الحقيقه تتكلم وتكشف ما لا نعرفه ...!

[سعيد الكناني]

[poem=font="Arial,4,white,bold,normal" bkcolor="transparent" bkimage="backgrounds/21.gif" border="double,4,black" type=0 line=0 align=center use=ex num="1,black""] الا ياقلب لا تحزن ولا تشره ولا تنذلْ=حقيقه واتضح فيها حقايق مالها عنوان
لها في حسك المرهف امانه لازماً توصلْ=امانه ما حملها الا انت فيها قربة الضميان
تحمّلها وكان الله بعون الحاير المعتلْ=حقيقه تكشف الواقع ولا عنها درى إنسان
مضت اعوام تلو اعوام وهي عن حقها تسألْ=ولا احد ن منهم جاوب وساوا كفّة الميزان
لهوا عنها وعادوها وقالوا حقها محتلْ=وهي تصرخ ظلمتوني ابي حقي ابيه الآن
ابي حق الفقيراللي تعب حتى يحصّل ظلْ=سلبتم كل مايملك وعاش ا بدنيته طفران
وابي حق اليتيم اللي يدورني ولا قد كلْ=يبي حقه ومن حقه ولكن ماملك برهان
وابي حق الحزين اللي سهرليله ودمعه هلْ=تعب حاله وهو يشقى ويتحمّل عنا واحزان
فدا روحه لجل تحيون ويبقى حكمكم مختلْ=تمناكم ورشحكم وعانا لجلكم ازمان
وهذا انتم تجاهلتم وهو من جهلكم قد ملْ=قضى عمره يجاملكم وهو في داخله بركان
يبي يعرف حقيقتكم ويكشف مابكم من غلْ=وانا شمس ن كسفتوها ونوري مابعد له بان
تصبّر لين من صبره غدا حاله كما المنشلْ=يشوف الظلم بعيونه ولا يملك سوا الكتمان
غصب عنه يجاملكم ولا له غير هذا حلْ=مدام اني اسيرتكم يعيش ا بدنيته منهان
اسرتوني مدى عمري وعشتوا عيشة ا مدللْ=ملكتم كل شيّ غالي وهو مايملك الاكفان
يموت ا من القهر والذل وقبله كم فقير انذلْ=حياة ن مالها معنى فرضتوها على الانسان
ولا فاقت ضمايركم وسيف اهوائكم منسلْ=قتلتوهم بلا رحمه وماتوا موتت الجرذان
وكل هذا عشان ا يدوم منصبكم يموت الكلْ=ويبقى ظلمكم عايش يجدد عيشة الحرمان
كراسيكم على عرش الخيانه ما بتتبدلْ=ولا ظني بتتبدلْ مدام انْ شعبكم ضعفان
فلازلتم ولا زالت سياسة حكمكم تقتلْ=اسرتم كل من يحكي وقلتم يسقط الخوّان
وانا لازلت احاربكم ولجل الكل ا بتحملْ=وقاضيكم بما املك واطهّر منكم الاوطان
وخليّكم كذا عبره لكل خاين وكل مختلْ=وكل من هو هوى نفسه وسار ا بسكّة الشيطان
وعيّشكم هوان وذلْ مثل ما عاشها المعتلْ=وبشّركل خلق الله بنصرالحق مهما كان
وبري ذمتي منكم ومن كل الملا وارحلْ=ازف الحق لهل الحق وهني شاعر القيفان
والا ياقلب لا تحزن ولا تشره ولا تنذلْ=حقيقه وافصحت عن كل شيٍ ينصف الانسان[/poem]

[زهران في كل الدنيا]

عز الله انك نمر
ماقصرت وصح لسانك
تصوير وسرد للحقائق بكل اللغات
تجملت فيهم
انكشف المستور

[ألمحيط]

صح لسانك ياشاعرنا الكبير سعيد الكناني المبدع
متألق دائما يا الغالي
الله يسعدك ويرحم والديك
دمت بود كل الود

[سعيد الكناني]

اقتباس: المشاركة الأصلية كتبت بواسطة زهران في كل الدنيا      عز الله انك نمر ماقصرت وصح لسانك تصوير وسرد للحقائق بكل اللغات تجملت فيهم انكشف المستور

الغالي القدير/زهران في كل الدنيا
جمل الله حالك يالنشمي وصح بدنك وعلا شانك
اشكرك على إطراءك الرائع
تقبل ودي قبل إبداء ردي
مع فائق التحية
والتقدير

[سعيد الكناني]

اقتباس: المشاركة الأصلية كتبت بواسطة ألمحيط      صح لسانك ياشاعرنا الكبير سعيد الكناني المبدع متألق دائما يا الغالي الله يسعدك ويرحم والديك دمت بود كل الود

الغالي القدير/راشد الجمعان
التألق يكتمل عقده بتواجدك ومتابعتك الدائمه
صح الله بدنك وعلا شانك والله يسعد ايامك يالنشمي
تقبل ودي قبل إبداء ردي
مع فائق التحية
والتقدير

[ابن روزه]

صح لسانك وسلم بنانك وبيض الله وجهك على هذه القصيدة الرائعه

[سعيد الكناني]

اقتباس: المشاركة الأصلية كتبت بواسطة ابن روزه      صح لسانك وسلم بنانك وبيض الله وجهك على هذه القصيدة الرائعه

الغالي القدير/ابن روزه
الروعه يكتمل عقدها بتواجدك ومتابعتك الدائمه
صح الله بدنك وعلا شانك ووجهك ابيض يالنشمي
تقبل ودي قبل إبداء ردي
مع فائق التحية
والتقدير

[احمد صعمود]

صح نبضك وفكرك

وسلم راسك وحسك الحالم المرهف

تقديري

[ALRAGI]

صح لسانك ياغالي

[جمعان مفرح (ابو طلال)]

قصيدة رائعة تشكر عليها يالغالي