ما يهمني لو ولعت نار ذكراك

[ألمحيط]

ما يهمني لو ولعت نار ذكراك = حتى احرقت ذيك الضلوع النحايف
ما يهمني قررت بنساك وانساك = مالي على فرقاك شف وحسايف
الله في فرقا المودين يبلاك = حتى تجرب نار فرقى الولايف
وتذوق ماذقته من اسباب فرقاك = يهل دمعك مثل دمعي ذرايف
وش ذنب قلبي تجرحه يومه اغلاك = وترجم لك الود النقي بالشفايف
اعطاك من فيض الغلا فيض وارضاك = ماحط ما بينك وبينه كلايف
وحين انكشف سدك وبانت خفاياك = زايف وحبك مثل مبداك زايف
اثر الخديعه والغدر من سجاياك = جرحتني جرح السيوف الرهايف
خلاص ما حبك ولا احب لاماك = كرامتي مثل الجبال النوايف



راشد الجمعان ( المحيط )