|
|
|
|
|
 |
 |
 |
16-01-2013, 03:23 AM
|
#21 | ||||||||||||
|
عضو اداري
كبار الشخصيات 
 |
رد: مسلسل قسم الشقائق * لايفوتكم *
 انا قلت تابعوا حلقة حلقة مو تقرأ القصة كلها في وقت واحد  تبغى تستمتع بالقصة اقرا كل يوم صفحة وجنبك كوووب شاهي منعنع هههههههههه انت قد كلمتك  تابع للنهاية وشووف |
||||||||||||
|
|
 |
 |
 |
|
|
|
|
|
16-01-2013, 03:49 AM
|
#22 |
|
عضو اداري
كبار الشخصيات
|
رد: مسلسل قسم الشقائق * لايفوتكم *
عووودة
 كثيرا ما كنت أسمع عن الوقوع بين شقي الرحى دون ان أحس ذلك المعنى اليوم أحس أننى محاصر ومسحوق بين الرحى حتى النخاع ، بدأت احس بتانيب الضمير فأنا بين ( امرأتين ) كلتاهما مُرُ ، فشهرزاد الجميلة الواعدة بالليالي الحالمة  وزوجتى العازفة عن إرواء أرضي العطشى لقطرات التفاهم والحب والحنان  لا زالت أقدم رجلا و أؤخر أخرى حول التنازل عن الفكرة ، فالفكرة نفسها قد أصبحت جنونا مطبقا عندما أحكم عقلي فيها ، ولكن التخلي عنها أيضا يعني إطفاء شعاع الأمل فى حياة جديدة وسعادة منتظرة كانت كل تلك الافكار تتقاذفنى عندما رن الموبايل ومعه دق قلبي بعنف عندما ظهر إسم أحمد أبو ليطه على الشاشه من هو أحمد أبو ليطه هذا ؟ .................... .................... .................... .................... ....................  ..... شهرزاد بالطبع !!! فقد علمتني السنون أن زوجتي تراقب الموبايل مراقبة شديدة وتتفحص الأسماء والمكالمات الصادرة والواردة بدقة يحسدها عليها كبار أعضاء السي أي إيه ويقف أعضاء الاف بى أى أمامها عاجزين مشدوهين ، لذا أخترعت هذا الإسم فلن يدور بخلدها أبدا أن ( أبا ليطه ) حسناء تتقاذفنى يمينا ويسارا ضغطت على أعصابي بشدة كي أدع الموبايل يرن ثلاث مرات حتى لا تعتقد أنني رهن إشارتها ثم أجبت بصوت هامس مرتعش رغم شدة حرصي على أن يبدو قويا متماسكا قائلا ....... أهلا دكتورة جاء الصوت الرخيم المدغدغ ....... أهلا بيك ، فينك ؟ يعني ما أتصلتش ما هذا ؟ إن لهذا الاتصال مغزى لا يخفى على أريب مثلي ، لابد أنها تراني فرصة تخاف أن تفلت منها  قلت ومؤشر نفسيتى يتصاعد ..... والله كنت مشغول شوية قالت وضحكة ناعمة تتغلغل فى اذني وجسدي  ...... وإيه إحنا مش على البال سرعان ما تخليت عن حذري – وقلت ...... معقول دا إنتي قبل الكل ...... لا مش باين ، يعنى ما عرفتش حتعمل إيه فى موضوع التحاليل ...... تحاليل إيه بس ، سيبك علشان خاطري من حكاية التحاليل دي ، التحاليل دي يعملوها العيال بتوع اليومين دول اللى شعرهم لنص ضهرهم بتوع الحشيش ! قالت طيب بلاش من حكاية التحليل لكن عايزين نقعد نتكلم فى التفاصيل ...... انا تحت أمرك ..... خلاص ممكن تزورنا بكرة وتتكلم مع ماما وخالي ..... أنا أتكلم مع ماما وخالو وعمو وشيخ القبيلة كمان ..... هئ هئ هئ شيخ القبيلة هئ هئ هئ طيب يا سي عنتر ممكن تيجي على الساعه 7 ..... وهو كذلك ..... طيب باي وهو كذلك ..... طيب باي ..... باي آآآآآآآآه باي باي يا حياتى الرتيبة المملة ....... مرحبا شهرزادي الرائعة ' ما شاء الله ما أروع هذا النشاط الذى يدب فى أوصالي ، كيف أرى كل شيئ حولي جميلا زاهيا ملونا رغم أنني كنت لا أطيقه قبل دقائق فهذه زوجتي تزعق بشدة سائلة ( مين اللي إتنيل دلق عصير برتقان فى الثلاجه ، إنتم حتموتونييييييييييييييييييييييي) ما أروع هذا العزف الملائكي ، أكاد أحلق قرب النجفة حتى أصل إليها واتناول يدها لأطبع عليها قبلة ورائحة السمك الملتصقة بها تنعش صدري لأقول ( الله الله قوليها تاني حتموتونييييييييي ياسلام ما أجمل اللحن و أروع الصوت ) إبني الصغير يجذب شعر أخته بشدة فتصفعه بينما يركلها فى بطنها ويبكيان بحرقة فابتسم و أقول لنفسى ( يا سلام فعلا أحباب الله ) طلبت مني زوجتي أن أحضر خبزا لأنها نسيت أن تطلبه مني عندما كنت اشتري لها ربع الجبن الابيض منذ ساعة تقبلت الأمر و الابتسامة تغمر وجهي وقلت ( من عنيا يا حبيبتي مش عايزة أى حاجة تاني ) هبطت السلم مسرعا وخرجت من باب العمارة كانت الأمطار قد توقفت للتو والشارع مليئ بالمياه أمام العمارة مرت سيارة مسرعة فغمرت المياة المتطايرة جسدي و أخرج شاب راسه من السيارة الهاربة وزعق ( ما تحاسب يا إبن ........ )  تابعت السيارة بعيون حالمة يتقاطر من رموشها الماء و أنا اقول ( معلش ما أخذتش بالي ربنا يستر طريقكم يا اولاد )  كل شئ رائع .... كل شئ جميل ..... كل شئ يبعث فى داخلي السعادة بكل معانيها فى اليوم التالي كان على أن أستعد للقاء الغد مع خال شهرزاد فى بيتهم ، استاذنت من العمل ومررت بالمحل الذى أشتريت منه الملابس التى كلفتني نصف راتبي وابتعت بدلة وقميصا وربطة عنق ( لا يمكن أن تراني شهرزاد بنفس الملابس ولا يمكن أن ارتدي بدلة قديمة ) ( يانهار إسود ) كانت تلك الكلمة الطيبة المرحبة هي ما أستقبلتني به زوجتي عندما وقعت عينيها على الشنطة الخاصة بالبدلة وأكملت ...... إنت جبت بدلة تانية !!!!!!!!! كنت قد أعددت عدتي للموضوع بكذبة تخدم جميع الأغراض فقلت ...... تعالي يا حبيبتى أنا عندي ليكي خبر جميل  ..... خبر إيه ...... اصل الراجل بتاع أمريكى حيشغلني معاه يومين فى الأسبوع ( هنيالك يا شهرزاد مرتين فى الاسبوع ) ...... طيب وشغلك ..... لا دي فترة مسائية من 8 الى 12 ..... نعم !!!!! 12 فى حد بيشتغل الساعة 12 ..... أيوه اصل الشغل فى أمريكا وانتي عارفة فرق التوقيت أنا حدخل بالكمبيوتر على النظام هناك فى شركته ...... وده حيكون أنهي ايام ...... الخميس اساسي واي يوم تاني ...... طيب وحيديك كام ( اسقط فى يدي فلم أحسب حساب هذه النقطة ولكن لا مجال للتراجع الآن ) ...... لسه ما أتفقناش ..... والله كويس بس إنت كده حتتعب عشنا اوي ...... معلش أهو كله عاشنكم قالتلي بصوت حنون نسيته منذ زمن ربنا يخليك لينا ويقويك إنت طول عمرك بتتعب علشان الأولاد  ماهذا ؟ ماهذه اللحظة ؟ وماهذا الشعور الآن ؟ لماذا أحس نقطة حزن شفيف تنبعث داخلي ؟ لماذا كانت عبارتها الأخيرة اشبه بوخزة توشك أن توقظني من أروع الأحلام ؟  تركتها ودخلت إلى غرفة النوم و أنا أحس غصة غريبة جلست قليلا على السرير ورفعت رأسي لأرى صورة زفافنا ، الصورة معلقة منذ زواجنا لكنني لم أرها ولم أتوقف عندها منذ سنوات مالها تجذب ناظري اليوم ،  مالها تثير بداخلي شعورا عجيبا لا استطيع أن افهمه ولكن لا.... لن أدع نفسي للتردد ، لأدفع هذه المشاعر المتخاذلة ولأتذكر ما تفعله بي دوما أخذت استدعي من الذاكرة اشد خلافاتنا وأسوأ تصرفاتها لأقتل هذا الشعور العجيب الذي يتغلغل داخلي والذى يكاد يكون شعورا بالذنب تجاهها استدعيت موقفا تلو موقف ...... لا فائدة المواقف تبدو لي الآن -وياللعجب- مواقف عادية ومن الممكن التجاوز عنها بل و الأدهى أنني اخذت أقارن بين مواقفها وبين ما اسمعه من مواقف أخرى من المحيطين بي فاجد ما تفعله هينا وليس كما كنت أراه من قبل . آآآآآآآآآه ماذا أفعل الآن لا بد أن أبحث فى الذاكرة عن مواقف أشد إيلاما حتى أقتل هذا الإحساس لابد ...... لابد  يتبببع التعديل الأخير تم بواسطة شذى الريحان ; 16-01-2013 الساعة 03:55 AM. |
|
|
|
|
|
|
|
|
|
|
|
|
16-01-2013, 11:45 AM
|
#23 |
|
كبار الشخصيات
|
رد: مسلسل قسم الشقائق * لايفوتكم *
شذى كل مواضيعك لا يعلى عليها ابدا فمن الرقى الى ارقاء
فليت مجلس بالخزمر يكون لة ولو جزء بسيط من كاتبة مثلك بارك الله فيك وحفظك ابنتي الكريمة |
|
|
|
|
|
|
|
|
|
|
|
|
