زيارة كونداليزا رايس لنسيم في قسم التراث وسواليف الأولين ....

[نسيم السروات]

في أحدى سهراتي أنا والبنات في مجالس نسيم التراثية بقسم التراث كنا نتهرج بسواليف الأولين

وكنت أسألهن عن عضو أسمه سحاب كان معنا يتهرج وفجئة أختفي وما دريت إلا وهو موجود وأخذ كلامي اللي تحت

مع البنات وكتبه بالأنجليزية وهذا ما دار بيني وبين البنات بالهجة العامية وهذه بداية حديثي مع البنات :

7
7
7
7


أشا بنات من فيكم شاف ذاك المغزول اللي أسمه سحاب ولد عتيقه بنت سعيد

يايمه له ميمه ماشفناه لا يكون غدى به الحمبص اللي أكله لأنه كثر فيه أكل كيس بيساني كله

في يوم وليله هو وخوه والولد اللي جا معهم اسمه السرف لكن ذيه اللي أسمه سحاب هو اللي سف الكيس كله

وشكله أنغثه ومرض الشري هيا أحسن عشان نفتك من غثاه كل شويه جاين عنديه خاله نسيم خاله نسيم

أشغلنية جوف عمرية وحتى رواعي الغنم ماخلاهن يرعين غنمهن متريحاتن كل يوم وهو وراهنه

يالله عقليه وداعتك أصحاب العقول في راحة .


هيا باروح أطهر وأصلي العشاء وكمن أجي أسهر معكم بعد الصلاة

الله يستر عليكم
------------------------

فجاء سحاب وشاف كلامي اللي فوق وكتبه بالحروف الأنجليزية كما ترون تحت .


Isha banat, isha banat, min feekom illi shaf dhak almaghzoul illi ismeh Sahab, walad Ateeqa bint Saeed





Ya memmah, lih miyemah ma shifnah. La yekoon ghada beh alhombous illi akalah la'annah kathar feeh. akal kees baisani kollah



Fi youm wa lailah, ho wa akhouh wa alwalad illi ja ma'ahom ismoh alsirf, lakin dhiyah illi ismoh Sahab ho illi seff alkees kollah


wa shaklah anghathah wa miredh alshirri. haya ahsan ashan niftak min ghathah kol shoyyeh jine indeeh: Khalah Naseem, Khalah Naseem
Ashghalnieh joof omreeh wa hetta rawa'ee alghenemma khallahon yer'ain ghanamhom mitriyahat kol youm wa ho warahonneh


Yella aqli wida'atak. As'hab aloqoul fe rahah
Hayyah barouh Ithir wasalli Al-Isha wa kemmen Aji as'her ma'akom ba'ed assalah
Allah yestor alaikom

وقال :

خللي كل العالم يقرون هروجك

--------------------------
فسويت منها سالفة وركبت منها قصة تحتوي على أحداث خيالية كأن كونداليزا رايس قرأت سواليفنا التي كتبها

سحاب بالأنجيزي وأعجبتها السواليف والهروج الزهرانية بالعامية وقررت إلا تزورني في قسم التراث وسواليف

الأولين >>>>>>> مالقيتي إلا هي تزورك


المهم ما أطيل عليكم أقرأوا تحت القصة كما حدث بدون تغيير

وأتحفونا بتعليقاتكم الحلوة وتفاعلكم الجميل حول السالفة .

فحياكم الله



أسمعن يابنات تيه القصة جرت عليه من فعائل سحاب المخذول .

