من روائع البدر

[شذى الريحان]

[frame="3 80"]
ضيفنا في سطور

اوسطهـا .. الدال .. والاخـير .. راء
والاول .. يقـال انـه الثـاني مـن حـروف الهجـاء .. ال،،بدر


,, بـدر بن عبــدالمحســـن ,,










بدر بن عبد المحسن بن عبد العزيز من مواليد مدينة الرياض في 2 ابريل عام 1949، و هو الإبن الثاني لصاحب السمو الملكي الأمير عبد المحسن بن عبد العزيز - رحمه الله - .

صورة البدر واخوه الامير سعود





تولى والده سمو الأمير عبد المحسن بن عبد العزيز إمارة المدينة المنورة في ربيع الثاني عام 1385 ه، وخطت المدينة في عهده خطوات واسعة نحو التقدم والتوسع العمراني، وكان لين الجانب لأهل المدينة، حريصاً على لقائهم ومجالسة وجوههم.



ومما يذكر من نجدته أنه بعد تسلمه الإمارة بفترة وجيزة؛ انهارت عمارة في شارع المناخة، فسارع إلى الموقع، وأمر بضرب الخيام في المنطقة، وأقام فيها أكثر من أسبوعين، يشرف بنفسه على عملية إزالة الأنقاض واستخراج الأحياء والمصابين.



وكان طوال مدة إمارته حريصاً على متابعة الأمور في مواقعها، إلى أن داهمه المرض واشتد عليه، فنقل إلى مستشفى الملك فيصل في الرياض عام 1402 ه، حيث وافاه الأجل المحتوم عام 1405 ه،





وقد رثاه البدر بقصيدة ( غزوك يا شيخ انكف ).
و والدة الأمير بدر بن عبد المحسن


هي الأميرة وضحى الحمود الرشيد - رحمها الله - .


و له من الإخوان كل من :
- سمو الأمير سعود بن عبد المحسن بن عبد العزيز أمير منطقة حائل.
- سمو الأمير وليد بن عبد المحسن بن عبد العزيز.
- سمو الأمير فيصل بن سعد بن عبد العزيز.
- سمو الأمير عبد العزيز بن سعد بن عبد العزيز نائب أمير منطقة حائل.



و له سبع أخوات.
و له ثلاثة أبناء هم:
- سمو الأمير خالد بن بدر بن عبد المحسن بن عبد العزيز.
- سمو الأمير سلطان بن بدر بن عبد المحسن بن عبد العزيز.
- سمو الأمير سعود بن بدر بن عبد المحسن بن عبد العزيز



و له عشر بنات و هن
- سمو الأميرة نوره بنت بدر بن عبد المحسن بن عبد العزيز.
- سمو الأميرة لمى بنت بدر بن عبد المحسن بن عبد العزيز.
- سمو الأميرة العنود بنت بدر بن عبد المحسن بن عبد العزيز.



- سمو الأميرة صيته بنت بدر بن عبد المحسن بن عبد العزيز.
- سمو الأميرة بسمه بنت بدر بن عبد المحسن بن عبد العزيز.
- سمو الأميرة لين بنت بدر بن عبد المحسن بن عبد العزيز.



- سمو الأميرة سلمى بنت بدر بن عبد المحسن بن عبد العزيز.
- سمو الأميرة مشاعل بنت بدر بن عبد المحسن بن عبد العزيز.


- سمو الأميرة الجوهرة بنت بدر بن عبد المحسن بن عبد العزيز.
- سمو الأميرة وضحى بنت بدر بن عبد المحسن بن عبد العزيز.
حفظهم الله جميعا.



