••• قناة الجزيره • وفيصل القاسم •••

[ابو عازب العدواني]

بدع ورد من الشاعر الشاب الخلوق ابراهيم الشيخي والشاعر الدكتور عبد الواحد بن سعود
اترككم مع هذا الابداع الشعري


€€€ قناة الجزيرة €€€

البدع من الشاعر ابراهيم الشيخى

سامح الله فيصل القاسم ولو كان السماح مر
والقناة اللي رمت بالشرق الاوسط تحت عين المجهر
ماتشوف الاعيوب الناس ماتنقد عيوبها
زمرة التطبيل للي مرخص(ن)ماله معا شيك له
كل يوم تظهر اخباره معا صوته وصورته
الدراهم عند فيصل وان له عند المزاد اعوانا
ادفع اكثر تكسب اكثر لامزاد الا مزادنا
كلها تصوير للاستديو اللي غثنا فيصل به
ماتعدى كونها كلمة على كرسي وطاوله
ثم تحليل الحدث حسب الميول وحسب راي الباشه
ذاك مخطي ذا مصيب وذاك لامخطي ولامصيب
وانت يالمتلقي المسكين بين البين كذب صدق
ان رضيت على شحم وانما رضيت عساك مارضيت
الدليل على عروبة فيصل انه مشتري الجنسية
الدليل على نزاهة فيصل انه ماهو مرتشي
اما قل هذا منافق واجب انا نردعه وندينه
والا طبّل مثل تطبيله وحط ايدك معا يده


الرد من شاعر الجنوب عبدالواحد

ياما سامرت النجوم اللي على وجه السما حمر
مره انظر للسديم ومره المح للشعاع المجهر
والقمر فنجال بن وتمرة تنقدعيو بها
من يعلمني مصيري وين واصرف له معاشي كله
في زمان ماعرفنا الفرق بين اصله وصورته
الحياء شعبه من الايمان وحنا في المزا دعوانا
عش كثير وشف كثير اليوم يقولن المزا دنا
من لاعنده ظهر يحمي دون بطنه ينطعن في صلبه
وقليل الحظ شعبه راخيه كل يطاوله
الذي قلنا له انفعنا تجينا فتنته والباشه
والجمايل هينه والبعض فيها مالهم نصيب
سبح وهلل وكبر كل يوم وصم وصل وصدق
هي غناك اذا افتقرت وهي شفاك ان كان مارضيت
مايجيلك من شياطين البشر والا من الجن سية
اما لو كبيتها تعمر وكنك ماعمرت شي
اللي يالله يعتبرنا ناس كيف نسلفه وندينه
بعضهم حتى نهار العيد يبخل بالمعايده


مع تحيات اخوكم ... ابو عازب

[بن حكمان]

شعراء عمالقة ونجوم ومبدعين وسفراء شعر

تسلم على الطرح