغطت عليها بقوة ..... جود : آآآآه ....عورتيني .... ملاك بخوف : بنات شوفوا هناك .....وشافوا الهمر السوده ورى سيارة ملاك بالتمام ملاك : لالا ... مستحيل ...انا خايفه لوجين : يا غبية كذا تبينين له انك خايفه خلك قويه ملاك :طيب ....لازم أكون قويه ....يالله باي وراحت للسيارة وركبت .....وصلت للبيت وأخذت جوالها وأرسلت للبنات رساله تطمنهم عليها ......ونامت ولما صحت العصر ....راحت للصالة ولقت اخوانها محمد : ها بشري كيف الدراسة ملاك : تمام ...ثاني ثانوي سهله عبد الله : الاختبارات النهائية على الأبواب ..باقي لها أسبوعين ...خلاص مافي طلعه ملاك تتخصر : بالله ...ويش قلت ماسمعت يالخو ؟؟؟!!! ثامر : انشاء الله متى ناويه تذاكرين ملاك : مالك خص ...أذاكر بالوقت اللي أبيه محمد : انا مع عبد الله خلاص شدي حيلك كلها أسبوعين وبعدها أجازة 3 شهور ملاك : انا حرة أذاكر ....اطلع شيء راجع لي ثامر بحده : ملاك وبعدين ...قلنا مافي طلعه الا بعد الاختبارات وخلاص ......انتهى الموضوع ملاك تتحلطم : اوووووف ....ياربي وبداخلها ((أيه صح لازم اجلس عشان هذاك اللي يلاحقني يمل ويروح ) بعد 3 أيام ....بدوا الطلاب والطالبات يستعدون للامتحانات .....الكل يذاكر .....اما ملاك ملاك : اوووووف كل الوقت مذاكرة .....أبي اخذ استراحة ....دقت على لوجين وجود وسووا مكالمة جماعية ...سولفوا وغيروا جو شوي جود : مليييييت من الذاكرة ....اوووف زهق ملاك: وانا بعد بيطق فيني عرق لوجين : الحال من بعضه ....... ملاك : انا بروح السوبر ماركت أجيب اغراض وارجع أبي أتابع فلم على شوتايم ...يعرضونه الساعة 1 بالليل جود : فلم الرعب قصدك ملاك : أيه توه نازل .... جود ولوجين : اجل بنتابعه ملاك : اوكي يالله باي ................... جود ولوجين : باااااااااااي لبست عبايتها وراحت للسوبر ماركت ....وشافت السيارة الهمر لسى وراها ملاك بخوف : الله يستر ....بديت أخاف منه ............دخلت السوبر ماركت واشترت شيبس وشوكولاته وعصير وأغراض تكفيها أسبوعين ...... ماجد : فيصل حرام عليك اتركها باين أنها خايفه فيصل : والله ما اتركها والله لأكون مثل ظلها ....ومثل الكابوس أطاردها ....وشوف الحين ويش بسوي . . ملاك .... طنشت وجوده ....وقعدت تنقي ويش تشتري ....وهي ماشيه وقفت تاخذ بيبسي ...حطت العلب بالسلة ....وقف جنبها ...رفعت عينها وشافته ...ملاك من كثر خوفها ما تحركت .... ملاك ((لازم أخليه يعرف أني قويه ...ومايهمني لا هو ولا عشره من أشكاله )) ملاك بقوة : نعم ويش تبي فيصل : أبي حقي منك ملاك : أي حق ...مالك أي حقوق عندي فيصل بسخرية : مشاء الله بسرعة نسيتي ملاك بتهديد : قلت لك مالك حقوق ...وبعدين اترك حركات الأطفال حقتك ...على بالك بتخوفني بمراقبتك وراحت وخلته ...حاسبت بسرعة ...وطلعت وبسرررعه على السياااااره ....وصلت البيت ملاك ((الحمد لله الحين اقدر أتحداه ...هو ناوي ينتقم بس من مين من ....ملاك ....نشوف يااااا ......صح ما اعرفاسمه يالله مو مشكله ))...أخذت الأغراض ودخلت غرفتها وسوت لها جو ...وتابعت الفلم ...ولما خلص نامت ................صحت الظهر بعدما أكلت وصحصحت زين ...اتجهت لغرفتها تذاكر .....وعلى هالحال طول الأسبوع جاء أسبوع الامتحانات .........