.. حابس الجنّ ..

[ابن فتنان]

السلام عليكم ورحمة الله وبركاته

قصيدة لم تخضع للتنقيح ولا المراجعة ..

ربما يصعب قراءتها على الوزن ولكن قد تساعد الحركات الموضوعة على بعض الاحرف ..

القصيدة رهن انتقاداتكم ..



[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يالله يزول الهمّ والغبْن والباس = واجمع شتاتي وانتقم منك واقتصّ
يالجاهل الي مات ما عاش باحساس = ما تشتبه بي هيبة الملْك مع لصّ
ماني من الي كاتب الشعْر وسواس = مع صاحب(ن) في كلمة الحقّ مغتصّ
اجمع معاني غربتي واقمع الياس = وابني قوافي شعْر وآرصّها رصّ
يومك غديت ابليس للناس خناس = ما تدري انّي حابس الجنّ في فصّ
هذه علومي عدّها خير ملباس = يوم ان علوم اصحابنا لزق في قصّ
خذها نصيحة قبل تنشب مع الناس = ثمّن عصاك بطولها وامسك النصّ
شفْني شربت ولا تنكّرت للكاس = رغم المصايب للغضب كنت ممتصّ
قصة " قضيّة " قرّبت طيّب السّاس = مو من خيالي مير قصة وتنقصّ
اجمع بقايا جذعهم واكسر الفاس = والعرق جزّه لو يعارضك بمقصّ
ان متّ ترحم لكن ان عشت يا راس = وعد(ن) يمرّ اليوم وتنام مقتصّ[/poem]




[align=center]عناد بن سعيد[/align]

[عســآف]

[align=center]
ان متّ ترحم لكن ان عشت يا راس
وعد(ن) يمرّ اليـوم وتنـام مقتـصّ


ابو ريوف ..
صح لسانك .. مليارات
عشت .. وعاش راسك ..
صديقي اي انتقاد تتكلم عنه ..
قصيده تامه.. وافيه .. بوفاء راعيها ..
ولا ادري القافيه باختيارك .. ام انها اتت لوحدها
فقد زادت القصيده جمالاً على جمالها ..
عناد بكل صراحه .. لامست القصيده الكثير داخلي ..
فكل يوم تفاجأني بتحفه ..
دام عطائك .. وابداعك
الحقيقه (( ابدعت .. واجزلت ))
تقبل مروري وكل احترامي ,,

عســآف[/align]

[ابن فتنان]

أرحب ابو مطر

كل عام وانت بخير طال عمرك ..

واما القصيدة هذه عجيبة والله تشبه قصيدة قضيّة ..

جالس طال عمرك على النت ما عندي من الشيطان طاري ..

ولا دريت الا يوم يطنّ الراس بذيك البيتين على هالوزن وهالقافية الغريبة ..

وبيني وبينك لو كانت على قافية عادية كنت تركتها زي باقي الأبيات الي ما كملتها

ولكن غرابة القافية اعطتني دافع اني اكملها ..

وكملتها طال عمرك ورجعت كتبتها على المنتدى على طول

بدون اي مراجعة بدون اي مطالعة ..

بكل حال صح بدنك طال عمرك ..

وشهادة اعتزّ فيها والله يا رفيق ..

والعين ما تعلى عن الحاجب انت وشعراء المنتدى أقوى من قصيدتي وهاجسي ..

وتقييمكم لي ولقصيدتي شي مشرّف يزيدني ما ينقصني ..

وهالبيتين تراها مثل الي في بالك لا تشك في تفكيرك

خذها نصيحة قبل تنشب مع النـاس
ثمّن عصاك بطولها وامسك النـصّ
شفْني شربـت ولا تنكّـرت للكـاس
رغم المصايب للغضب كنت ممتصّ


شاكر لك مرورك العذب ..

وكل عام وانت والجميع بخير ..

[][ هـيـكـ‘ـتـ‘ـوـوـر ][]

وآلله , مبـدع


.

شآعر جزل ولك آلشكر

تقبل مروري

.