18-01-2013, 04:06 AM
|
#24 | ||||||||||||
|
عضو اداري
كبار الشخصيات
|
رد: مسلسل قسم الشقائق * لايفوتكم *
تسلم الله يبارك في عمرك اكيد ان شاالله لازم اشارك في مجلسنا العامر شاكرة تواجدك العبق في متصفحي دمت بوود  |
||||||||||||
|
|
|
|
|
|
|
|
|
|
|
|
18-01-2013, 04:23 AM
|
#25 |
|
عضو اداري
كبار الشخصيات
|
رد: مسلسل قسم الشقائق * لايفوتكم *
 كنت لا أزال مستلقيا على السرير أحاول تذكر أيا من المواقف عندما إنفتح الباب وهلت زوجتي الحنون التى ما أن رأتني مستلقيا على السرير حتى صرخت بصوت يشقق الجدران ..... إيه دااااااه نايم بالقميص اللي لسه كاوياه ، يا أخى حرام عليك ، أنا مش ملحقة عليك وعلى عيالك ، دي لو خدامة مكنتوش تعملوا كده ..... معلش أصلي نسيت ..... نسيت !!! طبعا وتتعب نفسك وتفتكر ليه ..... إنت كرمش والخدامة تكوي  قلت وأعصابي ترتعش ..... خلاص إيه اللي حصل يعني ...... خلااااااص !!!!!! طبعا ما هو إنت اللي تقول خلاص وإنت اللي تقول لسة وأنا تحت أمرك تسكتني لما تعوز وتسيبني أهاتي لما تعوز  ...... بقولك إيه اسكتي دلوقتي أحسن لك ....... نننننععععم ( وهي ترقص وسطها إستهزاءً) أحسن لي ، لأ خوفتني ليه حتعملي إيه إن شاء الله لم اسمع شيئا من باقي ذلك الموشح الرهيب الذى سمعته 8631 مرة منذ زواجنا ، فقد أحسست براحة كبرى  و أنا أتخذ قراري النهائي بالزواج من شهرزاد كنت أتابع دوما شكاوى النساء فى تلك الصفحات التي تموج بها الصحف والمجلات والتي تتحدث دوما عن خيانة الرجال وزواجهم بأخرى ، ودوما تذكر الزوجة أنها قد ربت الأولاد وأنهم تعلموا أفضل التعليم وأنها وقفت إلى جوار زوجها حتى أصبح ميسور الحال و أنها اتقت الله وحافظت على عرضه و أنها .... وأنها .... ثم تتباكى على الغدر والخيانة   عزيزاتي النساء أنتن مخطئات تماما .... هناك ما يسمى بالنقاط الصغيرة !!!!! ماهى النقاط الصغيرة ؟ قديما كانت بعض الدول تنتهج وسيلة عجيبة لتعذيب المعارضين والاسرى ، لم تكن تلك السياسة تعتمد على الجلد بالسياط أو الكى بالنار أو تقطيع الأعضاء ، لقد كانت وسيلة رهيبة لا تترك أى أثر !!!! كان أولئك البغاة يجعلون السجين يستلقي على ظهره فوق لوح خشبي ويربطون يديه ويثبتون راسه بواسطة كلابتين !! فلا يمكنه تحريك رأسه إطلاقا ثم يضعون المسكين تحت حنفية مياه تنزل منها نقطة واحدة كل 10 ثواني مثلا بحيث تسقط النقطة فى منطقة التقاءالأنف بالجبهة !!!!   إنها مجرد نقطة مياه لا يمكن أن تلفت الإنتباه ولكن الرتابة والتكرار المستمر يجعلانها سلاحا مروعا فيجن المسكين خلال يومين على الأكثر ثم ينهار جهازه العصبي ويموت !!!! هذا سيداتي ما تفعلنه بأزواجكن المساكين إنها تلك المشاكل والتعليقات والمواقف التافهة جدا فى حد ذاتها ولكن تكرارها الرهيب يتكاثر عبر السنين حتى يفقد الرجل القدرة على الاحتمال فيجن ويتزوج  إرتاحت نفسي لهذا التفسير تماما فلا حاجة لي للبحث عن مواقف ضخمة وخطيرة من زوجتى فهي خير من أتبع سياسة النقط الصغيرة  فى اليوم التالي كنت فى منزل شهرزاد والتى إستقبلتني بابتسامة شهية وفرحة واضحة  بوجود خالها ووالدتها تعارفت بخالها وكان رجلا ودودا وسرعان ما أتفقنا على كتب الكتاب بعد يومين فقط بحضور خالها ووالدتها و عدد محدود جدا من أقاربها فى أحد المساجد . طلبت أن نسافر فى بعدها مباشرة إلى إحدى القرى السياحية لنقضي عدة أيام فوافقت شهرزاد بوجه متهلل ..... كان على أن أعد نفسي فأخبرت زوجتي بأنني مسافر إلى الصحراء الغربية قالت مندهشة  ...... الصحراء الغربية !!!!!! ...... أيوه فى شركة هناك عندها منجم منجنيز وعاملين كامب وعايزين نوصله نظام كمبيوتر ...... وحتقعد أد إيه ...... خمس ايام ..... ليه دا إنت دايما