*** تعالوا نتهرج بسواليف الأولين ***

[الراقية]

سلام علاكم 0000كيف الحال

نسيم شا نسيم ودعتك الله ياصديقتيه

والعذر والسموحه ان كان غلطت في حق احد

والله ماغرنيه عن تي الهروج الا تجهيزات السفر بنلقي ويلا الديره يانا فدى الديره وفدى من سكنها

الا تعرفنيه وانا اختك احب اتمحنك جهدا جهدا

والله الله في الضيوف يانسيم انا دخيلك حيلي ذياعك السوداني وامحي لك غيره

امسي كنت اتقهوى عند ناس من جماعه قحميه واسمعهنه يتكلمنه عنك وعن الكلب الي ذبحتموه

والله ياوجهي لطاح في الصعيد جيت ارد عليهنه والا ماقدرت حجتهنه بينه

هيا انا بغدي افلح اميه تدعينيه مدري وش تبغى منيه

ودعتكم الله يافروخيه

[نسيم السروات]

اقتباس: المشاركة الأصلية كتبت بواسطة نور الجنوب      الله يسعدك يانسيم في هروجك تهول والله ان موضوعك ماشي كماه لاكن الظروف ماتخليني ادخل المنتدا ادعيلي يا شيخه نسيم يقولون دعاكي مستجاب شيخه نسيم لاتنسيني من دعاك

هههههههههههههههه شيخة مرة واحدة .


عسى الله يتقبل دعانا جميع . عسى ماشر يايخته كن معك تعبه لا يكون عطية عود يتعدوى لك مرة أخرة

أن سوى لك شي فتعالي لايردك إلا رجلك خلينا تية المرة نسنعة .

عسى الله يفرج همك يايخته قلي أمين .

[نسيم السروات]

قومي يابنت شغلي التلفزيون نشوف مناظر من الباحة يقولون أن

جا عليها سيل وسالت جبال شدى عساها أمطار خير وبركة قولوا أمين .

فاصل ونعود نتهرج معكم مع تيه المناظر الهيلة .



ماشاء الله تبارك الله وش ذاك الخير وش تاك الهيالة .

نحمد الله ونشكرة .

[نسيم السروات]

اقتباس: المشاركة الأصلية كتبت بواسطة قلب العنا      البقا يانسيم وانا عمك حمارتيه ربطها جنب رباعكم تيه جنب البيت دخيلك واناعمك حطي حلسهاواعبيلهاعلفن الله يعطيك العافيه وعتيق ربه تقدم لسوق السبت اقول اقول وانا عمك بغيت قدام اقلط على العشا ابدي من فوق الرعش المح في جرون معكم تلقانيه يوازم بغى يشلحنيه امانه انه اعجبنيه اقول وانا عمك منين جابه عتيق \قلب العنا يكلم نفسه لااعوذ بالله من الشيطان انيه احسبت ذا الخروف كلبن والعطوي ماعد امنه يوم سوى ذيك القصه في ذاك الضيف جاء عند عتيق اشا نسيم ويي راس الخروف نسيم نسيم وانا عمك بالله وريني مكان ماذبحتم الطلي ووريني جلده وراسه \قلب يكلم نفسه اكل والا ماكل الجوع في بطنك ياقلب العنا وانيه مدري لايكونه كلب جيران نسيم ورجالها عتيق ياتيه المصيبه ان كلت مصيبه وان ماكلت شرهه من عتيق الله يمحقك ياذا السوداني اقول بدعي نسيم تاكل معيه من العشا \نسيم نسيم يقول من حب ضيفه كل معه وانا حلفت ما يسن عليه عشاكم الا بعد ماتردين تاكلين معيه من جوفه

حياك الله ياعم قلب العناء وحمارتك أني عبيت لها مكتل رفه وحطيت حلسها لكن عليها هبتة الله رتحتني ذيك الرتحة

بغت تكسر ساقيه وأنا أحط عنها شكلها منفقعة حمارتكم هب هب الله عليها .

وشمعك ماتأكل والله أن معك شكوكاً في تية الذبيحة وقلبك متوجس مايغبى فيك تسأل عن الجرو حقنا .

لكن سم بالرحمن وكل والله والله ماعد معنا ولا كلب من يوم ذبحة الزول عثمان ماعد شرينا لنا كلبن كان ينفعنا ينبح

عند البيت ويحرسه وعند الغنم ، وابشر ياعم باكل معك لكن أنا معي حموة عن اللحم والدسم باكل من تيه النعايم اللي على السفرة

واللحم مالي به كل أنت الله يحيك ولا تخاف بقطع أيديه أنه لحم خروف ماتشوفه كبيرن مثيل الحمار الله يعز النعمة

يايبه وش اللي جاب طاري الحمير ذا الحين


باروح أقلب حلس الحمارة يمكن عمي قلب جاب لي شي ولا شي هدية

[نسيم السروات]