الكل متوتر وخايف ملاك : ايش فيكم متوترين شذى : اليوم رياضيات .....خاااايفه لوجين : يارب تكون الاسئله سهله جود ترفع يدها للسما : ياررررررررررررررررررب ..... ملاك : انتم اتوكلوا على الله وانشاء الله نجاوب صح ولاء : يالله ويش هالبرود ميمي ....تقولك رياضيات ..((وترفع صوتها رياضياااات)) ملاك : خير ياطير وإذا رياضيات ....زيها زي أي ماده ثانيه ....(((ملاك شااطرة بدراستها ....وعلى قولتهم دافوره)) لوجين : يالله بدت اللجنة ....وكل وحده راحت لمكانها ....وجلسوا ...واتوزعت الأوراق .....والكل بدا يجاوب .......بعد الاختبار ..... شذى : حلوووة الاسئله ....لكن السؤال الثاني ....سؤال ذكاء ملاك : يعتمد على الفهم ....الحمدلله على كل حال.....رجعت للبيت دايخه وتعبانه ....نامت وصحت العصر تذاكر للمادة الثانية ....وعلى هالحال طول أسبوع الامتحانات ولاء : أقول ميمي الى الحين وهذاك الولد يطاردك ويلحقك ... ملاك : أي والله الى الحين ....ياربي انا مستغربه منه كيف ما مل الى الحين جود :أكيد مسوي خطه ......... ملاك : أحيانا أخاف وأحيانا أقول لازم أوقف بوجهه ....اسمعوا اليوم اذا طلعنا بنروح كلنا نشوفه ...اوكي . الكل : اوكي جات شذى .... شذى عندها خبر : صبايا الكل: نعم خير ...... شذى : سمعت من البنات انه في واحد دايم يوقف برى ...والبنات طايحين عنده ...يقولون صاروخ ..ملك جمال ...ايش رايكم نشوفه اليوم ملاك : اوكي بس احنا ما نعرفه ............... شذى :ما عليكم صبا تعرفه أخليها تورينا الكل : اوكي............ بعد ما خلص الدوام ....... شذى : ها صبايا مستعدين لإلقاء النظرة على توم كروز المدرسة .......... الكل : ههههههههههه يس افكورس شذى : يالله صبا .............طلعت صبا معاهم ...طبعا هي الدليل ((السياحي لهم ههههههههه)) صبا : والله يجنن يا صبايا ما عمري شفت ولد مثلوا بحياتي ...جماله يذوب ...الا يسحر ملاك بتوتر: اخلصي علينا صبوه .....وينه ؟؟؟؟؟ لوجين تهمس لملاك : ميمي ...امسكي أعصابك ...شوي شوي !!! جود : وينه يا صبا صبا : هذاك ...اللي في ..... ياترى ...من هو الولد اللي الكل تتكلم عنه صبا ....معقولة يكون .... ؟؟ ايش راح تكون ردة فعل ((قروب لايف )) ؟؟ ايش راح تكون رده فعل ملاك .....وايش راح تقول عنه ؟؟؟ معقولة تتفجر مشاعر ملاك ....وتكون تحمل له شيء بداخلها؟؟ والولد ...ايش غرضه ...راح يكون تسليه ...أو انتقام ...أو شي آخر ؟؟؟ هذا اللي راح نشوفه بأحداث الأجزاء الجايه وراح نتعرف على شخصيات جديدة وأحداث جديدة تقلب مسار جميع أبطال روايتنا ...... ************************ ((الجزء الثالث )) ((بسوي مثل ما أشوفك أتسوي و افعل أفعالك عشان تعرف من فينا الزعول و من وسيع البال)) صبا : هذاك ...اللي في الهمر كل البنات انصدموا ...........ملاك مصدومة ((هو نفسه ))...والباقي متفاجئين ولكن يستنوا رده فعل ملاك لوجين : متاكده انو هذاك الولد صبا: أيه متاكده جود مصدومة بس فضلت السكوت : شكرا صبا ... صبا : يالله بااااااااي. الكل : بااااااااي شذى : ميمي ...اللي ضربتيه ملاك بعصبيه : وإذا كان هو ..... ولاء: ليه عصبتي ؟؟؟؟؟...... ملاك : بخلي لكم الجو ....قزوا فيه من فوق لتحت زي ماتبون ...