بتكون مأمورياتك يومين بالكثير ...... أيوه بس ده منجم جديد ، لازم أعمل تأسيس كويس للنظام ...... بس الصحراء دي بتكون صعبة والعيشة فيها متعبة ...... دعواتك ربنا يقويني، هي المشكلة إن ما عندهمش تليفونات لسه والموبايل بيقولوا بيكون إرساله ضعيف وححاول أكلمكم كل ما أقدر إشتريت حقيبة جديدة ووضعتها فى شنطة السيارة وأخذت اضيف إليها إحتياجاتي كعريس جديد عدت إلى منزلي ودخلت إلى السرير مبكرا .... غدا الليلة الكبيرة ولابد أن أكون فى كامل حيويتي  فى اليوم التالى ودعت اسرتي و أنا احرص ألا انظر فى عيون احد منهم ووضعت الحقيبة فى السيارة الى جوار الحقيبة الأخرى المخفية وتوجهت إلى منزل شهرزاد . كان خالها وبضعة أفراد من عائلتها وصديقي صلاح و أمه و المأذون فى إنتظاري . جلست لعقد القران ولكن كان بانتظاري مفاجأة صغيرة لقد إشترطت شهرزاد أن يكون حق تطليق نفسها بيدها !!!  الواقع أن الأمر فاجئني وضايقني لحد بعيد ولكنني كنت فى موقف لا أستطيع التراجع بعده ، قبلت على مضض وتم عقد القران أخيرا نسيت الأمر بعد دقائق فقد كانت شهرزاد متألقة بالأناقة والجمال قضينا حوالى الساعة وسط عبارات التهنئة من الجميع ثم قمنا لنلحق برحلتنا إلى تلك المدينة الساحلية الجميلة  بعد ساعة كنا فى مقعدينا بالطائرة فى الطريق الى القرية السياحية التى أشتهرت بأنها جنة العرسان كان وقت الرحلة بالطائرة رائعا فقد أخذت أروي لها بعضا من أحداث حياتي واعرفها على نفسي أكثر و أكثر وصلنا القرية الرائعة وبعد دقائق كنا فى ذلك الشاليه البديع المطل على البحر مباشرة صلينا ركعتين و سألنا الله البركة ، فى صباح اليوم التالي كانت شهرزاد لاتزال تسبح فى بحور الأحلام بينما كنت اجلس فى شرفة الشاليه أتناول كاسا من عصير الفواكه عندها ناداني صوت شهرزاد قلت ...... صباح الخير ..... صباح النور ..... يلا قومي علشان نفطر قالت ...... لأ مش عايزة ..... ليه .... لسه بدرى إنت ايه اللى صحاك بدرى كدة ..... أنا متعود على الصحيان بدري بعد ساعة كنا فى طريقنا للمطعم لتناول الإفطار ، والحق أنني كنت جائعا بشكل رهيب ولذا انقضضت على الطعام كمن قدم لتوه من رحلة بالصومال كانت شهرزاد سعيدة للغاية  وكنت سعيدا ايضاونحن نخرج من المطعم ممسكا بيدها وأنا اخذها يسارا فقالت ..... إنت رايح فين .... تعالي نقعد على الكورنيش شويه .... لا تعالى نرجع الشاليه ......مش عايزه تتفرجى على القرية ....... لأ مش دلوقتي تعالى نروح الشاليه .....  حان وقت صلاة العصر فقمت من نومي للصلاة وبعد ذلك خرجنا الى الغداء وأنا اشعر بأنني لا أزال بحاجة للنوم كان الغذاء رائعا و تناولت كمية معتبرة من الجمبري والاستاكوزا وشوربة ثمار البحر كانت شهرزاد سعيدة للغاية وكنت سعيدا ايضا ونحن نخرج من المطعم ممسكا بيدها وأنا اخذها يسارا فقالت ..... إنت رايح فين .... تعالي نقعد على الكورنيش شوية .... لا تعالي نرجع الشاليه .......مش عايزة تتفرجي على القرية ........لأ مش دلوقتي تعالى نروح الشاليه ..... حان وقت صلاة المغرب فقمت للصلاة و أنا أحس ان 10 اكياس رمل معلقة بجسدى ...  ، بعد الصلاة تمددت على الشيزلونج او الكنبة والنوم يداعب أجفاني عندما قالت شهرزاد .... فى فيلم جميل أوي على قناة الافلام الأجنبية تعالى اتفرج معايا دخلت الغرفة وتمددت على السرير أمام التلفزيون ، لم أكد أندمج مع الفيلم حتى تناولت شهرزاد الريموت واغلقت التلفاز !!! نظرت إليها مستغربا وقلت ..... طفيتي التلفزيون ليه ...... ده فيلم مش حلو كانت الساعة العاشرة مساء ونحن نتناول العشاء الجميل على اضواء الشموع وكانت شهرزاد فى منتهى السعادة خرجنا من المطعم وكنت ممسكا بيدها برضوووا خخخخخ وأنا اخذها يسارا فقالت ..... إنت رايح فين .... تعالي نقعد على الكورنيش شوية .... لا تعالى نرجع الشاليه قلت بحده ....... شاليه !!!!! مش معقوله كده ....... إيه اللي مش معقول تنبهت إلى حدتي فقلت بتلطف ...... مش معقولة نسيب الجو الرائع ده وندخل على طول أنا بقول نشم شوية هوا ااا ماشى شوية صغيرين  يتبع |
