|| قصــــة :- ضــــآيـــ ع تهـــــور || دعــوة مجآنية للضحـك

[ملف ضآيع]

[align=center]سلآم عليكم

صبآحكم \ ومسآئكم ريحــة خيآس وبصــل من محـلآت آبو فرآس
دآري آني وحشتكم يالشيون والشينآت ,, بس مآعطيتكم آنآ آي آهتمآم لآني
الوحيد الحلــو اللي بينكم (( يآلبيه علي مـرة آطيح الطير )) لحـدن يجي
يحتـك فيني ,,

آسمحـولي <- عشآن ( كبريآء آنثى ) تقول مآشآء الله علي مثقف وعرف آحتسي
باللغة الفصحى ,, آن القي عليكم هـذه الابيآت العصمآء حتى تكـون مدخل لي (( بآب بيتكم آهـو )) فإذآ لم تسمحـوآ لي فهو خير وبركة وذآ سمحتم لي فقد جنت على نفسهآ
طرآبلـس <- يسمـع في المثل آخونآ في الله

حبيبتي آحبـك كثر موج البحر <~ يتسذب مثل اللي يحبـون
حـبـي لـيـتـس كـثـر مـافـي الـعـالــم قـهــر
كـثـر مــافـي عـمـان سـحــر
كـثـر مـافـي الاحـسـاء تـمــر
كـثـر مـافـي الـجـنـوب نـشــامى
كـثـر مـافـي الـخـبـر طخــامى < ~ آنت آولهـم
كـثـر مـافـي امـريـكــا يـهــود
كـثـر مـافـي الـصـومــال مـجـاعـه
كـثـر مـافـي بـيـتـنــا ذبــان < ~ والله من الوصاخه
لـشـفـتـس تــذكــرت الـمـخــرف جــدي
ومـع هـذا احـبـتــس يــا خـلــف اهــلي
احـبـتــس وانـتــي شـبــه رجـلــي ..
احـبـتــس .. احـبـتــس .. احـبـتــس < ~ والله والنصب

" نعم نعـم آنهآ قصيدة عصمآء سمعتهآ ذآت ليلـة ذيك وشسمهآ آييه عبلـه فجنن
جنونهآ فتفلت بوجه هـذآ اللي آسمه عنتر ,, وقالت له نعنبوا دآرك لك دهـر ونت
بس جآلس تهـذري علي "

\\
\\

موب كآني طولتهآ وهي قصـيرة ,, ومآتسوء السآلفة والله مآتدرون وش اللي تحـت
المهم هذي " قصيصة " <- يآحبـك للتصغير ,, آحطهآ بين آرجلكم آسـف قصدي بين
آعينكم ,, واللي يخش ومآيرد عليهآ عسآ بكرة يصحى من النوم ويحصل العطآش لآصقن
بعيونة ومآينشآل <- آمـوت في الدعآوي البريئة

فضـلآ لآ آمرآ عند المشآهدة اضغط ( F11 ) ونسيت آقولكم شغله اللي شيـن يقضب البآب واللي حلـو بس يطآلــع <- مآينعطى وجهه !!

** القصـة طويلـة شويآت تحملـونآ عآد **

- - - - - -- - - - - - - -- - - - --

|| الـــــبدآيـــة ||

في سنه من السنين الماضيه المغبره بغبار(ن) ماتشوف رجلينك منه جاتني رساله خاصه من عضو جديد ماله ولا موضوع الى مالحين اسمه آبــوك نعنبـوآ دآرك .. وكاتب بالرساله رد على جوالك يا سطل .. انا نشف دمي وبقى يغمى علي وقتها ؟؟ واناظر بالجوال الا رقم بيتنا ( يتصل بك ) وارد عليه الا ابوي على الطرف الثاني قلت هلا يبه سم ؟؟ قال سم يحوم تسبدك ياالهيس الاربد انت يالوح ورا ما ترد على جوالك ولا لازم نرسل لك رسالتن خاصه نقول رد (( ياخوي انت متأكد آنه آبوك((..قلت يبه من متى مسجل عندنا بالمنتدى !! قال سجلت عشان اقولك رد على جوالك الله ياخذ عمرك .. اتاري الجوال كان يرن وانا ماجبت خبره مهيب فيه .. قلت سم يبه وش تامرني فيه ؟؟ قال جعل تمر عليك تريله ياالبزر

