قصيدة في جميع القبائل

[الرومانســي]

[all1=#CCFF00][all1=#FFCC33][frame="10 80"][poem=font="Arial,6,orange,normal,normal" bkcolor="transparent" bkimage="" border="none,4," type=0 line=0 align=right use=ex num="0,black"]


السلام عليكم ورحمة الله وبركاته :

هذي القصيدة للشاعر / فيصل الرياحي البقمي

وهي قصيدة مدح في جميع القبايل

::::يقول الشاعر ::::


قبأيـلٍ تسكـن بشـبـه الجـزيـرة - - جزيـرةٍ تبهـر عريـضة كبـيـرة
والكـل منهـم لـه منـازل وديـرة- - من ساحل الأحمر ليا ساحـل عمـان
منهم"عتيبه"نـعـم والله عتـيـبـه - - قبيلـةٍ بـيـن القبـايـل عريـبـه
أمجادهـم تعـرف ولاهـي غريـبـه - - ليا حل طار المجـد يطـرون عتبـان
ومنهم بني الحارث هل المذهب - - الزين كسابة القاله علـى العسـر و الليـن
تاريخهـم معـروف ماهـم غبييـن - - وا لنعم يإبن الحارث طيـور حـوران
ومنهـم "سبيع"ونعـم بسبيـع دايـم - - تاريخهم يشهد لتهم فـي القـدايـم
نقـول حـق ولا نحـب الظـلايـم - - يستاهلـون المـدح والنعـم سبعـان
و"غامد" ونعم بغامـد أهـل الشكالـه - - قيـف شجيـع كـامـلات خصـالـه
الطيـب فيهـم والكـرم والبسـالـه - - ألاّ وفي وقـت المحاضيـر شجعـان
و"قحطان" ساس الأصل نعـم القبيلـه - - أفعالهـم مـن غيرهـم مستحيـلـه
بالطيب عـدو كـل عيطـاء طويلـه - - وا لنعـم والله ياصناديـد قحـطـان
والنعم "با الاشراف" نسـل الصحابـه - - الديـن فيهـم وا لسخـاء واللبابـه
والعرف والمعـروف شـدوا ركابـه - - والنصح والارشاد عن كـل عصيـان
وأولاد وائــل نـعـم والله قبيـلـه - - أهـل الفعايـل والعمـوق الاصيلـه
منهـم ملـوك يكسبـون ا لنفيـلـه - - اسم(عنزه) في قمـة المجـد عنـوان
و" شمر" ليـا عـدت فعـول النحايـا - - وا لنعـم والله يـارجـال ا لطنـايـا
حمأيـة القالـه سـهـوم المنـايـا - - نقولهـا فـي حقهـم سـر وإعـلان
والنعـم "للعجمـان" مافيـه معـروف -- قول وفعل ما تنفـع نقـاط وحـروف
مجـدٍ تعـلا كنـه سهيـل مشيـوف - - دليلنـا فـي مدحهـم فعـل راكــان
و"مطير" حمران النواظر هـل الجـود - - تاريخهم من قبـل واضـح و معـدود
مجـدٍ مثبتـة براهـيـن وشـهـود - - ماينجحـد مجـد وأهاليـه مـطـران
ونعمٍ "بحرب" ليا طرا طاري الأمـداح- - أهل ا لموا قف كل ماصـاح صيـاح
حرابهـم بالنـوم ماهـوب يـرتـاح - - من ضيمهم مايمرح الليـل سهـران
و "سليم" أهل مجد مسجل بالاسطـار - - ذربين أهـل قالـه وبالعـرف شعـار
وأظن هرج ا لصدق مايقبـل إ نكـار - - أخذ الأدب والعرف من روس سِلمـان
وجمع "الدواسر" ما بهم قـول قايـل- - دواسـر جمـل يشتـال كـل الثقايـل
باسمـه تسمـوا والفعايـل دلايــل - - غـدران مـوت ماتحلـى بـغـدران
و"بني تميـم" اللـي فخرهـم مقيمـي -- ودليلنا قول ابـن صقيـه ا لتميمـي
يدري بهم مـن كـان قلبـه فهيمـي - - أ خبارهم شاعـت لحضـر وبـدوان
وأيضا "بني خالـد" عـذاب العنيـدي - - جو من سلالة "خالد ابـن الوليـدي"
قـول محقـق مانقـول ا لسريـدي - - نقرأ ونبحث لين نـدري بمـا كـان
و"زهران" جن الحرب يوم الحرايـب - - اللـي طعنهـم يـودع ا لـدم رايـب
هبت لهـم مـن كـل طيـب هبايـب - - وا لنعـم والله يارجاجيـل زهــران
و"عسير" عسرين علـى كـل طمـاع -- سباعٍ تعشي سبـاع الأقـذال بسبـاع
السيـف بيديهـم مخلـد ومـطـواع - - ورمـاه ليـا رد النظـر لام نيشـان
و"شهران" مشهورين والجـد شاهـر - - الكـل منهـم فـا لمهمـات مـاهـر