|
|
|
|
|
|
|
|
|
|
|
|
18-01-2013, 04:55 PM
|
#26 |
|
رد: مسلسل قسم الشقائق * لايفوتكم *
شهرزاد شكلها كده داهيه ومنيله بستين نيله
أنا مش مطمنه للقوازه ديه وحنشوف بئه نهايتها إيه متابعه للنهاية |
|
|
|
|
|
|
|
|
|
|
|
|
18-01-2013, 11:51 PM
|
#27 |
|
رد: مسلسل قسم الشقائق * لايفوتكم *
 هي الست دي مش عايزة تتفسح ليه وجه النحس شذى ههههههههعع مسلسلك ممتع لكن الفواصل كتير |
|
|
|
|
|
|
|
|
|
|
|
|
19-01-2013, 03:45 AM
|
#28 | ||||||||||||
|
عضو اداري
كبار الشخصيات
|
رد: مسلسل قسم الشقائق * لايفوتكم *
مش دكتووورة لازم متنيلة بالنيلة  والكلوركس خخخخخخخخخختابعيني للنهاية لاتروحي بعيد يسعد صباحك ياحلو |
||||||||||||
|
|
|
|
|
|
|
|
|
|
|
|
19-01-2013, 03:53 AM
|
#29 | ||||||||||||
|
عضو اداري
كبار الشخصيات
|
رد: مسلسل قسم الشقائق * لايفوتكم *
اعلان تجاري ونتابع المسلسل
دجاج الوطنية من اجود الانواع اشتري دجاجة ومعاها هدية مجاناً  هههههههههه
اكتئاب بعيد عنك هانت باقي حلقتيين وينتهي المسلسل اهلين بالعسل ماتبعدييش |
||||||||||||
|
|
|
|
|
|
|
|
|
|
|
|
19-01-2013, 04:25 AM
|
#30 |
|
عضو اداري
كبار الشخصيات
|
رد: مسلسل قسم الشقائق * لايفوتكم *
  فتحت عيني بصعوبة وضوء شمس ساطع يغمرني ، كان باب الشرفة مفتوحا وشهرزاد تجلس مسترخية على الشيزلونج تشرب كوبا من العصير  تنبهت شهرزاد فاقبلت وقالت ..... صباح الخير إيه النوم ده كله ، إنت مش بتقول بتصحى بدري ..... أصحى !!! مش لما أنام الأول أنا منمتش لحد الشمس ما طلعت ..... آه صحيح هو ايه اللى نيمك فجأه كده امبارح ؟ ..... اصلي الظاهر كنت تعبان شوية ..... طيب ما نطلب الفطار هنا أحسن ...... لا لا الجو فى المطعم بيكون أحلى وعلى مائدة الإفطار كانت توجد مكعبات الزبدة الصغيرة المغلفة تناولت إثنتين منها مستغلا ذهاب شهرزاد الى البوفيه المفتوح ، عادت شهرزادي إلى مائدة الافطار و اخذت أحدثها عن جمال البحر فى المنطقة وعن الرحلة البحرية التى تنطلق بعد ساعة من القرية الى جزيرة فى وسط البحر وذلك لمشاهدة الغروب والعودة تحت ضوء القمر واخبرتها أنني سمعت أنهارحلة اسطوريه ويجب الا نفوتها لم تبد شهرزاد حماسا كبيرا قلت الرحلة دي حنفتكرها دايما لأنها رحلة شاعريه جميله وافقت شهرزاد على القيام بالرحلة وإنتهينا من الافطار وقمنا للعودة إلى الشاليه وأنا ألمح بأن الوقت ضيق ويجب أن نستعد بسرعة بعد بضعة خطوات إلتفت إلى شهرزاد و أنا أكاد اصرخ ..... إديني مفتاح الشاليه بسرعة ... بسرعة ..... ليه ما إحنا رايحين مع بعض !!! ...... بقولك بسرعة .... بسرعة ناولتني المفتاح مدهوشة وتركتها فاغرة فاها واخذت أعدو بأقصى سرعة فى القرية وسط دهشة النزلاء  وصلت إلى الشاليه ففتحت الباب و أندفعت إلى الحمام بجنون ........... كنت نائما في السرير والمغص يكاد يقطع أمعائي عندما قالت شهرزاد .... إيه الحكاية إحنا أكلنا مع بعض ، ايه اللى تعب معدتك كده .... أكيد أخذت برد فى معدتي .... برد !!! من إيه ؟ ..... حيكون من إيه يعني ، اكلت زبدة على الريق ! ..... طيب معلش ، عموما الدوا اللى إديتهولك حيخليك زي الحصان ..... خلاص أنا حنام شوية لأني حاسس إني هبطان ....... .... بعد ساعتين فتحت عيني وأنا أحمد الله أنني ما زلت على قيد الحياة ، لم أجد شهرزاد بالشاليه.  