و لسموه اهتماما بالرسم كهواية الى جانب الشعر حيث بدأ الرسم منذ نعومة اظافره و لسموه العديد من اللوحات الجميلة و المعبرة،


و لسموه ثلاثة دواوين هي :
- ماينقش العصفور في تمرة العذق.
- رسالة من بدوي.
- لوحة ربما قصيدة.
و لسموه العديد من الدواوين التي لا تزال تحت الطبع و هي تحتوي على الجديد من القصائد و اللوحات




[/frame]
قصـــــــــــــــائــــــــــــده


اول ليلة

اول ليلة غبتى عنى ماهى ليلة
هاذى بحر من السواد
اول ليلة اسهر كانى فى الف ليلة
الف ليلة من سهاد
ضى شمعى ماهو ضى
نار دمعى ماهو مى
كنت حى ومانى حى
كافى ياروحى بعاد
ماهى عادة امشى وحدى
احكى وحدى
ابكى وحدى عالوسادة ماهى عادة
كل شئ فى عيونى ذابل
مثل اوراق الخريف
غيم ونجوم وسنابل
وخطوتى فوق الرصيف ضى شمعى
ماهو ضي نار دمعي ماهو مي
كنت حي وماني حي
كافى ياروحي بعاد
ماهى عادة لما تزعل
تنسى تسال ويقسى قلبك من عناده
ماهى عادة كنت اتخيل غيابك
كل ساعة او دقايق مادريت انى فى عذابك بأشعل ضلوعي حرايق


كلمات : الامير بدر بن عبدالمحسن
]






تذكٌر .. صوتك يناديني
تذكر ... تذكر
تذكر الحلم الصَغير
وجدار من طين وحصير
وقمَرا ورا الليل الضرير
على الغَدير
لاهَبٌت النسمَة تكسر
جيتي من النسيان
ومن كل الزمان
اللي مَضَى ... واللي تغٌير
صوتك يناديني تذكٌر
ناديتي ... خانتني السنين ... اللي مَضت راحت
ناديت ... ماكن السنين ... اللي مضت راحت
كنا افترقنا البارحة
البارحة .... صارت عمر
ليله ... أَبَدْ عيٌت تمرٌ
ياجمرة الشوق الخَفي
نسيت أنا وجرحك وفي
يتذَكر الحلم الصغير
ريانَة العُود ... نادي
نادي الليَالي تعُود
بشوق الهَوى ... بوعُود
بوجهي اللي ضيعته زَمَان
في عُيُونك السٌود ...
ياالضحكة العَذبة
عَنك الصٌبر ... كِذبه
وفيك العُمر موعود
اشتقت للحلم الصغير
واشتقت لجدار وحصير
وقمَرا ورا الليل الضرير
على الغدير
ان هبت النسمَة تكسر










بحر العيون




تقول اللي طرف عينك أنا مدري هدب أو عود
أحس اني من اللي صابها ماشوف قدامي
ضحكت .. وقلت لاتخافي على بحر العيون السود
على شط الكحل مريت .. وهذا موضع أقدامي
أدوّر عن ذهب عمري .. أدور كنزي المفقود
وأشوف الموج يطوي الموج ويبحر مركب أحلامي
عيوني بسمة اعيونك ولو صارت مطر ورعود
أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود
أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم .. وهم الدنيا قدامي






انتي اللي وحدك لي قصيدة



كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..






اغصان المساويك قصيدة




تجلس عجوز .. في اول السوق ..
وبين الشبابيك .. وتبيع السوالف ..
وأغصان المساويك ..
ومايخالف .. لو باعتني الحكي ..
الحكي غالي هــ الايام ..
مريتها .. ابي الكلام ..
قلت : ياخاله أنا ..
ان نسوني الناس .. زعلت ..
والى اذكروني الناس .. زعلت ..
صمتي وحروفي مبعثره ..
ضحكت وقالت :
لو عدلت .. سلمت قلب وحنجره ..
ماعطيتها فلوس على هذا التعب ..
وماريحتني من التعب ..
قمت وعلى عيوني غباش ..
مدت لي مسواك جديد ..
عييت ..
وقالت لي بلاش ..
ان كانت سنونك نظاف ..
حطه في جيبك ياولدي ..
يجلي محانيك الرهاف ..
من كل اأحساس ردي ..