وإذا تبون ترقمونه رقموه ......بااااي جود: ملاك .......ميمي.....لحظة ...... طنشتهم ملاك ...وراحت للسيارة ....لما رجعت للبيت ....غيرت ملابسها ورمت نفسها على السرير ملاك ((الكل يتكلم عليه ....الكل معجب فيه ...من سمح لهم مين !!! ..طيب وإذا كان وسيم وحلو ....ياربي انا ويش قاهرني ...لالالا ..مستحيل اخلي احد يقرب منه ...مستحيل ...))...فجاءه تتناقض أفكارها وهي تفكر((طيب انا اكرهه...ليش عصبت ...لما عرفت انه هو اللي يقصدونه البنات ...يوووه منك يا ملاك ...ويش فيك ...ويش صاير لك )) ملاك : لازم أنساه أساسا مايستاهل أفكر فيه .....قاطعها صوت جوالها ملاك : هلا جودي .. جود : ميمي شوبكي اليوم ملاك : تعبانه شوي ....تعرفين إرهاق ....وتعب مالي خلق شي جود : ليه عصبتي لما شفتي الشب ملاك : لأني اكرهه ما اطيقه ....ما أبي اسمع سيرته جود : طيب طيب ... انا أتركك ترتاحي مبين ...انك تعبانه يالله باي ملاك: باي .......بعد ما قفلت من جود ...قامت تفكر ملاك : لازم أتصرف ...لازم أخليه ما يلحقني لكل مكان ....اوووووووف تعبت منه .....نامت بعد تفكير عميق صحت وذاكرت كالعادة ....... . لوجين : اليوم حر ورطوبة الكل : مرررررررة ...جت ملاك تمشي لوجين : ميمي تعالي معانا >> كانت مع شله صبا ((قروب كريزي)) صبا : ميمي تعالي .....ابتسمت ملاك ........... ملاك : طيب ......جت وجلست معاهم وجلسوا يسولفون ويضحكون صبا: على فكرة شو رايكم جوجو وميمي بالشب اللي أمس ملاك تناظر لوجين وعيونها بتطلع قدامها من القهر ....وسكتت لوجين : حلو ...ووسيم صبا : كل البنات ميتين عندوا بس هو ما يعطي احد وجه ...المصيبة ..انو ما يغازل بس يوقف بالسيارة كانوا ينتظر احد ....أو بدوا يعمل شيء ملاك ((أيه ينتظر الفرصة عشان ينتقم مني )): باين انه وقح وقليل أدب ميادة استغربت من ملاك : ميمي ...شو هالكلام ...الواد واضح أنوا من عايله واصله ..شوفي الكار والستايل والحكي كمان ...باين انه جنتل مان سلاف : لا حرااااااام ظلمتيه ملاك : انا قلت رائيي فيه ...وهو مجرد رائي جنى : لا بصراحة الواد ما عليه كلام ملاك اتنرفزت مرة والضغط وصل معاه للألف : اوكي انا رايحه ...راحت وخلتهم ميادة : جوجو ...ميمي شوفيها لها كم يوم مو على بعضها لوجين ترقع لها : باين أنها تعبانه ..اعذروها ...بروح أشوفها...سيو .. الكل : سيو جلست ملاك عند جود وشذى وولاء وأعصابها نار ...ولحقتها لوجين ...لما شافتهم مكتملين ملاك : صبايا اسمعوني زين أبي أقولكم شي الكل: شو ملاك : الولد وحكايتي معاه ما أبيها تطلع أبدا سامعين ... الكل: اوكي ملاك : مابي احد يعرف ..الكل يتكلم عليه ..وانتم عارفين راح تصير اشاعات وكلام ماله داعي شذى : لاتخافين جود : الكلام سر بيننا ولاء : مستحيل نقول شي لوجين مايحتاج توصين ...........ارتاحت ملاك ملاك : يالله انا بروح السيارة برى ......بااااااااي الكل: بااااااااي ((بسيارة فيصل )) ماجد : وينها ماطلعت فيصل : لاتخاف ...الحين تطلع ....طلعت ملاك بلثمتها فيصل : شوفها ...هذيك ....قلت لك بتطلع يعني بتطلع ماجد : طيب وش بتسوي فيصل : ولاشيء بنلحقها للبيت وبس ماجد شوي ويكفخه : فيصلوه ...بس هذا ... طيب وين تهديداتك فيصل :قلت لك كل شيء بوقته حلو.......