مادريت البارح مع العشاء وإلا باب بيتنا يطقطق قلت ياربيه من يجينا في تيه الحزة

وأفتح الباب ومعي فانوسن أستضيح به وساع فتحت وإلا عليه بذيك القينه السوداء تفلج وصكيت

الباب في وجهها قالت لي بليز بليز بليز أحسبتها تقول أبليس أبليس بغيت أغزل ورحت عند قحمية

وهو راقدن وأنا اصيح وأتنافض أخرعته ضعيفن قال وشفيك قلت له أبليس عند الباب قال هاه

قلت أفلح شي مخلوقن مدري مخلوقه يقول أنه أبليس بسم الله علينا روح المح وراح قحميه وفتح الباب

تدرون يابنات من هي ما تصدقون لو قلته لكن كله من سحاب ترجم كلامي بكل اللغات وحطه كلن يشوفه

طلعت تاك اللي يسمونها الخنفسانه السوداء كندرة بن فائز ورحب بها قحميه ودخلها المجلس وقال رحبي

بضيفتك وسوي لها قهوه وبكره سوي لها عيشن وإلا خبزة مقناة وأنا باغديها على تيس مصري

قلت له منهي تياك المخذوله قال هذه تاك اللي تجي مع بوش حقت أمريكا جت تسلم عليك وتهرج معك

تقول أنها فتحت النت على منتدى زهران وشافت هروجك وأعجبتها وقررت أنها تجي تهرج معك بنفسها .

وفرحت مع أني اكرها كره الويل لكن قلت ماشاء عليه صرت مشهورة حتى في أمريكا والله ورحت وصنعت

لي دلة قهوه وجيت أتهرج معها والله يابنات يوم تتهرج بلهجتنا يالزهارين أنك تقولين ليتها ماتسكت

جبت قهوتيه ومديت لها بفنجال ودار بيني وبينها هذه الهروج :








شكلها تتغصب بها




وبعدما شربت قهوتها قالت ميدي كثر الله خيرك يانسيم يازين قهوتك زيناه تهول

نسيم : حي الله كندره وكيف جيتي وش اللي جابك وكيف عرفتي بيتنا يغطك الله يحد الله بيني وبينك .

كندره : والله يايخته نسيم أني فتحت النت أمسي وقريت لك هروجن تهول وقلت أنا لازم أشوف تيه

المخلوقه أسمها نسيم واتهرج معها بنفسي يازين هروجكم يازهارين أعجبتني جهدا

نسيم : هههههههههه يارعبتيه رعبتاه تتكلم زهراني من علمك تكلمين كمانا زهراني

كندره : الله يخشعك يانسيم لا تترعبين ولا شي انا أقولك شفتي سحاب الزهراني جانا في امريكا وده يتعلم

الأنقليزي قبل مدة من الزمان وبدل ما نعلمه انقليزي قعد يعلمنا زهراني وتعلمت أنا بسرعه هاه وش رأيك فيني

نسيم : أعقب ياسحاب مالقيت إلا كندره تسكن عندها تعلمك أنقليزي .

كندره : نسيم وش تقلين قاعده تكلمين نفسك ماسمعتك ؟؟؟؟

نسيم : لالالا ماشي ماشي لكن قولي ليه من وراك بيتنا ؟؟؟

كندره : جيت السعودية وقلت فين ديرة سحاب ويوم جيت ديرة سحاب قلت فين بيت نسيم ولقيت لي قحمن

يمشي في الركيبه ومعه سارحة غنم قلت دخيلك ياشيبه وانا فداك ورني بيت نسيم قال وش تبغين بها ياشيطان

مدي ليش يقول ميدي ياشيطان معصبن مرة >>>>>>> والله أن الشيطان أحسن منك

نسيم خليك معيه يايختاية لا تسرحين وبعدين شفت جنبه بقرة مربوطة وثور قالوا لي جيرانك اطلعي فوق

هذا اللي تحت سفلن للهوش وبعدين جيت عندك فوق >>>> الله لا يحيك ياقينة أمريكا .

نسيم : هويه يامعلونه تكرهين العرب والمسلمين ماعندك ضمير يالظالمة .

كندره : ماني ظالمة يانسيم انا كنت أجامل بوش الملعون وعدني بالزواج وقال ساعدينه ياكندره على

على العرب وبعدين والله أني لأنكح عليك فوق مرتيه خبيشا ثوران وجلست ضيعت شبابيه أنتظره ينكح عليه

وأثره يتضحك بيه المغزول الله يقطع نصيبه ونصيب من أذراه قليل الودب .