يسعد صباحك قصيدة


يسعد صباحك .. ليلنا تو ماجا
الشمس غابت واشرقت عندكم شمس
هى شمسنا اللي في جبينك تلاجا
والا قمرنا اللي فقدناه من امس
ليل السما برد وسحاب وعجاجا
يامن يشب النور في الخاطر العمس
انتى وانا لو كان منا نتناجــا
لاماطفت في خاطري شمعه الهمس
ياللى جرحتك مالجرحي علاجا
ادري الجروح النازفه تكره .. اللمس
بقول احبك وان عقدتى الحجاجا
لا قولها ثنتين واربع مع خمس
ويسعد صباحك يابعد كل ماجا
وماراح من عمري وانا في رجا الشمس





غداً،،،،،يـــــــــــــــــتـــــــــــــــــــــب ــــــــع

[ابو مشعل الحريري]

لك التقدير والاحترام على هذا الموضوع 0 والبدر شاعر كبير وله كلمااات راائعه بشكل عام ومما رئيت له في دوواينه



قصيدة رائعة واعجبتني 0 استبيحك العذر في اضافته 0

تاقف على طرف الهدب ما تلمحك عيني
عاتبت أكيد إن العتب ما كان يعنيني
سلم أبرّد السلام .. وهذا ترى كلّ الكلام
اللي بقى بينك وبيني .. تخيّل
★
اليوم مشتاق لسما .. للشمس والأرض البعيد
اليوم ولغيرك أنا يطرى على بالي القصيد
اشتقت للقلب الخلي .. وش هم لو تعتب عليّ
جيتك أنا بليلة ألم .. قلبي على كفي
همست لي روح يا غريب .. الشوق ما يكفي
سلم أبرّد السلام .. وهذا ترى كلّ الكلام
اللي بقى بينك وبيني .. تخيّل
★
من وين .. ومنين ومتى بالله ذكرني ..
جيتك أنا فليلة شتا .. تهزني ريح الشمال .. تهزني
محتاج أنا لبسمة وشال .. محتاج لك ..
تركتني لبرد الطريق وأنا على بابك
أتذكر إنّك قلت لي .. بالله وش جابك ..
ودعتني قبل السلام .. وهذا ترى كلّ الكلام
اللي بقى بينك وبيني .. تخيّل

[شذى الريحان]

اقتباس: المشاركة الأصلية كتبت بواسطة ابو مشعل الحريري      لك التقدير والاحترام على هذا الموضوع 0 والبدر شاعر كبير وله كلمااات راائعه بشكل عام ومما رئيت له في دوواينه قصيدة رائعة واعجبتني 0 استبيحك العذر في اضافته 0 تاقف على طرف الهدب ما تلمحك عيني عاتبت أكيد إن العتب ما كان يعنيني سلم أبرّد السلام .. وهذا ترى كلّ الكلام اللي بقى بينك وبيني .. تخيّل ★ اليوم مشتاق لسما .. للشمس والأرض البعيد اليوم ولغيرك أنا يطرى على بالي القصيد اشتقت للقلب الخلي .. وش هم لو تعتب عليّ جيتك أنا بليلة ألم .. قلبي على كفي همست لي روح يا غريب .. الشوق ما يكفي سلم أبرّد السلام .. وهذا ترى كلّ الكلام اللي بقى بينك وبيني .. تخيّل ★ من وين .. ومنين ومتى بالله ذكرني .. جيتك أنا فليلة شتا .. تهزني ريح الشمال .. تهزني محتاج أنا لبسمة وشال .. محتاج لك .. تركتني لبرد الطريق وأنا على بابك أتذكر إنّك قلت لي .. بالله وش جابك .. ودعتني قبل السلام .. وهذا ترى كلّ الكلام اللي بقى بينك وبيني .. تخيّل

