طريقة عمل كيكة الخشب بالصور

[الأميرة]

اقتباس: المشاركة الأصلية كتبت بواسطة بنت شيوخ      السلام عليكم ورحمة الله وبركاته المقادير كأس طحين كأس سكر نصف كأس زيت أربع بيضات ملعقه بيكنج باودر ملعقه دارسين مطحون.. علبة حليب سائل نبدأ بطريقة العمل.. (1) نخلط السوائل مع بعض اللي هم الحليب السائل والبض والزيت (2) نحط النواشف اللي هم السكر والطحين والدارسين وآخر شيء البكينج باودر.. **هنا حطينا الطحين** ** هنا نحط الدارسين** ** هنا نحط البيكنج وهذا آخر شيء** (3) نجيب الصينيه أو الحله اللي بنحط فيها الخليط وندهنه بشوية زيت >>> شوي بس!! (4) ناخذ ملعقه وحده كبيره أو وحده ونص على حسب حجم الصينيه ونحطه .. شوفوا نوزعه زين..بس موتحطون الخليط كله.. (5) ندخلها الفرن ونوقف لأنها بسرعه بتتحمر .. نشغل عليها من فوق بس!! لما نطلعها نصب عليها نفس المقدار اللي حطيناه بالمره الأولى.. ولا تخلصون الخليط كله.. الكيكه طبقات.. طبعاً أنا سويت حوالي خمس طبقات .. يعني تستوي الطبقه الثانيه طلعوها وحطوا بعدها لما يخلص الخليط.. بكذا خلصت الكيكه عندي. الكيكه فوقها توفي والتوفي عباره عن: كوب سكر .. علبة قشطه.. وطريقتها نذوب السكر أول شيء على نار هادئه.. بعدها نحط القشطه التوفي استوى نصبه على الكيكه.. ندخلها الثلاجه تتماسك شوي.. وبعد مانطلعها نقطعها.. وهذا شكل الكيكه النهائي وبالهنا والعافيه..

يم يم يم يم السعابيل طلعت والله الشكل يجنن ان شالله نسويها وبعدها باعطيك رايي صدق
مشكورة ويعطيك العافية على هي الكيكة

[هايدي]

جربتها وطلعت روعه
تسلم يدك بنوته

[بنت شيوخ]

اشكر حضوركم

وتواجدكم الرائع

احترامي للجميع