خلصت الدراسه وبدت الاجازة ملاك : أبي اسافر ....اوف ملل الأب : يا بنيتي مافي اجازة ...عندي مشاكل وقضايا بالشغل ملاك بعناد :بابا الناس يسافرون بالأجازة مو يجلسون بالبيت الأب :بحاول ادور اجازة ...ارتحتي الحين ملاك :وعد الأب :وعد رجعت غرفتها ..وجلست على النت ....وهي على هذا الحال الأسبوعين الأولى من الاجازة . العصر ..رن تلفون البيت محمد : الووو سلطان : السلام عليكم محمد :وعليكم السلام ....هلا والله بسلطان سلطان : كيف الحال ...كيف حال عمي ؟؟؟؟؟؟ محمد : بخير الحمدلله ...انتم كيفكم والأهل شخبارهم ؟؟؟؟؟؟؟ سلطان :يسلمون عليكم .... . محمد : الله يسلمهم ..... سلطان : محمد بغيت أقولك أننا بكره جايين لجده عندكم ......... محمد بفرحه : هلا ومرحبا ....تنورونا بجيتكم ........... سلطان : النور نورك محمد : كلكم ...... سلطان : بس انا والبنات محمد : حياكم .... سلطان : الله يحيك ...يالله تامر على شيء من المدينة محمد : سلامتك سلطان : الله يسلمك مع السلامة ......قفل الخط بعد المغرب صحوا الكل محمد : في خبر حلو .... الكل : وووووووووووووووووييييييييش .؟؟؟؟؟؟؟ محمد : اهل عمي ابو سلطان بيجوننا بكره ........طارت ملاك من الفرحه وصارت تصارخ ملاك : وناااااااااااااسه ونااااااسه .....فلللللللللله ياسلاااام ........بروح اجهز قسم الضيوف عبد الله : كله عشان اهل عمي بيجون ملاك : ناسي اني استانس مع البنات ...... راحت جري هي وكاتي يرتبون وينظفون ...والبيت صار يلمع ....كل مكان فيه يلمع كاتي : مدام مافي طلبات بالبيت !!! ملاك : روحي شوفي ويش ناقص واكتبيه عشان نروح نجيبه انا وانتي من السوبر ماركت .... راحت كاتي تكتب الاغراض الناقصه ...لبست عبايتها ...ودقت على ابوها عشان تاخذ فلوس الأب : ملاك حبيبتي ملاك : هلا بابا الأب : لا تنقصي شيء كل شيء جيبيه عشان اهل عمك أكيد يجلسون أسبوع أو أكثر ملاك : طيب ..راحت للسوبر ماركت ..واشترت اغراض تكفي حارة ...ورجعت ورتبت هي وكاتي .... ثامر : يازين ملاك اذا اشتغلت ....شكلها تحفه ....كأنها ربت بيت ...... فارس : تحس أنها تشتغل من قلب ...... ثامر : ياليتني عبير أو سارة أو ريم ...عشان تسويلي اللي تسويه لهم ملاك بصوت عالي : أسمعكم أسمعكم ......ثموررررررر حامض على بوزك ...ههههههههه محمد : مدري طالعه على مين بالنظافة ثامر : على أخوها ثمور ..... فارس : الاعتراف بالحق فضيلة ............بعد ما خلصت شغل ملاك : وأخيرا خلصت ...بروح اخذ شور عبد الله : الله يعطيك العافية مجهود تشكري عليه ....خخخخخخخخ ملاك : صاير مدرس لغة عربيه ...ههههههههههه عبد الله : حولت من انجليزي لعربي ...ههااااااااااي ملاك : سيو ......وراحت تاخذ لها شور بعد التعب اللي تعبته والكرف اللي أكرفته ...ارتاحت لها شوي وناظرت بالساعة ..الا الساعة 2 بالليل ...راحت للصالة لقت اخوانها كلهم طالعين ملاك : على طووووووول اطلعوا .....وجع .....رجعت لغرفتها ....شغلت المسجل وقامت ترقص .... دقت عليها لوجين ..... ملاك : هلا جوجو لجين : أخبارك .,.... ملاك : تمام وانتي لوجين : الحمد لله ...ميمي انا مسافرة لتركيا توصي شي ملاك : أبي سلامتك ....بس الله الله بالتصوير وإذا شفتي مهند نور يحي لميس رفيف ...