اقتباس: المشاركة الأصلية كتبت بواسطة الراقية      سلام علاكم 0000كيف الحال نسيم شا نسيم ودعتك الله ياصديقتيه والعذر والسموحه ان كان غلطت في حق احد والله ماغرنيه عن تي الهروج الا تجهيزات السفر بنلقي ويلا الديره يانا فدى الديره وفدى من سكنها الا تعرفنيه وانا اختك احب اتمحنك جهدا جهدا والله الله في الضيوف يانسيم انا دخيلك حيلي ذياعك السوداني وامحي لك غيره امسي كنت اتقهوى عند ناس من جماعه قحميه واسمعهنه يتكلمنه عنك وعن الكلب الي ذبحتموه والله ياوجهي لطاح في الصعيد جيت ارد عليهنه والا ماقدرت حجتهنه بينه هيا انا بغدي افلح اميه تدعينيه مدري وش تبغى منيه ودعتكم الله يافروخيه

بتفلحين الديرة ياصديقتيه الله يوجه لك ويدرق عليك من كل زحمة قلي أمين .

والله أني فقدتك لي ميمة وأنا والله أني مثلك بعد أسبوع بإذن الله بنغادر العاصمة إلى بلاد زهران الغالية .

وان الله هم أن الله أني بأشوفك في الديرة يارقية هيا أسمعي الراسية عندها رقميه خذيه منها وكلميني

عشان عندنا صدة لبنت عميه وأبغاكنه تجينه ونقابل بعضنا بعض واللي تبغى تجي من باقي الغلائم ترسل لي

على الخاص ونتفق على كل شي .

تقولين النسوان يتهرجنه عن كلبنا اللي ذبحه السوداني ؟؟ ياخيبيتي خيبتاه الله ياعثمان


يغض مهلك ويقصر عمرك صارت فضيحتنا على كل لسان هويه ياربية وين عاد أغدي وجهيه بعدما كان

صيت مجلسنا ينسمع من بلاد الشام بالكرم والجود صاروا يتكلمون عن كلبنا المذبوح للضيف

كلها من ذاك القحم الأعمى أبو مناظر عندل ماغيره يمشي ويعلم ماخلا ولا قبيلة ماعلمها حسبنا الله ونعم الوكيل وكان .

أسمعي يارقية إذا سمعتي النسوان زدنه تهرجنه عنيه وعن كلبنا المذبوح كذبي الخبر وقلي والله أنها وشاعة مهلا

مافيها من الصدق شي عقوف نخلص من هروج النسوان والفتنة دخيلك .

هيا ياحبيبتي روحي لأمك وشوفي وش معها تصيح فيك وتزهم .

[ابو عبد الرحمن]

قولين النسوان يتهرجنه عن كلبنا اللي ذبحه السوداني ؟؟
ماذبحة السوداني ذبحة الكوريين اللي يركبون الكهرب والاعمدة يقولن ياكلون الكلاب ؟؟
يادافع البلاء الشفاعة يالله ان كان مجدهم ياكلون الكلاب

[نسيم السروات]

اقتباس: المشاركة الأصلية كتبت بواسطة ابو عبد الرحمن      قولين النسوان يتهرجنه عن كلبنا اللي ذبحه السوداني ؟؟ ماذبحة السوداني ذبحة الكوريين اللي يركبون الكهرب والاعمدة يقولن ياكلون الكلاب ؟؟ يادافع البلاء الشفاعة يالله ان كان مجدهم ياكلون الكلاب

أييييييييييه واه والله أنك جبتها يابو عبد الرحمن قولي لهنه ذيه الكلام قولي الكواريه يوم جو عند بيت عتيق

يركبون له الكهرب شافوا الكلب وفرحوا به وخذوه وذبحوه وقاموا وأشتوووه فوق القبس وكلوه

الكواريه أهم يأكلون الكلاب صاخوا يقولون طعمه كما طعم التيوس عندنا الله يدبل كبودهم يعوه يعوه ياكبديه

بغدي أقذف مافي بطني معي سومه ألا يالله يقلع الكواريه من بد ماخلق ربيه ألمحي يايخته يأكلون

الكلاب أعذب بالله منهم .


أبو عبد الرحمن حياك الله وبياك

وشرفنا حضورك هنا .

[ابو عبد الرحمن]

بغدي أقذف مافي بطني معي سومه
هههههههههههههههههههههه
والله مانقدر فيك من حنكك يانسيم

[نسيم السروات]

اقتباس: المشاركة الأصلية كتبت بواسطة ابو عبد الرحمن      بغدي أقذف مافي بطني معي سومه هههههههههههههههههههههه والله مانقدر فيك من حنكك يانسيم

أذكر الله يابو عبد الرحمن بسم الله عليه بالرحمن الرحيم

واللي حنكتني كهلة أجودية الله يذكرها بالخير بذيك الزبدة معها شوية عسل

مايغبى في كلاميه مثل العسل


شكراً لمرورك أبو عبد الرحمن .

[سـحـــاب]

اقتباس: المشاركة الأصلية كتبت بواسطة نسيم السروات      مايغبى في كلاميه مثل العسل

ماعد أشكل