المراد ان آبوي كان يبيني بموضوع مهم الا وهو العرس (( وراكم تناظروني تسذا يعني شلون الشيون مايصير يتزوجون )) . وكعادتهم دائم(ن) يكلموني عشان اتنازل عن بعض المواصفات اللي ابيها في فتاة احلامي عشاني كنت طالب من اهلي عروس دفرنسين ويكون برستيجها عالي مثلي ومافي مثلها اثنين (( ايه هين يالشين ولا في احد يلبس شماغ العقل ليما الحين)) .. وارد عليه بنبرة حزينة وقلت مايصير يبه تنازلت عن الشي الكثير .. قال اسمع ولايكثر كل اخوانك تزوزو وش زودهم عنك (( هو صحيح خواني شيون بس ماهم مثلي شين مره ((.وكملت الرجال مهما كانت عيوبه مارده يلقى بنت الحلال اللي مضيعه عمرها وترضى به .. قلت يعني وش قصدتك من حسييك .. قال لقيوهآ ياوجع ابوك وتراها بنت ناس اجاويد وابوها رجال شرواك .. قلت شرواك اللاش .. قال اقول انطم بس خلني اخلص حتسي .. قلت يسلمو (( علوم المرجله رايحه فيها(( قال والله ياملف هذي اللي تناسبك واصلن مالك الا هيفا قصدي مالك الا هي واسمها نانسـي.

وانا اللي اشهق اول ما سمعت اسمها صار وجهي تسنه رضيع ماكل فلفل مدري وش اللي جاني بس حسيت انها هي فتاة احلامي ومستقبل حياتي (( البلوغ شين قصدي الحب آعمى )) وبدا الحارش المارش يلعب بحسبتي وهالحاله ما بدت تجيني الا عقب ماتجاوزت سن البلوغ وبدت فيني علامات وبوادر البلوغ (( هذي بوادر بلوغ ثور موو آدمي((.. ومن بوادر هالبلوغ انه يطلع شعر بصدرك وبسيقانك وتبدا تلبس فانيله علاقي وصروال سنه صغير (( ايه بعد طلع لك شعر ما عاد احد يقدر يخيل ويقولك يالاملط)).. وتبدأ تنام من غير ما تمص صبعك وتصير تحب تنام على بطنك (( لاتؤاخذونه هذا مفهوم البلوغ عنده))



وما انقطع حبل افكاري الا على صوت الوالد وهو يقول هاااه وش قلت ياوجه الفقر .. قلت له بس انت ما علمتيني هي مين تشابه من مطربات هالعصر ؟؟.. قال على تبن وتتشرط بعد بس ترا البنت مزيونة وفيها بوهتن من سميره سعيد الا ان عيونها اوسع شوي.. قلت احلى عشان نسوي ديتو مع بعض .. قال الوالد ملــف .. قلت سم .. قال انطم لو سمحت قل تم ولاتطولها وهي قصيره .. تسان اقوله تم الله عدوينك.. عاد الوالد كلم الوالدة والوالدة بدورها كلمت ااهل البنت واتفقت معاهم على موعد الخطبه وان مافيه الحمدالله اية عواقب في الموضوع يعني مابقى الا نقرا الفاتحه والمعوذات (( وين بيطلع جن الاخ )).. وفرحت انا بهذا الخبر وصرت اعد الليلالي والدقايق والثواني للقائها ليما غدت حالتي ميئوس منها دايم ساهي وفاهي اتخيلها واقول بخاطري ياربي كيف شكلها وهل هي راح تبادلني نفس الاحاسيس والشعور (( وانت عندك شعور من الاساس((..حتى اني قمت احاتسي روحي وصارت التخيلات تطاردني من مكان لمكان حتى اني لاركبت السياره صرت اتخيل انها راكبه معاي لدرجة انه في يوم بغيت اصدم وماوعيت على نفسي الا وانا طامر وحاط يدي على المرتبه اللي جنبي (( يلعن ام القراوه بسرعه يحبون ((