تناولت الموبايل لأتصل بها ولكن تذكرت أنني لم أتصل بزوجتي منذ قدومي ووجدتها فرصة للاتصال جاء صوتها فرحا ..... اهلا يا ...  .....إنت فين عمالة اضرب عليك طول اليوم والموبايل مقفول ...... لأ ده المنطقة الإرسال فيها ضعيف ، إزيك إنتي والولاد وحشتوني جدا ..... و إنت كمان مش عارفة ليه المره دي قلقانة على طول ، وشفتك مرتين فى الحلم تعبان أوي ...... هه .. آه ... ايوه ... الحقيقة الشغل متعب تقريبا طول اليوم فى المنجم إدعيلي ..... بدعيلك على طول ، خذ طارق عايز يكلمك جاء صوت طفلي الصغير ذو الأربع سنوات ..... إزيك يا بابا إنت مش تيجي ليه ..... حاضر يا طروقه يومين وآجي وحجيب حاجة حلوة كلمت ابني الأكبر و إبنتي و أحسست أنني مشتاق جدا لهم جميعا  أنهيت المكالمة و أنا أستشعر رعشة داخلية ، كلماتهم تفيض بالصدق و أنا أكذب عليهم تماما ، ماذا سيحدث لو علموا جميعا أنني أحدثهم من سرير زوجة جديدة يا للمصيبة سافقد إحترامي تماما لديهم ، سأوصم بأنني كاذب ولن يغفروا لي أبدا ضاق صدري لتلك الافكار وحاولت أن أطردها من عقلي فأتصلت بشهرزاد على الموبايل .... أهلا يا ... .... ها عامل إيه دلوقتي؟ .... كويس إنتي فين .....أنا فى البرجولا عارفها اللى قدام البحر على اللسان تعالى أقعد معايا دي حلوة اوي  .... طيب انا جاي توضأت وصليت الظهر وغيرت ملابسي وخرجت ووجهتي البرجولا وصلت البرجولا فوجدتها قهوة على الطراز الشعبي وجاءنى صوت شهرزاد مناديا من خلفي ..... أنا هنا إلتفت لأجد مشهدا مروعا كاد أن يجمد الدم فى عروقي  كانت شهرزاد جالسة على أريكة من الخوص وبين يديها خرطوم الشيشة !!!!!  لبثت متسمرا من الذهول للحظات قبل أن اسرع ناحيتها و أنا أحس أن الكل يتفرجون علي وقلت لها ..... إيه اللي إنتي عاملاه ده يا ست إنتي ..... ست إنتي !!!! مالك بتتكلم كده ليه ..... إرمي الهبابة دي من إيدك ..... هبابة !!!! لو سمحت إتكلم كويس ..... إسمعي أنا مش حناقشك هنا ...... إلتفت و أشرت لأحد العاملين لأحضار الشيك ووقعته وطلبت منها الذهاب للشاليه فقامت ووجها يكاد ينفجر بالغضب  ما أن دخلنا الشاليه حتى صاحت بصوت ذكرني بالايام الخوالي .... ممكن أفهم ايه التصرف ده ، إنت فاكر نفسك إيه ..... أنا جوزك يا ست هانم ، جوزك اللى سايباه نايم وقاعدة تشربي شيشة ، فى ست محترمة تشرب شيشة .... أنا محترمة غصبن عنك ، و أنا ست عاقلة وعارفة أتصرف إزاي ومش مستنياك تعلمني الصح من الغلط .... يعني تشربي شيشة وقدام الناس وتقوليلي صح ..... آآه إظهر على حقيقتك ، يعني إنت يهمك الناس ، يعني لو بعمل الغلط من وراك حتنبسط المهم انك ما تعرفش  .... اسمعي حاسبي على كلامك واعرفي بتقولي ايه ..... انتم كده يا رجاله عايزين ست تامروا وتنهوا فيها ،  لا يا حبيبي كنت اتجوز شغالة ( قطع الله السنتكن أيتها الزوجات !!!  هو مفيش راجل يكلم مراته الا لما تقوله روح إتجوز شغالة ،  انا نفسي اعرف اللي متجوزين شغالات بيتقالهم إيه ) .... إسمعي أنا لا يمكن أقبل مراتي تشرب شيشة ، أنا نفسي مش بدخن ، تقومي إنتي تشربي شيشه !!!!!!! .... آآآآآآآآه قول كده ، إنت فاكر إنك عايش فى الحرملك ، و إنك متجوز الست أمينه ولا إيه، أنا ست حره و مش إنت اللى يعرفني أعمل إيه ، دي حريتي الشخصية ..... حريتك الشخصية !!!! وايه حدود حرية سعادتك إن شاء الله ..... هي نفس حدود حريتك بالضبط ، انا ممكن اعمل اي حاجة زيك بالضبط ..... اسمعي..... من الآخر كده .... مفيش حاجة زي دي تحصل تاني ولو حصلت مش حيحصلك طيب ..... نعععععععم ما تضربني كمان ، طيب إيه رأيك إني حعمل اللي أنا عايزاه ..... إسمعي ما تخربيش على نفسك انا خلاص مش شايف قدامي ..... لأ خوفتني حترمي تحت رجليك أهوه و اقولك أوعى تقولها لا يا