رد من واحد مقهووووووووووور مره

[جسد بلا قلب]

رد قوي من الشباب











من جد كلام صحيح



لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الشاهد.


معلومه أفتتح فيها رسالتي:
أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب.

إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي.....
إلى كل إمرأه سعودية تعتقد أنها فاقدة الرومنسية مع زوج سعودي.....
إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....

أختي الفاضله:
إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه:

صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنتي؟
إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟
بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛ هل كنتي جهزتي له إفطاره؟
(ولا كوب قهوه وكيكه على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)

لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟
تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟
بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير)
يبي يدخل الحمام وياخذ دش؛ (كرري السؤال حق دش الصباح).
بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوه قبل الغدا، هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)

بإختصار لكل الأسئله السابقه:
هل كنتي أنثى مع زوجك السعودي وعيشتيه جو زوج وزوجه؟

طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.

إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها.
كم مجوع الدرجات اللتي حصلتي عليها؟
0% ولا 10% ولا 50% ؟

طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع إذا احتجتي مساعدة.

في النهايه: أتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي....

كفايه يكون في العالم العربي كله بس السعوديين محرومين من أنثى.

معلومة أختتم فيها رسالتي:
تعرفون ليه الزوج السعودي يفغر لما يشوف امرأه متبرجه وتطيح سعابيله.
تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه.
تعرفون ليه الزوج السعودي لما يتزوج من سوريه ولا مغربيه ولا...ولا...يحس ان فعلاًَ فيه جنس آخر بالكون غير الذكور.


لأنه في الأصل عايش مع واحد من ربعه.


منقول من الواقع

و ان برأيي انه لو فيه زوجة تسوي ما ذكر اعلاه ما راح زوجها يفكر مجرد تفكير بالزواج عليها

ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط .

من ايميلي

[جمرة غضى]

ههههههههه صراحة شيء اضحكني

هناك في مجتمعاتنا للأسف البالغ ازواجا وزوجات ماكأنهم عايشين مع بعض

يعني كل واحد منهم معتبر البيت فندق يجيه وقت النوم بس

اخوي جسد الرجل مثل ماله متطلبات على المرأة للمرأة كذلك متطلبات على الرجل

فإذا هو مثلا يطالب بإنها تغسل رجليه وتعمل مدري ايش ليش الرجل مايحسسها بقيمة العمل الذي تقوم به

ليش مايعطيها ابتسامه تخليها تقول تكفي ابتسامته لما قمت بهالعمل

لكن اغلب الازواج يجون قرفانين وموطايقين حالهم ولو قالت له الزوجه كلمه هب فيها

وانا ماانكر ان المرأة لابد ان تختار الوقت المناسب للحديث

وتختار الزي الذي تجلس فيه ع زوجها ولابد ان تكون في نظره بأبهى حله

حتى لا يتطلع خارجا ولكن كذلك الزوج لابد ان تراه زوجته في ابهى حلله واحلى اشكاله

مو يكشخ للناس اللي برا ويجيها البيت حاط الشماغ على كتفه والطاقية مايله ومدري ايش

المهم لي عودة لموضوعك لأن فكري حاليا مش ولا بد لكن لي عودة ولي تعليق

تقبل شكري لموضوعك

[ابو عبدالله العمري]

اقتباس: المشاركة الأصلية كتبت بواسطة جمرة غضى      ههههههههه صراحة شيء اضحكني هناك في مجتمعاتنا للأسف البالغ ازواجا وزوجات ماكأنهم عايشين مع بعض يعني كل واحد منهم معتبر البيت فندق يجيه وقت النوم بس اخوي جسد الرجل مثل ماله متطلبات على المرأة للمرأة كذلك متطلبات على الرجل فإذا هو مثلا يطالب بإنها تغسل رجليه وتعمل مدري ايش ليش الرجل مايحسسها بقيمة العمل الذي تقوم به ليش مايعطيها ابتسامه تخليها تقول تكفي ابتسامته لما قمت بهالعمل لكن اغلب الازواج يجون قرفانين وموطايقين حالهم ولو قالت له الزوجه كلمه هب فيها وانا ماانكر ان المرأة لابد ان تختار الوقت المناسب للحديث وتختار الزي الذي تجلس فيه ع زوجها ولابد ان تكون في نظره بأبهى حله حتى لا يتطلع خارجا ولكن كذلك الزوج لابد ان تراه زوجته في ابهى حلله واحلى اشكاله مو يكشخ للناس اللي برا ويجيها البيت حاط الشماغ على كتفه والطاقية مايله ومدري ايش المهم لي عودة لموضوعك لأن فكري حاليا مش ولا بد لكن لي عودة ولي تعليق تقبل شكري لموضوعك