الين ماحان موعد اللقاء وقمت هذاك اليوم غسلت وجهي ونظفت اسناني (( اذبحني بهذي )).. ولبست فانيلتي العلاقي الصفرا مع صروالي السنه بوبطه طالع فيه كشخه بس عيبه انه مشقوق من الركبه والرزبده حقته الله بالخير منتهيه عشاني كل مامشيت طاح حتى اني مره كحيت وطاح (( حشى والله لو انه مربوط بخشمك((. ولبست ثوبي ورسمت وصرت جاهز لهذي المناسبة السعيدة ومانقطع علي حبل السعاده الا يوم اكتشفت عقبها انه ماعندي جزمه كلهم يامقطعين ولا فرده وفرده (( يلعن ام القراده )).. فتوهقت وعن الموعد تأخرت فدبرت نفسي ولبست بوت الاديداس بومسامير اللي يوم مالبسته وانا حاس فيه اني رسمي ابد تسني حمد المنتشري (( يلعن ام الطموح ياشيخ )).. وطلعت من غرفتي واطلقت سيقاني مع الريح (( لا ياشيخ علمنا بالله وشلون تجي ذي )) .. يعني مسكت صروالي وصرت اركض حتى اني اول ماطلعت من البيت صدمتني سياره بالطريق ومع هذا قمت وانا اعرج واشر لراعيها روح مسامحك .. مسامحك (( يلعن ام القراوه لاحبو))

طبع(ن) انتو مستغربين ليش اركض والسيارة موجوده بصراحه سيارتي قرنبع وقديمه وتفشل بويتها تسنه مبنى حكومي من زود ماهو مقشر والمعجون مرصع فيها من كل جهه صاير لها ثلاث الوان بني واخضر وازرق تقل لاقيها في بيارة حتى انها يلا تمشي ومافيها الا اول وانا ابي اوصل بسرعه ناشبتن بتسبدي ابي ابيعها بس مو لاقي احد يشتريها (( يارجال بعد وضفك ذا حتى التشليح مايبيها )).. المراد اني يوم وصلت لباب بيت نانسي رجعت خمس خطوات لورا ورفعت ثوبي لسري وربطته .. وحطيت يديني عالارض استعداد(ن) للانطلاق حتى اللي يمر ويشوفني بهالوضعيه يقول وش به ذا يصور )) وعيباااه يحسبونها كاميرا (( وهووبااا انطلقت مسرع جهة الباب مع قفزه بهلوانيه مستغل فيها الليونه اللي يمنحني اياها جسمي (( مكتسبها وراثه عشان جدي الاكبر الله يغفرله كان غوريلا (( وعفطت ظهري على ورا عشان اضمن اني اطق الباب باقوى ماعندي الين ما سمعت طقطقة ظهري .. وصرخت بصوت عالي كيمبوو وجاوبت الباب بجبهتي الين ماانشلخ عشان يحسون اني قوي وانهم يشترون رجال (( الله العالم انهم بيشترون باب جديد .. بس الشرهه مهيب عليك على ابوك اللي ما دخلك شهار(( . وافتحوا الباب يووو عاد التسذب خيبه الباب انفتح بلحاله .. تسان يوم انفتح الا ويطلع لي ذاك الشيفه الله لايوريكم والله انه فضخ قلبي وارتعت من شكله وقلت بخاطري ياقرد حظي دام ذا ابوها فكيف هي .. بس عقبها قلت بخاطري ياولد اتبع القاعده اللي تقول اذا شفت القرد برا شف الغزال جوا (( ابوك على قاعده تعرفها((