شاطر قديمة أنا اللي حقولهالك ، أنا شارطة فى العقد وفاهمة الشرع كويس أنا بطلق نفسي منك من اللحظة دي ، يلا أخرج من الشاليه لحد ما ألم هدومي ، انت راجل غريب ما يتقفلش علينا باب وقفت مذهولا وانا أحس ان راسي يكاد ينفجر بينما توجهت شهزاد ( عفوا فتكات )  هههههههههه لتفتح الباب وتشير لي بأصبعها لأخرج  خرجت من الشاليه وتوجهت إلى الشاطئ لأخلو إلى نفسي قليلا ، لابد من إعادة تقييم للموقف ، إن التهاون فى بداية الحياة الزوجية أمر جد خطير . الزوجات عادة ما يطلقن بالونات الإختبار فى بداية الزواج لتحديد إستيراتجة التعامل ، مع كل تنازل من الزوج تضغط الزوجة للحصول على تنازلات جديدة لينتهي الأمر بالزوج إلى أن يصبح قيمة مهملة فى بيته حتى لا يكاد يلاحظ وجوده أحد. الحقيقة أن الزوجات يغيرن اسالبيهن بصورة اسرع مما يغير فيروس الإنفلونزا تركيبته الجينية ، ولهذا فشلت كل الطرق فى القضاء على كل منهما ( الانفلونزا والزوجات ) أخذت أسترجع الطريقة التى إتبعتها زوجتي فى بداية الزواج للسيطرة على الأمور وقد كنت فى تلك المرحلة ساذجا ليس لي بالحياة خبرة تحميني من ألاعيب الزوجات . إستغلت زوجتي حبي الجارف لها أسوء الإستغلال فقد أخذت تحدثني عن حاجة الأنثى دوما لأن تحس أن رجلها يخاف عليها ويعتبرها جوهرته المكنونة و إنها إذا أحست بغير ذلك فقدت روحها و أصيب قلبها فى مقتل !!!! صدقت هذا الكلام - الذي أكتشفت متأخرا أن زوجتي حفظته من تلك المجلات والكتب التافهة التى تلقن الفتيات هذه السموم – فبذلت كل الجهد لإظهار خوفى عليها بإعتبارها جوهرة مكنونة . وأتذكر عندما عدت يوما فوجدت إصبعها الصغير ملفوفا بالشاش !!! فصرخت هلعا وفرقا وأنا أسألها مرتعشا عما أصابها فقالت ..... المكواة لسعت صباعي أصلي مش متعودة أكوي خالص عندها وقعت فى خطا تاريخى لازلت أدفع ثمنه حتى اليوم عندما قلت  ..... وتكوي ليه ؟ أنا أصلي بعرف أكوي كويس والحياة تعاون والرسول الكريم صلى الله عليه وسلم كان فى حاجة أهله ، أنا اللي حكوي لبسي ولبسك . وحتى يومنا هذا لم استطع التحلل من هذا الوعد وقد اضيف الى ملابسنا ملابس ثلاثة أطفال لن أنسى رد فعلها ( المدروس ) فقد طفرت عينيها بالدموع وهي تقول .... فعلا معاك بحس بالأمان و............ الباقي معروف وعندما خرجت الممرضة وهي تطلب الحلاوة بمناسبة أن التحليل موجب كان خطائي التاريخي السابع عشر عندما صرخت – متأثرا بتلك الأفلام العبيطة ..... إنتي ما تعمليش حاجة  أبدا إنتى ترتاحي وبس كلفني هذا الخطأ كثيرا جدا فقد كانت فترة تمرين رائعة لي  على مختلف أنواع أعمال البيت وتدريب لزوجتي على أساليب الأمر والنهي فى التعامل معي أفقت من تلك الذكريات على واقعي الجديد فشهرزاد لها إستراتيجية مختلفة عن إستراتيجية الأفاعي الناعمة ، فهى تنتهج إستراتيجية التصادم القوي منذ البداية  فلو تهاونت وأنكسرت شوكتي فسيصبح هذا تسليما كاملا لزمام العلاقة بيننا إليها تفعل به ما تشاء إذا لامجال للنعومة والنقاش والإقناع لسبب بسيط وهو أن التصعيد مقصود من جانبها وهي تختبر صلابتي وقوة تحملي ولن تصغي السمع لأي حوار إذا لأريها قوة شكيمتي منذ الأن فلا مجال للتراجع أو الاستسلام ( مع خالص الشكر للكابتن فان دام ) عدت إلى الشاليه وحاولت الدخول فوجدت الباب مغلقا من الداخل ،  ضربت الباب بقدمي مرتين بعنف وأنا اصيح ..... إفتحي الباب وبسرعة بدل ما الناس تسمعنا بعد لحظات فتحت شهرزاد الباب و أعطتني ظهرها ، أقفلت الباب خلفي فاستدارت وهي تصيح ..... أنا مش قلتلك إنه ما يتقفلش علينا باب نظرت إليها نظرة مقصودة يتطاير منها الشرر وأنا صامت وابذل كل جهدي أن اظهر قدرا هائلا من تعبيرات الغضب قالت بصوت فقد الكثير من حدته .... إنت