يعني يتكشخ في البيت كيف مافهمت ؟؟؟

[جمرة غضى]

ايوه ليش مايكشخ في البيت لزوجته ؟؟؟؟

مو هو يطالبها تكشخ له وتتصلح وتتعدل عشانه !!!!

يتعدل كمان ويكشخ هو عشانها

عشان تحس انه ماتعدل وماتكشخ الا لها هي

وصدقني لها اثر كبير ماتتصوره على نفسيتها

يعني المرأة تحتاج فقط القليل من اهتمامك

وستكون انت دنياها ومناها وماراح احد يساويك عندها

وبتعمل كل شيء حلو

اذا لقت من يقدر هالعمل اللي تعمله

[جسد بلا قلب]

اقتباس: المشاركة الأصلية كتبت بواسطة جمرة غضى      ايوه ليش مايكشخ في البيت لزوجته ؟؟؟؟ مو هو يطالبها تكشخ له وتتصلح وتتعدل عشانه !!!! يتعدل كمان ويكشخ هو عشانها عشان تحس انه ماتعدل وماتكشخ الا لها هي وصدقني لها اثر كبير ماتتصوره على نفسيتها يعني المرأة تحتاج فقط القليل من اهتمامك وستكون انت دنياها ومناها وماراح احد يساويك عندها وبتعمل كل شيء حلو اذا لقت من يقدر هالعمل اللي تعمله

كلامكـ صحيح مئية بالمئية ..


لكن صدقيني ماتقدر الحرمة تواصل في العطاء تطفش يابويه ..


تقول كل يوم كل يوم ..


لكن سددوا وقاربوا ..

وليكن شعارناً ..

كن معنا لتحويل صحراء الحياة الزوجية للسعوديين جنة خضراء ..هههه

[بنت الباحه]

والله امركم عجيب اخي الكريم \\اقسم لك بالله هناك وحده في مجتمعنا قريبه لي واعرفها اعز المعرفه

تسوي المستحيل لزوجها عشان ترضيه وطلباته اوامر ((اتركنا احنا جيل جديد ومارح اتفلسف عن نفسي ))

شهادتي في نفسي مجروحه

لكن نرجع لمحور حديثنا تدري وش يسوي لها ؟؟؟يجي يحكيها عن مغامراته وزواجاته بالسر ويحاول يقهرها

وتزوج عليها وهي نفس الشي ماتغيرت احنا <<<وانا اول القوم احرشها عليه لكن اذنها ماتسمع

ماتغيرت عليه ياربي تقهرني والله تقهرني

المهم هذا مثل ماهو مقهووور والله في حرم مقهورات وصابرات على الضيم والمظالم

الله يصلح امور شعبنا ... كلام اختنا جمرة غضى في الصميم

اقتباس: ايوه ليش مايكشخ في البيت لزوجته ؟؟؟؟

اقتباس: وليكن شعارناً .. كن معنا لتحويل صحراء الحياة الزوجية للسعوديين جنة خضراء

وليكن ليش مايكون لنا ولكم يكن

[طوق الياسمين]

يبدو أن كاتب المقال يتكلم عن زوجته ويعاني كثير منها .. اعانه الله
مع اني اتوقع ان هالنوعية من الحريم اللي تطالب بحقوقها ولا تنفذ حقوق زوجها قد انقرضوا