عاد ورحت سلمت عليه وهو يناظرني ويتبسم بوجهي ويناظر بالاديداس وانا اناظره واقول بخاطري وش يبي ذا لايكون بس راسم عليه (( الا والله يقول وش هالعريس اللي ابتلش فيه )).. وقام قلطني داخل البيت واللي بس ما امداني احط رجلي داخل عتبة البيت الا وانا منفرش على الارض (( حاطين رخام الله يغربلهم شكلها من اولها يبون يصرفوني)).. وعاد اختربت الشخصيه وطاح الصروال وحقدت على ام اللي جابته اللي ماصدق و كرررها ضحكه وهو جاي يساعدني عشان اقوم وقال الله يهديك لابس هالجزمه يالجمعان ؟؟.. عاد انا كل ما مشيت بجزمتي الاديداس زلقت ثانيه وجيت على بالي بصرفها وقلت تيب وخر لاشوتك .. عاد وقلطني بالمجلس وجلس يرحب بي ويهلي وقالي وش تشرب ياولدي .. قلت ابي عصير ياعمي (( وش رايكم فيني وانا مؤدب (( والله ويقوم يرفع سماعة التلفون ويقول هاتو عصير وشاهي لي وجلسنا مع بعض الين مادخلت علينا وحده شايله صينيه فيها بيالة شاهي وكاس عصير كبير .. تسان يوم جت تمد لي الصينيه ناظرته وانا اقوله ماشاءالله هذي شغالتكم .. تسان يناظرني وهو يأشر عليها ويقول لا وانا عمك هذي العروس .. وانا اللي انحرج منها واحقد عليه زود واقوم وآخذ الشاهي حقه (( ههههاااي ياحبي لي اذا حقدت )) واناظره وانا اشرب الشاهي واقوله عادي ؟؟؟.. تسان يقوم يستخف دمه ويقول عادي ولا اوتوماتيك .. ناظرته بوجه بشوش وقلت لا بخخخخخخخخخخ حلوه دمك خفيف (( والله لو بنته مهيب فيه تسان قلت له كل تبن يالماصل ((




وجت وجلست معنا شوي وتسنها جالسه على قلبي وانا ماغير مناظر فيها وما شلت عيوني عنها صاير وسيع وجه هذا وابوها معنا جالس اجل وشلون لو راح (( لو راح بيصير شي ما صار )) وقعدت اشرب الشاهي برواقه وانا حاط مصبع رجلي على خدي بكل دلع واطلع صوت شفطات استهبال عشان احره (( ماخذ الشاهي حقه )).. تسان يوم خلصت ناظرني وقال ابخلى البنت تقعد واسالها سؤالين بس ولا تكثر وان قالت لى البنت انك سئلتها واجد والله انى لطردك من البيت وازوجها غيرك ويلا استأذن انا الحين اسمحولي .. تسان اقوله ولو خذ راحتك البيت بيتك (( ياشيني مسوي فيها راعي البيت )) وجلسنا دقيقه انا وياها ساكتين فلملمت كلماتي وقلت السلام عليكم .. فقالت والحياء يغطي وجهها الخمري وعليكم السلام .. سكت شوي وقلت مره ثانيه السلام عليكم (( ياصعب الموقف صعباه حتى رجولى قامت تتصافق تقل في عز الشتاء بردان((.. فناظرتني باستغراب ولاردت علي .. وانا حسيت انه ضاع وجهي بعد فقعدنا ساكتين وساد الهدوء وخيم الصمت علينا .. الين ماحسيت ان في احد يدق كتفي والتفت بشوف منو ؟؟ الا ويطلع خويي شوشو ما غيره رافع(ن( صبعه يبي يكلمني ناظرته واستنيته يقرب واقوم اتفل بوجهه وقلت له وش جابك ياحيوان هذي زوجتي مو خلوه غير شرعيه عشان تكون ثالثنا .. قال ادري وعلى بالك لو كانت خلوه غير شرعيه بترك اشغالي واجيك (( يلعن ام التحطيم )).. وجودك يكفي بس صدقني هالمره قصدي شريف وجاي ابي اساعدك .. رفعت حاجبي الايمن وقلت كيف.. قال ياملــف البنت تبي من يدلعها ويحسسها بانوثتها ويغازلها .. قلت وربي منتب بصاحي وشلون يعني اقولها تبين الرقم !!.. قال يا غبي قصدي كلمها كلام غزل حسسها انها احسن وحده بالعالم .. قلت مافهمت يعني وش اسوي اقولها انتي احسن من مارادونا !!.. قال يالوح تقرب منها وقولها اي شي يجي على بالك لاتقعد ساكت .. والله واقعد افكر واقرب منها واقولها الا الحين ابوتس وش يقرب ليتس ؟.. وبرضو رجعت ناظرتني باستغراب ولاردت .. ورجع الصمت خيم علينا مره ثانية ومرت الثواني والدقايق وحنا على نفس جلستنا حتى انه الصمت قفلت معاه وشال خيمته وراح طقها في مكان ثاني..