اشكرك اخي الكريم على كلماتك اللطيفة
وتشرفت باضافتك الرائعة واتمنى من جميع محبين قصائد البدر المشاركة في الموضوع
تسلم على اختيارك قصيدة جميلة من روائع البدر وانتظر منك المزيد
دمت في حفظ الرحمن

[ابو مشعل الحريري]

لك التقدير والاحترام 0 وهذه احدى قصائدة وهي ايضاً تحتوي في ثناياها الروعة والجمال كيف لا وهي لبدر بن عبد المحسن وكفاك بالاسم لصاحبه جماًلاً (البدر ) لتعرف ان مايقوله في الشعر جميل 0

( ((جفن الليل)) )


يطيح جفن الليل واهز كتفه
نجمٍ يشع وباقي الليل مطفي


واحاكي الجدران عن وصف غرفه
ماتشبه الجدران ويطول وصفي


وتملني الجدران واظهر لشرفه
تحت السما واسكر الباب خلفي


ريحٍ تهب وتسكن العظم رجفه
وتموت ريح وتسكن اوراق نزفي


على الروابي تهطل دموع وطفه
وتصب لمع بروقها وسط طرفي


ياطاري الغدران والعمر رشفه
مع قلها ياليتها يوم تصفي


الحب واجد مير الاقدار صلفه
والأرض واجد لكن الحلم منفى


واللي اعرفه راح ماعاد اعرفه
ولاظن يذكرني الى أقبلت مقفي


ماهو حبيبي مورد القلب حتفه
ولا هو حبيبي يفرح بوقت ضعفي


مر ثمر هالليل وأمر قطفه
يالحنظل اللي قمت اذوقه بكفي


متى الشوارع تجمع اثنين صدفه
لا صار شباك المواعيد مجفي


يابنت تو الليل ماراح نصفه
وياليل بعض اللي مضى منك يكفي

[كسرني رحيله]

كت كاته يالغلا رائعة في كل مانقلتيه
نورتي الشعر بوجودك لاعدمناك

[شذى الريحان]

اقتباس: المشاركة الأصلية كتبت بواسطة كسرني رحيله      كت كاته يالغلا رائعة في كل مانقلتيه نورتي الشعر بوجودك لاعدمناك

تسلمي ياقمر الاروع مرورك وتواجدك اللطيف

[شذى الريحان]

[frame="4 80"]الخل العنيد


تل قلبي .. تل طيرٍ على طلعٍ وكيد
جود المقرود سبقه وعيا يطلقه
يوم فاع اركى جناحه على قاسي الحديد
وانكسر ريش النداوي ولا الله وفقه
يكفخ القلب المشقي على الخل العنيد
ما وفا بالعهد لا شك قلبي صدقه
واهني اللي على الحول ينبت له جديد
وش سواة اللي جناحين قلبه محرقه
يا لطيف الروح وبحق خلاق العبيد
اكرم المملوك بالوصل والا فاعتقه[/frame]





[frame="8 80"]خروج من الأبيض



نودع الطفل..
في وقت الخروج..من الابيض ..
وبين الزبد والموج ..
نحرق ثيابه ..
ونسن انيابه
وتبقى البراءه ثلج ..
والزمن شمس ..
واعمارنا غابه ..
وكل ماكبرنا .. تكبر الغابه ..
[/frame]



[frame="2 80"]
يسعد صباحك


يسعد صباحك .. ليلنا تو ماجا
الشمس غابت واشرقت عندكم شمس
هى شمسنا اللي في جبينك تلاجا
والا قمرنا اللي فقدناه من امس
ليل السما برد وسحاب وعجاجا
يامن يشب النور في الخاطر العمس
انتى وانا لو كان منا نتناجــا
لاماطفت في خاطري شمعه الهمس
ياللى جرحتك مالجرحي علاجا
ادري الجروح النازفه تكره .. اللمس
بقول احبك وان عقدتى الحجاجا
لا قولها ثنتين واربع مع خمس
ويسعد صباحك يابعد كل ماجا
وماراح من عمري وانا في رجا الشمس



[/frame]


[frame="9 80"]

تحت المظله



مطـر.. معـلق .. بنـصف السـما .. لا ينـهمـر.. ولا يرتـفع ..
وكل ما بغـينا نجـتمع.. تحـت المصابيح الزرقـا.. يطيح منه رذاذ ..
اما انـهمـر فرقا .. و الا تـقـطع وصـل .. يا مـاطـر الليـل ..
لا تاقـف بوسـط الـسـما ..