شوفوا يامعشر الرجال ..
لكل رجل تجربة قاسية يكون بالمقابل في 40 امرأة تعاني من تجربة قاسية والسبب أن كل واحد فيهم مايعرف وش اللي له ووش اللي عليه
اختلطت عليهم الامور والواجبات ....
صدقني أن صحراء الحياة الزوجية لن تخضر ّ وكل زوج او زوجة يتصف بالانانية ويبغى حقوقه ولا يبغى يقوم بحقوق الطرف الآخر
يعني يجي الزوج يقول سوي لي وافعلي لي بس لا تطالبيني بشي ابد إن اكرمتك فاشكريني وأن اهنتك اصبري لانك امرأة لا قامت ولا قعدت !!
الله يعين الرجال اللي عقليتهم كذا على انفسهم .. هذولا بيعانون كثير في حياتهم ..
لأنهم لو تزوجوا بنات ناس متربيات وعارفين حقوق الزوج ماراح يتوفقون فإما مشاكل مدى الحياة او طلاق
فماله الا حلين :
1- يتزوج وحده اشبه بـ "البقرة" يسرحها ويروحها على كيفه .. ومنطمه على شحمه طول السنين وماتطالب بحقوقها
وبما انها "بقرة" فالوكاد انه متوهق فيها لأنها ماتعرف للرومانسية والاتيكيت ولا راح تكرمه لا هو ولا اهله ولا ضيفه
2- ان يجيه يقين لا يعترف به الا داخل نفسه ولا يصارح به احد .. انه انسان عديم المسؤلية ولا ينفع للزواج .. وتاليته للحرام وهذا كفوه .. تعارف وعلاقات تليق بمقامه القذر




اما الرومانسية يالسعوديين ..
مع احترامي لكل سعودي .. ولكن بعضهم
* يبغى زوجته تبوسه وفمه مروح مايعرف شي اسمه فرشه ومعجون حتى المسواك اللي اربع اعواد بريال مايشتريه
* يبغاها تفرك ارجوله وتسوي له مساج وريحة ارجوله تنتف من الشراريب اللي يشخص بها تحت الجزمة قدام اصحابه "زين الخلاخل والبلا من داخل"
* يبغاها تجهز له الحمام وتعبي البانيو بالرغاوي وبتلات الورد ويجي يقول لها تحطيما لمجهودها "وش ذيه ؟ وش معك غزلتي ؟ انا مهلا باصب الما من فوق جلدي اليـّن به قلحي واخرج وانتي كفحتي موية الخزان كلها هنيه ، والورد ذيه لاكان بدل ماشريتي وردن بعشر ريال اشتريتي بها قشطه اذيتينا بالحلى كل يوم >>> يبغى حلى بس مايبغى يشتري قشطه !!
* لا استقبلته وهو جاي من العمل تسلم فوق راسه قال حيلي عني كذيه بغدي ارقد وسكتي ورعانك وكان ، خليني اغفى لين يقر غداك .
* يطالبها انها تكوي غترته عشان يشخص تالي الليل وتقعد تفرك فوق العمامه ساعتين كلها خيوط منتشه مره تنشب عليه في عروة الباب ومره في ساعته .. ويقول معيني اغيرها بتسدني لين اموت .. وهو داس له غترة محترمة داخل الدولاب مدري وش علمها ؟!
* تروح هي تتزين له وتلبس فستان بيت وشوية عطر وتتفاجأ به قاعد بفنيلة وسروال السنة فوق الكنب .. حتى العطر مافيه من قام يترشش به ولو تعطره هي نفخ فيها يقول مايعجبني ذيه العطر ، وهو بس يلقط وجهه بعد الفشيله


هذي حكاوينا يالحريم في المجالس .. ترى الحريم ملوا من ذا الحركات .. ارحمونااااا
تعطروا وتكشخوا وفرشوا اسنانكم واستخدموا ريكسونا خلونا نعيش مثل باقي الحريم العربيات

[ابو عبدالله العمري]

