بيقول عندك مرص نفسي وهو شي عااادي !!

[*** الصهيبي ***]

بسم الله الرحمن الرحييم
هذي قارعه جرت بيني وبين الشاعر سعيد بن سالم
في جمعه مباركه وعشوه خفيفه اقمناها بمناسبة شفاء الشيخ ابو ياسر انا وبعض
الاخوه الزملاء
وطهور ان شاء الله ياشاعرنا الغالي
[poem=font="Simplified Arabic,6,#6C0801,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / الصهيبي=
سعيد كم حدّنا ندرى الفتن والمشاكل=
لاضاق خاطر فلان يطيّبه وصل علان=
واشوف بعض العرب لامن غدى روّح الناس=
والبعض لامن غدى ماحد يقل فين غادي=
الرد / سعيد بن سالم=
خابرك قرم(ن) ومن روس الرجال المشاكل=
تصبر على تعبة(ن) تتعبك وتعل علان=
غيرك من ادنى سبب يبقى حزين(ن) وحنّاس=
يمضي ليالي وهو يبكي على فنّ غادي=
البدع / الصهيبي=
دولة نجاد احمدي تملك سلاح المفاعل=
ماحد قدر يمنع انجادي ولا يمسح ايران=
حليل صدام دكت دولته زمرة انجاس=
يقلون كم حارب وقتّل وكم شيّع آدي=
الرد / سعيد بن سالم=
ياللي نظمت القصايد بين فعل ومفاعل=
اليوم خاطرك طيب وانت قبل امس حيران=
اذا شكيت الكدر فانشد مداويك فين جاس=
بيقول عندك مرض نفسي وهو شي عادي=
البدع / الصهيبي=
والله ماودي اشب اللضى والمشاعل=
ولانويت احجب الانضار عن نور زهران=
كلن دري والقضيّه بين مخطي وحساس=
ماودي اهد جدر(ن) قام واقيم هادي=
الرد / سعيد بن سالم=
ياصاحبي مالمحنا في حنان ومشاعل=
ولابعثنا كما العشاق ورد(ن) وزهران=
انا ليامن شريت اشري من الماس حساس=
ولامشيت اترك الظلعان واجي المهادي=
البدع / الصهيبي=
بان الخبر لي كما حد السيوف المناول=
والسيف كم قام طلابين له وانحنى اخوان=
باخذ من الرشد منصوبي ومالستر ليباس=
واترك قضى الله يمضي والقدر بالعبادي=
الرد / سعيد بن سالم=
عطني يدك يالصهيبي وانتولها مناول=
ياكيف ياجي زعل مابيننا وانحن اخوان=
انا كم الزير في عزمي وشعري ولي باس=
وانته كم الحصن ذاك الي على الظلع بادي=[/poem]





ودمتم في رعاية الله
اخوكم
الصهيبي

[العندليب]

الشاعر ** الصهيبي


الشاعر ** سعيد بن سالم ..


قصائد في قمة الروعة بدع ورد ...

والله مافيكم حيلة .. بيض الله وجيهكم ..


ولو أني عتبان عليك إنت وسعيد بن سالم ... أحرمتونا من الإجتماع معكم وسماع قصائدكم ..


ولكن أقول لا هنتوا وبارك الله فيكم ..

[نمربن عدوان (2)]

بسم الله الرحمن الرحيم

في البداية الف حمد لله على سلامة شاعرنا الكبير سعيد بن سالم وأدعو الله أن يلبسه لباس الصحة والعافية
وان يجعل ما أصابه في موازين حسناته انه ولي ذالك والقادر عليه

ولي عتب على أخي العزيز والشاعر الكبير / أبو شادن ليش ما قال لنا الخبر ولو انه خبر غير سار بس يكون عندنا خبر ونقوم بالواجب

ولا أنسا أن أشكركم على هذه القارعة التي هي أكثر من رائعة
وهذا ليس بغريب على أبو شادن وأبو ياسر فهم دائمً مبدعين
وهذه قصيده أرجو أن تنال استحسانكم وهي على قارعتكم

البدع / نمر بن عدوان (2)
يقول نمر العـتب في داخـل الـقـلـب ع الـكل
لاحد يقل يا نمر وش فيك عـاتـب وزعـلان
لا باس يا الشيخ أبو ياسر من الشر لا باس
والله منت برخيـص ولنـت عـنـدي بـعـادي

مع تحيات وتقدير

اخوكم

نمر بن عدوان (2)

[فهد سعود الزهراني]

ياسلام عليكم
..
احلى مافيكم انكم تواكبون الاحداث اول بأول
المرة الثانية باعلم عليكم مجلس الامن

[*** الصهيبي ***]

اقتباس: المشاركة الأصلية كتبت بواسطة العــ أبوصالح ــقيد      الشاعر ** الصهيبي الشاعر ** سعيد بن سالم .. قصائد في قمة الروعة بدع ورد ... والله مافيكم حيلة .. بيض الله وجيهكم .. ولو أني عتبان عليك إنت وسعيد بن سالم ... أحرمتونا من الإجتماع معكم وسماع قصائدكم .. ولكن أقول لا هنتوا وبارك الله فيكم ..