سلمي عليهم اوكي حبيبتي لوجين : خخخخخخخخ طول عمرك عبيطة وتستعبطين ...يوصل ملاك : انتبهي لنفسك أخاف يشوفك واحد تركي ويطيح ببحر حبك ..... لوجين : لا توصين مجهزة صنارة الصيد ....بصيد لي واحد على كيف كيفك ملاك : جيبيلي واحد معاك .....بس ها أبيه كربون مهند لوجين : اوكي ملاك : ههههههههه تروحين وترجعين بالسلامة لوجين: الله يسلمك ....يالله باي ملاك : باااااااااااي رجعت ترقص وهي تضحك على خبالها وعبطها .......ورتبت غرفتها ...كانت غرفتها لونها وردي ....وفيهالمسه خيال أنثوي ..على التسريحة شرائط ساتان فوشي غامق يتناسب مع لون الغرفة الفاتح ...وعلى السرير شرائط .....وبالزاوية في باقة ورد ابيض ....شكل الغرفة ناعم وراقي ......تعبت ونامت صحت العصر تنتظر وصول عائله عمها ابو سلطان ملاك : ها متى بيوصلون عبد الله : المغرب ....مشوا الساعة 4 العصر ملاك : يعني يوصلون الساعة 8 ..... عبد الله : باقي ساعتين ملاك : امممممممم طيب بروح اجهز عشاء العشاء أكيد بيجون تعبانين .... راحت للمطبخ تساعد كاتي وأشرفت على السلطة والحلى والمشويات والمقبلات وترتب سله الفواكه ... بعد صلاة العشاء .....وصلوا اهل ابو سلطان ملاك عند الباب تستقبل البنات ...............>>نتعرف عليهم << سلطان 24 سنه مدرس حاسب آلي ومتحفظ نوعا ما وهو اللي مربي اخوانه وخواته بعد انفصال أمه وأبوه المريض بالقلب. عبير : 21سنه تدرس لغة عربيه وهي عربجيه نوعا ما لكن ملامحها ناعمة جدا وساحره بس تخفيها بعربجتها ريم : 19 وهاديه جدا تدرس أحياء ....وهي شخصيه هااااااديه لأبعد الحدود لكن فاقده الثقة بنفسها مررررة.. سارة 18 سنه وتدرس ثالث ثانوي مرحه جدا تضيف للجو البهجة والمرح لكن هي وريم دايم في معارك طاحنه فهد الصغير 10 سنوات بالابتدائي وهو آخر العنقود <<<<<< ملاك : هلا وغلا تو ما نورت جده حياكم تفضلوا عبير : ملوكه كيفك ...ويش أخبارك ملاك : الحمدلله بخير سارة : بشرينا عنك ملاك:تمام الحمدلله انتم كيفكم ويش آخر أخباركم الكل : الحمدلله بخير .......جلسوا يتبادلون الأخبار .....بعد العشاء ملاك : أكيد تعبانين ....انا مجهزة لكم كل شي عبير : لاوالله مو تعبانين كلها كم ساعة ريم : متغيرة مررررة يا ملاك سارة : صاير ملكه جمال ملاك : من ذوقكم ....والله انتم أحلى صايرين ملائكة الكل::هههههههههههههههههههههههههههههههههههههههههههه سارة : ملائكة حراام عليك ...قولي حلوات مملوحات بس ملائكة ....حرام عليك ظلمتي الملائكة ... ملاك : ماعلينا ...وين ودكم ترحون ....لو تبوني الف فيكم جده لف الفها لعيونكم سارة : اهم شيء نروح للبحر ....مشتاقه له ابي ارمي فيه همومي.. ملاك : سلامتك من الهم ....يالله البسوا عشان نطلع فهد : فيصل اكيد عندهم ضيوف ...وماراح تطلع اليوم فيصل : ننتظر ويش خسرانين فهد عصب : لااله الا الله ....نصبر امرنا لله ... ملاك : سلطان ...خلهم ....بالله سلطان : طيب بس تاخذون فهودي عبد الله :خلهم ياخذون راحتهم سلطان:طيب الكل : انشاء الله طلعت ملاك وهي تدور بعيونها على سيارة فيصل.......وشافتها ملاك ((الله يستر لا يسويلي مصيبه ويفشلني مع البنات )) فيصل : قلت لك بتطلع احساسي ما يخيب فهد : معاها بنات فيصل : المهم اني وراها .........