الهيئه...

[عابرسرير]

بسم الله الرحمن الرحيم

مساء الوردهـ
وش قاعدين تسوووو
فمع انتشار التقنيات في العصر الحديث ومع تعدد وسائل السلامه
يحتاج الإنسان إلى بعض الكدمات الصدريه التي قد تسهل عليه قضاء يوم خالي من المتاعب
وإن من البيان لسحراً
وبعد

مساء الخير بعيونك ولعيونك مساء الخير
مساء الخير والاحساس والطيبه
قود نايت تو مي
وبعد


ففي مساء تتهافت فيه أوراق الشجر كنت قاعد مع الخلان الله يخللهم يعني سواليف وقهوهـ وفله والقيل والقال وكثره السؤال ومدري وش جاب طاري الهيئه والعنوسه
المهم الشباب دخلوا في دوامات وجلدون ومحط وفيه واحد طلعت عروقه متحمس وواحد شكله كافر انواع الحش في رجال الحسبه
كلنا يعرف ياجماعه الربع أهميه رجال الهيئه ومايقومون به من خير كثير من انكار لمنكرات أو امر بالخيرات وفي المقابل نشوف بعض الاخطاء سواء كبرت أو صغرت وهكذا الانسانات بس حسيت في الاونه الاخيرهـ انه كثر الحاقدين على الهيئه جد يعني مافيه فيديو من غير شريط
فتلاحظون اني ما اعرف اتكلم المهم ابيكمـ تطلقون العنان لرؤوسكم واللي يبي يجاوب على الاسئله واللي يبي يحط اسئله من عنده ويجاوب يعني عايدي الموضوع اوبن يور بوك

س1:: شيء يعجبك في الهيئه وفي الطليعه شي يحوم تشبدك ؟؟
س2:: هل نحن بحاجه للهيئه وإلا يمكن ان تقوم جهه اخرى بالقيام بعملهم يعني شرطه اسعاف كذا ؟؟
الهيئه ؟؟
الملk ؟؟
س3:: هل سبق لك انك تقعفطت من الهيئه والا شي كذا يعني موقف في حياتي ؟؟


خلاص تكفي ما ودي اكثر اسئله عشان ما يتثبت الموضوع
واللي عنده قصص والا شي مر عليه في شريط حياته يسدحه لنا بس بدون شلخ الله يجزاكم بالخير


والسلام عليكم ورحمه الله وبركاته

مسروق

[العُمري]

مشكور اخي الفاضل ..
اولاً : لاننكر فضل رجال الحسبه وأهمية تواجدهم في الأمر بالمعروف والنهي عن المنكر ... بس اتمنى يوم من الأيام يأتي إلي شخص ويمدح لي رجال الحسبه ... للأسف نادر جداً .. اخواني طريقة تعامل رجال الحسبه مع الناس فيه نوع من التسلط والغرور والتعالي وشوفة النفس .... وهذا لايليق بهم أبداً ... وانا شخصياً اتمنى في حياتي احد من رجال الحسبه اشوفه يأتي الناس بأسلوب حسن ولائق ولكن للأسف جداً جداً جداً ..
ثانياً : وزارة الداخلية تسعى جاهده لتطوير كفاءة أعضاء الهيئه والذين لهم علاقه مباشرة بالجمهور ... وهذا جهد تشكر عليه ..... لمعرفتها بأن الغالبيه منهم اسلوبهم غلط في التعامل مع الناس ...
ثالثاً : اتمنى تعديل بعض الإجراءات التي تتبعها الهيئه عند القبض على الأشخاص في اوضاع مشبوهه وعلى سبيل المثال الخلوه المحرمه ... .... ومن هذه الإجراءات اذا قبض على الشاب ومعه فتاه ... فيتصرف مع الشاب على طريقتين الأولى : اذا كان أول مره يؤخذ عليه تعهد ويطلع ولاينفضح ولاشي وعادي ولا كأنه صار شي ... والإجراء الثاني يتم تحويله إلى الشرطة لإكمال الإجراء النظامي بحقه وإحالته إلى هيئة التحقيق . .... أما الفتاة فهي المسكينه اللي تنقلب حياتها بعد القبض عليها من قبل الهيئه ..... يا أخوان كل انسان يخطئ في هذي الحياه .... فمن المؤكد حدوث مصيبه في المنزل الذي تقطنه الفتاه .... وانتم اعلم ماذا قد يحصل .. فأنا أرى مجرد رأي لماذا لايؤخذ تعهد على الفتاه لأول مره ويستر عليها ويتم الإفراج عنها مثل الشاب .... طبعاً هذا في ظل عمل شبكه خاصه بالهيئه والتي من خلالها يتم معرفة اصحاب السوابق .... اما اذا كررت نفس العمل يتم عمل الإجراء المعتاد وهو ابلاغ اهلها .... فيصدم من يصدم وينجلط من ينجلط ويموت من يموت .......
اخواني : دعونا نفكر ونسأل أنفسنا : ماهو التصرف الذي سيتصرفه رسول الله عليه أفضل الصلاة والسلام في مثل هذه المواقف؟؟؟؟ ............ تعلمون القصه التي حدثت عندما اتته امرأة وقد زنت ..... ماذا فعل ؟؟؟ فلماذا لايتعلم رجال الحسبه من هذه المواقف .... وتطبيقها عملياً ......... اسف على الإطاله .... وهذي وجهة نظري .... ولكم خالص تحياتي

[الغزال العارضيه]

ههههههههههههههههه ذكرتني بموقف وااحدة من جماعتنا الله يذكرها بالخير طالعه مع زوجها الفجر بشهر العسل وصااادتهم الهيئه بس عشان يضحكون يعني تبكي المسكينه عشان تصدقون انه زوجهاا!!!!!!!!!!!!!!!!

[العرنين]

على حد علمي دبي ما فيها هيئه.
يعطيك العافيه

[المستشار]

الهيئة هي صمام أمان المجتمع وسفينة النجاة من الغرق وهي من أمر ديننا الحنيف ولكن البعض يريد الحياة على هواه هداه

[cute bo0oy]

الهيئه لها دور كبير
في الحفاظ على الامور الدينه
منها اقفال المحلات وقت الوصلا
والقبض على السحره والمشعوذين

والفرفره في الاسواق وراء الشباب ,,,,,,,,,,,,,وربي انحن مظلومين
ليه ماتصير في هيئه نسائيه تمسك الي تمشي كاشفه والا مخصر العباايه والا تتمرقع


اما عن مواقفي معهم
الله يخارجنا
قد هيئه الراشد كلهم يعرفويني ,,,,,,,,,,,,,,,,,,,لاتفهموني خطا بس متعاون
امحق ليه مخدرات
ههههههههههههههه

[البرفسور الحنون]

الله يكون بعون الهيئه
ويقويهم طبعا هي تحمي البلد او على الاقل تحاول حمايته
ولكن بعض الاحيان احس انها تبالغ في عملها اقصد يعني تدقق على الناس الغلط
مثل ماحصل مع الغزال العاضيه كثير نسمع بمثل هذا لكلام
والله عندي قصه قد سمعتها عن الهيئه اقشعر لها بدني لكن ما احب اقولها لان احترام لهذا المنتدى لنها قصه مخجله
مشكور اخوي على طرحك ولو اسلوبك يضحك لكن استمر فمع الايام ستصبح كاتبا مشهورا

[ابو باسل]

الهيئة لها دور عظيم...................ولكن
بحدود.........
ان لكل ردة فعل ردة فعل مضأدة له في القوة والاتجاه