زمله

[احساس العالم]

اخوانى رواد قسم الموروث الشعبي
ودنا نثرى هذا القسم بقدر مانستطيع
وهذى احدا محاولاتى انشاء الله تنال رضاكم



اقولها لاصبت القهوه بالفنجال
من خاطرى مانا منافق ولادجال
واحدودنا بى نحمدالله وراها ارجال
بطايراتا فالسما جالها زلزال
تحمى حدود الديره لامست الحبال
من شرقها لاغربها لاجنوب واشمال
والله يسقيها بسيل يكون همال
وامزونها لامن مشت كنها الجبال
على الجزيره سيلها كنه الشلال
من بعدها تخضر بزهارها اشكال
من شافها ماجاه هما وضيقة بال
والله يحفظ حكم السعود من الزوال
اسره كريمه مالها فالوجود امثال
عبدالله قايد كل حمله لها حمال
هو يحمل الرايه وشعبه عليه اظلال
وراية التوحيد هى دايما منصوبه
شعب السعودى عايشا تحت ظلها



وسلامة الجميع

[كعشان]

احساس يسعد مساك ايش يعني زمله ؟؟

راجع المكتوب بالاحمر فيه خطأ ياويلك من المدرس هههه

[ابونايف الدوسي]

صح لسانك

لكن اخي العزيز هناك قسم مخصص لمحاورات الاعضاء
شكرا لك

[احساس العالم]

اقتباس: المشاركة الأصلية كتبت بواسطة كعشان      احساس يسعد مساك ايش يعني زمله ؟؟ راجع المكتوب بالاحمر فيه خطأ ياويلك من المدرس هههه

شكرا اخي كعشان على مرورك العطر
وانا اسف على الخطاء المطبعى ههههههه
تعرف شايب وبالنظاره

[صدى الشمال]

صح لسانك وتشكر على القصيده

[احساس العالم]

اقتباس: المشاركة الأصلية كتبت بواسطة صدى الشمال      صح لسانك وتشكر على القصيده

شكرا اخى صدى الشمال على مرورك العطر

[@بن عايده@]

اقتباس: المشاركة الأصلية كتبت بواسطة احساس العالم      اخوانى رواد قسم الموروث الشعبي ودنا نثرى هذا القسم بقدر مانستطيع وهذى احدا محاولاتى انشاء الله تنال رضاكم اقولها لاصبت القهوه بالفنجال من خاطرى مانا منافق ولادجال واحدودنا بى نحمدالله وراها ارجال بطايراتا فالسما جالها زلازال تحمى حدود الديره لامست الحبال من شرقها لاغربها لاجنوب واشمال والله يسقيها بسيل يكون همال وامزونها لامن مشت كنها الجبال على الجزيره سيلها كنه الشلال من بعدها تخضر بزهارها اشكال من شافها ماجاه هما وضيقة بال والله يحفظ حكم السعود من الزوال اسره كريمه مالها فالوجود امثال عبدالله قايد كل حمله لها حمال هو يحمل الرايه وشعبه عليه اظلال وراية التوحيد هى دايما منصوبه شعب السعودى عايشا تحت ظلها وسلامة الجميع

صح لسانك وجاد بيانك..

استاذنك في اني عدلت مشاركتك..وهذا ردي عساه عالمجملة..

الرد/بن عايده

للشعر جال وللغناوي وللفن جال
والفتن موعدها مع الكافر الدجال
والفكر في باطن هجوسي وظاهر جال
يالله عساه من الردى والمهازل زال
اعطيته التقدير من بعد منح بال
واخذت حب اهل الوفى من يمن وشمال
ماني بناسي مدته لا ولا همال
اقسم برب" بيده الخلق والجبال
ياشاعر اكتب دام ما في يدك شلال
عاللي كتبته مالنا منقده واشكال
ودام المعاني ما بتنفد معك وتبال
وشمسك اللي ساطعه عيت الزوال
وبيوت شعرك كل ابوها حكم وامثال
ونهج شعرك نبصره عالملاحم مال
في رشد وانحن نفرق الرشد عالضلال
احساس عالم كل حكمه تجي من صوبه
صفحات قسم اهل الشعر تحتضن لها

[ابو عازب العدواني]

بدع ورد رائع من شعار رائعين
وليسمح لي مشرفنا الغالي بهذه القصيده على نفس القارعه واتمنى اطلاعك عليها

ودي مع الشعار ناخذ لنا مجال
بن عايده عن صحتك دايمن بسال
ياطيب الافعال ياخيرة الرجال
اشرفت عا الموروث ذاك الركود زال
والمذهب الطيب فلا ينوزن بالمال
والغيث نفرح به وهو منهمر همال
يسقي جميع الارض من سهلها وتلال
وتنبت ارض الله مالخير والكلال
وبعد ذاك الجدب تزدان بالجمال
ويربع الراعي ويتكاثر الحلال
والشعر مثل البر لاحد يقل وش كال
وزهران مصدر فخرنا دوم راس مال
ولا حد سأل من فين مايحرج السؤال
نفخر بزهران العناصي رجل واطفال
والخير من ربي يجي وارف الضلال
وخادم البيتين مد العطا لشعوبه
كل المهمات الصعيبه يحلها

مختار الدار

[ابو عازب العدواني]

عفوا
البيت الخير جا مطابق لبيت الشاعر احساس ولم اتمكن من تعديله ولكن اقول فيه

كل المهمات الصعيبه يحلها

تعديل للبيت
وراية التوحيد حن تحت ظلها

[@بن عايده@]

اقتباس: المشاركة الأصلية كتبت بواسطة مختار الدار      بدع ورد رائع من شعار رائعين وليسمح لي مشرفنا الغالي بهذه القصيده على نفس القارعه واتمنى اطلاعك عليها ودي مع الشعار ناخذ لنا مجال بن عايده عن صحتك دايمن بسال ياطيب الافعال ياخيرة الرجال اشرفت عا الموروث ذاك الركود زال والمذهب الطيب فلا ينوزن بالمال والغيث نفرح به وهو منهمر همال يسقي جميع الارض من سهلها وتلال وتنبت ارض الله مالخير والكلال وبعد ذاك الجدب تزدان بالجمال ويربع الراعي ويتكاثر الحلال والشعر مثل البر لاحد يقل وش كال وزهران مصدر فخرنا دوم راس مال ولا حد سأل من فين مايحرج السؤال نفخر بزهران العناصي رجل واطفال والخير من ربي يجي وارف الضلال وخادم البيتين مد العطا لشعوبه كل المهمات الصعيبه يحلها مختار الدار

صح لسانك..ولاهنت عالبدع المحكم..وان شا الله نكون عند حسن الظن..

الرد/
موروثنا بين الدول والانام جال
كنه زلال الغيث بين الشعابا سال
في بحر له جال" وفي جو وبر جال
لازال يرفع روس من يحفظه لازال
من عهد مية جد شامخ ولا قد مال
ما ينقله لاجيالنا عاجز وهمال
محلى طروقه يوم بالمكرفون تلال
والحنجره تنشد ولا صابها كلال
وتميّل اذن السامع وتطرب الجمال
تشبه لعزف الناي لكنها حلال
متنوعه لها مع اهل القصيد اشكال
من يوم تتغنى ترا كل راس مال
وارزاقها تكرم عن الشحذ والسوال
وعلومها ماتحتمي ملقفه وطفال
ما دام صوت الرشد غطى على الضلال
ياهل القصايد ولعوا نورها واشعوا به
دامه يضوي كل ديره يحلها