نسيم : وبوش الكلب وين راح ذالحين قصدي بعدما فصلوه من وظيفته وشنهي وظيفته ذالحين ؟؟؟؟

كندره : حليل عينك يانسيم من عاد يوظفه ذاك المجرم أبشرك أهو يرعى الغنم ويحوق الدمن عند أوباما

نسيم : هههههههه والله أنه أقدى فيه بيض الله وجه ذاك الأسود قلي أمين .

كندره : أدعي ليه يانسيم أن الله يبيض وجهي كما دعوتك لأوباما تكفين أدعي لي فديتك .

نسيم : لا والله أما أنتي سود الله وجهك على مابه من سواد ياسويدة الوجه >>> عصبت نسيم

كندره : هويه هويه يانسيم على زوالك وش سويت .

نسيم : وبعد تقولين وش سويت قومي ياسرية تسوين سواتك السوداء في العرب والمسلمين عشان تنكحين

بوش المعفن هيا خلي بوش ينفعك أما ذالحين أفلح وخلاك لبقعا يابقعاء عليك هبت الله أنتي واياه قلي أمين

خري خرك الله والله والله لو ماني زهرانية وبنت أصول لأسريك في ليله مافيها عشاء يامنقوده قطع ذامعك الوجه .








كندره : بدأت تعصب .


نسيم : خافت من ملا مح كندره قالت ياويلي بتقوم عليه ذا الحين وتذبحني عودت تحسن أخلاقها معها


كندره : هدت أعصابها وجلست تفكر وجاءتها فكره :



وطلعت جوالها وسوت نفسها أنها تكلم أمريكا وقالت جهزوا جيش كبير من المرتزقه والعلوج لمحاربة نسيم

السروات لأنها تعدت عليه وقالت لي ياسويدة الوجه .


نسيم : من الخرعة ما قدرت تقوم وصارت تحبي على ركبها الين وصلت عندها وقالت لها والله ماغير أمزح معك


ياكندرة بنت فايز بالله صدقتي أنتي صديقتيه وبكره والله ماعد أفعل التوبه التوبه خلاص .


كندره: خلاص يا أوباما نسيم تعوذت من ابليس وتعذرت منيه لا عاد ترسل أحد .

نسيم : فرشت لكندرة فراشن وقالت لها أرقدي يايخته وبكره وخير ونامت كندره في بيت نسيم


نسيم : قامت مع صبح الله وسوت قهوتها وحليبها وحمت صلاتها وسوت ذيك الخبزة المقناة وحمت سمنها

وجهزت فطورها لضيفتها كندرة فايز .





وجابت لها لحسة عصيدة ( عيش اللبن بالسمن والعسل )





وزهبت خبزتها نسيم وشترتها وحطت معها السمن والعسل والإدامات .


ودعت ضيفتها كندره وقالت لها قومي يايخته فطورك زاهبن حياك الله


كندره : الله يعطيك العافية يانسيم هويه مادعيتينيه أحاوشك يازين ضيعتك زيناه

نسيم : وانتي تعرفين تسوين الخبزة المقناة ياكندرة .

كندره : أفا عليك اسوي الخبزة والعصيدة والمشاريق والمخاويض علمتني عليها أم سحاب يوم جت عند ولدها سحاب

في امريكا .

نسيم: سبحان الله الزهارين إذا راحوا ديره علموا أهلها كل شي .

كندره : كثر الله خيرك يانسيم أني شبعت وتراني بفلح رحلتي في العصر لأمريكا

نسيم : والله ما تغدين لين تأكلين قدرك هويه يايمه وش يقولون عليه الأمريكان إذا ما كلتي قدرك عندي .

كندره : هيا تم تم قولي لقحمك عتيق يعجل بغداه أني مستعجله تأخرت على أوباما .

نسيم : تعالي ياكندرة على بال مايزهب غداك أروح أوريك عليتيه وأفرجك وأكسيك من زي أهل زهران .



تعطري ياكندره ريحتك تنتف الله يهولك عندك عطر حبشوش وأبو حنش وكولونيا وأبو طير وكل شي تعطري وكان

وتعالي خليني أحني ايديك عشان أكسر غبرتها عشان تروحين امريكا بكرة وأنت متحنية وقره .




