تشيز كيك مثل تشيز كيك محلات سعد الدين بالصور من مطبخي +طريقه عمل اسهل احلى كابتشينو

[{ خَجوُلة آلمَبسْم]

طبعا انا اليوم سويت الاثنين تشيز كيك + كابتشينو

وكلها سهله وبسيطه


راح ابدأ معاكم في التشيز كيك اول شئ المقادير :


بسكوت القمح دايجستيف

وهذي صورته




كيك بيتي كروكر الابيض الساده


15 حبه جبن كيري

كوب حليب


باكيت جلاتين او جلي الاناناس واذا مالقيتو خذو باكيت جلي ليمون

نص كاس ماي مغلي

4 مغلفات دريم ويب

مربى التوت او الفراوله انا احب التوت



الطريقه ..


ناخذ 10 حبات من البسكويت ونطحنه مع نص كيس الكيك وبعدين نحطه

على صينيه وندخله الفرن على اساس يكون لي الطبقه الاولى من التشيز كيك

وهذا شئ ملاحظ في تشيز كيك سعد الدين انو طعم الطبقه السفليه كأنه كيك مش بسكوت


طيب بعدين نروح نخلط الدريم ويب مع الحليب بالخلاط

وبعدين ناخذ نص كاس مويه ونحط عليه الجلي ونخليه عالنار

ولما تغلي نخليه شوي بعدين نضيفه على الدريم ويب بالحليب واحنا نخلط

< الجلي هو اللي يسبب الحموضه البسيطه في الكريما مرررره لذيذ

وبعدين نحط عليهم الجبن حبه حبه واحنا نخلط


بعدين بنكون طلعنا البسكوت والكيك من الفرن نخليه يبرد شوي بعدين نصب فوقه المقادير

وندخله الثلاجه يبرد طبعا بيجلس ساعات لحد مايتماسك

بعدين نضيف فوقه المربى ويطلع لكم احلى تشيز كيك


وبحكم اني وحده مبتدئه بعالم المطبخ الا اني حبيته خاصه بالعطلات ..

فانا سويت غلط مررررررره غبي فلا تسوون مثلي


شووفوا الصوره وبتعرفون وين الغلط





انو انا ما انتبهت لنوعيه الصحن الا لما جيت اغرف القطع

مفروض التشيز كيك ينحط بصحن ينفتح من تحت

بس يالله نتعلم


على قوله شخص مااا ... انتي قطعتيه بيدك والا بالسكين هههههههه


حرام جبت كل شئ عشان اقطعه السكين والملعقه والمغرفه وبالقوه طلعت القطعه

يعني لاحد يحطمني

لاحد يعلق عالتقطيع لاني ماعرف اقطع مزبوط



يالله احلى شئ التشيز كيك مع الكابتشينو < بارد + حار


فانا بعطيكم احلى طريقه للكابتشينوو سويتها اليوم مثل كابتشينو جوووفيرز


اول شئ


كميه من النسكافيه < براحتك

نص هالكميه من النسكافيه سكر

ونص كميه السكر مويه

فهمتو علي

يعني

كابتشينو : سكر : مويه

بنسبه

3 : 2 : 1


ونحطهم بالخلاط ونخلط كثير

انا اضفت الكاكاو واذا ماحبيت مو لازم هو الاساس مانضيف كاكاو عشان يطلع كابتشينو عادي بدون نكهه

وبعدين راح يطلع لنا مزيج ناخذ المزيج ونحطه بعلبه وعلى الثلاجه نحتفظ فيه قبل الاستعمال على الاقل بساعه


وبعدين


متى ماحبينا نشرب كابتشينو نقوم ناخذ الحليب ( اي شئ طازج . بودره . مركز ) المهم ونفوحه على النار

يعني اذا مركز او بودره نحط مويه ونحطه على النار حتى يغلي

واذا طازج نحطه على النار حتى يغلي

وبعدين ناخذ ملعقه كبيره من المزيج ونحط ملعقه كبيره لكل كاس ونصب عليه الحليب ونحرك ونحط سكر حسب الرغبه


ويطلع لك كابتشينو ولا الذ

خصوصا ان المزيج تقدرون تحفظونه بالثلاجه متى ماحبيتو تسونه جيبوا الحليب وحطوه عالنار وبس



وهنا وعافيه

[بعيدة المدى]

خجوله المبسم لاتروحين بعيد
كنت ابسالك كيف اخلط البسكوت مع الكيك في الطبقه الاولى ...؟؟

[عبادددي]

واااااو يامنال العالم اقصد يا خجولة والله مررررررره شكله جناااان ........