تسان اقوم اطلع جوالي واقعد العب بلعبة الدودة تسان تقعد شوي وتناظرني وقالت تبي تدق على احد ؟؟؟.. تسان اقول بخاطري وانا العب ومندمج باللعبه وش تبي ذي الغثيثه ماتشوفني العب شكلها منقهرة عشاني جايب درجة عالية وتبي تخرب علي (( يلعن ام المبزرة((. تسان اصرفها وقلت لا هذي رساله جديده واصلتني وجالس اقراها .. قالت لا وشي اقرالي اياها ؟؟؟.. تسان اللخم على وجهي واطمر لصندوق الرسايل واقعد ادور على احسن رساله عندي بس المشكلة انه كلهم نكت وجرات واستهبال مالقيت شي يواجه (( مالت عليهم الاخوياء وهقوني برسايلهم كلها عن محششين )).. بس لقيت وحده خابر انها ماصله بس هي اكثر شي يواجه عندي وقلت اشوف القمر تزداد فرحتنا ..اشوف النجم تكبر وناستنا ..اشوف وجهك اتذكر شغالتنا .. والله وهي اللي تكررها ضحك وقالت حلوه الرسالة .. تسان اقولها من غير شعور والله انتي اللي حلوه يابنت التسلب (( ماش ماقدر اخبي حقدي على ابوها من يوم مازلقت وانا حاقد عليه (( تسان تستحي وخدودها يحمر(ن) وقالت ملف .. التفت عليها بوجه يشع برائه وطفوله وقلت ياعيون ملف وطوايف اهله كلهم (( والله اللي يشوف وجهك يعرف ان الدنيا مافيها برائه((قالت كلمني عن نفسك .. تسان اختبص والله مشكله ما عندي اسلوب في الحتسي وقلت والله نفسي هي نفس اي مواطن سعودي (( نفس الاسطوانة وين نروح يا ربي ((. قالت لا يعني كلمني عن طفولتك عن حياتك عن كفاحك (( امحق طفوله وحياة وكفاح والله بلشه وش نحتسي))

تسان اقعد اخربط لها عن طفولتي البنفسجيه وعن التغيرات في حياتي وعن كفاحي واستدللت عليه يوم رفعت لها رجلي اوريها مكان مسمار وطيته يوم كنت صغير ومادريت عنه الا يوم جيت ابسافر عقب عشر سنين في المطار يوم رن باب كشف المعادن (( يلعن ابو الكفاح اللي تعرفه )).. والين ما شافتها عيوني مع الاستعانة وتشغيل الاسطوانه المكررة وهي اني يوم شفتس حسيت ان ما مضى من عمري ماهوب محسوب .. لان حياتي قبلتس كانت كلها حبوب في حبوب .. ان يمنعوني من حبتس فالممنوع ياروحي مرغوب .. انتي لي وعن حبتس ما راح اتوب .. حتى لو عملو لي عمل ولا سوولي اطبوب .. راح ابلعه وازرطه زرط واشرب عليه سن توب .. عشان اسميتس ياعمري جوا البي مكتوب (( يرحم ابوك لاعاد تشوف فلم مصري وبعدها تكتب موضوع انت ووجهك ذا اللي تسنه قدر مقلوب)) انتي الغالب وانا المغلوب .. انتي الكافي وانا الكوب .. انتي عبلة وانا شيبوب .. انتي الهبله وانا المحبوب .. تسان تكررها البنت ضحك وقالت ما شاءالله دمك خفيف .. وانا اضحك معاها وقلت تسلمين بس مو اخف من عقليتس (( ماعندي اسلوب ابد ))

