يا صاحبي

[دخيلك]

[

والله ومن يحيي عظام المخاليق
ماغيرك بقلبي بهــالكون مخلوق

يهزني شوقي لشوف المطاليق
شرواك ياللي بعدك القلب مشلوق

شق السحابه يوم لمع البواريق
والا حريب طاح بالسيف مفلوق

اسمك وذكرك زينتً للطواريق
يا عزوت قليبً من الهم محروق

ابواب مسجونك ترها مغاليق
ماغير جسمي هو مع الناس مطلوق

وغلاك عندي شامخ كنه طويق
ومن نافس بحبك مع الوقت ملحوق

وانا يمينك بالليالي المضاييق
ياصاحبي حملني الحمل وطوق

هذا جوابي من صميم المعاليق
الشارب اللي ما ينومسك محلوق

[صوت الارض]

اسطر وكلامات جميله وجزله لايقولها ولاينطق بها الا شاعر

مرهفً في الاحساس متمكن من العاطفه والكلمه والشعر ......الى الامام وفقك الله

اخوك خرمان صوت الارض

[عبدالله الحديبي]

كفوو

بيض الله وجهك وصح لسانك على هذه الرائعه الشعريه
المليئه بالولاء والصور والتراكيب الجميله

دخيلك .. دخيلك لا يوقف هذا الابداع

[دخيلك]

اقتباس: المشاركة الأصلية كتبت بواسطة خرمان كول      اسطر وكلامات جميله وجزله لايقولها ولاينطق بها الا شاعر مرهفً في الاحساس متمكن من العاطفه والكلمه والشعر ......الى الامام وفقك الله اخوك خرمان صوت الارض

لاهنت اخوي خرمان على مرورك الرئع .. ودي وتقديري

[دخيلك]

اقتباس: المشاركة الأصلية كتبت بواسطة عبدالله الحديبي      كفوو بيض الله وجهك وصح لسانك على هذه الرائعه الشعريه المليئه بالولاء والصور والتراكيب الجميله دخيلك .. دخيلك لا يوقف هذا الابداع

اخي عبدالله صح بدنك ووجهك ابيض
يشرفني مرورك .. وسام الله لايهينك

[احمد صعمود]

هذا جوابي من صميم المعاليق
الشارب اللي ما ينومسك محلوق

ابيات قويه وصادقه من قلب دخيلك
صح لسانك وعلا شانك

تقديري
.

[عبدالله العلي]

صح لسانك وكفو ،،

[دخيلك]

اقتباس: المشاركة الأصلية كتبت بواسطة احمد صعمود      هذا جوابي من صميم المعاليق الشارب اللي ما ينومسك محلوق ابيات قويه وصادقه من قلب دخيلك صح لسانك وعلا شانك تقديري .

الغالي احمد صعمود كل التقدير والامتنان لمرورك
لاهنت ..

[دخيلك]

اقتباس: المشاركة الأصلية كتبت بواسطة عبدالله العلي      صح لسانك وكفو ،،

أخي عبدالله صح بدنك وبيض الله وجهك تشرفت بمرورك