طيب ليا عـدوا هـل الطيـب ظاهـر - - معـروف مايطويـه بعـد ونسيـان
و"بالقرن" قرن الموت شرابـة الـدم - - حرابهـم يسقونـه الصبـر والسـم
في رؤسهم شيمـه وعـادات ولـزم - - ما ينحصـي تعريفهـم عبـر قيفـان
وأيضا "بني مالـك" ذكرنـا فخره -- ـمالطيب طـوع يـد ينهـم ماعسرهـم
ليا ماجت أمواج البحر مـن بحرهـم - - بحر يكز الموج مـن غيـر جيـلان
والنعم "بالأحمـر" علـى كـل حالـي - - في كـل صعبـات اللـوازم رجالـي
شوامـخ ماهـم بـجـرف هيـالـي -- كسبان ياحايز علـى المـدح كسبـان
و"شمران" ليا شمر عن الساعد الثوب - - حرابهم يقفـي مـذ لـل ومرعـوب
كم كدروا يوم الكـدر كـل مشـروب -- ياهل الوفاء محد جحد فعـل شمـران
والنعم"بالأسمـر" ليـا حـل طـاري -- شمعة فخرهـم ماذرتهـا ا لـذواري
يروون صفحـات القنـا و الشبـاري -- ويوردون ا لسيف لاصـار عطشـان
وصبيان"يام" أهـل العمـوق العريقـة - - ستر ا لظعن يـوم الايـادي طليقـة
ما تختفي عن عيـن عاقـل حقيقـة -- يام ا لحرايب يوم سوقـات الاظعـان
والنعم والله فـي رجـال"الشـرارت" -- الطيب له فيهـم مـواري وأمـارات
أهل المراجل يـوم الأيـام عسـرات -- - الكل منهـم يجلـب ا لـروح قربـان
أيضا" بني هاجر" كفـوف الأسـود - - ييثبت لهم في كـل عليـاء وجـودي
قول عليه الفعـل الأبيـض شهـودي - - وا لصـدق قايـد للمعانـي وقبطـان
ونذكر " بلي" بلواء على كل عاصـي - - ليا جاء نهار فيه شيـب ا لنواصـي
رجالهم ينطـح خشـوم ا لرصاصـي -- ليا طار ستر ا لوجه عن دعج الأعيان
وأيضا "جهينه" عزوة باسهـم بـاس -- نطاحة ا لغاره علـى قـب الأفـراس
أمجادهم من يوم خلقوا علـى سـاس -- بيت جويـد مـا نخلـع فيـه بيبـان
وأيضا"السهول" لهم مواقف وتشجيـع -- يطوعـون ا لـضـد لازام تطـويـع
ويقال عنهـم ا نهـم حلـف لسبيـع -- ذولا وذولا نعـم وافـيـن الأفـنـان
وأيضا "الظفير" أهل الظفر والمدايـح - - يوم الثميـدي مثـل وبـل الروايـح
أرجـال مافيهـم غمـوز وقـدايـح - - منهم ++++ون أهل لمقاصيـر "نومـان"
وسفيان من قبل النبـوه لهـم بيـت - - صحيح لاأزل بكلامـي ولاأخطيـت
قريت في كتـب التواريـخ وأوحيـت -- سفيان سلسلة العريب أبـن سفيـان
و"طويرق " أهل الشيمـه المستديمـه -- وأهل الوفاء وأهل اليديـن الكريمـه
للجـار عـز وللمـعـادي هزيـمـه - - أقولهـا مانـي بـراعـي تـلـوان
و"هذيل" أهل غيره ومذهـب وجيـره -- وميزاتهـم مـن غيـر هـذا كثيـره
وليـا قـدح للحـرب قـادح ذخيـره - - تلقـى مقاديـم الرياجيـل هــذلان
و"قريش" مجـد قريـش كـل درابـه - - قوم الرسول وقوم بعـض الصحابـه
ومجـد تعـدى الهاشمـي وشنبابـه - - اللي من قلـوب البشـر زال الأدران
و"ثقيف" مـا يحتـاج نذكـر فخرهـم - - ما دام "ابن يوسف"على طـول منهـم
يكفيهـم "الحجـاج" مجـد شهـرهـم - - بالكتب والتاريـخ فـي كـل ديـوان
و "بني رشيد" مـن القبائـل يعـدون -- ليا جت مجـالات المواقـف يبـدون
يبنـون بنيـان الفخـر مايـهـدون - - واللي نقدهم مامعـه علـم بخصـان
ونذكر "بني مـره " ونعـم آل مـره - - للجـار عـز واللمعـادي مـضـره
واليـوم فـي نعمـه وسـره وقـره - - - بين الثلاث اللي خذتهـم بالأحصـان
و"أكلب" هل الطالات وأهل النواميـس - - إمسيسـن بدوحـة المجـد تسيـس
كلامنـا مابـه مجـامـل وتلبـيـس - - والقول لاسلم الغـوى والخطـاء زان
والمعـذره يـا واسعيـن المعـرفـه - - إن غاب عن تفكيري أحـد ماعرفـه
للشعـر تصريـف وللهرج صـرفـه - - ولاينتجـازى الناسـي إلا بغـفـران[/poem][/frame][/all1][/all1]