تسان وحنا في قمة انسجامنا درعم علينا ابوها هو ووجهه اللي تسنه منيو مطعم هندي واللي البنت اول ماشافته استحت وقامت واستئذنت .. عاد جا وقعد وصار يناظرني من فوق لتحت وقال يالله تحيي ملف ولد ضآيع عاشق البراري والصمان ومهجد الجرابيع والضبان ومدمن عالجريش والقرصان اثرك شاعر يالتعبان .. انا فجأه عيوني اطلعت والمغاره عندي توسعت وقلت له هااا .. ناظرني بسخريه وقال اجل من هوايتك التسدح ووظيفتك تلف لفه وتحطه فوق الشفه (( لعنبوه داخل على ملفي الشخصي بالمنتدى(( وكمل وانا ضايع وجهي ومنزل راسي وقال ابوك وطلعته كديش وامك طايحه بالحشيش واقرب صديق لك هو ابليس (( يقصد شوشو )).. وانت عندك انفصام بالشخصيه والمصحه ماقبلوك عشان خاطر المجانين يالشين
(( ياشين اللي يكتب عندكم والله انواع الفضايح((وانا اللي ينقطع الارسال عن مخي وينربط لساني وماعرفت ارد وقلت محجوز .. وماشبك معي مخي ثاني الا على صوته وهو يقول قم قامت عصبك .. وانا اقوله طول بالك علي ياعمي عطني فرصه ارد بس مدري تبي رد عادي ولا اشغل الاقتباسات ولا استنى اشوف كيف تقوم عصبي (( فاهم غلط اللحجي (( وهو اللي يخزني ذيك الخزه خلت الركب عندي تتصافق وقلت له عادي عمي شقاوة شباب .. قال جعل راسك الشق انا مو بايع بنتي عشان باتسر تقوم تشهر فيها بالمنتديات .. قلت وش دعوه ياعماه .. قالت عمت عينك يابوجبهه (( هي وصلت للجبهه )).. وماوعيت عقبها الا وفاصخ عقاله وقام يمحط وانا وكل ماحاولت اعط زلقت مع الرخام وصرت افحط وهو يمحط ويقول يالداشر يالمجنون ياملاحق الشغالات (( يلعن شكله عارف عني كل الشغلات )).. وانا اقوله خلاص تكفى والله قويه .. قال عمى علم نفسك .. قلت لا انا اقصد المحطه بصراحه قوية .. قال الله يخلف عليك ياوجه البطه ويكمل تمحيط وانا مواصل تفحيط تسان عقبها شالني من كراعيني وشاتني برا (( اموت واعرف من اللي فتن علي وعلمه ابن الابلسه ((
المراد اني قمت ونزلت ثوبي وجمعت بعض اغراضي المتنثرة ورحت البيت وانا ضايق صدري ومتكدر تسان وانا داخل وطيت على شي مدري شو والتفت اشوف وشو والاقيه ابوي منسدح وانا واطي على رجله وهو اللي يكلمني بكل حب وحنيه وبكل معاني الابوه وخر حمار انت ماتشوف .. تسان اوخر واقوله الا والله اشوف بس انت وش عندك منسدح هنا ترانا حاطينك ابونا هنا مو مطبه بالبيت .. قال كل تراب وطس انت ووجهك اللي تسنه وجه قرد مضيع امه (( يا حليله ابوي صاير يذب((. قلت ابشر طال عمرك انت ووجهك اللي تسنه وجه بزر مسويها على نفسه .. طبعن الاخيره قلتها في نفسي لانه عيب احش ابوي في وجهه مهما كان يضل اسمه ابوي (( ياخوي سلم لي على الاخلاق اللي تعرفها )).. وماوعيت الا وامي جايه تسان اول ما شافتني طبت فيني وقالت هاه علمني بشر وش سويت عسى اعجبك ذوقي واتفقتو .. واسمع ابوي يتمتم ويكلم نفسه ويقول ايه هين هذا وجهي تسانه بيعرس فرمقته بنظرة تقول المره ذي وطيت رجلك المره الجايه بتوطى رقبتك (( يلعن ام القفله ياشيخ )) والتفت لامي وقلت نتفق على ايش حرام عليتس تلعبين علي البنت تشابه سميرة توفيق وانتي تقولين تشابه سميرة سعيد (( يلعن ابوالتصريفة المخيسة ((