دمتـ بـشآعريـّه

[صالح بن فارس]

ابن فتنان

صح لسانك

ولا هنت

تميز وتفرد وإبداع

دمت بخير

؛؛؛؛

[أبو ريلام]

يالله يزول الهـمّ والغبْـن والبـاس
واجمع شتاتي وانتقم منـك واقتـصّ
هنا يشير شاعرنا الكبير ابن فتنان إلى تهمه وجهت له كانت سبب في همه وغبنه وكربه ويتوعد صاحب التهمه
وحنا بدورنا نقول محشوم يا أبن فتنان
يالجاهل الي مات ما عاش باحساس
ما تشتبه بي هيبة الملْك مـع لـصّ
لا والله ماتشتبه أنت في عيوننا حاكم قوافي
اجمع معاني غربتي واقمـع اليـاس
وابني قوافي شعْر وآرصّهـا رصّ
نتيجه حتميه لأنك عالي الهمه يعجز فيك اليأس
يومك غديت ابليس للنـاس خنـاس
ما تدري انّي حابس الجنّ في فـصّ
طيب يا علاء الدين
هذه علومـي عدّهـا خيـر ملبـاس
يوم ان علوم اصحابنا لزق في قصّ
تمنيت لو قلت علوم اشباهكم أو اصحابكم وليس اصحابنا ( عن المرء لا تسأل وسل عن قرينة )
خذها نصيحة قبل تنشب مع النـاس
ثمّن عصاك بطولها وامسك النـصّ
هنا تقلب السحر على الساحر وترد التهمه على صاحبها
شفْني شربـت ولا تنكّـرت للكـاس
رغم المصايب للغضب كنت ممتصّ
شربك من هذا الكاس فيه عزاء لمن تقصد على وجه الخصوص وفيه عزاء لكل من سيشرب منه من بعدك
وامتصاصك للغضب دليل حكمه
قصة " قضيّة " قرّبت طيّب السّـاس
مو من خيالي مير قصـة وتنقـصّ
رب ضارة نافعة يا أبن فتنان
اجمع بقايا جذعهم واكسـر الفـاس
والعرق جزّه لو يعارضك بمقـصّ
دامك مابقيت منهم غير بقايا جذع فالمقص سيتكفل بالباقي بس لا تكسر فاسك ( الردين واجد )
ان متّ ترحم لكن ان عشت يا راس
وعد(ن) يمرّ اليـوم وتنـام مقتـصّ
أنشهد أنك أقتصيت لك ولخويك
جميل يا أبن فتنان أنت وعساف شكلتم ثنائي جميل عساكم في خير
أعجبتني النارية والعيدية
أعذرني على التداخل

[مح العدواني مد]

اخي عناد
اجمع معاني غربتي واقمـع اليـاس
وابني قوافي شعْر وآرصّهـا رصّ
انت والله اهلا لها
نص شامخ وراقي
جمال النص ان يكون بهذا المستور من العلو
تقبل مروري
دمت بود

[عبدالرحمن الزهراني]

اقتباس: المشاركة الأصلية كتبت بواسطة ابن فتنان      السلام عليكم ورحمة الله وبركاته قصيدة لم تخضع للتنقيح ولا المراجعة .. ربما يصعب قراءتها على الوزن ولكن قد تساعد الحركات الموضوعة على بعض الاحرف .. القصيدة رهن انتقاداتكم .. [poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"] شفْني شربت ولا تنكّرت للكاس = رغم المصايب للغضب كنت ممتصّ قصة " قضيّة " قرّبت طيّب السّاس = مو من خيالي مير قصة وتنقصّ اجمع بقايا جذعهم واكسر الفاس = والعرق جزّه لو يعارضك بمقصّ ان متّ ترحم لكن ان عشت يا راس = وعد(ن) يمرّ اليوم وتنام مقتصّ[/poem] [align=center]عناد بن سعيد[/align]

صح لسانك يا عناد قصيده وافيه وكافيه

دمت مبدعاً

تحياتي

[العرنين]

صح لسانك وعلا شانك
لك طرح مميز دائما
تقبل مروري بود
.
دمت في خير

[ابن فتنان]

صقر زهران

شكرا لمرورك الكريم ..

اعتزّ بهذه الشهادة عزيزي ..

لك خالص الحب والتحية ..



عناد بن سعيد