لك هـالـشـوارع .. انما تـكـفيـك.. سـاعـه .. سـاعـتيـن ..
بنـشـيب وحـنـّا واقـفين.. تحت المظله .. ماهو خـوف من البـلل ..
لكن حـنيـن .. للمصابيـح الزرقـا.. ولليلةٍسـمراء.. سـماهـا صافيه..
ومـوعـد لعـيونهـا..

والله غـرفنـا دافـيه..
ولهـا شـبابيـك وسـتايـر..على البـروق .. لكن .. زهـقـنـا بيـوتنـا ..
واللي يخـليـك .. اما انهـمـر.. والا ارتـفـع ..

تـمـرّ.. سـاعـه الا ربع .. وتـو الـسـحـاب.. مـا يـدري وش يبـي ..
أخاف أسـأل صـاحبـي .. ويقـول .. خـلـّـنا نـسـري..
ويـن نـسـري.. بـدري..
بـدري على المـسـرى ورا الـسـحاب قمـرا .. وقمرا ورا الأبواب..
تبـي المطـر يـرقـا .. وتهـطـل نجـوم .. وتظهر علي ..أنا لـو علي..
تحـت المصابيـح الزرقـا .. قـلبـي بيحـوم .. مثل الفـراش ..
تحـت الرشـاش .. والا الصحو .. لين أشـوفـك .. مـقـبـله ..
والله .. ضـلـوعـي مـبللـه.. بالـشـوق ..
ومـا ودي احاكـي صاحبـي .. ولا أسـاله .. بيقـول .. خـلنا نـسـري..
ويـن نـسـري بـدري .. سـاعـه وربع.. وحـنا واقـفيـن تحت المظله..
اما أنهمـر فرقـا .. والا تـقـطع وصـل .. يا ماطر الليـل ..
لا تاقـف .. بوسـط الـسـماء ..



[/frame]


[frame="3 80"]

الأربعين


ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود



[/frame]

[frame="1 80"]
أرقام





في آخر الصفحه .. يسار ..
خبر صغير .. حادث قطار .. مات أربعة ..
مكتوب في السطر الأخير ..
باقي التفاصيل .. في الصفحة العشرين ..
على الثرى .. وبين الورق ..
أجسادهم امقطعة ..
الأربعة .. لجل المساحة ماتشيل ..
وفي باقي الصفحة صور ..
فنان .. وحصان .. و كور ..
وابحث عن الخبر الحزين ..
في نهاية الصفحه يمين ..
حادث قطار ..
ماتوا ثلاثة وطفل ..
وباختصار .. شديد .. شديد ..
كان القطار .. هو الوحيد ..
اللي بأسم ..
بلا ملا مح .. أو أسامي ..
ليه كلنا نموت ..
ليه نهمل الجثه ..
ونتذكر التابوت ..
لأقدامنا صوت ..
من يسمعه ..
من يسمع الأقدام..
هم مروا من تحت الكلام..
الأربعة ..
وصاروا أرقام .. أرقام ..

أنا رقم .. اصقه ضرير ..
المشكلة .. مثلي كثير..
يجمعنا حب الهاويه ..
احلامنا .. انا نصير..
وقاماتنا متساويه..
نركض على ورق الحياه ..
لين ننمحي ..
المشكله مانستحي ..
إنا نمرّ ..
ماشافنا انسان ..
ولا سمعنا انسان ..
اكتبني يالنسيان ..
انا رقم ..