وتية ملابسيه كلها جديدة أختاري لك واحدن بقوف تلبسينه وأنتي رائحة أمريكا تشخسين به .




وهذه بعض من حلينا وزينتنا تخيري لك منها حاجة في حلقك وفي أيديك تامعك الشريفه .




هيا تعالي نتغدى عتيق جهز الغدى وبعد الغداء تعالي ألبسك وأزينك .


الله يعطيك العافية ياعتيق في ذا الغدى اللي يعقل هيا تعالي سمي وكلي من قدرك ياكندره

الله يحيك على مايسر الله >>>> والله أنك ما تستاهلين يكون لحم خنزير ياخزيره هههههههههه




وبعدما تغدينا أخذت كندره إلى عليتيه ولبستها الثوب المكلف والحزام الفضه وصمدتها بالمنديل الأصفر وحطيت

عليه الشكبه وأعطيتها قلائد ضفار وحجول وخواتم في ايديها وضلت شريفة خلقه هههههههههههه


وحطيت فوق رأسها مظله وهي رائحة للمطار متوجه لأمريكا بزي زهران وقبل ما تروح أخذت لها صورة شوفوها

تحت :




واهي سافرت بتيه الخلقه وخليتها بعد تغطى أخاف عليها من العين


والله يعين على نسوان أمريكا بيشفنها ويتولجننيه كل يوم تجي واحدة تقول أبغى كما كندره .

الله لا يعيد روحتك لأمريكا ياسحاب سحبت لي كندرة والله أعلم من بعد كندره بيزورنا

وهذه قصتيه يابنات مع كندرة بنت فايز ليله البارح وراحت وعساها ماتعود .

وسامحوني طولت عليكم .



وتمسون وتبايتون على خير .

[ملف ضآيع]

[ALIGN=CENTER][TABLETEXT="width:70%;"][CELL="filter:;"][ALIGN=center]

فوق هآم السحب ...

معى اني فغرت عند بعض المصطلحات بس مايمنع
انو نجي قسمك ونسألتس عنها


جدتكم نسيم فوق يا صبايا و يا شبان [/ALIGN][/CELL][/TABLETEXT][/ALIGN]

[الراقية]

ههههههههههه
الله يسعدك يانسيم 00وربي يعطيك العافية كونت بقولك تنزلي الموضوع في الاستراحه من قبل
المهم
انا زعلت عليك لان كندرا يوم جات تزورك ماناديتيني
كان ودي ادافر بها فرصة ماتتعوض اخذ بثار العرب والمسلمين 00بس يلا مره ثانيه اكيد بتزورك لاني سمعت انها يوم وصلت واشنطن جاها دوخة
و سوو لها تحاليل طلعت مدمنه على الخبزة والقشر حقك
وقاعدين ذلحين يهربون لها خبزه وقشر بس ال اف بي اي يراقبونها 00انتبهي يانسيم وخذي حذرك
الضاهر اسمك مسجل في قائمة الانتربول ربي يستر عليك

[شذى الريحان]

ههههههههه برضوا كوندليزا بنت رايس لحقتنا في الاستراحة الله يقطعها
اكلت من خير زهران خبزة ومرقة وكمان حمبصن سم في بطنها حمالة الحطب والله انها

والله صح التصميم اللي اهديتك هو يانسيم نفس صورة غراب البين اقصد بنت فايز ولارايس



نسيم ابغى اقولك شي
بعدين بعدين


مبروك على المسمار والمطرقة
نسيم ياريت تحطي رابط موضوعك اللي هناك فرصة وجااااتك

[الســرف]

يالتني دريت انها عندك

امي تبغى خدامه وتقول مابغى جاويه ويمكن توافق

وخبره في السياسه ومعنا قحم مايبغى له غير السياسه غير كذا ماعنده غير المشعاب

وكنت بلمح في سيقانها اللي يقول عنها شارون انها مغريه


متى قالت برجع يانسيم ؟

اعطيني خبر عشان اجي ماعاد فيني مالحقها امريكا



والله مانتي هيّنه يانسيم صرتي مشهوره

عقبال ماتزورك نانسي وتغني في قسم التراث

اللي بيزور قسم التراث شو بنئلو
شاطر شاطر

[العندليب]

ههههههههه

وأنا أقول وش الرقم الغريب اللي دق عليك

كنت حاس إنها كندليزا رايس بس أنا متعود ما أرد << غثه ..