بتبصلي كده ليه  لم أرد وظللت أصليها بتلك النظرات فقالت بصوت خفيض .... مش بتتكلم ليه هنا فلت بصوت حرصت ان يكون هادئا ولكن به قدرا هائلا من التصميم إسمعي أنا لا أكرر كلمة مرتين ما حدث اليوم لن يتكرر ثانية ، ما أطلبه ستنفذيه وبالحرف الواحد  أنا من سيقود حياتنا الزوجية ولن أقبل اي شئ غير هذا  ..... بس انا مش موافقة وحعمل اللي في دماغي .... وأنا ممكن أكسر دماغك ودماغ اي حد صمتت ذاهلة قليلا قبل ان يحدث تحول عجيب ، فوجئت بها تقول بصوت مبحوح كله سعادة ... تكسر دماغي....... تعرف إنى كان نفسي أتجوز حد يكسر دماغي ، كان نفسي فى راجل له شخصية مش واحد مهزوز ومش فارق معاه أنا بعمل إيه ، تصدق أنا اتنرفزت فى الأول بس بقيت طايرة من الفرحة إنك بتغير عليه ..... يعني فهمتي إن ده خوف عليكي .... أيوه فاهمة ، أنا أصلي متعقده من جوزي الأولاني ، عمره ما حسسني إني ست ممكن يتخاف عليها ، كان بيعاملني كأني واحد صاحبوو قاعد معاه كان نفسي في مره يزعق فيا ويحسسني إني مراته مش مجرد واحدة مش فارقه معاه فى أي حاجة  ..... ده راجل خيخة و أنا مش ممكن أكون زيو ..... لا إنت راجل وسيد الرجالة ، كل الستات بتحب الراجل اللي ممكن يكسر دماغها ،  ...... معقول ....... أيوه معقول ، إحنا الستات نموت فى الراجل اللي يكسر دماغنا مضى اليوم فى سعادة وهدوء ، ما أجمل الزوجة المروضة ، عندما يتسلم الرجل القيادة تستقيم الأمور وترفرف السعادة على الحياة الزوجية . هكذا كنت أحدث نفسي وأنا جالس أراقب قرص الشمس الشاحب يغوص فى زرقة البحر الفاتنة ، عندما داعب أنفي عطر شهرزاد المقترب وسمعت صوتها وهى تأخذ مجلسها إلى جوارى ..... سرحان في إيه لا أدري لماذا إنقبضت أمعائى للسؤال فمن خبراتى – و التى لا تختلف عن خبرات جميع الأزواج بالطبع – فإن هذا النوع من الأسئلة يكون ذا غرض خبيث يحاول تأكيد نوع من الشكوك أشد خبثا ، فالزوجات يعتقدن أن الزوج ينبغي الا يفكر بأي شي فى الحياة و أن يتفرغ تماما لمطالعة وجه زوجته الحبيبة أناء الليل و أطراف النهار  فلا يتحول بصره عنها قيد أنملة و إلا لأصبح هذا نذير وجود أخرى بحياته مرت هذه الأفكار بسرعة البرق بذهني قبل ان أجيب إجابة محسوبة قائلا .... حفكر فى إيه غير السعادة اللى أنا فيها .... بجد ؟ .... طبعا بجد وجد الجد كمان ... يعني معقول ما فكرتش في مراتك القديمة من يوم ما جينا إنها لحظة أخرى تحتاج حسما ووضوحا ، تنحنحت وقلت .... أكيد إفتكرت اسرتي طبعا ، يعني مش معقول أنساهم خالص وإلا أكون معنديش أصل ..... يا سلام يعني حتى فى شهر العسل تفكر فيها  بقولك إيه أنا محبش أكذب على مراتي أبدا ( ما أكبر هذه الكذبة ).. ثم إنك عارفة إني متجوز .... آه عارفة بس كنت فاكرة إنك مشغول بيا عن الدنيا بحالها قلت لأحول مجرى الحديث .... طيب بقولك إيه ما تيجي نروح نقعد على الكورنيش شوية  يتبع  يومين غياب وبعدها الحلقة الاخيرة التعديل الأخير تم بواسطة شذى الريحان ; 19-01-2013 الساعة 04:41 AM. |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : مسلسل قسم الشقائق * لايفوتكم *
|
||||
| الموضوع | كاتب الموضوع | المنتدى | مشاركات | آخر مشاركة |
| (“'•.¸§(استراحة الشقائق )§ ¸.•”) | شذى الريحان | شقائق الرجال | 151 | 26-09-2012 01:01 AM |
| لأجل الشقائق.!! | ريم | الطبخ | 5 | 19-08-2010 02:53 AM |
| مسلسل خليلو15 لايفوتكم ][ أهــداء بمناسبه الاشراف ][ | قناص الجنوب | الإستراحة | 22 | 03-05-2010 02:00 PM |
| اوسمة نشيطات قسم الشقائق | شذى الريحان | قسم الجمال والاناقه والديكور | 22 | 03-04-2010 11:36 PM |
| ارعــب كيــك لايفوتكم لايفوتكم | عسله | الطبخ | 8 | 13-02-2010 11:57 AM |