[/frame]

[شذى الريحان]

اقتباس: المشاركة الأصلية كتبت بواسطة ابو مشعل الحريري      لك التقدير والاحترام 0 وهذه احدى قصائدة وهي ايضاً تحتوي في ثناياها الروعة والجمال كيف لا وهي لبدر بن عبد المحسن وكفاك بالاسم لصاحبه جماًلاً (البدر ) لتعرف ان مايقوله في الشعر جميل 0 ( ((جفن الليل)) ) يطيح جفن الليل واهز كتفه نجمٍ يشع وباقي الليل مطفي واحاكي الجدران عن وصف غرفه ماتشبه الجدران ويطول وصفي وتملني الجدران واظهر لشرفه تحت السما واسكر الباب خلفي ريحٍ تهب وتسكن العظم رجفه وتموت ريح وتسكن اوراق نزفي على الروابي تهطل دموع وطفه وتصب لمع بروقها وسط طرفي ياطاري الغدران والعمر رشفه مع قلها ياليتها يوم تصفي الحب واجد مير الاقدار صلفه والأرض واجد لكن الحلم منفى واللي اعرفه راح ماعاد اعرفه ولاظن يذكرني الى أقبلت مقفي ماهو حبيبي مورد القلب حتفه ولا هو حبيبي يفرح بوقت ضعفي مر ثمر هالليل وأمر قطفه يالحنظل اللي قمت اذوقه بكفي متى الشوارع تجمع اثنين صدفه لا صار شباك المواعيد مجفي يابنت تو الليل ماراح نصفه وياليل بعض اللي مضى منك يكفي

اشكرك على المشاركة الله يعطيك العافية

[Ł ō ņ ч]

*.

لا .. لآ بدر بن عبدالمحسنْ..
إخِتيارْ عَذب ْفيهِ الجَمال الكَثيرْ ..!!
..............|| كت كاته||..............

ودَآدْ مِنْ القَلبْ ..إليّك ْ~}
. .



..

(( الجدران ))
المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالأحمر الناري ..
ومحاصرٍ باسلاك .. علقت بها وردة ..
أوراقها المنزل .. والبرعم الأفلاك ..
***
وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق ..

***
أما الثالث من الجدران ..
معلقٍ عليه صورة .. لإنسان ..
من دفتر نفوس .. مكبره ..
مدري جفونه مبخره ..
ولال تجاعيد خيوط .. دخان
وفي الركن كرسي خيزران ..
يجلس عليها الوقت ..
وجريدة ٍ عنوانها باهت .. تغفى على الإسمنت ..
وفوقها كوب فارغ .. وفتات خبز ..
وأصابع ٍ للجوع صفرا مكسره ..

***
ويبقى الجدار الأول ..
وهو أعرض الجدران .. وأكثرها وقار ..
وهو الوحيد اللي انبنا ف نور النهار ..
بوابته على الطريق الرملي ..
صَفت أحجار درجها .. بصبر ..
وش كنها .. ؟؟
سنونٍ صفر .. في فمٍ مذهول ..
وظلما تشدك للدخول .. تشدك ..
وكل ما مسكت اكرة الباب النحاس بيدك ..
تلطخت بدم ٍ طري ..
الجرح نزفٍ يحتري .. أما الطعون ..
وين الطعون .. راحت ..

***
البيت ثلاث جدران .. ورابع ..
مالهم طابع .. يجمعهم ..
يشبهون أهلهم ..
وما صادفوا غير الحياة ..

((اغفر لي الزله ))

أبيك في كلمةٍ لو هي خطا تغفر لي الزله
وردتك ظاميٍ وان عز وصلك بااقطع حبالي
أحبك ذا ترى أول كلامي .. وآخره كله
ولكن وش يضر اليوم لو تدري عن احوالي
وخذ ما جاز لك من هالحكي واللي تبي خله
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقدر تطوي الدرب البعيد وتقدر تفّله
ولكن صعب تمنع في الهوى صبري وترحالي
وتقدر تغمد السيف الرهيف وتقدر تسلّه
ولكن عند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعزك في الهوى ما تقدر تذله
ترى قربك يزيدك بالغلا وان عفتني غالي