المهم فرصه سعيده وأنا شايف الرياض هاليومين ورود وحركات
قلت يمكن عشاني جيت من الطايف

أثاريها القينه جايه ..

يالله ..

أهم شئ أختفست من المرقه ..

ليتك هبيتي لها دوا ماعاد تقوم بعده ..

مين قدك يانسيم ..

بسألك .. كيف الزيارة ومن حضر من الصحافه السعوديه

نسيم .. خطيرة ماشاء الله عليك في تأليف القصص ..

يالله عقبال أوباما

ثانكيوا نسيم ..

[نسيم السروات]

اقتباس: المشاركة الأصلية كتبت بواسطة ملف ضآيع      [ALIGN=CENTER][TABLETEXT="width:70%;"][CELL="filter:;"][ALIGN=center] فوق هآم السحب ... معى اني فغرت عند بعض المصطلحات بس مايمنع انو نجي قسمك ونسألتس عنها جدتكم نسيم فوق يا صبايا و يا شبان [/ALIGN][/CELL][/TABLETEXT][/ALIGN]

ألف شكر ياستاذ ملف على التثبيت فوق هام السحب الله يعطيك العافية

وأن شاء الله أنك تلاقي ملفك الضايع .

إلا ماقلت لنا ملفك اللي ضاع أخضر علاقي وإلا كلاسير أسود يمكن أنه مخبأ عندنا بقسم التراث

من بكرة أن شاء الله أقول للبنات يدورون عليه .

وياليت الكلمات التي مافهمتها تكتبها في موضوع الفيصل بقسم التراث وأنا أوضح معانيها باللي أقدر عليه

وتراني شاطرة بكلام أهل القصيم صديقاتي أغلبهن من القصيم وتعلمت منهم كل شي بإمكانك تسوي لي أختبار

مشكور مرة ثانية أخي طارق منور موضوعي وترى كندرة فايز قائلتن لي تبن تزور القصيم في فبراير االلزابلة

تقول تبي تمر صقعي وسكري وتنكتين كليجه الله يكلج رأسها مير السلبة بنت السلب

قلوله مابوه كليجه وزلبواه قطيعه تقطعه >>> هاه كيف حكي أعرف وإلا ما أعرف ترى كل اللهجات عندي

[خادم جدته_B7R.MooT]

تسلمي عالصوره النقشه مره ررائعه

[آمـيرهـ بآح ــساسي]

[ALIGN=CENTER][TABLETEXT="width:70%;"][CELL="filter:;"][ALIGN=center]وي عليك يانسيم ونسيتي اللي بيننا
تجيك كندليزا رايس ولا تعزميني مارح اكل من خبزتك
بس تلمح فيها تحفه نادره تراها ههههههههههه
منورتنا بالاستراحه ياعسل المنتدى،،[/ALIGN][/CELL][/TABLETEXT][/ALIGN]

[يحيى محمد الزهراني]

حياك الله يا كهله نسيم
عز الله انك اخطيتي ليش يوم جتك كندره ما ربطيها مع البقره في السفل عز الله انه حقها ان تكون مع البقره ذيك القينه المنتفه
يمكن تجيك كهلة بلنتون الى جايتك كتفيها انتي وقحمك وغمغموها وانزوها في بئر الحازم ولا من شاف ولا من دري0
وبعدين وش عرفك بعطر ابو حنش هذ العطر راح زمانه من عام 95 وما قبل
لا تقولين عمري من 35 ال 40 انتي كهله تقلعت سنونك انشاء الله قحمك يتزوج عليك
واحد سنافيه ( من غير شر عليك ياعمه نسيم )
تحيات اخوك ابو محمد