يـــا دمـــع يـالـلـي مـــن عـيـوني تـجـارا

[ألمحيط]

يـــا دمـــع يـالـلـي مـــن عـيـوني تـجـارا
مــن كـثـرة الـفـرقا ومــن حـرقة الـشوق

لا ويــــن مـــا تــرحـم عــيـون الـسـهـارا
ولا ويــن وعـيـوني تــذارف مــن الـمـوق

وحــتــى مــتــى وانـــا عـيـونـي حــيـارا
واشـكـي مــن الـحرمان والـفقد والـعوق

وادور فــــي نــفــس الــفـلـك والــمـدارا
ويسوقني شوقي سوات السحب سوق

مــالـي عــلـى الــواقـع جـلـد واصـطـبارا
مــا غـيـر انـاظـر فــي مـرابـيه مـن فـوق

مــحــروم مـــن وصــلـه وذيـــك الــديـارا
الـلـي سـكـنها كـامـل الـوصـف والــذوق

اشــــــرف عــلـيـهـا لـــيــل والا نـــهــارا
مــرهـون بـــه واتــوق لـمـشاهده تــوق

راشد الجمعان

[الشغموم]

صح لسانك و اعتلا شانك ابدعت في هذي القصيدة

عندي استفسار ما معنى كلمة مرابيه ؟

[الشغموم]

الشطر اللي قلت فيه لا وين و عيوني تذارف من الموق

لو قلت
و دموعي بدل و عيوني
بيصير الشطر افضل

[الشغموم]

قلبي مثل قلبك رهين العذارى
و الوصل اشوفه شي ماهوب ملحوق
و الزين فاخت عن عيوني و سارا
و الشوق يدمي قلب و عيون و عروق
و الموت اريده يوم خلّي توارى
ماريد اعيش أيام و الجرح مفتوق
في قلبي المحروم جمرة و نارا
ما جا يِطفّيها من الغيد غرنوق

[ابن روزه]

صح لسانك وسلم بنانك

[ألمحيط]

اقتباس: المشاركة الأصلية كتبت بواسطة الشغموم      صح لسانك و اعتلا شانك ابدعت في هذي القصيدة عندي استفسار ما معنى كلمة مرابيه ؟

صح بدنك شكرا لك الله يسعدك ويبارك فيك

[ألمحيط]

اقتباس: المشاركة الأصلية كتبت بواسطة ابن روزه      صح لسانك وسلم بنانك

صح بدنك استاذي الكريم
وشكرا لك على تواجدك الذي يسعد الخاطر
رحم الله والديك