منتديات زهران  

العودة   منتديات زهران > المنتديات التقنية والرياضية > الإستراحة

الكلمه العاميه .... ومعناها


الإستراحة

إضافة ردإنشاء موضوع جديد
 
أدوات الموضوع
  #1  
قديم 29-10-2008, 06:44 PM
اتحادي صميم اتحادي صميم غير متواجد حالياً
 






اتحادي صميم is on a distinguished road
افتراضي الكلمه العاميه .... ومعناها

كلمات عامية ..ومعانيها..

الدلخ :

وهذاا إنسان غبي جداااا.ويرفع الضغط ....وينرفز ....
واكثر من يعااني منه المدرسين ....واهله.

المنسم :
ذلك راجع إلى تهريب الهواء من رأسه و السبب
في ذلك هو أن في رأسه فتق لذلك تلقاه دايم يغطس رأسه
في سطل موية عشان يعرف من وين التنسيم .

المهوي :
هو مرحلة متأخرة من التنسيم و المهوي وصل لمرحلة متأخرة جدا
بحيث يفقد أهله الرجاء منه ...

الشخر المخر أو أبو مشخر ! :
من نفس فصيلة المنسم !

السلنتح :
قليل الأدب

جحلط ( بتشديد اللام ) :
وهم مرحلة متقدمة للسلنتح

مزّلب :
يعني بايعها بتراب !

مسفّح :
يعني طاير في العجّة وهو ما عنده ما عندي جدتي
يعني بالعربي الفصيح من جنب العارضة


الستيمة :
وهو الشخص اللي ماعنده ماعند جدة جدتي ...!!...
ويصدق أي شيء يقال له

المسبة :
هو الشخص اللي يكون مروع في صغره لدرجة أنه يصبح شبه فاقد للعقل ...

الفاهي :
هذا الله يخلف مهما تقول له أو تصارخ عليه تلقاه فاتح فمه و بس
و إذا كلف عمره و تفاعل معك رد عليك و قالك : هااه ...


الحقنة :
هو الشخص الغثيث اللي ما يفكك لين تعطيه اللي يبيه منك
و مهما تسوي له عشان تصرفه عن الموضوع حقه ينشب في حلقك
لين يأخذ منك اللي يبيه , وهذا يفسر قول العرب : أغث من حقنة !!....

العلة :
هذا اللي ما تأخذ أنت منه أي شيء و لا عنده استعداد
انه يسمع منك مهما حاولت وهو كالمرض يعلك لين تنفقع مرارتك منه......

العربجي :
يظن معظم الناس أن العربجي هو الشخص الشديد
حق المشاكل و اللي ما يمشي إلا وهو مشخص ببنت البكار
( أسم لطريقة لبس الشماغ عند العرابجة )
و حاط مفاتيحه في سلسلة و لا بس نعال سجاديه و يسحبها تسحيب
لين جاء يمشي و دايم فاتح صدره و راسه على فوق
و كانك ولد أبوك قله شيء بس .

المرجوج :
هذا ما عمره صلح شيء صح في حياته ما يمديك تفتح فمك
إلا و طار في العجة بدون ما يفهم وش السالفة
و الارتجاج الحاصل له يختلف تماما عن مشكلة المسبة أو المسبوة
حيث يكون الارتجاج هنا نتيجة صدمة و ليس نتيجة روعة .

المطفوق :
من فصيلة المرجوج ...
إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،،

ولا تخليه يمر بجنبك وانت معك صينية فيها بيالات لأنه لازم يطقها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

السربوت :
هذا اللي ما يخلي مكان ما يروح له
و قد كان الأولين يطلقون لقب السربوت على من يشرب الدخان
لكن الحين الله يخلف الناس تدخن بيديها و رجليها و لحد يقول لهم شيء.

السمرمدي :
وهو من نفس فصيلة السربوت.

الداشر :
هذا قليل الأدب و لا يحب يماشي إلا السرابيت
و إذا قيل فلان دشر فلان أي خرب أخلاقه لكن في الأردن
الشقيق كلمه دشره تعني أتركه..

الملكع :
أما هذا فيعرف حتى السكني (اي الجن )
و مقطع السمكة و ذيلها و مهما تحاول تلف و تدور معه تراه
فاهم و عارف وش تبي بالضبط فلا تتعب نفسك .

المصرقع :
هو كل شخص ما يهمه شيء و اللي يطري على باله بيسويه
لأنه ماخذ الدعوة سعة صدر و هبال ...

المفلت :
هو كل شخص ما تقدر أنك تأمنه على شيء
لأنه مهوب تكانة و يتميز بكل أنواع الإهمال و التطنيش....

اللزقه:
هذا الشخص اللي على طول معك وقدامك ووراك وكل شي
وتطلع مع الباب تلقاه تركب في السياره تلقاه يطق القزازه وهاكذا.

الصديع :
اي كلمه في راسه يطلعها ولا يتنبا بأفعاله سواء كانت صح ام خطا .

الجنط :

من فصيلت الدلخ.

المريوح:
هذا اللي نفسه شينه .

الزااااااحف.
.إنسان آخذها عرض مبسوط ويبسط من حوله سريع البديهه ولايفوته شئ..

والخرس..
من نوع الكمخه والفاهي يقول إيه ايه وهو مايدري وش السالفه..

الطبله.
.باااااااااارد من كثرة الغباء..

الأرفل..
من نوع المطفوق يعني لاتقرب له ولاتخليه يقرب لشئ وخصوصا الاعمال الدقيقه لأنه ماينفع فيها..