قالت كله واحد وانا امك كل ابوهن يغنن وانا منيب افرق بينهن .. قلت لا والله الشرهه مهيب عليتس الشرهه على اللي يوصيتس انتي وضروسيتس اللي تسنهن ضروس انغام قبل ما تعدلهن )) ياخوي استح على وجهك هذي امك((. تسان يلتفت ابوي لامي ويقول احسن اكليها ولا ذا يستاهل احد يتعب عشانه والله لو انك سامعه كلامي ورايحين فيه سريلانكا وجايبين بداله شغاله ماكان اصرف .. شوي الا ولاحظت على الوالده التأثر واثرت فيني فقربت منها وقلت لها سامحيني يمه والله مايهون علي زعليتس .. تسان تناظرني وهي تستغفر ربها وقالت انا مو زعلانه منك ياوليدي انا زعلانه على كلام ابوك وش ذنب السريلانكيين يتحملون غلطتنا مهما كان منهم مسلمين (( يلعن ام التحطيم اللي الاقيه من هالاثنين )).. فانسحبت منهم بهدوء احافظ فيه على ماتبقى عندي من كرامه وكملت طريقي وطلعت لغرفتي متكدر وضايق خلقي حزين ومهموم بس مو عشان نآنسي مع اني شاك انه لو تم الامر على خير ووصل موضوعنا للمحكمه ان الشيخ بيتفل بوجهي ويقولي انت يالقروي وجهك وجه واحد اسم زوجته نانسي ؟؟.. قل صيته .. عمشه .. شمه بس نانسي لا والف لا ثم(ن) بيطلقنا بحجه ان التكافىء بيننا معدوم .. عشان تسذا ماهمتني ولا حزنت عليها ولان البنات بعد على قفى من يشيل لاراحت نانسي تجي عشره غيرها (( يارجال انطم انت لاقي وحده تقبل بك ياطوم كروز )).. انا بصراحة كان كل همي وحزني عشان ..

.
.
.
.
.
.
.
.
.
.
.
.
.
.
.




صروالي بوبطه طاح عند نسيب الغفله اللي طمع فيه وعيا يرده (( وين يرده شافه اصلي مافي مثله ))





الفهـــرس <- تخآيلــــــوآ عآد ,, معليش على الآطالة بس لزوم تطولون شوي
<- يستخف دمــه !! آن شآء الله القصة آعجبتكم ,, ونشوفكم عمآ قريب ,, طبعآ القصة و الاسماء من خيآل الكآتب عشآن محدن يصــدق


تحيآتي ,,,,

آخوكم \ ملــف ضآيــع ,, (( طآرق )) [/align]

[ملف ضآيع]

[align=center]آعذروني على الاطآلة ,, وآعذروني آذآ بــــوه آخطآء آمـــلآئية [/align]

[زهرانيه اصيله]

صراحه تعبت وما قدرت اكمل لين الاخير بس مشكور على الخيال يا قروي

[Mr.RoMaNiStA]

جاني تمزق في المخيخ من قوة ملاحظتي على موضوعك

الحمد لله مافي ذكر اسماء غير كبرياء انثى

[كبرياء انثى]