بسيارة ملاك .....مشغلين أغنيه عزاه خان : مدام ..وين روح ملاك : روح بحر ....كورنيش ...الحمراء ....اي شيء بس روح بحر ساره : فله .... وناااااااااسه ملا ك : سووا اللي تبون عبير : اهم شيء المعسل ابي اعسل ....من زمان عنه ....سلطان مسوي لنا مراقبه ....كرهنا بكل شي ملاك : ماعليك اوديك أي مكان ...تبين عبير : اهم شيء نعسل ريم: انا ابي اروح الشلال ...والمولات ....... ملاك : طيب انتي طلبك بكرة ... سارة بحماس : ياسلام..اخيرا رحنا من عندهم خنقونا ........وصلوا عند الكورنيش ...ونزلوا يمتشون سارة : بشتري مويه مت حر ملا ك: اصبري الحين نروح عشان الاخت تعسل ونشتري شيء بارد ونرتاح ريم : نروح مارينا ملاك : نروح شوفيه هناك ....يلا مشينا ...... عبير ...: يالله ........راحوا ودخلوا...وجلسوا بالجلسات الوتير المصري : اهلا وسهلا ....طلبات الحلوين أيه ساره تهمس قهرها:هذا اللي بكفخه اليوم ... ملاك تدقها : واحد معسل بالتفاح ....وثلاثه ايسكريم بالشكولاته .....نزلت ملاك لثمتها ونزلوا البنات جابوا الطلب ...وانبسطوا سوالف ...حش ...ضحك ...مقالب ....وعلوم واخبار .....واستانسوا عبير: اف ريحه المعسل ....وطلعت العطر وتعطرت واكلت لبان ملاك تصفر : ياعيني تمحي اثار الجريمه ...امشي بس امشي طلعوا ...ولقت بوجهها فيصل فيصل يسوي نفسه مستغرب ومصدوم : ملاااااااااااك ************************************************** *********** ياترى ويش غاية فيصل من هالحركه ؟؟؟ عبير وريم وساره ايش راح يكون موقفهم ؟؟؟ كيف راح تكون ردة فعلهم ؟؟ ملاك ايش راح تسوي مع فيصل ...بعد ما عرف اسمها ...؟؟؟ ياترى بنات عم ملاك راح يتفهمون موقف ملاك أو ....بيصير شي .؟؟؟ وعبير ايش مخبيه لنا من اسرار ....؟؟؟؟؟؟ هذا اللي راح نعرفه في الاحداث الجايه .....وبنكتشف اسرار تتبعثر لنا *************** [align=center]يــــتــــبــــع[/align][/align] التعديل الأخير تم بواسطة Mr.RoMaNiStA ; 10-06-2009 الساعة 11:43 PM. |
|
|
|
|
|
|
|
|
|
11-06-2009, 12:08 AM
|
#2 |
|
مشرف مجلس بني عدوان عضو متميز 
 |
رد: رشوا على قبري من دموع عينيه
والله انك فاضي تكفى احنا في انجلترا والا امريكيا بنات رايحات على كيفهم لارقيب ولاحسيب وشباب من رقص وهملة الى محقق كونن حبيبي |
|
|
|
|
|
|
|
|
|
|
16-06-2009, 12:50 AM
|
#3 |
|
رد: رشوا على قبري من دموع عينيه
معليش والله قريت 7سطور وراحت عيوني
لكن مدام القصة من عندك فهي ممتازة جدا |
|
|
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : رشوا على قبري من دموع عينيه
|
||||
| الموضوع | كاتب الموضوع | المنتدى | مشاركات | آخر مشاركة |
| من يعطيني عينيه... | اخت البدر | المنتدى الأدبي | 14 | 06-05-2009 09:09 PM |
| : دموع حيزان !! | الرحباني | المنتدى العام | 8 | 13-02-2008 04:50 PM |
| دموع الفرح ! | ولد سويد من بني هريره | أرشيف [الخيمة الرمضانية] 1428هـ | 14 | 20-09-2007 09:55 PM |
| دموع الفرحة !! | ولد سويد من بني هريره | أرشيف [الخيمة الرمضانية] 1428هـ | 10 | 12-09-2007 01:07 PM |
| دموع التوبة | حسن شرف المرتضى | المنتدى الأدبي | 1 | 16-07-2007 11:27 PM |