وصح بدنك يابو صالح
والعذر من الله ثم منك وصدقني انها ماتمت الا متأخره لأنا كنا ننتظر عودة احد الاخوان من الديره
وأعتمدت الطلعه على جيته لكن ابشر بالعوض
ومره اخرى عذراً عقيدنا







اخوك
الصهيبي

[*** الصهيبي ***]

اقتباس: المشاركة الأصلية كتبت بواسطة نمربن عدوان (2)      بسم الله الرحمن الرحيم في البداية الف حمد لله على سلامة شاعرنا الكبير سعيد بن سالم وأدعو الله أن يلبسه لباس الصحة والعافية وان يجعل ما أصابه في موازين حسناته انه ولي ذالك والقادر عليه ولي عتب على أخي العزيز والشاعر الكبير / أبو شادن ليش ما قال لنا الخبر ولو انه خبر غير سار بس يكون عندنا خبر ونقوم بالواجب ولا أنسا أن أشكركم على هذه القارعة التي هي أكثر من رائعة وهذا ليس بغريب على أبو شادن وأبو ياسر فهم دائمً مبدعين وهذه قصيده أرجو أن تنال استحسانكم وهي على قارعتكم [poem=font="Simplified Arabic,5,#E91C00,bold,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"] البدع / نمر بن عدوان (2)= يقول نمر العـتب في داخـل الـقـلـب ع الـكل= لاحد يقل يا نمر وش فيك عـاتـب وزعـلان= لا باس يا الشيخ أبو ياسر من الشر لا باس= والله منت برخيـص ولنـت عـنـدي بـعـادي=[/poem] مع تحيات وتقدير اخوكم نمر بن عدوان (2)

صح لسانك يابن عدوان
وعتبك على راسي ولانريد الا العذر من الله ثم منكم ولكن ماودنا والله نكلف على احد
والله لايحرمكم الاجر جميعاً


هذا ردي طال عمرك خذ منه الميسور
والمعذره عالقصور

[poem=font="Simplified Arabic,5,#FF1700,bold,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
الرد / الصهيبي=

كلّت حياتي وكليت الزمن والقضى كل=
والعود يانمر من كثر الكدر والوزع لان=
اقفت حياتي ضحية وقت واخطاء ولاباس=
واللي قريبه من الكفين صارت بعادي=[/poem]




اخوك
الصهيبي

[*** الصهيبي ***]

اقتباس: المشاركة الأصلية كتبت بواسطة فهد سعود الزهراني      ياسلام عليكم .. احلى مافيكم انكم تواكبون الاحداث اول بأول المرة الثانية باعلم عليكم مجلس الامن

ههههههههههه
يالله حي ابو سعود
ومواكبة الوقت هذي ودتنا في تهلكه




مرورك تاج على راسي
وتراني عند وعدي ياذيبان
اخوك
الصهيبي

[سعيد بن سالم]

[frame="8 80"]الاخوه الكرام الذين تكرموا بالمرور على الموضوع

شكراً لكم جميعاً ، اسعدني حظوركم وقراءة تعليقاتكم الجميلة والشكر موصول للاخ العزيز / ابو شادن لنقل المحاورة .

اقتباس: المشاركة الأصلية كتبت بواسطة نمربن عدوان (2)      بسم الله الرحمن الرحيم في البداية الف حمد لله على سلامة شاعرنا الكبير سعيد بن سالم وأدعو الله أن يلبسه لباس الصحة والعافية وان يجعل ما أصابه في موازين حسناته انه ولي ذالك والقادر عليه ولي عتب على أخي العزيز والشاعر الكبير / أبو شادن ليش ما قال لنا الخبر ولو انه خبر غير سار بس يكون عندنا خبر ونقوم بالواجب ولا أنسا أن أشكركم على هذه القارعة التي هي أكثر من رائعة وهذا ليس بغريب على أبو شادن وأبو ياسر فهم دائمً مبدعين وهذه قصيده أرجو أن تنال استحسانكم وهي على قارعتكم البدع / نمر بن عدوان (2) يقول نمر العـتب في داخـل الـقـلـب ع الـكل لاحد يقل يا نمر وش فيك عـاتـب وزعـلان لا باس يا الشيخ أبو ياسر من الشر لا باس والله منت برخيـص ولنـت عـنـدي بـعـادي مع تحيات وتقدير اخوكم نمر بن عدوان (2)

الاخ العزيز / نمر بن عدوان

اسعد الله جميع اوقاتك بالخير والعافيه

حقيقه .. اعجز عن رد فضلك فقد احرجتني بكرم تواصلك من قبل هذه المره وهذا دليل اصالة معدنك وطيب الرجال الكرام الذي انت منهم وعسى الله يقدرني على رد جزء بسيط من فضلك .

شكراً لك على طيب مشاعرك وعسى الله يديم المحبه والموده

وبيض الله وجهك يا ذيبان وصح لسانك على القصيده الجميله والمعبره ، والرد من ابو شادن الله يطول بأعماركم جميع .

فائق شكري وتقديري يا نمر

مع اجمل تحياتي ومودتي [/frame]