المسلس..
هذا المصكه واللي ماتدري وش وراه تشوفه تقول أتلى الأجاويد وهو وراه بلاوي..

الرجه..
مصرقع مايجي بمكان الا ويرجه بصوته على غير سنع..

المسكت.
.هذا اللي مابعده مسكت بتشديد الكاف..

المخفه.
.هذا كلمه توديه وكلمه تجيبه..

اللوح.

.يعاند على غير سنع..

الكرتون.
.تحسه غبي على السليقه لاتكلمت معه تقول من وين جاي هذا.
.

الشراره..
هذا مايجي بمكان الا والمصايب وراه يتسبب على من حوله بالقرادات..

المقرود..
كل شئ متسلط ضده يعني مقرود حظ

الأصلي.
.هذا من نوع المسكت..

المنتهي..
مابعد النهايه شئ بايع كل شئ لو تقوله أي شئ ماقال لا..

القاضي.
.حول المنتهي ماهو بعيد عنه يعني تقول من عيال عمه..

الخالص..
حول الدعوى ولد خالهم..

المولي..
هذا يقرب لهم بس من بعيد شوي..

المدحدر..
هذا من عيال جيرانهم حاول يحتك بهم طردوه

المطنوخ..
هذا تحطه على يمناك يعني تعتمد عليه..

الإكه..( الاووكه)
هذا اللي تصرفاته صح ويعلمك وش تسوي لاتوهقت بشئ..

الداج..
داج وش معناها يعني ؟؟ داج بالمال والتفكير يعني الله يخلف..

القفل..
هذا اللي مافيه امل يفهم لو تقعد تشرح له من هنا للسنه الجايه..

الطرمبة
من فصيلة الدلوخ

الفدغ أو الافدغ ......
من يحاول يستخف دمه ويبيك تضحك غصباً عنك
واذا ما ضحكت من بلاهته يضحك هو الين تحس ان الشي اللي سواه من اجد مضحك


التنكة ..
وهذا اللي مايرد على موضوعي خخخخخخخخخخخخخخ <<<<<<<<< استهبل
رد مع اقتباس
قديم 29-10-2008, 07:57 PM   #2
أميرة شحية
 
الصورة الرمزية أميرة شحية
 







 
أميرة شحية is on a distinguished road
افتراضي رد: الكلمه العاميه .... ومعناها



يووووووه ياإني استفدت إستفاده من هالموضوع مصطلحات قممممه في الأهميه

بس عا د هذي عجبتني مرررررررره

اللوح :

يعاند على غير سنع..


ذكرتني بناس الله يستر عليهم


اتحادي صميم

تراي اثبت اني ماني تنكه

ثاااانكس اوي على هالمعلومات المثيره

ـــــــــــــــــــــــــــــــــــــ
التوقيع
أخر مواضيعي
أميرة شحية غير متواجد حالياً   رد مع اقتباس
قديم 29-10-2008, 08:21 PM   #3
اتحادي صميم
 







 
اتحادي صميم is on a distinguished road
افتراضي رد: الكلمه العاميه .... ومعناها

ثاااانكس على المرور

يا اماراتيه شحيه
اتحادي صميم غير متواجد حالياً   رد مع اقتباس
قديم 29-10-2008, 08:57 PM   #4
ذكرى المفارق
 
الصورة الرمزية ذكرى المفارق
 







 
ذكرى المفارق is on a distinguished road
افتراضي رد: الكلمه العاميه .... ومعناها

هههههههههههههه
الطبله.
.باااااااااارد من كثرة الغباء

يعطيك العافيه

ـــــــــــــــــــــــــــــــــــــ
التوقيع
...
أخر مواضيعي
ذكرى المفارق غير متواجد حالياً   رد مع اقتباس
قديم 29-10-2008, 09:36 PM   #5
مـ ـخـ ـربـ ـهـ ـآ
موقوف
 







 
مـ ـخـ ـربـ ـهـ ـآ is on a distinguished road
افتراضي رد: الكلمه العاميه .... ومعناها

مزّلب :
يعني بايعها بتراب !


والله انت لو تنباع بعتك
مـ ـخـ ـربـ ـهـ ـآ غير متواجد حالياً   رد مع اقتباس
قديم 29-10-2008, 09:44 PM   #6
روحــ طفلــة
 
الصورة الرمزية روحــ طفلــة
 







 
روحــ طفلــة is on a distinguished road
افتراضي رد: الكلمه العاميه .... ومعناها

ههههههههههههههههههههههههههههههههه
ومـنـكـم نـسـتـفـيـد
كـثـيـر اسـمـ ع ـهـآ ولا آعـرف مـ ع ـنـهـآ ...


يـسـلـمـوووووووووووووووووووووو

ـــــــــــــــــــــــــــــــــــــ
التوقيع
أخر مواضيعي
روحــ طفلــة غير متواجد حالياً   رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه للموضوع : الكلمه العاميه .... ومعناها
الموضوع كاتب الموضوع المنتدى مشاركات آخر مشاركة
كلمة ومعناها في الماضي والحاضر جبل منور المنتدى العام 12 02-05-2008 10:51 PM
دعونا نبحر مع الكلمه درع الغربيه المنتدى الأدبي 11 27-09-2007 10:24 PM


الساعة الآن 08:51 AM.


Powered by vBulletin
Copyright ©2000 - 2024, Jelsoft Enterprises Ltd.
جميع ما يطرح في المنتديات من مواضيع وردود تعبر عن رأي كاتبها ولا تعبر بالضرورة عن رأي الإدارة
Copyright © 2006-2016 Zahran.org - All rights reserved