[شذى الريحان]

اقتباس: المشاركة الأصلية كتبت بواسطة Ł ō ņ ч      *. لا .. لآ بدر بن عبدالمحسنْ.. إخِتيارْ عَذب ْفيهِ الجَمال الكَثيرْ ..!! ..............|| كت كاته||.............. ودَآدْ مِنْ القَلبْ ..إليّك ْ~} . . .. (( الجدران )) المنزل ثلاث جدران .. ورابع .. ما بينهم ضايع .. متشقق وعاري .. ويميزه شباك .. ضيق .. مصبوغ.. بالأحمر الناري .. ومحاصرٍ باسلاك .. علقت بها وردة .. أوراقها المنزل .. والبرعم الأفلاك .. *** وعلى الجدار الثاني .. وأمثال .. وأغاني مكتوبة بكسرة فحم .. وصندوق خشب .. مزخرف بغير الذهب .. غير الجواهر .. تحت الكتابه نافر .. فوقه ظلالٍ عريق .. مثل العنيد .. من الجروح .. مثل السيوف اللي مقابضها حديد .. أسرار من ماتوا بعيد .. وما خلفوا حتى الورق .. *** أما الثالث من الجدران .. معلقٍ عليه صورة .. لإنسان .. من دفتر نفوس .. مكبره .. مدري جفونه مبخره .. ولال تجاعيد خيوط .. دخان وفي الركن كرسي خيزران .. يجلس عليها الوقت .. وجريدة ٍ عنوانها باهت .. تغفى على الإسمنت .. وفوقها كوب فارغ .. وفتات خبز .. وأصابع ٍ للجوع صفرا مكسره .. *** ويبقى الجدار الأول .. وهو أعرض الجدران .. وأكثرها وقار .. وهو الوحيد اللي انبنا ف نور النهار .. بوابته على الطريق الرملي .. صَفت أحجار درجها .. بصبر .. وش كنها .. ؟؟ سنونٍ صفر .. في فمٍ مذهول .. وظلما تشدك للدخول .. تشدك .. وكل ما مسكت اكرة الباب النحاس بيدك .. تلطخت بدم ٍ طري .. الجرح نزفٍ يحتري .. أما الطعون .. وين الطعون .. راحت .. *** البيت ثلاث جدران .. ورابع .. مالهم طابع .. يجمعهم .. يشبهون أهلهم .. وما صادفوا غير الحياة .. ((اغفر لي الزله )) أبيك في كلمةٍ لو هي خطا تغفر لي الزله وردتك ظاميٍ وان عز وصلك بااقطع حبالي أحبك ذا ترى أول كلامي .. وآخره كله ولكن وش يضر اليوم لو تدري عن احوالي وخذ ما جاز لك من هالحكي واللي تبي خله انا لا قلت ما في خاطري والله ما بالي ظلال العاشق جروحه ومن ما يتبعه ظله أمانة يا شعاع الشمس لا تغضب من ظلالي وتقدر تطوي الدرب البعيد وتقدر تفّله ولكن صعب تمنع في الهوى صبري وترحالي وتقدر تغمد السيف الرهيف وتقدر تسلّه ولكن عند خلاّق البرية علم الأجالي متى عمرك سمعت بعاشق قد مات من غلّه هذاك الحاسد وراعي الهوى تتلفه الأمالي حبيبي من يعزك في الهوى ما تقدر تذله ترى قربك يزيدك بالغلا وان عفتني غالي

اشكرك ياعسل على كلماتك اللطيفة

وياسلاااااام على اختياراتك روعة وانتظر منك اكثر
تقبلي فائق احتراماتي



يتبــــــــــــــــــــــــع




.