...مرة أخرى محاورة تجمع الشاعرين سعيد بن سالم والصهيبي ....

[العندليب]

بسم الله الرحمن الرحيم

السلام عليكم ورحمة الله وبركاته ..

في إجتماع خاص من نوعه في إحدى المقاهي (كوفي شوب) في شارع التحلية في الرياض .


بتواجد كل من ::


][^][ No.1 ][^][ مشرف مجلس بني عدوان ومشرف منتدى الحوار


سعيد بن سالم مشرف سابق وأحد شعراء منتدى زهران المميزين

الصهيبي مشرف الموروثات الشعبية وأحد شعراء منتدى زهران المميزين

الكليبي العدواني أحد أعضاء منتدى زهران

فتى الدار أحد أعضاء منتدى زهران

ومحدثكم العقيد أبو صالح ,,


حيث تخلل اللقاء نوعا من المرح والتسليه

حيث طلبت من الشاعرين القديرين سعيد بن سالم والصهيبي البدء في المحاورة بينهم ..

وأفادوني بأن المكان غير مناسب (( بصفة أن الحي المتواجدين به من أرقى أحياء الرياض ))
ولا يوجد مجال للمحاورة فالجو هنا لايسمح بذلك ..

فرديت بغضب ..

أن موروثنا الشعبي ليس له مكان محدد ويجب أن يقال في أي مكان وزمان ..

وبعد جدال مطول أقتنعوا من كلامي وبدأت المحاوره بينهم

ولم أحتفظ ومع الأسف سوا بأول قصيده حيث كانت ترحيب بي وبأخي ][^][ No.1 ][^][

مع العلم أن جميع قصائدهم كانت في منتهى الروعة وليس بغريب على شاعرينا القديرين فقد عودونا دائما على الإبداع والتألق ..

لا أطيل عليكم وسوف أترككم مع القصيدة










البــــــــــــــــــــــــدع

[fot1]للشاعر الصهــــــــــــــــــــــــيبي [/fot1]


مرحبا ياعقيد ومرحبا أهــــــــلين بك يالقـــادري
مرحبا عند من يسعد بشوف الرجــــــال الونعمينا
باسمي وباسم فايز واحمد وباسم أبو ياسر سعيد
يالرجال الذي في الجود تلقى لهم صوله وجـــوله
يالذي رايهم يوقف لـــه القــــوم ويقيم الــــــحدود
مرحبا قلتها من خــاطر(ن) ما يضيق ولا تعـسـكر
جعلــــها ماتبيد ولا تـــــزول المــــــحبه بيننــــــا


الــــــــــــــــــــــــــــــــرد

[fot1]للشاعر سعــــــــــيد بن ســـــــــــالم [/fot1]

وينك عن وقفتك ماجيتني يالرفيق القــــــــادري
أمس يوم إنها ضاقت علينا الوسيعه وأنعـــــمينا
خذت منا لباس الفرح ما أهديتنا مــــــلبوس عـــيد
والله إن الخيانه طبع الأنذال مـــــاهي مالرجـوله
وإنها لو تجي مالغير شلنا الـــــجنابا والــــحدود
غير وش عاد ناهب فيك يالجندي اللي ماتعسـكر
تتخوف من المــــيدان خـــرعه وأجـي وأبين أنا



ملاحظة //

القادري هو لقب للمشرف ][^][ No.1 ][^][

فايز هو العضو فتى الدار

أحمد هو العضو الكليبي العدواني




هذا وما أقول غير صح السنتكم وبيض الله وجيهكم يالنشاما ..

وعلى المحبة نلتقي ..

[fot1]أخوكم // أبو صالح [/fot1]

[ذيب زهران]

الاجتماع طيب وقوي المعرفة بين الاعضاء

وانشاء الله بنكلم اللجنة الاعلامية اذا فيه امكانية نعمل اجتماع قبل ما تروح الناس للاجازة ولا بعد في الرياض

وتقبل مروري

[ابو عادل العدواني]

العـــ ابو صالح ـقيد
بارك الله فيك وفي اجتماعكم وجعله دائم
وصح لسان الشاعر القدير الصهيبي و الشاعر العزيز سعيد بن سالم
وبارك الله فيكم

[فهد الغبيشي]

الله يديم المحبه
ويازين هذي الاجتماعات الله يوفقكم

وصح السنة الشعار


وكان عزمتمونا في الاجتماع

المهم الله يوفقك
وتقبل احترامي وتقديري

[*** الصهيبي ***]

الله اكبر على شيطانك يالعقيد
مايفوتك شي
ههههههههههههههه
بيض الله وجهك يالغالي
وصح بدنك وبدن المطاليق اللي مرو هنا
ذيب زهران . . . ومشرفنا العزيز ابو عادل . . . ومشرفنا الغالي فهد






والله يديم المحبه
اخوكم
الصهيبي

[العندليب]

أشكر جميع من تواجدوا في موضوعي ... وشرفوني بتعليقهم ,,,



وشاعرينا القديرين يستاهلون كل خير .....


أدام الله لنا هذا التواصل ..

ودائما .. هلى المحبهـ نلتقي ..

[مخاوي الجود]

صح لساك يالصهيبي وصح لسانك يا No1 ...... ولا يهون الجميع .....
ليتني معكم ... عز الله ما بيني وبين شارع التحليه يكون اشاره ....
الله يديم المحبة على الخير بين الجميع .....
مشكور أخوي أبو صالح ....

أخوكم / أحمد بن عبدالله البشيري

[ابواحمد]

نتمنى ان نحضر مثل هذه اللقائات بيض الله وجوهكم
وصح لسان الشاعرين القديرين

[راشد الصهيبي]

كوفي شوب مرة واحده
ولا اتصال ولاهم يحزنون هين هين

عموماً مشكور ابو صالح على النقل الرائع
والله لا يهين الشعار وصح الله السنتهم وابدانهم
والمرة الجاية كلموني ترى باحاسب ع الطلب حقي لا تخافون
سلم لم

[العندليب]

اقتباس: المشاركة الأصلية كتبت بواسطة راشد الصهيبي      كوفي شوب مرة واحده ولا اتصال ولاهم يحزنون هين هين عموماً مشكور ابو صالح على النقل الرائع والله لا يهين الشعار وصح الله السنتهم وابدانهم والمرة الجاية كلموني ترى باحاسب ع الطلب حقي لا تخافون سلم لم

أحرجتني ياراشد .. كويس أني مانزلت الإجتماع الثاني والإ كان أنقهرت من جد ..

بس بعد ما أرجع من الشرقيهـ بأنزلهـ

بعدين لا تشرهه عليهـ أنا كنت ضيف بس من اللاقافهـ نزلت الموضوع ..

أشرهـ على أبو شادن ليش مايبلغك ...

أنا فداك إن شاء الله الأجتماعات الثانيهـ إنت أول واحد ..

وترانا منسقين لإجتماع من فترهـ وسوف يكون الإجتماع من الصباح وحتى اليوم الثاني .. وفي مكان يعجبك ...

تسلملي ...يالغالي ...