اقتباس: المشاركة الأصلية كتبت بواسطة طوق الياسمين      * تروح هي تتزين له وتلبس فستان بيت وشوية عطر وتتفاجأ به قاعد بفنيلة وسروال السنة فوق الكنب .. حتى العطر مافيه من قام يترشش به ولو تعطره هي نفخ فيها يقول مايعجبني ذيه العطر ، وهو بس يلقط وجهه بعد الفشيله تعطروا وتكشخوا وفرشوا اسنانكم واستخدموا ريكسونا خلونا نعيش مثل باقي الحريم العربيات

المعروف ان المرأة هي اللي تتزين لزوجها وليس العكس,,,ومع هذا فإن الرجل يجب ان يكون نظيفا ومتهندما وريحة العطور تفوح منه ..

الى هذه الدرجة معاناة النساء تكمن في عدم تزين الزوج لزوجته واهمالالنظافة الشخصية ,,,

لاتزينوا الشباب قالوا وش هالنعومة والدلع واذا جلس زيه زي غيره قالوا مانت نظيف وريحتك وحشه,,,

وبعدين اي حريم عربيات ,,,نص النساء العربيات يتمنين انهن يتزوجون سعودي,,,,لكن البلى في عقولكن ماتبون الا رومنسية فاضية ليس لها معنى...,,,والتلفزيونات هي السبب الرئيسي في تجييش النساء ....

[طوق الياسمين]

اقتباس: المشاركة الأصلية كتبت بواسطة جامعي عاطل      المعروف ان المرأة هي اللي تتزين لزوجها وليس العكس,,,ومع هذا فإن الرجل يجب ان يكون نظيفا ومتهندما وريحة العطور تفوح منه ..

الزينة واجبة بين الزوجين ومافي فرق بين الجنسين
اجل تتعطر هي وهو ريحة خايسه واصلة آخر الصالة ؟!
وين العدل

اقتباس: المشاركة الأصلية كتبت بواسطة جامعي عاطل      الى هذه الدرجة معاناة النساء تكمن في عدم تزين الزوج لزوجته واهمالالنظافة الشخصية ,,,

النظافة الشخصية مهمة بين الزوجين .. وبعدين حتى لو طلع برى البيت واحد شاف ثيابه رثه ومو بيضا ولا مكوية
او احد شم فيه ريحه خايسه
بيقولون الله لا يعطي زوجته العافية اللي ماهتمت فيه .. لان معروف عن السعوديات الاهتمام بالزوج وهندامه .

اقتباس: المشاركة الأصلية كتبت بواسطة جامعي عاطل      لاتزينوا الشباب قالوا وش هالنعومة والدلع واذا جلس زيه زي غيره قالوا مانت نظيف وريحتك وحشه,,,

لا عاد ياخوي جامعي
في فرق .. الحين الرجال اللي يلبس مع زوجته نفس بنطلوناتها الضيقه وتي شرتاتها الانثوية ويحط بيده اليمين ربطه ملونه
واليسار سوارة مزركشة وبالخنصر خاتم وردي ويحط شوية ميك آب وملمع شفايف وفوق راسه بندانه
بالله هذا وش الفرق بينه وبين اخته ؟!
انا قلت النظافة الشخصية والعطر واللبس الزين ومافي مانع ان الواحد يستخدم الكريمات المنعمه لخشونة الركب وتقشر الكعوب
عشان مايصير مفرش السرير من جهته تقول تهاوشت عليه البسس

اقتباس: المشاركة الأصلية كتبت بواسطة جامعي عاطل      وبعدين اي حريم عربيات ,,,نص النساء العربيات يتمنين انهن يتزوجون سعودي,,,,لكن البلى في عقولكن ماتبون الا رومنسية فاضية ليس لها معنى...,,,والتلفزيونات هي السبب الرئيسي في تجييش النساء ....