[العرنين]

و"زهران" جن الحـرب يـوم الحرايـب - - اللـي طعنهـم يـودع ا لـدم رايـب
هبـت لـهـم مــن كــل طـيـب هبـايـب - - وا لنـعـم والله يارجاجـيـل زهــران

.
والله روعة المعنى وصدق الوصف
يعطيك العافية على هذا النقل الرائع بارك الله فيك
.
.
دمت بالف خير

[مشناوي]

ابداع ووصف جميل ويعطيك العافيه

[ملك زهران]

قصيده رائعه وجميله

مشكوور اخوي الرومانسي
والشكر موصول لشاعر المبدع / فــيــصـــل الــبــقــمــي

يعطيك العافيه على ما نقلت

[بن زياد]

شكرا لك ويعطيك العافية ونطلب منكم اسم القائل وانكان الموضوع منقول فاكتبوا

[الزهراني خالد]

اقتباس: المشاركة الأصلية كتبت بواسطة العرنين      و"زهران" جن الحـرب يـوم الحرايـب - - اللـي طعنهـم يـودع ا لـدم رايـب هبـت لـهـم مــن كــل طـيـب هبـايـب - - وا لنـعـم والله يارجاجـيـل زهــران . والله روعة المعنى وصدق الوصف يعطيك العافية على هذا النقل الرائع بارك الله فيك . . دمت بالف خير

العرنين منتشر ان زهران جن الحرايب

هو مغيرها شوي

مع التحيه

[ابو نضال الدوسي]

مشكور الله يعطيك العافية نقل جميل وكل عام وانت بخير