الله لا يبلاكم

[اسعدالسالم]

اقتباس: المشاركة الأصلية كتبت بواسطة العرنين      مساكم / صباحكم ورد ورياحين كيفكم كلكم ،، ان شاء الله تمام << ناوي ياخذ علوم الديره السيره ما علينا ندخل في الموضوع <<< لا تكفى اقعد سولف شوي طيب كلنا نعرف ان الذكاء والغباء والحماقه هي حالات عند بعض الناس يعني ممكن يصير الذكي في بعض المواقف غبي والعكس صحيح لكن اللي ما نعرفه ان بعض الناس تكون عنده الحماقه عضو من الاعضاء لا تستغربون يكون عنده راس واطراف وجذع وعضو زياده اسمه الحماقه المصيبه ان مثل هذا ما اكتشفوا له علاج رغم المحاولات من قديم الزمان واكبر دليل قول الشاعر لكل داء دواء يستطب به .... الا الحماقة اعيت من يداويها . اذا ابتلتك الظروف ولقيت واحد ناشب في حلقك من هذي العينه اعرف انك شخص مقرود لانك ما تقدر تتخلص منه بأي طريقه من الطرق لا يفهم ،،واذا اجتهدت و تعبت عمرك وسهرت الليل تقلب في كتب الطب والفلسفه و انعمت عيونك وانت تقلب مواقع فك الشفرات البشريه و حسيت في لحظه انك لقيت الحل تجي وتقول له وتحاول تفهمه ، تلقاه يهز راسه ويقول انا فاهم تعطيه ورقه مكتوب فيها اي شي ، تلقاه قلب الموضوع عليك وانك تقصده بكل كلمه وحرف مكتوي في الورقه مع انك اعطيته ورقه فيها موضوع يخص مشكلة كوريا الشماليه النوويه مع دارفور . تدرون وش اخر شي باقوله لكم الله لا يبلاكم . الله يستر ما يفهم احد اني اقصده . دمتم بالف خير

مشكور اخوي على الطرح الرائع

[العرنين]

الغالي العتمه
طبعا بيكتشفونه
لانه عضو من الاعضاء
.
دمت بالف خير

[العرنين]

اسعد السالم
شكرا لمرورك
لاهنت