كسرات

[ألمحيط]

راشد الزهراني المحيط
موج المحيطات مثل الطور = ماكل بحار يسريبه
وبحر المعاني وراه بحور = نلقى المثل فيه ونجيبه

صح لسانك يابو احمد
ولولا شاعريتك لم نجد هذا المثل الجميل والرااائع بحق
امير الكسرة القدير ناصر الحجوري

ماينكر محيطنا المشهور = إلا مروج اكاذيبه
والشاهد اللي مايشهد زور = ينطق مع الحرف ياذيبه
راشد
مشكور ياصاحبي مشكور = ياعد معروف في طيبه
دايم شهادتك مثل النور = شاعر وقوله نماريبه
شاعر مثل بالمثل مقرور = دايم وهو فوق راقيبه
طيبك سوات العطر منثور = معناك كلن يغنيبه
امير الكسرة
عزيزي الغالي الشاعر المخضرم راشد الزهراني
اشكرك على ماجاء في الرد من معنى ارفعه لك على الجبين واعلقه على صدرى بكل فخر
وماعليك زود يالغالي
واليك مع التحية ويصحابنا سامحونا
يامن حروفك سناء بلور = يامحيط لُجة أكاريبه
لبستني ثوب ياغندور = عسى غروري مايدريبه
ياراشد الشعر يادكتور= معناك عذبه مشاريبه
واللي يزيد السرور سرور= رقة كلامك وتهذيبه
=
البدع راشد الزهراني ( المحيط )
محيط فكري بدون حدود = ولا مراسي ولا مينا
نبحر بغزره سوى ونعود = ودر المعاني بيادينا
منظمه عقدها منضود= غصبا عن اللي يعادينا
وعذب المثايل عليه شهود = ويشهد لنا عهد ماضينا
الرد من الشاعر الكبير عايش الأحمدي=
صحيح هذ الأدب مشهود = نبعه من العذب يروينا
مافيه ناقد ولا منقود=رايق على حسب امانينا
من منهله صافى المورود= مايعكره شى ياخينا
ولصاحبه بالأدب مسنود = شاديه غرهد بوادينا

الغالي راشد الشعر
لاشك أن فكرك محيط ودر المعاني بيدك منضود عقدها غصبآ على من يعاديك وانا معك من الشاهدين 0
الغالي راشد
سبقني عميد اهل المعنى المخضرم ابو سالم فالمجاراة ووفى وكفى فالاعتراض
وصح لسانك ولسانه على هذا المعاني التي نالت اعجابي واحببت أن اشارككما فيها
حضرت شاهد على المجرود = اللي على طالعه جينا
راشد ياثالث هرم موجود = لو شككوا في اسامينا
ماهتمّ وانت معي موجود = والحرف مرفى مراسينا
نعزف على مفردات العُود = عدينا ياشوق عدينا
=
امير الكسرة ناصر الحجوري
حرفك نسيم الجنوب يمر = شاطي بحرنا ووادينا
شاعر وطِيبةّ نباك تسر = ووجودك يسر نادينا
جمّ المعاني لحقها الضر = نادي مغاويرها تجينا
والحر يفهم كلام الحر = لو بالإشارات بيدينا
الرد راشد الزهراني ( المحيط )
عذب المثل والكلام الدر = تنساق لجله معانينا
وميزانها بالمعاني يقر = ويرضي جنابك ويرضينا
والعذب ماهو سوات المر = واحنا نقيه مراوينا
مانسير سادة غرور يغر = مبداه ماهو مبادينا
=
راشد الزهراني
الحرف فن وادب واخلاق = محفوظ بقلوب عشاقه
اللي لهم بالمثل ميثاق = وصانوا عهوده وميثاقه
الشاعر يحى معوض السناني
صدقت ياشاعر العشاق = ياحرف كالدر فاعماقه
مايميز الشاعر العملاق = حرفه وفنه واخلاقه
==
شاعر حرب الغيداني
أنت المحيط اللي به الموج عالي = وأنت الذي راجح بكل المحيطات
فيك الأدب مثل القراح الزلالـي = اللي وزانه راجـحٍ المحطـات
الرد من راشد الزهراني (( المحيط))
انت ومثلك بالبشر راس مالي = معناك صافي دائما من صفا الذات
شعرك جزل وحروف شعرك لآلي = فيها اتنومس وافتخر كل الأوقات
=