هلآآآآآآ طرووق كيف الحال يابو الشبااب وين الغيبات كيف ام العيال وعيالك الجن والله وحشووني كان لهم حس في الحارة من بعد مانتقلتوا ماعاد سمعنا احد انكسر راسو ولا احد انسرقت الشطة من محلوا << سلامات من متى المعرفة
المهم ندخل في صلب الموضوع <<
تسمع ياخووي بالمثل اللي يقول من ترك شيئا لله ابدله الله خيرا منه <<هذي آآية يالخبلة
الحين ضاع سروالك ابو بطة مع ابو نانسي ربي بكرة يرزقك بسروال ابو قرد
عادي
بس قسما قسما وقسما وحدة بعد ان القصة كووشخة واسلوبك مضبط الطريق فيها
سي يووو

[ملف ضآيع]

[align=center]

اقتباس: المشاركة الأصلية كتبت بواسطة زهرانيه اصيله      صراحه تعبت وما قدرت اكمل لين الاخير بس مشكور على الخيال يا قروي

زهـــــرآنية آصيلـــــة <- كآن يبي يكتب آصليــــــــــه

حيآك الله في مستشفى شهآر لصحــة العيـــون وطــب الآسنآن

تصدقين توني آشوف آن الموضوع طــــويل ,, والله يعين على الفآتورة يحقون الدآيل آب

وآل قـــــروي قــــــــوي . . وآل حضّـــري طـــــري

منــــــــــورة خيتـو ,,,[/align]

[ملف ضآيع]

[align=center]تــــــــــــوني آدري آن الســــــــــآعــــــة 2:52 يعني شويآت وبيآذن ونتـــم يالشيون لزقتـــم لي
الزبـــــــــدة آبدف الكرسي وبروح آتسحر الوكآد آن بطنـــــــي آهم منكم
بالله وشرآئيكم فيني آصرف كآش آحــــــــسن من حقـــون الرآجحي

لي بآك معآ تعليقآتكم يالله هنآآآكـ

تحيآتي ,,,,,[/align]

[عبدالله العلي]

مرحبا...


ملف حرااااام عليــــــك .. !

طويله @

تبي الصراحه ! ما قرأتش شيئا .. المقدمه والختام بس ..


مافي حيل الحين .... اكملها بعدين ...




تدري ليش قلت كذيه !


عشانك تناظر فيه الحيييييييييين

باي

[ملف ضآيع]

[align=center]بــــــــــــــــــآك آيهآ الدآجــــــون والدآجآت في مشآرق الآرض ومغآربهآ

آبغيت آعلمكم آني تسحـــــــرت يآخـــــــوآن حنآ السعوديين صرنآ تفـــــــــوخ والسبة هالـــــــرز نعنبـــوآ آبليسنآ رز رز رز مآفيه تغيير آذآ بغيينآ نغيير حطينآ سلطـــة

المهم هالكبسة كآنــت رآئعة بمآ تعنية الكلمـــة وزدت عليهآ بطيييييييخ ولبن وتسني آبصير
يهـــــــودي وآسحب على آم الدنيآ



نعـــــــــود للتعليقآت <-- بدري [/align]

[ملف ضآيع]

[align=center]

اقتباس: المشاركة الأصلية كتبت بواسطة مجوديـنـتـش السفاح218      جاني تمزق في المخيخ من قوة ملاحظتي على موضوعك الحمد لله مافي ذكر اسماء غير كبرياء انثى

هـــــــلآ بالسفآح اللي قتل ذولآك الحرآمية

يخـــوك سم بالله على نفسك ,, قول تمــــــزق في الركبة تمـــزق بالظهـــر آمآ بالمخيخ يخــــــوك آتفل على آبليس <~~ هـــذآ اللي يبي يتكفخ

والآسآمــــــي يخـــوك على قولة هذآك الآهبل ( زحلـــــــــطن ) ولعــــــد تدف ونـــــت ترد لخليك تكآية لمجلس بيتنآ آمزح معـــــــــــــك يآنــور عيني <~~ كيف بس عسآني شبكتك

منور يالغآلـــــــــــــي ,,,,,,[/align]