الله يعطيك العافيه مبدعه .......

[{ خَجوُلة آلمَبسْم]

احم احم صغرت الصوره لكم احسن كانت ماخذه مساحه اكبر

مشكورين عالمرووووووووور ياحبانيه < هع


بالنسبه لسؤالك يابعيده


تاخذي 10 حبات من البسكوت وتخلطينه بالخلاط لين يصير بودره وبعدين تخلطين مع نص كيس الكيك يعني الكيك ماتطبخينه ولا شئ

تاخذينه هيك وهو بودره بيضا لسا

وتخلطينه مع البسكوت ماتضيفي بيض ولا شئ بس كذا

وتحطينه بالفرن وهو راح يتحمر شوي بس ماتخلينه ينحرق بالفرن

وبس


اي سؤال انا جاهزه

[بعيدة المدى]

مشكورة اختى خجوله المبسم

إن شاء الله بكرة أجربها ؟؟؟مع القهوة ؟؟

بس بصراااااحه الصورة الى حاطتها ماتأهل ....هههههههههه
بجد كيف قطعتيها ؟؟؟قولى بيدك ؟؟ماراح اعلم احد ...

[{ خَجوُلة آلمَبسْم]

هههههههههههههه

ماعليك من الشكل المهم الطعم هههههههه

لا بالعكس اوكي بس انا ماعرف اقطع لان الصحن مو مناسب للتشيز كيك

بعدين وشوله ( الغندره) وهي اصلا بتنعجن في بطوننا ههههههههههه

[&طيف&]

يعطيكي العافية خجوله

واصلي واتحفينا بمواضيعك الحلوه

[بنت شيوخ]

اقتباس: على قوله شخص مااا ... انتي قطعتيه بيدك والا بالسكين هههههههه

احلى شيء التقطيع يفتح النفس ،،، يشجع انك تسوين وتاكلين >> امحق تقطيع

اعترفي ههههههههههههههه

وعلى سالفة التقطيع باليد

ذكرتيني مره سويت لعمتي كيكه زميلاتها بيجون >> الكهيل

وقلت خلاص اذا بتقدمين القهوه ناديني اقطع لك الكيكه

ومن العجله قامت طلعت الكيكه من الصينيه وكسرتها زي الخبزه بيدها هههههههه وودتها

قلت ليه كذا ،،، قالت اقول بياكلنها هيا

مشكوره حبيبتي على الحلا

وبالنسبه للكبتشينو انا اسوي طريقتك دايم ،،،،،مره حلوه

يعطيك الف عافيه

[سـحـــاب]

ما شاء الله عليك خجولة
فناااااااااااااااااااااااانة
المقادير كانت (جامعة) لكل ما هو لذيذ

يا ليت بناتنا يستفيدوا منك

سلمت أناملك

[{ خَجوُلة آلمَبسْم]

اقتباس: المشاركة الأصلية كتبت بواسطة سحـS.E.H.A.Bــاب      ما شاء الله عليك خجولة فناااااااااااااااااااااااانة المقادير كانت (جامعة) لكل ما هو لذيذ يا ليت بناتنا يستفيدوا منك سلمت أناملك

هههههههههههههههههه توني انتبه تصدق قريت الرد كذا مره ومستغربه شلون سحاب يمدح شئ سويته ! هههههههه

اثاري جامعه ههههههههههههه

الله يخزي شيطان سموكم طال عمرك


لا بس ضحكتني


يعطيك العافيه عالمرور ..



بنت شيوخ


قايلت لكم فوق هي بالاخير بتنعجن في بطوننا ليش الغندره بالله هههههههه


طيف القادم افضل < على فكره كل اطباقي براعيه مستشفى المواساه < الشاطر يفهم ههههههه


منورين الموضوع ياحبانيه