هع
تدري ليه العربيات يبغون زوج سعودي .. لأن الاعلام والمسلسلات السعودية ظللتهم يحسبون كل سعودي غني خخخ
يعني يبغونه عشان جيبه اوكي
لكن يبدو أنك ماتدري أن العرب عامة والخليج خاصة يتمنون الزواج بسعودية لأنها الاجمل والانقى والاكثر اهتمام بنفسها وبيتها وزوجها


احنا مانبحث عن رومانسية .. اذا الله ابتلى الزوجه برجل مايعرف لها فمالها الا الصبر حتى يعوضها في الجنة باحسن منه
لكن لا جا الزوج يطالب بالرومانسية عليه اولا تفقد حاله
والتلفزيونات .. ابشرك ما اتابعها ابدا ابدا ً .. هذا الكلام من راسي .........

[شذى الريحان]

انا هذي المواضيع اللي تخليني ابرم حولين نفسي واصفق الخمس بالخمسة

تخلي فوران الدم عندي يوصل لدرجة الانصهار والحمم

كم مرة اتكلمنا كم مرة

والله الوحدة اول ماياخذها البعل تكون وردة رويانة وعنده تصير وردة ذبلانة

شوف اللي تحت


&&
شخصيات من الرجال

إذا دار الحوار بين مجموعة من الزوجات حول أزواجهن كما دار بين الأحد عشره امرأة والتي كانت تستمع إليهن السيدة عائشة في حديث أم زرع المشهور فماذا تقول نساء اليوم عن أزواجهن؟!
استمع ألان وابحث عن نفسك..

قالت الأولى:
زوجي قبر لاينطق لا يناقش ولا يحاور أكثر إجابته هز الرأس ولا يدري من اللغة إلا نعم أو لا تعليقه على قمة ثورتي ابتسامه أو بتصرف.

قالت الثانية:
زوجي واحد لا يرى إلا نفسه عقله يزن العالم أفكاره لا رجعة فيها لا ننطق أمامه حتى برد السلام.

قالت الثالثة:
زوجي كل يوم في حاله يدرس الأمر إلف مره ولا يتخذ قرار بالمرة يسال يستفسر يتحاور ثم يطلب من غيرة الرأي.

قالت الرابعة:
زوجي يقود سفينتنا لا يدري العوم اجمع ملابسه من أركان البيت أوراقه في كل مكان كل ما يعرفه في هذه الدنيا موعد ماتش وصوت الدش.

قالت الخامسة:
زوجي أستاذ نقف إمامه صفا صفا إذا جاء لا نتحدث إلا بإذن وينقد كل الآراء ولولا منع الضرب للتلاميذ لكان عقاب تأخير موعد الغداء عشر عصي.

قالت السادسة:
زوجي عصبي هكذا يقول تتطاير منه الكلمات والأشياء كم مرة طلق في إغلاق كم مرة استعمل يده وأطاح بساق زوجي لا يطاق.

قالت السابعة:
زوجي دخوله سلام وخروجه ابتسام لا ينام حتى أنام اشعر معه بالأمان.

قالت الثامنة:
زوجي يرضيني إن اغضب يهديني وان احزن يواسيني وان يغضب يكظم وان يألم يكتم متسامح أحبه.

قالت التاسعة:
زوجي يلتمس الأعذار يقدم إلف إنذار صبره صرح لا ينهار احذر حلمه قبل الغضب وعند اللوم عالي الأدب.

قالت العاشرة:
زوجي قوام قائد راع ومسؤول عن بيته ينفق ويدبر عيشتنا وبرفق يطلب حقه يعطي الدرجة ولا يأخذ وكذلك بالمعروف سمته.


هذي روعة يسلم فمك ياشيخة [/COLOR]

قلت الحادية عشرة:
أصابعه مرق وابطه عرق وثيابه خرق إن تكلم زعق وان صمت انغلق وان نادي نعق وان تعشى شرق وان تمشى انزلق وان تمطى أنفتق وان تغطى أنخنق وان تبخر احترق وان تثاءب شهق وان عطس بزق.

نسيت اقول انه النموذج الحادي عشر هم الاغلبية

عزيزي كل زوج
ابحث عن نفسك بين هذه النماذج واختر لنفسك الحديث الذي تتحدث به زوجتك عنك.[/SIZE]